18樓雞煲火鍋專門店

营业中

休息中

行開荃灣搵食，又好耐無食雞煲，朋友推介呢一間雞煲，就跟朋友入去試下啦。約左七點左右，因為用左個Apps提早拎飛，所以雖然已經好多人，我地都只係等左幾分鐘就已經有位，夠晒方便！而且真係估唔到唔係星期五六日既晚市，都坐滿晒人仲有約十人等緊，我諗應該都唔會差。呢度選擇都幾多下，除左普通既肥牛呀丸呀之外，原來仲有唔少特別野喎。飲品選擇都幾多。醬料選擇就略嫌少左Ｄ，不過雞煲本身就濃味野，所以問題不大。---雞煲醬汁非常惹味，食得出好足香料，花椒、八角等既香味都好出，而且唔會太辣同太麻，雞件又滑又入晒味，難怪可以係呢到咁受歡迎。肥牛既肥瘦適中，脂肪分佈平均，牛味香濃！呢到有Ｄ比較特別既野，分別係我至愛既台灣一口腸，同埋櫻花蝦片。估唔到台灣腸同雞煲原來又幾夾喎！櫻花蝦片感覺同普通蝦餅差唔多，不過不失。另外呢到既菜都好新鮮好fresh。呢到最好係有得自助擠軟雪糕，口味除左有雲呢拿仲有草莓味。仲可以加棉花糖、椰果、爆爆珠等等唔同既配料。搞到我都忍唔住食左好多杯。---整體黎講呢間雞煲野食都唔錯，而職員收碟上菜都好快又冇漏單，服務幾好。

英皇多野食就係荃葵人都知（P.S.雖然依家改左叫做大鴻輝，但我相信好多人都同我一樣叫慣左英皇改唔到口）而呢一間雞煲竟然夠膽自稱地表最強？有冇咁堅呀？一試吖！又真係咁堅喎！==============================食雞煲最緊要係咩呀？梗係個雞煲啦我地叫左小辣，都唔算好辣食開辣既話直頭感覺唔到辣如果同我一樣食開辣既朋友可能要叫中辣或以上呢到既雞煲，Ｄ雞好嫩滑又入味更重要係個汁又香又濃只係個人唔鍾意成日都咬到Ｄ花椒八角等等既香料食物都幾多選擇我鍾意佢可以自己拎上湯唔洗好似其他雞煲咁等到個雞煲燶晒都未有人黎加湯醬料區其實佢講得岩真係唔洗點鼓油因為本身都夠濃味飲品選擇都幾多最驚喜係竟然有自助軟雪糕仲可以加焦糖漿正呀火鍋食物有太多我只介紹幾樣我既重點推介肥牛呢到既肥牛有兩種一個係雪花肥牛，一個係特級肥牛雖然我食唔出有咩分別但係可以話比你知兩個都好好食雖然雞煲味濃但都遮唔到佢既牛味仲要口感柔嫩，試得一試炸魚皮同自家製響鈴兩個都真心正炸魚皮大大塊又香脆唔似其他好多時上到台都碎晒自家製響鈴真係自家製未見過咁既形狀但唔見以為佢係自家製就比唔上機製口感甚至比機製更好，更香脆，更有層次必食推

呢日黎到荃灣工作，正諗緊晚餐食咩嘅時候，剛好經過大鴻輝，呢棟大廈出名有好多間任食邊爐，所以經常都大排長龍，而喺樓下見到水牌18樓有雞煲火鍋喎既然好耐冇食咁就決定試下佢啦到場時八點基本上都差不多滿座我地兩人大概等咗10分鐘就入得，都算快呢度都係同其他樓層一樣做任食任飲，飲品櫃都係大路野有可樂、茶類或者鴻福堂飲品，款式唔算多但都足夠。而任食食物就頗多，啱哂大胃王呀！一坐低職員就會問您雞煲辣度，分別冇無辣、微辣、小辣、中辣同大辣，我地第一次食所以啲揀咗小辣大約5分鐘雞煲就上臺，呢個時候職員仲會幫您攪勻雞煲，十分細心攪一陣之後就正式開餐發覺佢嘅小辣都比想像中辣，所以我地食咗無耐已經要無咁飲野同加啲湯，唔食得辣嘅話最好揀唔辣或者微辣就已足夠啦。之後就黎咗任點食物，因為食物係按人數分配，所以每款都係大約2-4塊，好處就係可以每樣都試下個人認為牛肉同蝦都幾新鮮，而蟹棒幾甜所以encore咗好幾次墨魚滑係一小份但兩人食已經夠，咬落好彈牙爽口，又係encore之選而鮮腐竹就好大塊好滑，唔會係一餅野咁而蔬菜要出去櫃臺度拎，都係新鮮，娃娃菜幾甜！食到咁上下都幾飽，於是就向甜品出發佢有個自助甜品吧，有兩種味道

