616牛肉火鍋專門店 (三陂坊) (已搬遷) 新店位置

上次與朋友到大圍分店，潮汕牛確實讓人把持不住，今次到荃灣「616牛肉火鍋專門店」， 每間分店裝修設計皆以80年代懷舊場景為主題，別有一番風味，在此可吃盡靚牛的各個刁鑽部位。用茶壺盛載秘製牛肉汁， 用作豐富牛肉的層次和鮮嫩口感 。青花椒火鍋湯底。餐館提供十幾款牛肉靚部位，各有肉味同口感，價錢也不會太貴，抵食。閱覽完這牛肉餐牌，開始了解一頭牛原來可有五花八門的部位。封門柳是牛橫膈膜肌肉，每牛只有一條，十分罕有。油花偏小，卻肉味濃重。吊龍伴，亦稱肉眼邊，為肉眼扒外圍的肉， 富肉味，有嚼勁。澳洲和牛牛頸脊，油花較小，有口感，肉香最重。

今日係荃灣行街，人地話眾安街多野食，但其實個頭附近都有好多🤔。行到三陂坊個到，入面有好多種類嘅野食，我見呢一間裝修幾靚😛，出面又貼左張你肯等，我肯折😂嘅poster，咁就試下呢間了。員工見到我地係出面等，天氣又熱，仲攞左打風扇出門口開俾我哋涼😍。等緊嘅時候我哋就攞咗張宣傳單張睇，呢度有好多牛肉食唔同部位都有。等左15分鐘到就有位了。入到去裝修好老香港，士多擺設啲零食全部係真嘅，枱枱櫈櫈就有大排檔嘅感覺。😍打邊爐最緊要係個湯底，佢呢度有好多款，我哋揀咗佢個熔岩沙嗲湯底。個湯底好香好夠味，唔會太稀，小小糊狀，正！🤤之後就可以出去整醬料，除咗普通豉油、蒜頭同辣椒個d，佢仲有個秘製牛肉汁！我個調味碟就倒左牛肉汁，碗就倒左沙嗲醬。😛牛肉方面，都係睇下d 簡介揀牛肉。今次我地叫左三款牛，澳洲和牛牛胸肉、安格斯橫隔肌同牛上肋。👍🏼澳洲和牛個款顏色偏紅，脂肪同肉嘅比例都好好，食落好滑，好好食。❤️至於安格斯橫隔肌，顏色偏深，脂肪比較少，所以有口感，岩曬鐘意啖啖肉嘅人。我最鍾意就係牛上肋。佢脂肪同肉嘅比例又係好好，比起澳洲和牛，佢牛肉味重d，所以我比較喜歡呢個。😍我哋仲叫咗其他嘢食，食到好飽，菜都好新鮮。

呢間餐廳已經食過不下一次，火鍋怪今日又逢旨出動，去到荃灣三坡坊打邊爐，來到616，裝潢好靚，以香港懷舊作主題，幾有心思。店鋪分兩層，近門口位擺放好多懷舊小食，如果係我呢個年紀，見到都特別有感覺。牆上都貼左好多海報，街道路牌，綠白相隔嘅階磚都好有風味。平日都幾好生意，我地被安排到樓上，好幸運，都係淨番一張枱。二樓位置都幾闊落，一律圓枱。同埋幾鐘意佢呢度用紅外線爐，比較安全。呢度主打全牛火鍋，淨係牛肉，都有十幾廿款，各個部位都有，分得仔細，價錢48蚊至68左右，份量唔算大碟果種，大約十多片，預人少都可以叫到野。另外仲有牛滑、牛餃、蔬菜類、麵食等，人均消費200蚊度啦。牛骨清湯38食全牛火鍋，朋友就話想試下清湯鍋底係咪真係特別好食，鍋底入面真係好清，無油份，只有粟米、蘿白，唔會好濃味，以免蓋過牛味。最重要係臨尾食埋d蘿白，十分清甜，而且完全無渣。即使係食火鍋，離開後都唔會覺得好重口味牛朴肉 48牛朴肉價錢唔貴，食落唔係好淋身，勝在好有牛味，都推薦呢款。金花趾 68感覺上似牛展肉咁，份量都幾多，口感有嚼勁，因為佢脂肪唔多，食落唔會鞋口牛上肋 68呢份牛上肋脂肪係三碟中最多，食落嫩淋，又有肉汁，

