629 淥易搞 (已結業)

26蚊 食一個下午茶可以揀雞扒牛扒豬扒或者雞中翼， 可以配薯條薯角或者沙律， 凍飲加三蚊都仲係好抵。 地方十分現代化係好乾淨企理。卡位稍為迫少少但仍然可以接受。 份扒唔係大大份 但作為下午茶其實真係可以接受。 味道中規中矩， 但係喺太子可以有得咁舒服嘅地方歇歇腳 其實算係咁㗎啦。 泊車呢門口係可以 停下嘅但唔係咪錶， 地鐵呢就太子d出口上咗地面轉左。

餐廳外貌唔突出，但內裏裝潢時尚，座位寬躺。坐下來時差唔多十一點幾，原來特餐有部份一律$33，飲品另加錢，熱飲+5蚊, 凍飲加7蚊。價錢算中位。叫左個熔岩肉餅飯同三寶丸喇沙米。喇沙米味道不過不失，略嫌唔夠濃味，丸就一般魚丸，魚丸同貢丸，無乜好寫。熔岩肉餅原來係鹹蛋source加上肉餅，個source幾重鹹蛋香，令到個肉餅食落多左層味覺，幾好。不過係個肉餅份量真係小d。但有樣嘢要扣分，就係去餐廳洗手間時發現兩隻成寸幾長嘅曱甴響狹小的洗手間內遊走。

上次12月6日同女朋友兩個黎呢間食過shakeshake海鮮，覺得海鮮新鮮，份量都大，醬料又惹味，加上店鋪唔算多人，坐得幾舒服，加上佢既圍裙既圖案，直頭令我覺得係抵食版既Mr crab。上網睇下發現應該係開左冇幾耐既小店，所以單都未埋就同親朋好友介紹，支持下本地小店。可惜今晚同埋屋企一行六人過泥，發現好多料都冇貨，例如龍蝦，雞翼等小食，亦聽到另一台客話好多火鍋配料都冇。我地叫既野食同上次差唔多，但今次蝦蟹真係細到眼都凸，160$1隻既蟹個蓋同tempo咁上下。鮑魚同40$4隻罐頭鮑大細相若，而68蚊六條既聖子，最大個條同手趾尾咁上下大。再者，我地同侍應反映蟹同蝦實在太細隻，答覆係來貨係咁就咁細，上頭交戴落細都唔會比多隻，但一分鐘後又話你要咪比多隻你囉。我地當然冇要，施捨咁。簡單啲講，兩星期前物超所值，今日真係比都唔食。由於用手套食，我地都冇乜影相。平心而論，海鮮算新鮮，但size真係兒童餐咁，加上職員既態度…認同做生意要揾錢，但錢唔係咁揾。衷心希望唔會再有人中伏。食物都其次，成家人都唔開心，何況太子旺角真係大把好野食，唉！

我平時冇寫開食評，都要特登過黎post見門面幾靚就入去食。六點幾冇咩人，唔洗等。叫咗雞扒喇沙 (近$50)同搞搞麵(近$80)。雞扒鞋，冇味。搞搞粉啲粉太咸太酸太辣，咩味都太多，吊筒卻冇味，兩隻都冇食到。份量好細食唔飽。最離譜係，米線舖格局，竟然要加一，餐牌冇話要，水又冇杯，咁樣喺香港做生意?!食得一肚氣，唔明點解咁多好評。 想生意長做長有，就唔可以只靠gimmick嘢，真係有好嘢食，價錢合理先做得住。

尖沙嘴間shake shake海鮮開嘅時候已經想去試試，但因為價錢唔平又唔就腳所以遲遲都未去。點知！比我發現太子都有間shake shake海鮮，價錢仲相當親民，咁梗係即刻去試下啦。餐廳有提供手套同圍裙，相當貼心。一坐低就嗌咗杯荔枝特飲，＄38細細杯，賣相唔錯，但係係濃縮果汁沖出嚟的，唔算難飲，味道偏甜。(5/10分)之後就揀海鮮同醬汁，我就揀咗青檸醬。廚房烚熟海鮮之後放係膠袋入面，店員拎出嚟shake就食得啦！海鮮新鮮好食，我仲嗌咗金針菇同埋娃娃菜，青檸醬味道酸酸辣辣，不論同蔬菜定海鮮都非常之夾，蜆蚌同鮑魚都十分鮮甜彈牙，正！(8.5/10分)除咗shake shake海鮮，我仲嗌咗麻辣小龍蝦，食落麻辣味唔夠，冇咩龍蝦鮮味，呢個就唔太啱我口味，個人覺得麻麻，可以唔使嗌。(5/10分)冇嗌飯麵，淨食海鮮食飽有點空虛，但都還算ok，多人去嘅話建議嗌個主食，咁多海鮮埋單300幾，抵食！

