18樓雞煲火鍋專門店

营业中

休息中

依間雞煲位於荃灣最多食肆既大鴻輝中心既18樓，食之前一定要book位，否則真係有排等。我地提早左差不多一個星期book左7點鐘。去到已經見到啲人多到逼爆。🚶🏻‍♀️🚶🏻‍♂️🚶🏻‍♂️🚶🏻‍♀️黎得18樓雞煲當然要叫雞煲，辣度就叫左小辣。🌶雞件既份量都足夠，完全夠4個人食，而且整得好入味，正👍👍1️⃣食完雞之後，就可以自己出去攞湯打邊爐，同埋可以攞豉油，依間啲豉油我同我屋企人都覺得好咸，比平時坊間既鼓油咸，所以建議可以唔洗攞太多。🤢2️⃣至於飲品方面，依度既飲品種類繁多，任均選擇。🍺🥃☕️🍷3️⃣而食物質素方面，因為係任飲任食既關係，質素一定無散嗌咁高質，但都算可以接受。因為已經比坊間好多任飲任食火鍋高質。4️⃣食完野之後仲可以食埋雪榚先走，現場有4款口味雪榚比大家揀。我覺得依度既雪榚感覺有少少似乳酪雪榚。而且仲有唔同既配料比大家任加上雪榚🍦🍨🍧

今日約左好耐冇見既舊同事係荃灣食飯，佢推介我去食18樓雞煲，成日係大鴻輝都見到長長既人龍，不過平日黎都唔算好多人坐係門口個張檯已經有唔少人食緊菜單任點重點雞煲，叫左唔辣，因為我同朋友都唔食辣，好惹味食完隻雞都已經飽左一半，之後就加湯叫其他野食打邊爐打邊爐點少得牛，雪花肥牛，唔算太肥，有牛味，新鮮仲有至愛響鈴，一碟兩件，仲有花膠蜆、墨魚丸同櫻花蝦片，墨魚丸好食，每碟份量少，應該因應人數同埋食完雞都飽左一半😂有特級黑豚腩片，幾薄切，章魚燒、芝士腐皮角、粟米，再encore 響鈴野飲任飲，都係普通打邊爐野飲，熱飲就淨得茶包，選擇較少最後仲有甜品，有乳酪同雲哩拿雪糕，同其他配料，兩樣都食左食到好飽好滿足，每人都係百幾蚊

今日帶朋友試下食雞煲，之前有雜誌報導過宜間，於是來試下。味道都唔錯，一開始店員會問雞煲想要的辣度，之後食完雞煲就可以加湯食火鍋，一次滿足兩個願望。今次因朋友唔太可以食辣，叫了微辣，味道非常好，個人覺得有少少辣味更好，可以帶出雞的鮮味。食完雞煲就可以係自助區取的湯，加入鍋中開始食火鍋，食物有好多選擇，仲有海鮮，當日的是日海鮮係蛤，都幾好食，好清甜，海蝦都好新鮮。另外，有個蟹子墨魚滑好好食。食完後仲可以食乳酪，當日仲有蜜瓜雪糕，味道都可以。服務員的服務都好好。

經過大鴻輝，見到呢間十八樓雞煲可以食雞鍋之餘仲可以食火鍋， 而且又有好多款式，價錢合理，有卡位既座位，雞煲好食，仲好寬敞， 環境都不錯。 雞煲 ~ 我地叫左個係2人份量 點了小辣 麻辣雞煲 濃烈花椒, 八角,完全吸收左係雞, 個辣汁不能看輕, 麻辣到不得了, 雞又嫩滑, 不錯 !  食完雞煲, 有6款湯底選擇打邊爐, 有四川麻辣, 鹹菜胡椒豬肚, 蕃茄湯,  粟米蘿蔔豬骨, 花鵰藥膳湯, 同埋豬骨湯 ~ 出面有醬料區，醬料款式選擇亦都十分齊全!火鍋配料十分新鮮，好多海鮮都係任食, 不過任點任食邊爐料 食得曬，先好嗌啦!蔬菜櫃~ 一碗碗菜自己拿拎, 保持清潔! 又衞生!有兩台雪糕機提供芝士味，草莓味，雲里拿, 乳酪雪糕, 仲有幾款不同Toppings加在雪糕上, 自斟雪糕小朋友至ＬＩＫＥ!　我地叫左第一輪已經好飽了，最後再以一杯雪糕, 大滿足, 下次再來要試中辣先!!

