18樓雞煲火鍋專門店

营业中

休息中

一年四季都要食雞煲， 打邊爐哩間同一般任食打邊爐差唔多但菜就自己出去拎， 另外有乳酪雪糕食物新鮮食完雞煲， 再打邊爐雞煲一D都唔兒戲食完已經八成飽好入味必推“響鈴“一定要試下 ！新鮮炸起色香味俱全阿 正

已經後第2次黎，水準以舊冇變！環境方面：好乾淨，地下又唔會痴笠笠，唔會好大陣油煙味。空間夠大，多卡位。食物方面：雞煲：辣度有得自己揀。雞肉夠入味，而且肉質唔錯！唔會有冰鮮味！任叫之餘種類多，菜類已經分好晒一碗碗係出面雪櫃，可以自己攞。飲品選擇都多，有5個雪櫃，而且唔係全部一樣，所以可以睇晒咁多個雪櫃再揀！另外仲有得任食乳酪雪糕，有4個味道，仲有醬料同配料diy！食完個雞煲有6款湯底可以自選湯底打邊爐，我就簡單咁加個豬骨湯。最推薦係佢地自家製嘅響鈴！炸得好脆，但絕對冇油益味！淥幾吓就食得！唔會好似市面上一啲響鈴咁出面淋晒但中間都仲太實。海蝦真係夠晒大隻，而且新鮮！其他都有質素，唔會因為任食而求其！總結：地方乾淨！價錢抵！食物飲品選擇多！最緊要係食物有質素！而且可以食2.5小時！絕對推薦！！！

今晚同朋友去開荃灣，又到食飯時間，當然要找吓美食啦，最後決定去咗大鴻輝中心18樓的18樓雞煲火鍋專門店。首先講個雞煲，我認為是暫時我所食的雞煲，最好食的，醬料太濃，但非常入味。雞肉也十分新鮮。蔬菜類放係冷櫃裏，好新鮮，款色也十多，包括有通菜、唐生菜、西洋菜及油麥菜等。通菜配雞煲，又爽口，非常好食。其它食物包括炸魚皮，放落雞煲1至2秒，口感爽脆，好好味，粟米都很鮮甜。肥牛都算太肥，幾好食。響鈴也很新鮮，好難忘，蝦也好新鮮和入味。食材都多元化及新鮮。難怪我見到，生意十分好，閒日都差不多爆滿。果然人氣十分強。今次選擇絕對正確。至於食店埸地十分之大。坐得好舒服。冷氣又夠。飲品方面也有很多選擇，還有我的至愛朱古力味乳酪雪糕，非常凍冷。好難忘。食物落單至送上，又算快和好少送錯。值得一讚，店內職員普遍很年輕，服務態度很好，好友善。依間我本人絕對會介紹朋友再光顧。價錢又合理。性價比高的食店。

很不愉快的父親晚餐， 本諗住父親節一家開心食飯， 竟然要分開坐！😡打去訂位15位 (有三位是小朋友)， 接聽是一位小姐， 由於我們有小朋友所以要求安排房間， 免得他們走來走去騷擾到別人。這位小姐說儘量安排，說第二天會打電話和我確定，但第二天沒有收到電話。於是後一天我主動打俾這位小姐，佢話冇問題，可以安排房間，不過會坐迫啲， 我也答應了。父親節當晚去到現場，他們竟然幫我地分左兩張枱，有另一位職員說房間一個月前已給另外的客人訂了！ 而且訂房間就要收＄2800最低消費。 我說要找那位小姐， 她們說她放了假😡我真的很嬲💥💥第一 ：這位小姐從來冇同我講過要收最低消費，並確定房間可以給我們！第二 ：如果佢喺電話講有最低消費，我哋係冇問題，可以照比，但佢從來冇提過呢樣野！第三： 另外嘅職員話一個月前房間已經比客人訂咗。 即係我同這位小姐訂枱嗰一日已經冇房啦， 佢咁樣即係敷衍我！我話父親節要同阿爸分開枱食飯，真係好冇意思！你講什麼唔好意思、對唔住，亦都係冇意思。 就憑對客人的態度，BLACK LIST 此店💥

前幾日同朋友慶祝生日，佢話想打邊爐，但我又想食雞煲，為左一次滿足兩個人既願望，所以我地就去左荃灣大鴻輝中心既“18樓雞煲火鍋專門店”，餐廳名付其實就係座落於18樓，有雞煲有火鍋任食先係$168，絕對超值。二至七人有一個雞煲，我地兩個人已經有一個雞煲真係正，雞煲可辣可唔辣，我朋友唔喜歡辣所以點左不辣，雖然無辣，但雞煲依然夠野味，雞肉又夠滑，兩個人食曬個雞煲都半飽。然後我地加左豬骨湯開始火鍋，豬骨湯果然係真材實料，睇到奶白色都知。火鍋配料任點任食，雖然我地都半飽，但係豬牛羊肉點都要試試，牛肉有分雪花肥牛同特級肥牛，睇落差不多，食落雪花肥牛可能脂肪多d，感覺滑d好味d。黑豚腩片同羊肉既質素都唔錯，以任食火鍋既價錢算係難得。平時任食火鍋都比較少食丸類，因為好快就飽，但係尼度絕對要食下d丸，估佢唔到有幾款丸都幾好食，芝士腐皮角同埋黃金麻吉燒都係非常推介。其他火鍋配料例如響鈴、炸魚皮、稻庭烏冬都非常好食，響鈴同炸魚 皮夠曬脆，稻庭烏冬就彈牙。另外飲品方面同其他放題一樣自助任飲，選擇亦好多，有支裝罐裝飲品，連新出的「白色可樂」都有呀！正！最後食飽都要食埋甜品，餐廳有軟雪糕同乳酪雪糕機，但嗰晚只有軟雪