之前一直都知道荃灣大鴻輝係多嘢食嘅，今日爹哋去咗開會，所以我同媽咪就兩個人去咗試吓呢個朋友之間都推介嘅18樓雞煲火鍋專門店啦，想搵食嘅朋友要留意呀去到下邊入口排隊千其唔好排錯，好似我咁白等左8-9分鐘，記住要搭右手邊嗰一部啊!!!好彩我哋訂咗位，諗住星期二晚都唔算太多人啦，點知都可以座無虛席。我同媽咪叫咗一個小辣雞煲，唔算太辣嘅，就算我呢啲唔食得辣嘅，都比佢嗰一種麻吸引到。食完雞煲之後，就可以自己出去拎上湯再加落雞煲到打邊爐啦！從來都覺得大波一個發明真係好偉大！嘢飲方面餐廳購入咗呢啲韓國嘅純茶，配麻辣雞煲真係一流呀唔太甜又冇加糖正！出邊仲有自助調味料站，有生蒜，乾蒜，辣椒同埋葱俾大家可以自己調校味道不過個人覺得咸咗小小，淨係用上湯加雞煲湯底咁去打邊爐其實已經好夠味啦！我同媽咪最鍾意食魚皮叫咗啲魚皮真係幾脆嘅，仲有想重點推介嘅係佢哋自家製嘅響鈴，雖然冇影相但係真係好脆，索埋啲打邊爐嘅汁真係一流呀！呢度所有野你哋幾多個人佢哋就俾幾多份量你，所以唔驚叫得太多每樣野都可以試吓，仲有佢哋嘅自家製粟米餃同韭菜餃都好好食。仲有佢哋嘅櫻花腐皮真係有櫻花蝦係入邊架絕對值得一試同我地自己出邊買返嚟打邊爐嘅

平時同屋企人都好少入荃灣食飯，今日咁岩去開就去咗呢一間18樓雞煲試下，因為之前聽朋友講幾好食🤤我哋七點鐘去到，都仲未好多人，唔使等位住！但係都我哋九點左右走嘅時候已經門口排晒長龍啦，所以建議係食嘅話要早啲排定隊🙈呢個雞煲真係好惹味！我哋叫咗小辣，但其實食唔到辣味😂😂啲雞好嫩滑，仲斬到好細舊，都食得好方便㗎！食完雞煲梗係要打邊爐啦，佢呢一度打邊爐係加高湯！佢有教你要落幾多湯落個煲，照住佢落就唔會太鹹或者太淡，其實連豉油都唔使點㗎🙈而且打邊爐配料嘅選擇都好多，啲嘢食又唔大份，可以試多啲唔同嘅種類😆我哋全家都好鍾意食牛，所以牛係必叫！呢度嘅牛一啲都唔肥，唔似其他任食鋪頭咁，食多幾塊都唔驚肥❤️特別要推介鯇魚片，真係好爽口呀😍仲有軟雪糕同埋乳酪雪糕！食完仲有甜品真係啱啱好😍

今日放工之後一家人黎到荃灣呢度食雞煲，我地大概6點幾7點左右黎到，果時仲未有好多人，所以我地好快就有位坐低食野🤣🤣因為我地一家有啲人食得好辣，有啲就麻麻地，所以雞煲我地選擇左小辣，咁就大家都可以食到😊🤤食完雞煲之後就可以任點點菜紙上面既食物，我地前前後後都點左成2-3轉，大家都係食到飽哂先停手架🤤🤤🤤呢到既食物大多都不過不失，不過其實最重要都係配埋個豬骨湯底，檯面上面有個牌寫住話要落2寸豬骨湯，味道就會岩岩好，果然係無呃人架😂加到2寸左右既豬骨湯味到真係岩岩好，原本倒左出黎既醬油都無點過，就已經夠哂味啦☺️☺️反而煲煲下個湯唔夠水果陣會太濃太咸，要再倒湯倒到2寸先可以繼續😊😊😊