雞煲放題 評分: 7/10 一一一一一一一一一一一一一一 同班朋友一齊食飯，最好就係食雞煲放題，乜都唔使諗想食乜就叫乜唔使慳住個荷包💁🏻‍♂️餐廳叫18樓雞煲顧名思義就係喺18樓😂提提大家夜晚排隊上去都要D時間㗎 價錢方面都可以接受閑日夜晚連埋＋1都係＄175左右🥇仲要食兩個半鐘任飲😁除咗雞煲，如果唔食雞煲仲可以揀一個湯底做打邊爐，會有其他火鍋配料打邊爐，啱晒啲食雞煲食到悶嘅朋友 最後當然叫咗雞煲，辣到就選擇咗小辣🌶食落都唔係好難所以建議大家都可以試吓中辣下次。雞件都幾嫩滑，雞件唔似餸頭餸尾，都幾完整🐔醬汁帶少少甜，食落唔算好惹味，但如果落多啲蒜頭嘅話會更加好 火鍋配料方面都好多，有海鮮有牛肉等等，材料都幾豐富，特別驚訝嘅係啲海蝦都幾新鮮同大隻😧😧(但係話說嗌到第3輪，d蝦就縮左水)牛肉都幾新鮮，有口感，唔會薄到死🤤呢個價錢都算係咁 配料有成80款左右，外邊有雪糕機，飲品都係任飲，整體選擇幾多架 一一一一一一一一一一一一一一 1️⃣🤭星期一至四: 1700-21:29 $158 21:29-03:00 $138 2️⃣💋星期五至日，紅日及前夕 1700-21:29 $168 21:29-03:0

同老死約左係荃灣食飯，兩個食肉獸打算揾個坐得舒又可以勁食無極限既地方飯聚，首選任食打邊，黎到大鴻輝，見到呢間雞煲任食邊，見價錢大衆化於是上左去。7點都未夠已幾爆場吓，好彩快人一步，剛剛好仲有一張枱，坐底七點鐘已陸續有人排隊等位。店面幾寬敞舒適，對正望出就係大玻璃窗好光猛，有好多張都係卡位梳化設計既座位，枱同枱之間有十足既空間同距離。我地兩個人好坐到張四人卡位梳化椅，好舒服，仲有位擺埋手袋，爽歪歪，唔使撞手㬹。一坐底店員問要咩辣度既雞煲，自選辣度，大中小辣，我地揀左小辣。唔使一陣，雞煲已上，個雞煲份夠晒兩個人食有突，份量堅多，唔多頸腳位，啖啖肉既雞件，雞肉嫩滑。個雞煲配料好香，眼望有洋蔥、花椒、八角、大蒜、丁香、豆蔻等配料佐香入味，亦不得不讚個雞煲醬汁好出色，好香濃惹味，每雞件都入晒味，係食打邊爐前，清晒成個雞煲，一件不留，堅正。打邊爐可以自己落手加湯，有一壺一壼既湯俾人客自己拎埋位，自己按份量加入雞煲，好方便。任食邊配料選擇好多同特別，有好多配料都有別一般任食邊既選擇，就以丸類為例，如有麻吉燒、台式一口腸、章魚丸、三文魚丸、櫻花蝦片、芝士豆腐、芝士腐皮角、蟹爪肉棒、陳皮魚蛋等，都係少見

為了炸魚蛋, 跟男友放工後專程到荃灣! 食完大大粒炸魚蛋後, 去大鴻輝研究下有什麼好食。 收到眾多的傳單中, 發現有一間是雞煲放題! 知道男友喜歡雞煲, 所以建議就食18樓雞煲!什麼都未有時, 先研究點餐紙, 發現種類不少呢!不單有基本的肥牛、羊肉片等, 更有鮮准山、冰豆腐、豬肚、墨魚鬚及大量新奇的丸類, 超吸引!!!研究不到一會, 就有雞煲上枱了!明顯是已煮好再於上枱後再加熱, 雞份量不少, 而且都算滑, 但就比較咸整體而言, 如這是一間雞煲專門店, 我認為是不合格的。但因為這是以任食為主的餐廳, 這雞煲則合格有餘!蟹籽墨魚滑+粟米餃+芝士腐皮角+櫻花魚片+炸三文魚丸+章魚燒+墨丸大推墨魚滑&粟米餃&章魚燒!墨魚滑份量剛好, 而且足料, 不會只食到粉漿, 會食到粒粒墨魚而粟米餃是自家製的, 相對新鮮, 沒有雪味, 加上粒粒栗米, 超清甜!!!章魚燒雖然不能說好好味, 但真的很特別! 章魚丸入面有一大粒章魚再加點蔥, 一定要試試!!!金菇+炸嚮鈴+鮮准山炸嚮鈴雖不夠脆, 但明顯是自家製, 不是入貨的, 值得一讚!鮮准山每一片都很新鮮, 沒有放得太久變乾, 亦沒有爛海中蝦+脆鯇骨腩海中蝦