今日係太子做野，諗住睇下太子有咩好食啦，見到呢間食海鮮嘅，睇d食評都唔錯咁，又近近地，就決定試下呢間有午餐set，見到都幾抵食，午餐set仲包熱飲咁呢間野出名食海鮮，我就叫左喇沙海鮮米線+熱檸茶等店員來同我落單都等左成10分鐘，我坐得比較入，然後成間舖得一個樓面落單，雖然唔係滿座，不過都真係等幾耐下。碗米線終於到啦，都幾香下嘅，海鮮算俾得多，有青口，4隻蝦仔，1粒墨魚仔咁啦，不過一入口碗喇沙真係唔係幾得喎，得個辣字，我連鹹味都唔係好食到，不過d海鮮就幾新鮮嘅，然後連杯熱檸茶都係0茶味，第一次食到咩叫淡過水😭😭😭

每次經開呢間食店，都比佢綠色鋪面吸引，因為太搶眼了😆呢日就比佢吸引左入去食飯勒🤣下午茶餐選擇都幾多，就試下佢個喇沙海鮮米線，首先好抵食，都好足料，有幾隻蝦，有蟹柳，有墨魚仔同埋青口，仲包多杯野飲，$36算不錯的選擇👍🏻

市面上越黎越多食海鮮既食肆，因為海鮮既菜式真係永遠都咁吸引人，不過普遍要食海鮮大家都會諗起酒樓或者火鍋店，而且價錢都唔平。而淥易搞哩間餐廳,為我地帶黎平民價海鮮，連龍蝦都有得食，重點係仲要用新方式黎煮海鮮，Shake Shake 薯條就食得多，Shake Shake海鮮你又試過未呢？ 對於我來講的確新奇，淥完既海鮮，用秘製醬汁調味，開頭會驚唔夠味，但完全唔會仲好惹味。 而且餐廳好貼心仲要有圍裙同手套供應。店員仲會係你面前烹調，睇到都流口水非常足料,成袋都滿哂，好入味，今次我就揀左青檸汁，因為感覺上青檸同海鮮好夾，酸酸地辣辣地，咁岩個日冇龍蝦，唔係一定會叫，今次就叫左鮑魚、象拔蚌、基圍蝦、大蜆，以價錢唔貴黎講，質素都高喔！新鮮爽口而且我覺得一定要叫蔬菜，吸收哂d醬汁同埋海鮮味，好味～間中搞搞新意思，食都食開心d

路過吃午餐，$78一大碗新鮮雜錦鮮茄薯仔米線，蕃茄濃湯底，有數件鮮茄、薯仔，牛根腩，非常鮮味可口，我全喝了。海鮮有4大隻青口，5隻蝦，入口彈牙鮮甜，蟹柳和小墨魚各2件，味道一般，其實可免去，就算免去，整碗湯米線都很抵食。Menu 還有龍蝦麵、喇沙湯粉、台式湯麵和10多種小食，雖不及茶餐廳的選擇多，但作為午餐也很足夠了。另外也有11款特餐、10多款下午茶餐，價錢20至60不等，十分經濟。下次再路過太子，一定再幫襯。