朋友生日便選了這間雞煲來慶祝一番 平時宵夜他們遷我今晚等我就他們啦 一坐底可以選擇雞煲辣度 一行 9人坐不到大圓枱 但職員也不道歉了 滿好的Order了正常麻同辣 剛食的第一啖不辣不麻 還說應該Order大辣 誰知食多一會兒已經入灑味 雞也很鮮嫩飲品選擇多 食物款式也很多每人只需要$150 可以加$18任飲大檸茶有花膠 蝦（有部分梅有部分也很新鮮）丸有辣辣雞肉丸 新鮮的墨魚滑 和我的至愛台灣腸安格斯牛肉 和梅頭肉今晚竟然掛住食忘記了拍照味道賣相衞生服務抵食推介

上次朋友生日黎食過呢間雞煲，感覺不錯，平靚正，今次帶朋友又食過。價錢真係好平，我們每人連加一$185，任飲任食。廳面好大，坐得舒服，卡位設計最鐘意。自助區火鍋配料任點☺️雞煲上台啦，好香好香，先食雞煲，我們叫了小辣，炒到好有鑊氣，再落煲，好多雞，啖啖肉，廚師又斬得幾好😂無碎骨，我鐘意好多香料，索曬雞汁味。兩條友食完煲雞都飽左大半火鍋配料樣樣試d,叫的份量都是一或二，甘樣幾好，可以食多幾樣，平時要一份份叫，兩個人真係食唔落架，丸那些唔講啦，牛肉新鮮👍自家製響鈴，大大件，好鬆化，係咁意浸一浸就夠，好似食巨型「鮮竹卷」的皮，唔錯。食唔夠兩個鐘，都飽到食唔落了，但都要食甜品，全部自己整架，整到好似出去買甘，好靚😂真心平靚正👍仲有餐廳廁所門都好有特色😂

今日做到火火地，捉埋大人去食個雞煲得自己平復心理，依間"18樓雞煲”次次都要等位，今次我決心一定要食到佢。終於入到去坐先叫個少辣嘅雞煲，又估唔到好快就送到嚟，一放底個煲侍應就同我哋講個煲食得，我當然即刻撈撈個煲就開始食，味道果然唔錯，少少微辣再配埋雞煲嘅濃郁嘅醬，個雞煲好快就俾我哋清灑，之後當然就係點打邊爐嘅食材，由於等位途中已經見到佢哋聲稱食完雞之後就加2吋到嘅豬骨湯，就連豉油都唔洗點，我哋就試一試佢。邊爐料一到見到D食材好新鮮，唔會係雪到D嘢實的的，肥牛都有雪花同埋特級俾你揀，我仲要到個特選黑豚腩片，依個要必食賣相靚仔外，仲無蘇味又大大塊，成個任點紙中仲有自家靠嘅韮菜餃同埋栗米餃，我自己就鍾意韮菜餃多D，咬落去不單有肉汁仲做到 薄餡靚，仲有軟雪糕做甜品，下次得閒都可以去食價錢合理食材新鮮

係荃灣放工約埋同事去食晚飯，知道大鴻輝 (荃灣)中心全都是食店， 不約而同大家都想食雞煲，見到18樓雞煲便入去試下， 收費也不算貴200蚊左右，可食兩個半鐘夠曬時間。自助醬料區，有多配料揀及好整潔。碗內有18樓餐廳的標誌，好得意。主角嚟啦!先食雞煲後加湯打邊爐，我地揀左微辣，雞肉嫩滑， 加埋蔥頭及薑蔥等的配料， 味道十分入味。有多款牛肉、豬肉等， 但有少少肥， 不過淥熟後食都幾新鮮同有口感。火鍋配料有很多及有不同種類可以自己選擇。新鮮蔬菜放在雪櫃裏保持新鮮同衛生，可以即時自取好方便，唔駛等。一壺一壺嘅上湯俾客人自己拎埋去加湯，十分方便。點菜紙有多款任食配料，選擇好多。