早幾日同朋友喺荃灣約定食飯， 到了這種傳統食肆的大廈，內裡真係五花八門各種飲食都有，放題、打邊爐咩食肆咩式都有，任君選擇。 最後我們揀選咗喺18樓有雞煲 因為有朋友曾經推薦去過 ，地方乾淨不會烏煙瘴氣，雞煲也好味，所以決定來了這間。 踏入門口 真係感覺到清新的空氣，雖然客人已坐得 超過半滿了 ！但仍感覺到空氣流通， 環境光猛舒適 。在場內有看到多個汽水櫃放滿了滿滿的汽水及各式飲品 ，應該是自助的吧 ！服務員帶領我們坐在近窗邊的位置， 跟住看到我們的點菜紙有多款美味的食物任君選擇。我們所選的食物後，遞給服務員服務員，她詢問我們是要雞煲還是其他湯底。當然我們是選擇雞煲啦還選擇了微辣！雞煲首先到達的食物， 第一口咬入去雞肉鮮嫩無比不會過鹹的雞肉 ，帶出淡淡辣味非常之正 隨後而來的就是火鍋必備的其他所選食物也是新鮮食材總括來說今天有原道了這間雞煲 ，感覺上比從前的烏煙瘴氣食完成身衫褲都會粘上雞煲的味道的情景竟然一掃而空。在這裏吃完雞煲， 召會感覺到口腔內充滿濃濃的雞味 ，身上沒有帶點雞煲的氣味，應該是抽風系統做得好的原因，下次一定會再光臨

今日完sem啦！完sem當然要開開心心同朋友去食餐完sem飯我哋簡左食荃灣的18樓雞煲電話訂左6：00 4位 可以食兩個鐘我哋六點到左就立即可以入坐 真係好好入到去 店員會問你想要咩煲 我哋當然簡左最出名嘅雞煲啦！雞煲有唔同嘅辣度可以選擇 個人覺得可以佢哋嘅小辣 就等如三哥嘅小辣 所以如果唔識得辣 可以簡其他煲底我哋四個女仔 食左兩round就已經好飽 但係重有一個鐘 呢個時候 就當然吹下水 所以如果需要一個地方可以吹下水 又有好嘢食 食18樓雞煲都唔錯！

雞煲我又黎喇! 荃灣大鴻輝中心的18樓雞煲火鍋專門店都算是我最愛之一，無他的，因為性價比高囉，百幾蚊食到飽飽，去邊道搵呢? 一如以往，先食雞，後打邊爐，2.5小時任時，不過食左1.5小時就食飽了，餘下1小時就慢慢吹水聊天。 食物方面，今天的是日海鮮推介是白蜆，好甜好甜，無沙，太好食點了兩次。 雞煲，叫了小辣，但還是覺得辣，要夾走d辣椒，下次試下叫少少辣。（唔知有沒有）滑牛肉，比雪花肥牛和牛柳粒好，因為比較淋身同肉厚。 響鈴，自家製，非常脆口，個人喜歡碌2秒已經夠，太耐會淋唔好食。 海蝦、白鱔片都好好食，因為夠新鮮。 飲品有各式汽水、綠茶、啤酒，應有盡有。甜品有乳酪雪榚，兩款味道，加埋多款Toppings，是日大滿足!

今日同朋友嚟咗呢間位於荃灣眾安街 嘅十八樓雞煲。 這間食肆時位於 一座大廈 裏的18樓， 該座大廈全幢都是食肆 ，在香港而家有很多地方都是這樣的， 所以搵食唔難 ，最難的還是要搵到好吃的。初嚟報到的我們 ，在服務員的帶領下坐在卡位， 他為距離較為寬闊 坐得舒服！ 在安排入座後我已看到， 隔離的飲品櫃內有我最喜愛的Jollysandy。 我朋友 已經急不及待在點菜紙上畫了很多剔號 ，也告訴我們有什麼特別的食品例如生蝦、花膠、肥牛 、鱔片 ，甚至有自己自製的韭菜餃等等！再集齊我們想吃的東西後，交給服務員， 服務員有禮貌地詢問我們要什麼湯底或是雞煲 。我們當然選擇雞煲啦 ，還可選擇微辣添， 因為如果叫中辣或者大辣我怕我們明天出唔到聲囉！在我們傾計的途中熱辣辣的雞煲已放在桌上 ，陣陣的雞煲香味在空氣中洋溢。這間雞煲預備了一個膠夾 給我們夾雞件 是一件雞後 發覺其味道足夠 ，是小辣的 ，嫩滑新鮮野味！ 服務員提議我們 先進食雞煲內的雞件 ，然後遞給我們 一渣湯水 ， 說明是當雞煲內的雞件 食得七七八八時，可放置湯水落雞煲嚟當作火鍋之用！其實吃完雞煲內的雞件已感到超過一半飽了！ 很奇怪 平時打邊爐