今日經過太子整完小小野行下睇下附近有咩新既特色餐廳行行下見呢個個名玩味十足既餐廳，食晒字咁就一於入抬試試究竟有咩特色。入到去餐廳設計得幾有特色面口位有2個魚缸入面裝滿左是日精選海鮮估唔到餐廳雖然細細地都有幾多海鮮選擇，坐底黎到當然要試下特色既shake shake海鮮啦餐廳海鮮性價比幾高而且點完想搞既海鮮或者其他食品然後再揀調味，而調味有幾款選擇今次就揀左麻辣口味既小辣。隔一陣店員就拎住一個筲箕，而筲箕上就有一袋裝住加左調味食品之後店員會係你面前撈匀shake，搞完拌匀好晒後就可以帶上圍裙同手套拎黎食。點左幾款海鮮有蝦，蟶虸，蜆入面無沙而且肉質新鮮彈牙唔會腥，麻辣味完全融入晒係海鮮入面辣中後勁帶麻估唔到麻辣味都幾重要飲返罐可樂解下辣，其他食品有蟹柳粟米感覺好似食緊乾身版既麻辣火鍋感覺好新鮮。仲點左店內一款特色既搞搞撈起麵有三款海鮮搞搞麵最後點左海鮮雜錦味入面有好多款海鮮有青口鮑魚墨魚同蝦而且份量唔會少每款都有三隻好抵食，搞搞麵爽又彈牙加上用蒜蓉用底似撈好後食好香。呢間有特色又有誠意既餐廳好有意思而且服務態度又好下次會再黎試下其他美食😋

行過太子，又比電視機的食物介紹吸引住，shark shark海鮮好似好有趣，好美味咁，於是入去試吓海鮮有好多選擇，小龍蝦，蝦，蟹，貝殼類，龍蝦就可以揀半隻或全隻，醬汁有四款選擇，青檸醬，茄辣醬，麻辣醬，蒜蓉醬，除蒜蓉醬外，其餘三款大中小辣任君選擇，我就揀咗蒜蓉醬，至於食材就揀半隻龍蝦，，聖子，大蜆，基圍蝦等左一陣侍應就拎左一包海鮮係我地面前shark 左一陣，打開囗，已經見到綠綠嘅荽茜同粒粒蒜蓉包圍住剛熟海鮮先吃一只大蜆，鮮甜味美加上粒粒蒜蓉，好味龍蝦頗大隻，個拑好大隻，啖啖肉，蒜蓉汁有牛油同蒜香味，龍蝦肉同牛油好夾，所以食落好香滑，肉質彈牙，爽口新鮮！$168一隻好抵食，下次一定每人叫一隻食聖子有三隻，肉質鮮美，好新鮮好甜美基圍蝦，好香蝦味，剝完蝦殻再沾上蒜蓉汁更加野味有我至鐘意飲嘅日本啤酒，有白啤同黑啤門口魚缸雖然細細地，但係D海鮮好新鮮，另外值得一讚除左海鮮新鮮，煮既時間都拿捏得好好、烚得恰到好處，唔會over cook座位寬落，裝修企理，三五知己吹下水，慢慢食下野，飲下野的好地方

好姊妹準備結婚，於是喺太子行街，兩個人行到又餓又攰，於是喺附近搵嘢食，係open rice 見到呢間餐廳，有近地鐵站，於是行去門口睇睇，見到係食海鮮，就入去試試一入門口已經見到有個小魚缸，龍蝦帶子鮑魚好新鮮坐低一睇餐牌，海鮮價錢唔貴，Shark shark 海鮮有四款醬汁，唔辣有蒜蓉醬，辣醬有青檸醬，茄辣醬，麻辣醬。姊妹最愛吃麻辣，一見到就話要點麻辣醬，辣到有分大中小我地太肚餓，先叫一份小食七味雞中翼有驚喜，即叫即炸，雞翼醃得好入味，炸得外層脆卜卜，咬落好juice 食完個雞翼，待應就係我地面前將包海鮮shark 幾下，一打開個膠袋，已經門麻辣香味已經撲出黎貴妃蚌鮮甜，烚得剛好，同麻辣味好夾， 麻辣令肉味更甜鮑魚有四只，大大隻，新鮮彈牙，沾上麻辣更野味聖子吸收麻嘅香味同辣嘅味道，食落野味又鮮味墨魚仔爽口，連埋辣椒一齊食，刺激開胃粉麵類都好吸引，搵日中午再黎試下！

