18樓雞煲火鍋專門店

营业中

休息中

平時見到呢間野都幾多人排隊，於是就BOOK 位試下啦。18:30食到21:00。一坐底就問要幾辣，就即上個雞煲(咸)，唔明點解得一個鐵匙，唔係每人一個，任食黎講都選擇多，飲品又多選擇，而且最好既係有雪糕同埋乳酪雪糕。因為唔覺得有咩好影所以今次冇影到。只係覺得愈來愈咸，只好加清水。冇加佢D湯底。最好既就係是日海鮮，蜆好新鮮有鮮甜味仲冇沙。蝦都新鮮，魚雲都新鮮，其他都同任食火鍋既冇咩分別。只係佢多丸類比較特別少少，例如章魚燒、三文魚丸等等。雪糕配料有芝麻粉。

天氣轉凍，朋友話帶我去食超抵食雞煲。地鐵站行去幾分鐘，大鴻輝中心上到18樓，個名都係叫18樓雞煲火鍋專門店，都易記喎。坐低第一時間揀定個小辣嘅雞煲，食完雞煲后火鍋配料、汽水 飲料都係任叫任食，好多選擇。除左柯打紙上既食物，調味料、上湯、飲料、甜品都係自助形式，多種蔬菜擺在雪柜度，感覺到好新鮮同乾淨。雞嘅肉質好嫩滑，份量適中，剛好留肚打邊爐。😋火鍋配料好新鮮，其中墨魚滑、肥牛、響鈴、魚皮都係追加左。百幾蚊既價錢食到新鮮好味雞煲火鍋，今晚算唔錯，值得再次幫趁。如果你想食好D可以選擇以下食物同飲品。

每次去荃灣食晚飯都會唸到大鴻輝，因為個度真係好多野食前日我同男朋友就去左18樓雞煲到食，顧名思義餐廳係係18樓既首先就食雞煲先(有得簡不同既辣道)，唔想食雞煲既話就可以簡特色湯底我地當然係叫雞煲啦微辣已經有五至六隻辣椒仔，不過食落唔算太辣，岩岩好！食完之後就可加豬骨湯準備打邊爐啦全部任食嫁！超多選擇另外，仲有得加錢叫其他食物海中蝦係新鮮蝦黎，大大隻好正是日海鮮推介就係蜆，食落無沙又好鮮甜白鱔片都係我打邊爐至愛必叫！鎅花魷魚同墨魚鬚好特別，因為好少任食地方有得叫推介：粟米餃（自家製）個皮唔太厚，肉既份量唔多，但有好多粒粒粟米超甜！好好味菜類係無得叫，要自己出去雪櫃到拎全部洗得好乾淨，又無爛甜品就有乳酪同軟雪糕🍦乳酪就整左個原味加西瓜味，西瓜味味道幾特別而蜜瓜味軟雪糕都好正，無藥水味總結：雞煲正！任食海鮮種類多，海蝦夠新鮮！粟米餃亦係推薦之一，不可錯過！甜品都唔錯

約咗一班中學同學食邊爐但又諗唔到去邊間好咁我就提議下雞煲佢地又話冇問題 咁我推介咗呢間18樓雞煲第二次黎呢到一間未有劣評既任食雞煲食過下幾層既雞煲冇雞肉得雞骨既煲所以18樓真係唔錯位於大鴻輝 排隊搭LIFT會好多人地下既價錢牌兩個半鐘任食六位既卡位窗口位黎但六位有D迫 冇位放袋內在環境窗外景色點餐紙叫咗個少辣雞煲好多雞汁唔會乾晒塘咁個侍應話已經食得架喇好多雞件唔係雞骨份量十足調味惹味 雞肉唔可以話鮮嫩 但任食黎講都係份量搭夠個汁少辣但朋友覺得好辣 雞汁甜甜地冇酸味 麻辣感覺之後打邊爐都係個幾味 肥牛 丸 等等抵食性價比超高