今日因為工作關係，所以去荃灣處理工作上的事。之前巳約朋友們在荃灣吃飯,真係有咁岩得咁橋!朋友推薦去眾安街以前的英皇大廈，而家變成另一座食肆大廈今日就去咗呢幢大廈嘅18樓，因為嗰度有間18樓雞煲，美其名18樓所以非常易記。到達18樓後有職員帶領坐近窗的位置，一坐低就見到周圍都有飲品櫃呀！有我最喜愛的OJ橙汁、有菊花綠茶再睇睇個點菜紙，好多我都想食嘅野喎！有蝦、花膠、鱔片、當然仲有肥牛啦啦服務員接我們的點菜紙後，便問我地要雞煲還是要其他湯底，我哋梗係叫雞煲啦！今次要小辣，職員話係咪即係微辣？咁就微辣啦！唔該曬首先到達嘅就係雞煲，香氣樸鼻嘅雞煲，好耐冇聞過啦！雞肉真係好嫩滑，是有少少微辣，連埋啲汁同埋芫荽一入口，冇得彈！就這樣飲呀飲、食呀食，咁就消磨左接近兩小時了！整體來說來這間雞煲所出來的餸....全部新鮮好味，當然在烹調過程中我們仲可以加入湯底作火鍋之用！全部食物都是非常新鮮，而且在這間雞煲的抽氣系統都應該非常強勁，因為我們身上都沒有半點燒烤或者係雞煲的味道我們約定下次再嚟呢間雞煲，試吓其他食物。因為今次真係點叫都叫唔曬餐單上的食物啊！

呢間餐廳可以食雞鍋兼任食火鍋， 有好多款式， 雞煲好食，價錢平，座位好好有卡位， 仲好寬敞， 環境都ok。 但餐廳的客𨋢，等咗四個字先上到餐廳， 這樣比較麻煩， 而且這座大廈的走火通道 之前電視講過比較麻煩。

這個星期天氣好像過山車甘 一時熱一時凍，一凍就想食雞煲! 朋友帶我黎呢間， 個名叫18樓雞煲，原來真系系18樓，好搞笑。 一出搭𨋢口已經見到好多人排隊，好彩朋友一早book 左。 雖然系任食，但我地都決定叫左第一輪睇定d先 。雞煲未上，已經系雪糕自助區食左杯雲尼拿雪糕，可以加脆片，棉花，朱古力醬等。正!雞煲叫左微辣，d雞好香多肉而且好滑，配料有胡椒粒紫天椒等，食完即刻暖暖胃!D 配料都好多野選擇，愛海鮮的我點了雲魚，魚腩，是日海鮮系花甲，我都系第一次食雞煲配料點海鮮，發現食落都系一般，可能海鮮同雞煲根本就唔match . 餐單紙竟然有花膠! 上台大大塊，正!最驚喜系有鮮淮山，好少邊爐會見有。肥牛豚肉是大家的最愛，而丸類我覺得最正系墨魚丸，多墨魚肉，彈牙爽口! 其他都系一般打邊爐有既配料。見到隔離太叫了出前一丁，真系成包麻油味連埋包裝上! 高成本啊!!原來我地點了第一輪已經飽到不得了，食唔到出前一丁和薯粉，最後再以一杯雪糕畫上完美句號。下次再來叫中辣先!!

住荃灣既朋友都知道，大鴻輝中心出名多火鍋/放題，每到晚上，樓下都會大排長龍。之前都食過幾間，今次就揀咗18樓食雞煲🐣🐣 我同朋友都好欣賞佢地方闊落，座位之間唔會太迫，而且大部分都係sofa位，尚算舒適！其實地下有點兒滑，不過係正常的，一入到去，店員都好友善提醒我地要小心d!👋🏻食物方面，雞煲既雞件比想像中滑，熱辣辣，醬汁又夠晒入味！😋 洋蔥同芫荽亦為雞煲加添了色彩！🤣🤣 我地唔想太肥膩，所以一開始就拎左d菜！ 依度既菜類係自己出去拎既，加湯/加醬油都係自助既，都算幾方便！由於食雞煲已經食左好多肉，所以我們主要叫d冇咁heavy既食物！自家製韭菜餃、芝士丸、墨魚滑都係推介既食物，我地叫左幾次！✌🏻由於太飽了，我地都break左一陣、傾下計，最後食埋雪糕、飲多兩罐飲品就走🤓 下次約多d 朋友會再黎！