616牛肉火鍋專門店 (三陂坊) (已搬遷) 新店位置

一入門口，就有個士多係度。當然只係裝修黎，但真係好懷舊好靚！見到最愛嘅媽咪麵都有唸過買唔買返包🤣再望過去係另一間鋪，影相好得意士多果頭有醬拎，有個秘製牛汁，好奇下倒左啲，甜甜地都唔錯。但個人認為打邊爐要重口啲，所以落左大量青、蒜🤣哩度都嚮應環保（？）用ipad點菜。我地揀左左下酸菜牛骨湯，鴛鴦湯開心啲！個酸菜一開頭覺得無咩特別，酸菜份量都多，有啲花椒（？）小小酸小小辣咁。後面愈食愈辣，正呀！牛骨湯似平時屋企煲嘅湯，個栗米味好勁🤣仲有個牛肉係入面充滿骨膠原的感覺叫完湯唔知點解會比西瓜我地食 叫左三隻肉，匙柄、吊龍伴同脖仁（ipad有介紹）。三個都好食！第一野6時6太耐搞到硬左啲，後尾問返原來6幾秒就得，10秒都唔洗！好食好多。脖仁最重牛味，同肥啲啲，一野sir落去喉嚨；我自己最中意吊龍伴，比較有咬口！佢有好多唔同部位食，個名好奇怪！下次要試埋其他🤤又係好勇咁叫左個牛骨髓食，因為未食過。佢個texture好得意，林林地，但又無咩味，google下原來好補！即刻食哂！最後覺得未飽，叫左兩個烏冬食，咁就岩岩好了！

其中一位女店員非常好人。我個女話佢好勤力。遺留了一把食剪，她追了我成條街俾翻我。太感動。我兩個女堅持要我開post俾個讚佢。最好老闆加佢人工啦其實幫襯過大圍同紅磡分店，荃灣呢間最舒服。奇怪反以少人幫襯。牛非常新鮮。牛滑同牛餃都好味有特色。加上特色裝修，平民價錢，抵讚

喺三陂坊呢條食街上，有間616牛肉火鍋專門店。因為已經訂咗枱嘅關係，所以唔需要等可直接入座，坐底店員已俾西瓜我哋火鍋前食。店內環境都幾舒適，有幾張枱都算隔得開，所以坐得舒服。坐後先望望Ipad Menu，簡單而清晰，㨂完㩒一㩒Send Order就可以。但係第一件事先選擇湯底，因為佢哋牛肉種類繁多要啲時間消化一下，所以先叫湯底後叫食物，湯底有6種，我哋叫兩個湯分別叫咗”鴛鴦酸菜牛骨湯底”同”牛雜湯底”。跟住開始揀牛肉，咁我哋就叫咗以下嘅牛，封門柳、脖仁、雙層肉、牛柳、尾龍、牛骨髓、胸口膀、牛心錠、牛朴肉、牛駝峰、清尾龍、黑栢葉，涼菜方面都叫咗一個冰麻牛試試。另外再叫啲粟米、響鈴、油麥菜、水蓮菜，羽衣甘藍、稻庭烏冬等等。一落完Order後店員話食物會喺20分鐘內送到，遲咗到的話嗰樣食物免費。叫完就出去攞醬料，呢個自助吧最特別係有個秘製牛肉汁。整完後話口未完湯底及食物亦陸續送上，由Order到送到嚟都唔洗8分鐘。 當牛肉放到滿哂張枱時，係時候開始淥喇！先食雙層肉，塊牛肉好肥，未淥時已經好吸引，淥好後放入口有入口即融感覺；封門柳，非常重牛味，少少靭有咬口。脖仁，牛肉食落非常之腍，咬一兩下就已

近日酷熱指數超高，岀一岀街都滿頭大汗。但雖然好熱，但天氣係唔會削減小妹對打邊爐的熱誠今日食神到，有人請食飯，成班牛魔王點會吾有牛食牛呢有人推介呢間616 牛肉火鍋專門店，聽個名都好吸引!一到門口，望入去小店行香港懷舊風，親切得黎有別於另外的火鍋店。鋪頭裝修新淨，完全感受到香港從前風味，由其呢個牛肉檔，坐係牛肉檔食住牛肉，入哂題!好勒，拿拿聲落單! IPAD 落單，有圖有價，要咩一禁就得，方便快趣，讚! 仲好方便CHECK住張單睇有咩未叫未食!睇睇MENU，除左好多好多牛，也有少量其他打邊爐既食物。 叫左個湯底先，一眼見到個牛雜湯底，個個都好想試，我地7個人，仲叫多左個酸茶拼牛骨湯底， 一次過滿足3個願望。推介: 牛雜湯底 – 用牛雜湯底擺牛肉去再點埋呎度自家牛汁，完美牛宴!!!酸茶拼牛骨湯底 – 多料又夠味，食得多牛味可以過一過口，感覺清新。調味料非常齊全，必試秘制牛肉汁更加提升牛肉的鮮味小妹最愛吃酸，加青檸汁配上牛肉汁，鮮味極了真係好多好多牛! 吾食過呢度都吾知牛有甘多吾同部位可以食同名字，今日真係學左好多野!三花腱 – 嫩而有口感慢煮牛腩 – 多汁香甜又啖啖肉腩頭-少少肥肉，有食肥