好嬲，我兩個人1830去到，拿了二人飛12號，當時二人檯叫到10號，諗住兩張姐好快到，點知等下又等，二人檯郁都無郁過，最嬲係三至四人檯和5至六人檯係一黎就可以入，直至到二人檯號已按到了40號，都仍然無郁過，而當時他們是有3至4人檯好幾張但無3至4人的人按飛，他們也完全不理會二人飛的人，不會俾3至4人檯我們先入，早食早走，最後等到7點半先入到，原來。。原來幾十張檯裡面只有10張二人檯，重點唔係嬲無檯，係有檯都唔俾，而且二人係謝絕book檯。其實你早d俾我地入，我地早d食完咪早d走，呢d咪唔識做生意囉。總之1至2人黎食就完全被忽視的感覺食物來説，雞煲的雞不算多，但味道很好，而且價錢不貴，火鍋配料方面也有花膠和蝦任點，以這個價錢係算吸引的了。

話說上次帶啤先生食過了一次雞煲後食過返尋味，要再食多次～我最愛試新餐廳，當然又上openrice搵餐廳啦！ 見18座雞煲火鍋專門店咁多好評，就試試這間啦！平日夜晚7：00過到黎，唔洗排隊就可以直接入去，餐廳大半滿。到左8：00就滿晒，出面等緊位啦～俾個貼士大家，呢間餐廳可以用Foodgulu拎飛，如果冇咁早黎到但又唔想等位的話，可以預先用App手機取飛排隊，黎到即刻有得食場內所見，雖然枱好多，但每枱座位之間空間好夠，唔會太迫，食得好舒服，值得一讚話明食雞煲當然要介紹主角啦！我地揀左微辣，啤小姐好中意呢個雞煲的醬汁濃度同味道，呢度的微辣唔會蓋過雞煲的惹味，但同時令味蕾有少少刺激感，好過隱花膠： 雞煲竟然有得任食花膠雖然花膠唔算大，但好滑，食完即刻覺得骨膠原爆燈！白鱔片：有驚喜！平時出去打邊爐的魚很多都有腥味，但呢個有魚味而且略帶甜，值得一試肥牛：有分雪花肥牛肉（圖上）同特級肥牛（圖下）2款，啤小姐比較中意雪花肥牛肉，因為脂肪分佈比較平均，食落牛味極香濃！牛肉控必選！白蘿蔔： 圓薄片一塊看似平平無奇，原來吸收了湯底食落超甜，厚度薄薄的好快熟，是啤小姐吃過最好味的火鍋白蘿蔔！啤小姐encor

搭電梯上咗18樓，發現一個落地玻璃可以睇到出面嘅樓景.樓面乾淨企理，場內非常大非常寬敞.服務員安排錯左係一個可以睇到荃灣嘅景色位置，真係好開心又食雞煲打邊爐都係睇到咁靚嘅景色。場內有個自助區，醬料雪糕可以自己隨便加。有一個大雪櫃裏面有大量嘅飲品多種選擇。到咗最重要是主角"雞煲"，個煲好大好多雞肉非常足料蔥同辣椒味芬香撲鼻，雞肉唔會太鞋味道整得啱啱好。肥牛、牛柏葉、番茄、墨魚滑最驚喜仲有花膠添喎，所有野都非常之新鮮加上我最愛既肥牛真係好食，以為放題冇好嘢食啦，會俾差差地既食物，無想到會咁好，真係肥牛嘅水準同其他食物水準都係比較高，係絕對抵食！

平時食散叫雞煲火鍋都好貴。今日食任食ge 2個半鐘，慳下錢咁。黎到10點左右，要等一等，不過好快就到我地。今次試左雞煲中辣少麻。以平價雞煲黎計，味道唔錯，一般雞煲料都齊全，可惜雞肉分量少，有雞肉多數都連大大塊雞骨，食骨多過食肉。飲品款式尚可，有可樂、汽水橙汁、蜂蜜雪梨茶、Jolly Shandy、烏龍茶同得米雨前龍井茶。寫完點餐紙，上餐速度同收空碟都幾快。有自助雪糕吧、醬料區、自取上湯同生菜。丸類寫一係紙到真係上一粒，應該係怕人浪費，都幾好，自己預番食幾粒丸，可惜丸類選擇較少，連好普遍的龍蝦丸都無。響鈴係自家製，個樣比街買的比較厚身，都幾有趣。