真係太抵食啦，平時食個雞煲都要百幾蚊，味計打邊壚材料，依間真係經濟又實際呀，百幾蚊一個人已經有哂兩樣野，而且，食物種類同打邊壚材料好齊全。仲有就係食材都好新鮮，眼見菜的種類都有成7-8樣俾你簡，飲品方面就每邊每個雪櫃的野飲都吾一樣嫁，所以，食得太飽順便可以周圍行下。雞煲好足料，都真係幾大煲。班食肉獸點咗好多牛，牛肉吾錯，夠哂薄。平時打邊壚，最鐘意皇帝菜同西洋菜架啦，好新鮮。好多花膠，煮完熟咗又真係幾膠下，聽講食多d，會後生的，我吾客氣啦，叫多d先。食完正餐，緊係食雪糕啦，今日有抹茶味。依間食雞煲都幾大間，一大班人黎食都冇問題，冷氣又夠勁，我地d女仔凍到要著外套，張相只係依間餐廳其中一邊。閒日黎到7點鐘已經好full，同埋，好多卡位，6人的都有，坐得好舒服。

荃灣的火鍋店真的很多，本來以為星期四的晚上會比較少人，但七點半的晚飯時間，依然人頭擁擁。平日收費是成人$168 用餐時間2.5 小時，對我來說是足夠有餘了全層餐廳面積很大，座位分鋪都很舒適寬敞，取了電子籌再等了一會，我倆二人被安排到四人卡位，冷氣略嫌不夠不知道雞煲的份量是否跟據人頭分配，雞肉算是很多，配料都很惹味。我們點了小辣，其實不辣，是屬於比較香口濃味，餐廳建議加入少少上湯進食，但我食了一半才看到，哈哈哈哈食完了雞煲，可以追加火鍋食物，選擇都不少。因為不知道份量如何，所以先小試牛刀，點了幾個看看。食物送上時，發現原來份量應該是按人頭算的，每款只有兩至三件，賣相不俗。要重點介紹一下：自家響鈴 - 上碟時還是熱的，而且很大一件，等同平時兩件size台灣一口腸 - 其實都要食兩口，哈哈，很少在火鍋店見到，不防一試頂級墨丸 - 混了鮮墨魚粒粒的！很爽口很新鮮萵筍 - 厚切香甜，新鮮的萵筍會覺得有奶香味另外自取區有雪糕機，醬料，生菜類和飲品都是自取的。我倆都不用再加醬料了，雞煲本身已經夠味道。飲品款式都很多，當然要試試未試過的道地蘋果茶，可惜沒有涼茶款式。乳酪雪糕可能供不應求，雖然呈水狀但

食過兩次呢度既任食火鍋，都覺得質素唔錯，性價VERY高強，呢晚就帶屋企人，4個嚟食，睇下keep唔keep到水準。叫個個少辣既雞煲，好快上枱，未食已經聞到陣陣雞煲香味，除左主角雞之外，配料還有洋蔥、乾蔥、蒜頭等等。雞件處理得幾好，無雪味，啖啖肉又夠嫩滑，好味道，食到咁上下，我地自己出去扲湯壺加湯，開始打邊爐其他火鍋料選擇都好多鯇魚片爽脆無骨，魚味適中並無腥味，輕灼十秒八秒即可食用。牛肉肥瘦分明，仲要好大塊, 色澤紅潤幾新鮮，最重要係質感非常爽滑軟腍，而且牛味夠香次次嚟都要食幾碟特級牛肉！入口依然軟滑，牛味唔錯蝦滑價錢唔平但真材實料，裏面有唔少蝦肉，食落夠哂彈牙。鮮炸響鈴--十分夠份量, 又大件, 脆卜卜，當浸湯後，會緊緊鎖住湯汁於響鈴內，咬起來彈牙多汁滾兩下食得,淋淋地吸下芝士汁既湯,一個字香有水餃、雲吞、韭菜水餃, 每粒都大大隻，而且彈牙。入面料又多, 滋味多汁, 最欣賞是不易散開及變成粉團, 真的不錯。蜂巢豆腐都是能緊緊鎖著湯汁，十分滋味, 而且厚切大片，咬起來會十分多汁，不像一般豆腐般易散及碎。海鮮任點，好新鮮，蝦任食，超抵！牛粉腸都好新鮮菜都是打邊爐不能缺少的食材，菜十分新鮮及