今日黎荃灣行街，係網上搵到一間專食牛既專門店，我地覺得幾特別，就決定黎試。因鋪頭新開既關係，環境唔錯，而且清潔，仲有一陣懷舊氣色。落單十分方便，想食咩就食咩，牛肉款式有十多款，包括一些稀有部位，岩晒食牛愛好者！醬料很齊，連牛肉汁都有。我地揀左鴛鴦鍋，熔岩沙爹+豬骨湯，沙爹好夠味，鐘意。牛肉方面叫左滑尾龍同三花腱，滑尾龍似滑牛，很嫩滑，三花腱肉味濃，有咬口，好食。其他火鍋配料十分新鮮，蔬菜夠爽甜，牛丸彈牙，有咬口，唔錯，掛湯能力高既烏冬配上熔岩沙爹，啖啖沙爹味，爽！我地食左咁多野先$400，因為唔收夠一，抵食，下次會再黎食！

店面係懷舊士多店, 但入面係室內既大排檔既座位~店內係用IPAD去點菜既,簡單方便,豆漿都係用返包裝豆漿, 多間麵店都係用呢款就唔多介紹~我最中意係呢到有自家醬料, 有專門點牛肉既牛肉汁,點牛肉黎食會好有鮮味, 仲有我喜歡既沙爹,辣油等.一開始有d西瓜食, 夏天黎講正好.牛朴肉我覺得係最岩HK人口味, 因為佢係同我地平時食開個D angus有小小似,比較爽口, 牛肉味都岩岩好, 所以呢個係最為大眾接受既肉,呢隻就比較硬身d, 有d紋係到, 咬落會比較爽硬既口感,牛味都算重, 主要唔同既牛係在於口感上既分別比較大, 味道差不遠.呢隻會加左個蛋, 其實就會整到d牛肉滑小小,煮完有小小似滑牛咁既樣,湯底就比較濃味, 夠大件,煮咩都方便,不過就無咩配料係上面, 整體黎講店員都好熱情, 味道都唔錯,  價格正常

之前食過元朗間616。一直都好想再回味一下終於等到荃灣店開啦 近近地 即刻落去撐場一下裝潢方面 係有特色嘅先叫左鹽燒牛串吊下口癮先 燒得岩岩好 入口彈牙又有牛味 堅好味之後就叫佢地最出名嘅牛雜湯底啦裡面有牛腸 牛肺 牛膀等等湯底好濃味 齋飲已經好正 重可以食埋 616啲牛肉真係多款又抵食 $48/$68就食到勁多特色牛肉 牛朴肉。匙抦。匙皮。封門柳等其中封門柳係全隻牛最濃味嘅一個部分而且有咬口 大愛牛朴肉相對地有啲脂肪 不過唔肥 比較爽口

他們有二樓，我們被分配坐地下，但地方也比較少，我們5人嚟到分配一張圓枱，全都是摺凳，放咗個宜家傢俬嘅黑色盒子方便我們放手袋！我們訂了6:30，差不多七點已經全舖滿座！帶着期望去食牛🐮，我們首先叫了湯底是牛雜鍋♨️，煱內的牛雜少到不得了，牛肚細到好似筷子的厚度，牙籤咁嘅尺寸，其他牛什都好似用切片機切出來的，相當之薄！😟我們差不多全部牛都點了🐮🐮🐮，牛的價格為$48，$68，看落價格相宜，但來的好似精品，疊疊精緻，牛肉切到薄片如紙張，大部分尺寸切到似5元的size，少部分好似十蚊紙接了兩次的size，放在鍋底裏烚了幾秒鐘，尺寸即刻縮到好似五毫子咁大！佢每碟牛都有跟一張小紙張寫上牛的部位什麼名稱，但一烚完尺寸少到根本食不出有什麼分別！他們付上一個烚麵的大筲箕，我試咗一次烚7件不同部位的牛，真的也分不出什麼味道分別，可能真的尺寸太細了！這個店舖全部只有牛提供，❌沒有其他肉食可點，如果有朋友不吃牛的就不可以來了。🐮🥟牛肉餃子店員叫我們要烚耐少少，但肉質比較鞋，唔好食😖！蔬菜類全都收$28，有羽衣金蘭。他們仍未有酒牌🍻，如果要飲啤酒🍺的都是自己出去買，但他們有冇冰桶提供，買多了回來都是變熱了！我們一