荃灣多野食人人皆知，真係想食咩都有好介紹！今日响荃灣行行下，諗到想食雞煲，之前朋友食過嚟間叫「18樓雞煲」，話平、靚、正！入到去門面企理乾淨，冷氣足夠唔會覺得焗同熱，勁多卡位坐，坐得舒服👍🏻。2個人食，所以叫左1煲小辣😋！隻雞唔係出外食咁得d雞頸雞尾，呢度食係啖啖都有肉，d雞入哂味，好香洋蔥味，又帶有少少辣味，食落啱啱好！食完我地要左個豬骨湯底，大大壺嘅豬骨湯，用十幾個鐘頭嘅精練炮製，濃濃既豬骨味真係連豉油都唔洗點👍🏻！依度既響鈴真係不得不介紹，即叫即炸針落湯底度，只需幾秒即刻拎返起，入口仲有d脆，食落唔會油，仲帶有豬骨湯味😋有個櫻花蝦片，食落有d似蟹柳口感，好特別！肥牛好新鮮，唔係一嚿嚿雪到變曬冰咁，好鮮牛肉味，亦唔會太肥好均勻👍🏻其他配料都好新鮮，2個人埋單$3xx好抵食，食物質素高。

好耐無出去打邊爐~同朋友出去食飯~終於訂到一間打邊爐的, 有人食過就去啦~都算平日, 訂左枱唔使點等限時任食，但係餐紙見到陳皮魚蛋, 即時心心眼~ 好想狂食佢阿~!!!!! (食二十粒就已經 係 圍返$32 啦~~~~~哇哈哈)但小心起見，叫左一份先, 黎到, 真係心目中的陳皮魚蛋阿~~好開心咁瘋狂叫~料不到, 驚喜仲有來~係魚腐~! 但我係要問清楚, 因為坊間會好多鋪頭都係俾魚片頭似的, 扮魚腐, 一D誠意都無, 點餐前我就問員工, 係邊隻先?佢都好醒, 一知我問, 就講係圓形好似空心咁果隻~ 咁無理由唔叫啫~~~魚蛋配咩湯底都好味魚腐配麻辣真係好正阿~~~索晒D汁~~~~~~其他食物都好好, 飲品仲係任飲, 但記得要行晒全場的雪櫃, 因為觀察所得, 每個的飲品都有D唔同~ 唔知係咪想人行遠D做運動~缺點: 排隊上去真係....好GG...你以為自己準時到...排完隊會遲到...勸大家都係早20分鐘到, 比較穩陣

第一次同朋友黎食雞煲 我地一行3人揀左個小辣雞煲我覺得小辣既辣度岩岩好 因為我都唔太食得辣點菜紙好多款野食 我好推薦食響鈴 因為佢地既響鈴唔係普通出面食到既 係自己舖頭整既即使放左落雞煲一陣 中間都仲係脆 仲要幾吸汁 好正之後出面有得自助拎菜 有生菜 娃娃菜 之類 仲有可以自助拎湯返去加 咁仲方便我次次叫人黎原先一開始有係出面拎豉油 點知發覺一邊食都冇用過豉油 因為個雞煲已經夠曬味最後仲有食埋雪糕🍦佢有乳酪雪糕同普通既雪糕 仲可以自行加配料

雖然依家到左夜晚溫度都成30幾度～但都無損我地食雞煲嘅心情～因為室內有冷氣架ma🤣!離開左香港幾日～特別想食中餐～所以去左荃灣18樓試下佢個雞煲。 佢地嘅雞煲分大、中、細、微辣同唔辣。我地叫左一個小辣雞煲，雞煲除左有雞之外，有仲好多配菜～有我最鐘意嘅芫茜、蒜頭、紫洋蔥、辣椒等，醬汁夠哂濃厚，仲帶d麻麻地咁，食落好惹味！雞件都好入味又滑身，份量都唔少架！ 食完雞煲～職員就會幫你加豬骨湯～就可以叫野打邊爐～打邊爐野食都幾多架～上菜又快！每碟份量唔系好多～岩哂我鐘意試好多野又驚食唔哂嘅人。 價錢又唔貴，又可以任飲任食，所以推介比大家試下

咩都還可以雞唔係任食！火鍋配料都係任食推介即係蝦！麻辣雞粒！鮮蝦新鮮彈牙！雞粒外脆內軟！胡椒豬肚湯好多料加48蚊(可以5加）雪糕同乳酪都好好味！價錢來講非常之便宜！都可以值得一試！如果唔識得辣嘅都可以嘗試一下小辣，嘢飲方便都係普通野飲啦，不過加多＄18就可以任飲凍檸茶凍檸水！都幾抵呀！我唔係打手都話都算係雞煲專家！好啦唔講咁多！食5食自己決定！講多一次服務方面都幾好！又有禮貌態度又好又好！如果鍾意我嘅可以訂閱我！關注我la 88

荃灣有好多間雞煲，但我自己都係比較喜歡18樓既雞煲放題，星期六日通常二位既話，要等好耐！所以我會選擇平日既時間去就唔係等太耐喇。嗰到啲雞好夠味，食完雞煲直接加湯都已經夠味嫁喇，而且火鍋料都有好多選擇，而且飲品都ok，所以值得推介比你地🤗