有兩pairs 朋友先後推介呢間雞煲放題，今晚終於同愛人嚟到食，招牌18樓雞煲，辣度可選擇大、中、小、微、不辣，2-7人一個雞煲，我哋2人就最抵，食食下有6位中學生嚟食，都係食同一size雞煲咋，而8位以上有兩煲，食完雞煲，可響吧枱自取煲左十幾個鐘嘅豬骨湯打邊爐，如果客人唔選擇雞煲，可以轉一款湯底，有粟米蘿蔔豬骨湯、鮮濃番茄湯、四川麻辣湯、花雕藥膳湯及鹹菜胡椒豬肚湯，有六款選擇咁多，真係打邊爐嘅專門店；食完雞煲立即點左我D朋友都話正嘅豬肝，佢哋話好好味，新鮮嘅豬肝一滾之下，香、滑、彈，仲有久違咗嘅潤香味，正！推介黃金麻吉燒，入邊麻署好似芝士咁流出，QQ哋好得意；是日海鮮推介，今日係聖子仔，乾淨新鮮；其他食物都係中上貨，肉類亦肥得平均，自助蔬菜櫃選擇多，同樣翠綠；值得一提，有個柜專放唔凍飲品，啱哂咳嗽嘅客人。

很久沒吃雞煲，所以約了朋友這天到荃灣大鴻輝，看看有什麼雞煲火鍋。看到有18樓雞煲，之前未吃過，所以便想試一試。六時多接近七點，上去已經大排長龍，很多人在等候。等了大概15分鐘便有位置。坐下侍應便問我們要什麼辣度的雞煲，我們點了中辣，是二人份量的。我們先吃完雞煲之後才叫打邊爐的食物。這裏是任飲任食，還有雪糕和乳酪還可以加toppings,非常抵吃。先說說雞煲的雞肥瘦適中，味道10分濃郁，很適合重口味的朋友。辣度剛剛好，麻麻辣辣的非常滋味。吃完雞後，我們便叫了打邊爐的食物，肥牛，烏冬，菜，還有響鈴，任飲任食還有鮮蝦真是很抵吃！食物很新鮮，響鈴的形狀像一個球體，10分可愛。另外 還有花膠可以點，花膠在湯內放了比較長時間，十分軟熟，感覺很滋補，很適合女士。第二輪點了肥牛，蘿蔔片，冬瓜片還有一些丸類，墨魚丸非常彈牙，可口，入面有很多墨魚粒，非常有口感！冬瓜片，蘿蔔片，煲久了非常入味，是我打邊爐必點的。吃完鹹的東西，最後我們吃了乳酪雪糕。那個乳酪還可以自己加麥片，曲奇碎在上面。飲品是自助式的，有韓式的飲品也有一些無糖的茶，有很多選擇！總結這裏的雞煲非常抵食，因為是任飲任食的，食物和飲品都有很選擇還

荃灣大鴻輝，我都算係常客，我試過好多間火鍋放題，呢間18樓雞煲性價比最高當然係招牌嘅麻辣雞煲，真的很入味食到滿頭冒汗，淨係慢慢品嚐呢個雞煲都已經值回票價 加上兩個半鐘頭任食，真係抵上加抵 ！落地玻璃我們坐近窗旁，感覺開揚。我最喜歡海鮮配料，今日嘅是日海鮮係聖子仔，肉質鮮甜鮮魷魚，好厚身，好有咬口。墨魚滑夠曬新鮮。雪花肥牛只需輕輕 "一卓" ，肉質柔軟牛味豐富！自助疏菜吧，選擇夠多而且新鮮乾淨！炸魚皮真係可以一再encore 很鬆脆！陳皮魚蛋好入味，加熱後不需要點任何醬料！入口煙煙靭靭！最後軟雪糕，夠曬透心涼！