上個禮拜，有個朋友生日，所以我哋有一齊同佢慶祝生日，一班朋友最好就係去打邊爐，所以我哋就去咗荃灣附近嘅一間火鍋店打邊爐可能我哋諗住淨係叫一個湯底嘅，但有個朋友有擔心過沙嗲鍋會好辣，所以就叫多咗個湯底，係牛骨清湯嚟嘅呢度除咗係火鍋店之外，仲有好多古色古香嘅嘢，係以前懷舊嘅零食，所以好特別。呢個係封門柳，牛肉嘅肉質比較結實，牛肉味比較重。呢個就係手打牛丸，牛丸整得好實淨，而且爽口彈牙呢個係牛上肋，好好食，有少少脂肪，肉質就會好嫩，肉味好濃

呢間616 小胖男友話左想食好耐 但一直遲遲都未同佢試 終於上星期同佢去左"淥一淥"店內裝修同擺設係模仿六,七十年代嘅懷舊設計 別具玩味呢間616係主打用唔同牛既部門黎打火鍋 所以連醬料區既醬油都係鮮牛油做 另外仲有袐制牛肉汁上菜既速度好快 轉眼就放到成枱都係野食牛魔王一場黎到 當然要食返夠本 叫左3種唔同部位既牛肉 幾款牛肉都各具特色 每一種都好好食(可惜人氣之選既封門柳沽清 食唔到)牛胸肉 最軟滑最重牛味 口感同味道有d似平日食開既安格斯牛第一次食牛朴肉 食落爽口有頭 簡直可以用彈牙黎形容牛駝峰 都係第一次聽同食 質感係兩者中間 嫩滑有油花得黎亦不失咬口 牛味比牛朴肉濃郁沙嗲湯底好濃郁 個窩深不見底呢度仲竟然有傳說中既超級食物 - 羽衣甘藍!!小妹同小胖男友都係第一次食 好重菜味 襟煮唔易淋 食得出係好高纖維真係要讚一讚自己 好彩係食之前有上openrice做定功課牛丸個樣平平無奇 但堅重牛味 一向鐘情牛丸既小胖男友勁讚埋單先知 原來免收加一 呢餐2個人叫左三碟牛同咁多野都係400蚊到 抵食呢

收工要到荃灣交收，穩晚飯食既時候見到後街成條食肆街，餐廳之中最吸引我的就是呢間，門口經過見到店內裝潢如七八十年代大排檔。下層坐滿，店員安排左我地上層枱，坐落好舒服，因為得六七張枱，空間闊落，大家都好細聲講野唔噪，冷氣溫度恰到好處😆👏🏻點菜係透過ipad點的，點完就去左醬料區，個人推薦牛肉汁，豉油就偏淡口。牛肉餃子係必食！皮薄多料，一定點佢個酸汁！🤩主角到😍我地分別叫左牛胸肉(粉紅多脂肪果碟),牛朴肉，澳洲和牛同牛駝鋒，個人推介牛胸肉，入口香牛味，十分香口，另外澳州和牛，平靚正。飲品十分喜歡菊花桂園露，潤喉飲落好舒服。另叫左烏冬。個人十分喜歡佢地服務，每次都好貼睇下食物到哂未，也自動加湯，有禮貌💪🏻

今天，我們一班朋友約了吃晚飯，在我們朋友當中有很多也喜歡吃牛肉，所以我們就去了616這間牛肉專門店我們叫了這個鴛鴦湯底，一邊是牛骨清湯，而另一邊是沙嗲湯底，沙嗲湯底十分受歡迎，每個喜歡吃牛肉的朋友也說沙嗲湯底跟牛肉很夾我們叫了烏冬，烏冬彈牙，而且跟湯底也很夾呢！我記得之前在這裏吃過牛肉餃子，味道很好所以今次再叫，果然沒有令我失望這是牛舌，看起來十分新鮮，而且牛舌十分爽口這是滑尾龍，這是牛後側的後腿肉，肉味比較重而且比較結實

今放係約左舊朋友出嚟聚舊，佢話指定要係荃灣食，咁當然上openrice睇下有乜得揀!!我見荃灣原本都有616，緊係揀返616，一來可以推薦俾佢試下，二來我又可以再食牛荃灣間616係三玻坊個度，位置唔難揾!一入到去，佢嘅格局真係好懷舊feel ,唔單止牆上嘅畫，啲枱枱櫈櫈都係以前60一80年代嘅裝潢。係啲枱附近，放左啲舊式士多格局，好鬼有feel....我之前係其他616都未食過牛丸，但朋友話要試下，咪不訪試下，嘩...出乎意外，啲牛丸真係手打咖佢好軟熟，好有牛味。喱碟係我推薦，超好食嘅封門柳牛味重，好軟綿綿，不會xx，一試愛上。喱碟我印象中食過好食，所以番兜。金花趾:好有咀嚼感，彈牙爽口，牛味亦好鮮甜。喱個係新產品，店員推介。暫時見荃灣分店先有，澳洲和牛‘牛胸肉``:脂肪分佈平均，有入口即溶嘅感覺。。喱個都係新產品，都係店員推介。澳洲和牛``肩胛翼板´´，每塊肉邊都夾住一點點脂肪，牛味濃。上次係元朗616已經想試，但話未上架。所以今放要一定食，好好食，夠脆，又帶著紫菜嘅香味，值得一試。試一試自家製菊花露，好飲之餘又唔甜，好小打邊爐嘅地方有。最後，，店員送左個公仔俾我哋，個公仔好得意，係