之前睇到d page話推介一間係太子新式既又幾特別既餐廳係以shake shake既形式去上菜咁搞笑當然要去試下！一早入到去唔洗排隊就可以入去食店員簡單介紹左點叫話直接係張過左膠既menu點就可以做法幾環保.見menu都有幾多海鮮可以選擇仲有龍蝦可以shake,即刻點返半隻shake下先除左龍蝦仲點左1-2款海鮮,除左海鮮外仲有少少肉類同蔬菜類可以加埋一齊shake所以選擇都幾多元化.龍蝦係波士頓龍蝦肉質爽口有彈性食落唔會霉可以感覺到係好新鮮平時最怕係剝龍蝦殻呢到乆貼心咁為我d懶人服務幫客人斬好晒d龍蝦肉一拎就可以食到好放便.基圍蝦雖然算唔上大隻但都好新鮮蝦肉都係爽脆既而且蝦殼唔會黏住d蝦肉一拆即刻分離睇得出新鮮👍🏻蜆肉清洗得乾淨而且無沙粒雖然體型細唔太有好多肉但蜆肉吸入晒d麻辣汁令蜆味無咁單一得咸水味.聖子蝗大大條足我無板咁大集同蜆一樣都係清潔得好好同蜆肉差唔多.除左海鮮同朋友點左3款海鮮以外既食材一齊shake,蟹柳雖然算唔上係海鮮但都好入味第一啖咬落口已經好大陣麻辣味湧入黎食完個嘴即係辣同紅晒,好過癮.講到配料不諭食咩菜式都好都心點既雞翼,雞翼外皮首先經過處理後外皮都仙帶有咬口,

今日收工前收到朋友話今晚帶我去食特別既野，我從未食過，我就滿心期待🧐講緊有咩甘特別，入到餐廳，待應就比左圍裙同手套我，第一次食中餐竟然係用手而唔係筷子餐廳環境都好靚，有小小歐美風，之後我地睇一睇個餐牌，原來係食海鮮，餐牌左是角仲有教你點去食，望一望個餐牌，價錢竟然五算貴，大約30幾左右就有一份，見到價錢甘平我地就叫左五同既海鮮試下，另外叫左一份少食，飲品方面我地見到有情侶套餐，覺得幾特別就叫左一杯試下等左五洗5分鐘就有得食，上菜都好快，因為我五食得辣，所以我地要左蒜蓉汁，佢上菜既方式好特別，個碟做得好真，五係近睇都五知原來係硬碟佢係一袋撈唒再倒出黎食，我地叫左蝦，鮑魚，生菜，牛排，大蜆，蚌，等等，海鮮都好新鮮，五會有沙，牛肉五會太硬，生菜同蒜蓉姐係絕配，另外我地叫左一份餃子，餃子係日式餃子，好好食阿，要試另外飲品叫左水密桃味，哇，原來好大杯，2個人都未必飲得唒，但第一次見，都算特別，食完先見到佢有每日推薦，早知叫黎食，價錢五貴，下次會再食

今日吃貨黎到太子尋美食，行過發現有淥易搞，當然上openrice搵一搵有咩推介，見到有其他食客好推介食海鮮，咁當然我地都吾執輸拉。入到去吾洗等位就可以直接入坐，可能係平日關係所以就吾洗等位，建議其他朋友仔吾想等就平日黎拉。入到去店員都好好禮貌比menu我地，仲有圍裙、有手套，真係好貼心👍🏻仲立即幫我地倒水，佢地呢到係用檸檬水吾係普通水，飲落去fresh。佢地既環境好舒服，令到同朋友仔食野都好放鬆。呢到既款式都有好多選擇，不過最令人注目就一定係shake海鮮，完全唔貴，而我地就叫左鮑魚、桂花蚌、蝦、大聖子、牛扒條、生菜、金菇😱😱而我地簡左蒜茸醬，黎到真係熱辣辣架，佢係即叫即整既，佢有個好似籃既碟，真係好似真🤣海鮮隻隻都好肥美好大隻，一啖根本就食唔哂😂佢地既蝦好大隻！而且入口好鮮甜，爽口又彈牙，叫左生菜同金菇簡直精華所在，索哂海鮮既鮮味，好入味！！🙀後尾再加左一杯情侶套餐飲品，唔好睇佢係黃色以為係波蘿，其實佢係水蜜桃梳打，味道吾係個D藥水味，真係有水蜜桃味架！！但係想講佢好大杯，兩個人都飲吾哂...總括黎講，佢地咁出名係有原因架！！大家都真係值得去try try，估吾到香港都仲有d平靚正既