今日成班老友踢完波出完身汗，梗係要搵返啲好嘢食下，補補身!呢間18樓雞煲，我都係第一次去，貪佢有得打邊爐之餘，仲包括埋有雞煲食，一舉兩得!估唔到呢個麻辣雞煲才真正是我的至愛!呢個雞煲，香味十足，麻辣真係食到嘴唇發麻，好過癮! 花椒，八角，洋蔥，大蒜 醬料 真的很入味! 鷄㷛中並沒有太多雞頸 雞腳，雞件啖啖肉，我哋仲加上唐生菜，通菜等放入雞煲內，來來回回食咗很多菜了 !真的十分惹味我們所有雞件一件不留...上半場完了，已經很充實，稍為休息，準備下半場雞煲打邊爐!海大蝦及小聖子，十分鮮甜，仲係無限任叫，真抵! 要讚一讚就係漏單情況甚少，上枱時間亦算快，因為我哋呢班飢餓一族，食量真係驚人， 好彩呢度放題係2.5小時，沒有太緊逼!鮮魷魚界曬花很新鮮，雪花肥牛不算太肥 而且牛味豐富!必食嘅係 “陳皮魚蛋” 真係有街邊嘅魚蛋風味!呢個價錢任飲任食，最啱我哋食得一族，真係自己買材料都未得，而且比一般火鍋放題 仲多個招牌雞煲， 真係抵食!

星期二收左工同朋友去荃灣大鴻輝中心去食雞煲放題... 估唔到星期二都幾多人，不過好彩一早預約咗，加上成個場都係佢地既， 唔洗5分鐘， 已經坐低咗仲食緊雞煲。朋友唔食得辣嘢，所以叫咗個微辣火鍋， 最值得推介嘅係佢嘅湯底係 足料豬骨濃湯。加上大大隻有膏既大隻既蝦，蟹柳，豆腐，肥牛，通菜，今期仲有特色聖子，食到停唔到口。食得最開心既就係樣樣嘢都好齊全，唔洗一陣野食已經極速送上枱，有兩個飲品廚櫃任你拎，支支都係急凍，我揀左支冇糖既茶及冇糖可樂去飲，幫下消化同減卡路里。哈哈。呢個價錢真係抵食。餐廳多數都係同朋友GATHER一下既好地方，今晚見到最多就係壯男班以及情侣班。番工之餘有時都要適時咁放縱自己，大食一餐，唔係好肉食又想食得健康既朋友仔，我極力推介滑豆腐，菇類食材四種，響鈴，萵筍記得煮一分鐘多撈起食係最正，另外南瓜片都極力推介，，，最後，點少得過任食自助雪糕機，有雲呢那，朱古力，草莓，乳酪四種口味，仲有爽口脆脆任添， 冷凍程度恰到好處。最後 順帶提一提1, 鋪頭入面個個員工都好勤快，收碟，上菜好快手。 2, 大讚啲菜又洗得極度乾淨，冇壞葉，非常安心入肚，希望下次去既時候都有干淨菜食。3, 是

夏天點少得火鍋？放題選擇有好多，今次就試下呢間雞煲火鍋。18樓雞煲火鍋固然是在18樓啦記住要預留時間排隊同埋訂位，因為都好多人食呀！餐廳的裝潢都是有香港懷舊特色的，而坐位亦有少少似香港茶餐廳的風格，岩晒忠愛香港人。自助吧有醬料及甜品，亦有多款蔬菜，絕對是新鮮有選擇的。雞煲味道非常香，而且雞件都大大件，今次選了中辣，見到每件雞都有好多醬汁。雞件唔會煲到無晒雞味，反而非常鮮嫩口滑。食完雞當然要試下火鍋配料，為免浪費，每樣點少少試下比較好。特別推介呢款羊肉片，如果本身中意食羊肉但又怕蘇味，可以試下呢款，因為唔會好蘇，但絕對有羊味，火鍋一流！另一款必食推介就是即炸響釣，平時見到多數是長條形的，但這款造型非常有畫面，而且即叫即炸，所以既可以火鍋湯灼一灼，亦可直接入口。火鍋怎能沒有菜呢？雖說如果菜最後先食是吸晒所有油份，不過咁先係最正的精華吧！