<616 火鍋店 牛肉係好正😆🐂>616 專食牛肉打邊爐既食店 其實喺大陸興左好耐 近呢幾年先傳入hk . 較早前都食過佢元朗同尖沙咀店 除左多款牛既唔同部位外 佢每一間既裝修主題都唔同 荃灣分店以懷舊為主 好似6, 70 年代 嗰d舊士多 老細喺上面住甘 😃 都幾真懷舊氣息 講番食物 湯底點左🍴鴛鴦青花椒牛骨湯底🐮🌶 78 蚊青花椒花牛骨湯底 牛骨湯底嗰邊牛味香濃 🐂 仲有甜粟米🌽同爽口入味既白蘿蔔 要黎打邊爐一流 側邊既青花椒湯底用左青色既花椒 加上胡椒整成 成煲綠色 辣味香濃 但又夠清新 😃帶d麻香 都好好味🌶🍴牛駝峰 48 蚊頸背後面既肉 油香平均 帶有d幼筋口感 適合大眾口味😃🍴牛札肉 48 蚊🐂即牛頸脊肉 油花平均 同雪花肥牛同類🍴三花腱 48 蚊🐂牛前腿肌腱位 切時要帶筋肉一齊切 爽口脆身 😃🍴麻辣牛肉餃 48 蚊🐂🥟自製手工餃子 加上秘製麻辣汁🌶 肉汁甜美 肉味香🍴粟米 28 蚊🌽勁鮮甜🍴冰麻牛 38 蚊🐂🌶有d似夫妻肺片 但全部都係牛內臟 好入味 麻香味偏濃 帶有少辣 😆Score 平均分 <7.9/10>Taste 味道：👍🏻👍🏻👍🏻

好想食牛主題既邊爐！一於去616！裝修有點懷舊，幾有feel用平板電腦下單，很方便。牛骨清湯 $68好多牛骨，而且湯底好濃。個湯底都有淡淡牛味，都係用牛製成，飲左幾啖都覺嘔渴，冇味精。澳洲和肉 內裙肉$48口感嫩滑，又有嚼勁，肉味好香。澳洲和肉 牛胸肉$48肉汁較多，入口細滑，無乜脂肪。澳洲和肉 肩胛翼板$68軟嫩適中，有油花，牛肉味重。牛朴肉$48脂肪比例均勻，味道甘香。滑尾龍$48要自己動手發好個蛋黃，蛋黃令牛肉更加嫩滑。牛丸半打$28好爽口彈牙，牛肉味重。紫茶卷$38有啲似響鈴，但好香紫菜味成台都係野食!!食到好飽都係2個人$400左右!

今日同男朋友去到位於荃灣既呢間616火鍋店。未入門口就已經感受到一種老香港既氛圍，一個個既糖罐入面裝滿兒時既回憶，雖然係懷舊風格，但環境十分乾淨，室內溫度舒適。呢度對牛肉十分講究，每一個部位都清清楚楚，連平時火鍋店比較少見既內裙肉$48，脖仁$68都應有盡有，而且價錢大眾化。雖然我自問唔係一位牛專家，但食得出用料新鮮，每一口都充滿牛香而不膩。店舖好貼心用平版點餐並且每一個菜品都有介紹，令我有驚喜既仲有水蓮菜$ 28 ，清甜爽口，條條沾滿湯汁。這家店可以講係響每一個用餐既細節都做到一絲不苟，環境，餐具，服務，食材 都睇得出有用心做好，而且又會俾飯前果，同埋將杯子冰過先俾客，要經營一間好既餐廳並唔容易，要將餐廳長時間保持高水準更加考經營者既管理技巧，希望佢地能夠繼績保持水準。另外，值得一讚嘅係佢地用巧思，等得愈耐，折扣愈大，用餐期間聽到有客話我要等120分鐘！好驚訝，店家將等候呢種負面情緒轉化為商機，令客人願意去等，同將等變成樂事。睇得出店家嘅智慧。