近來發現616火鍋店越開越多，是晚同朋友黎試下新開張的荃灣店，個人覺得他的牛確實好味，雖然自己對牛的部位認知不多荃灣店用上懷舊裝修，玩味性質甚濃，有別於一般火鍋店。爐頭是gas爐，火力都幾猛啦。另外落單用pad，揀完㩒send不怕落錯單，亦可節省人手，方便快捷。有餐前水果送，清清喉嚨？醬料費（$10）醬料自助，去枱上想要個種就加吧，個人推介點秘制牛汁，因為豉油太濃味會蓋過牛味。牛雜湯底（$68）湯底要了牛雜湯，各式各樣的內臟都有，好入味，湯頭清甜，未開始打邊爐前先飲左兩碗湯，哈哈封門柳（$68）顏色看似不吸引，但好好味，牛味極濃。匙柄（$48）呢款較有咬口，散發著牛鮮味。金花趾（$68）口感特別，半肥瘦甘香又彈牙。羽衣甘藍（$28）黎個super food食下先，淥一淥食得，爽脆先好食，唔好淥太淋。稻庭烏冬（$28）偏烏冬黎㗎，真打細細塊，幾秒食得，牛味勁正。烏冬吸飽牛雜湯裏的牛肉味同牛油，勁正喎，完全唔需要再加醬料。雀巢檸檬茶（$9）＆豆漿（$9）飲品無咩揀，都係一般汽水咁啦，較特別一0係有豆漿，哈哈，第一次打邊爐飲豆漿。牛真係好好好好好好味，食到朋友舐舐脷

本身諗住係屋企打。。。但基於某個原因，轉左節目地點。。。。去荃灣。。。本身都驚今日係母親節會好難搵位。。。咁岩得咁橋。。。係open rice見到有間打邊爐有得訂位。。。good。。。驚唔好食。。當然睇下啲食評先。。。幾個都話唔差。。。所以我就照原訂計劃。。。去呢間616火鍋店。。。去到。。。環境好好。。好乾淨。。好舒服。。。位唔多。。。多數訂位。。。見到全部都食牛。。。牛魔王既話一定ok。。。好多古怪位置都有得食。。。如果要講話質數。。。佢唔算高級。。。但係勝在佢服務好好。。。野食都好新鮮。。。價錢都好優惠。。。。四個人食每人兩舊水。。。係個聚會既好去處。。。

616應該是取其諧音淥一淥吧～之前已聽過此店，知道在荃灣開了新分間，便去試試啦～此店位於大排檔林立的二陂坊，店外也可以坐，非常熱鬧～打開門就會看到舊式屋邨的模樣～一邊牆身是鐵閘加街招，另一邊則是舊式零食牆，我們就是坐零食那邊，最初以為零食是裝飾用，但原來是另有用途店內不太大，有大約五張檯，全部都是木摺枱及櫈，要加上卡式GAS爐，完全是屋企的感覺～用I Pad下單，點了牛雜湯底，很大煲而且內有好多牛雜，食物方面點了以下：有部分是罕見雕鑽的呢～牛朴肉 - 不知道實際時那個部位，但超淋又夠肉味，正手打牛滑 - 本以為會很蘇很韌，但意思地超淋又沒蘇味，好食黑栢葉 - 有咬口，另配上指定醬料，不錯牛丸 - 很彈牙又淋，份量很多，好味牛坑爪 - 有咬口及肉味，不錯吊龍伴 - 依然不清楚是那個部位，但很淋，好味粟米 - 很甜而且夠大舊牛舌串 (鹽燒) - 夠厚身，加上黑椒粒，好味皇帝菜 - 個人很喜歡，不錯話說吃到中途，隔離枱的叔叔在零食櫃拿了花生來吃，他說全部都可以食啦～嘩～全部零食都是小學的回憶呢～超開心～有些零食已經很難找到啊～絕對會推介朋友來食～