上次試過元朗的616今天就來到了荃灣的616風格明顯完全不一樣荃灣616走懷舊復古路線一進去已經看到70S 80S的牆繪而且旁邊也有許多小時候會吃的零食和擺設這次是訂了位置才來 在門口卻看到這海報早知道就不用訂位啦開完笑 這就是香港人的心態啦.牛骨清湯 $38上次試過一次 這次也不例外湯底很鮮甜 玉米的甜味為湯添上了另一番風味.手打牛滑 $48也是沒辦法落下的東西肉質爽口 而且牛肉味香濃每次都沒辦法吃膩.牛坑爪 $68雖然有些脂肪在旁 但也不算油膩.羽衣甘藍 $28第一次吃這種菜口感爽脆 就算是煮久了也不會變軟而且菜吸收了湯汁 吃菜順便喝湯.匙柄 $48牛肉的顏色比較暗沉 以為會沒那麼好吃熟了後牛肉味重 肉質較厚 而且不會太靭 而且也很彈牙.脖仁 $68煮熟後牛肉會變小牛肉很嫩滑.牛舌 $48厚度剛剛好 而且煮久也不會變硬爽口順帶一提 每位收$10的醬油費喔

放下工作就立地成人，今日就同朋友去烚下烚下，地方有d偏，搵左一陣路先去到616牛肉火鍋專門店。😎門口大大粒字寫住616，門頂招牌又係寫616，我諗我應該真係無搵錯地方，哈哈！😜入到去非常驚喜，原來間餐廳係以舊香港為主題，裝潢、檯、椅子，甚至連器皿都搵到懷舊嘅氣息，拿！係懷舊，唔係殘舊😊，而且非常乾淨企埋，同埋好有細個嘅時候家嘅感覺，份外有親切感。間餐廳落單係用tablet 嘅，而且每種材料都有加入簡單嘅介紹，欣賞佢地呢d細緻位。👍朋友知我唔係太重口味嘅人，而且佢有減緊肥，所以就清清地簡左個牛肉清湯（$38）口味，飲落都幾順口同清甜，💖我估主要係因為用牛骨、栗米同白蘿蔔先做到呢個效果。呢度好多唔同牛嘅部位，叫左份內裙肉（$48）同脖仁（$68），牛肉非常新鮮，好香牛獨有嘅美味，而且非常爽口！😀叫左水蓮菜（$28）黎try try，因為張相果樣非常有趣，一條條繩咁，🤔而且貌似唔常食到。我好鐘意食菜，呢隻菜食落口無咩強烈嘅味，而且口感脆脆地，我諗拎黎清炒應該都幾好食。😙珍珠豆卜（$28），平時食開嘅豆卜，大大粒嘅會覺得好似有豆腐碎嘅感覺，唔知係咪因爲細細粒拎去炸嘅關係，好似豆卜入面再有一層豆

作為一個牛魔王 616一定係不二之選終於等到荃灣都開分店了 立馬拉埋老友去食好鐘意佢嘅裝潢 扮大排檔咁二話不說 坐底㨂左牛骨清湯做湯底重有蘿白同粟米叫左店家推介嘅牛朴肉同埋澳洲和牛嘅牛胸肉兩者入口都牛味香濃而且嫩滑 忍唔住食一塊又一塊 唔洗點醬已經好好味重有出面比較少嘅牛肉餃 皮薄涵多重有牛肉滑 入口同樣好有牛味同埋夠彈牙食咁多肉又點可以唔叫個菜中和下呢重有打邊爐必叫嘅響鈴咁正嘅湯底又點可以浪費 叫多個烏冬連湯都飲埋 正到爆

朋友說我約我去一間牛肉專門店，而且在我家附近的，原來就是616牛肉專門店，荃灣的分店我一直沒有去過，所以終於可以試一試了。那天我一整天沒有吃過東西，所以便急不及待地叫東西了，我們叫了一個鴛鴦沙牛湯底，這是牛骨清湯加海岩沙嗲湯底。而且當然有叫了很多牛肉啦！每邊的湯底也有很多材料，牛骨清湯那邊除了牛骨之外還有蘿蔔，所以味道比較清甜，沙岩沙嗲湯底那邊比較濃郁，味道有少少辣而且這裏還送了飯前水果給我們呢，是很清甜的西瓜🍉這是牛肉餃子，外皮很滑，內裏的牛肉很香，醬汁味道酸酸甜甜很開胃！這是牛丸，牛丸十分爽口彈牙這是封門柳，肉質比較煙韌，牛肉味也比較重。