朋友帶我去荃灣三陂坊食飯，任我揀食潮洲打冷、串燒、烤魚、粥鍋或火鍋。視察完一輪之後，都係揀咗食牛肉火鍋，因為貪呢間新開新裝修。不過，等位就等咗我哋半粒鐘 (其實，呢個時間，無論邊間都要等位㗎喇)。樓下裝修係好有懷舊風的，可惜無位，被安排上了樓上坐。呢度有樣嘢好，就係冷氣夠勁，食火鍋唔怕熱到標汗。不過，弊就弊在樓底唔高，啲食客又比較草根，喜歡高談闊論，互相問候娘親之聲比比皆是，有點煩厭。樓上裝修無樓下咁講究，但亦都放咗啲懷舊嘢 (家下潮流興，呢度都唔例外)。“包保好味”? 係真唔係呀? 食過先知。呢度都幾先進，點菜係用 mini iPad，Look 下，篤幾下，就完成點菜動作，仲有食物說明，好方便。樓梯旁邊設置咗一個小區域，俾客人自己混醬。店員誠意推介要試 “秘制牛汁”。試過之後，覺得有七分似以前電視台May 姐推介嗰隻雞汁。上嘢都好快，都未混完醬，啲嘢就上齊。【牛骨清湯 $38】講咗係牛肉火鍋專門店，梗係要叫個牛骨清湯做鍋底。料足，仲可以食埋牛軟骨。【雙層肉 $48】舊肥羔好似好邪惡，但係越邪惡，越美味。【吊龍伴 $68】肉質最腍嫩。【牛朴肉 $48】肥瘦比例至均勻。【牛心錠 $48】

之前已經係尖沙咀食過616,今次同牛魔王家族搵到尼荃灣，睇吓水準有冇keep 到先。荃灣分店避開最多人既大街，隱身係三陂街一列大排檔中間，要比多些少眼力喔同上次尖沙咀店比，荃灣店多左一份又熟悉又貼地既感覺，懷舊零食、駱駝牌大水壺、舊公屋，入尼就好似坐左時光機返返去70年代既香港咁，睇得出好有心思。我地首先叫左個牛骨清湯加沙嗲鴛鴦湯底，牛骨湯裡面有牛骨有牛腩仲有粟米、蘿蔔沙嗲湯有辣椒花生碎，足料。首先尼既係餐前水果 - 西瓜牛朴肉，油花最平均，淋身既牛駝峰，瘦少少，有咬口金花趾，近豬腳位，有咬口得尼好爽，最鍾意吊龍伴，切得比較碎，都幾好食封門柳，牛味夠濃牛丸，兩老一致讚好，爽身牛味重響鈴係普遍貨色，不過浸完落沙嗲湯吸晒味好正叫左碟串燒，胡椒沙嗲醬，即叫即燒，有少少辣好惹味最後叫左個稻庭烏冬，又係啦浸完湯吸晒味好正

星期二晚睇J5介紹一間懷舊場景火鍋店，裝修好特別，於是上網一查，荃灣有分店，當然要去一試啦。六點半到達，店內座位不多，但一樣係以懷舊作裝修，發記士多擺放了好多零食，不過只供觀賞，不作售賣用途。原來新張開業，全單八折，未食已經好吸引。餐桌放有tablet供顧客點餐，我哋二人點了個牛骨清湯底，四款牛肉 (牛朴肉，牛駝峰，包匙柄，脖仁)，牛丸，嚮玲同豆卜，下方有顯示餐點總價，俾客人有個預算，明碼實價非常貼心，確認後，第一碟送上是意外驚喜，免費餐前生果，湯底同火鍋配料好快就送到，每款牛肉，嚮玲同豆卜都好新鮮，牛肉肉質入口嫩滑，除了一款，匙柄，因為脂肪量比較少，肉質比較紮實，牛丸鬆軟不死實，咬口好 。湯底內粟米超清甜，但蘿蔔有苦澀味。整體火鍋晚餐非常滿意，兩口子食到好飽飽。

湊仔湊到呆呆地, 呢個月正好有人生日, 有籍口出去鬆一鬆喇~ 話明鬆一鬆就定必揀自己最喜歡的活動喇~ 來616--淥一淥就沒錯喇~ 梗係喇~兩個牛魔王唔打邊邊食牛又有咩好做呢~ 呢間616係荃灣係新開架~我黎呢日, 店員話開左18日咋~ 有夠新鮮呀! 裝修帶點懷舊風的冰室風格 點菜卻是用上最新潮的ipad落ORDER, 有哂介紹, 想要咩口感真係一目了然啊~ 先揀一下湯底, 我們揀了最清的牛骨湯, 免去太濃而遮掉打後的牛味~ 但也不要看輕這個湯底, 這可是用上6小時來淆制的啊~ 醬料在自行到自助區自取, 混醬混醬混醬 平時打邊邊就只有肥牛同滑牛揀，616所提供的均是刁鑽的牛肉部位，部份更係每隻牛的”限量供應”啊~店員服務很好, 在點菜時也有在旁細心介紹 還送上餐前果 店員先推介我們這個滑尾龍~跟生蛋混和~好新奇啊~ 超有牛味的, 厚肉爽彈一點也不粗鞋呀!滑滑的果然沒介紹錯! 然後是點上了牛朴肉, ipad上的賣相比實物吸引, 但確實油花分佈得平均, 甘甘香香肥嫩細滑的又不失牛味, 是平實穩陣之選! 匙皮, 滿滿的牛味, 口感細滑鮮嫩, 也是推介呀! 吊龍伴, 油脂豐富