次放工約左個朋友喺荃灣度食，地理位置都幾方便，喺港鐵站行過去並唔遠。呢一度主食雞煲再打边爐，職員好快手就搬左個雞煲上黎。雖然我地係叫小辣，但果陣麻辣味好重!好正!啲雞咬落去好好食，皮靚肉滑。因為夾埋陣麻辣味好好食，所以我地就好快手已經食完個雞煲。之後加湯同點材料，我地就決定每樣材料都點啲食，小食多滋味，多嘗唔好嘅菜比單點更好。呢一度嘅材料都有好多選擇，肉類方面，比較好食嘅當然係雪花肥牛，肉質好，入口一流。至於羊肉片都冇羶味，海蝦嘅蝦肉都有咬口，值得一食。丸類嘅我地就冇點咁多，但係啲餃類都值得一提，絕對冇伏，係幾好味嘅。而菜類呢，金針菇同粟米都係必點，金針菇夠大紮而粟米都好甜。值得一提係炸魚皮同自家制響鈴。呢兩樣炸物好出色好有特色，因為材料好，所以先做到浸落湯三秒上水依然係脆嘅感覺，而自家制響鈴仲係成個陀螺咁，睇見都吸引。飲品方面有好多選擇，茶又有汽水又有果汁都有。最好嘅係甜品，可以自己郁手做，而且有混合味道，每樣都可以試到，想食多定少都自己話事，非常好!

位於荃灣大鴻輝中心18樓嘅一間雞煲火鍋專門店，名副其實嘅18樓雞煲。到到店舖接待處，已經見到好多人在等候。可以見到門市生意非常之旺。但眼見未為真要試過先知！明顯結果冇讓我失望，服務員耐心為我和朋友講解雞煲嘅食法，而且幫忙攪拌雞煲以令調味醬汁更入味。相信唔使講都知道食完雞煲可以以打邊爐嘅方式繼續進食。食物嘅款式非常之多，包括最常見嘅雪花肥牛、響鈴、餃子、各式蔬菜等等。而且店舖特別之處係好多地方都可以自助形式，例如可以自己選擇各式蔬菜或者自助上湯。形式唔受到束縛，可以以自助嘅形式迎合返自己嘅份量。當中點餐紙有部份推介食物，係餐廳為消費者推介嘅美食，而我就選擇左雪花肥牛。肥牛口感鮮嫩，每樣食品都有適當嘅份量供大家選擇，令我可以享受到一餐自由自在嘅雞煲火鍋放題不得不提就係雪糕機，雪糕口味分為4種，更有兩種口味嘅混合，適合男女老幼

今晚決定要食多啲.. 我地一行四人都餓得很.. 就揀左間任食雞煲試下.. 好評如潮嘅18樓雞煲火鍋.. 見時間尚早又不用等位食左先講.. 我地坐近窗卡位都有景睇下嘅..而且食物種類都幾多.. 全部都任點任食連花膠都有.. 任食嘅好處就係可以唔洗睇價錢樣樣都叫啲.. 一坐低就當然狂點野食喇.. 不過原來自助區都有甜品同埋配料區.. 可以自己攞菜藍.. 同埋都放得好整齊.. 飲品又可以自己沖都幾多種類可以選擇.. 不過我當然最期待都係食完雞煲就再食Yogurt..  麻辣雞煲 - 小辣 : 醬汁味道惹味.. 加埋洋蔥鮮味.. 雞肉夠大件啖啖肉.. 性價比高.. 美中不足就係雞肉不夠嫩口.. 但味道搭夠補上.. 上菜速度夠快.. 點左一陣就全枱都係食物.. 份量按照人數而俾架.. 份量適中.. 不過質素普通但勝在種類多.. 有排試有排食.. 菜藍都係自己攞就得.. 食D多菜好有益.. 重點推介: 響鈴卷卜卜脆.. 點整都係咁好味.. 一煮完都仲係咁厚身.. 好Juicy..  仲有打邊邊既恩物 - 炸魚皮.. 就咁食都好好味又夠脆.. 感覺好新鮮.. 食得飽飽當然唔少得女仕最愛既甜品喇.. 

想食雞煲好耐，一行4人5:30p.m.就去食雞煲。原來5:30p.m.依一圈都幾多人下，可能今日係星期日，所以都好多人好似我地咁，早食早享受。飲品係飲飲，想飲幾多就拎幾多，種類都幾多選擇。菜類就自取，又係食幾多拎幾多，方便，一碗碗可以食多幾種菜。仲有雪糕及雪糕乳酪自由斟，還有配料自行加入。Good!自助醬料區例牌一定有，整混醬一流。18樓雞煲真係係18樓，所以景觀唔錯。邊爐料都選擇幾多下，又朋友發板點野。雞煲叫左中辣，入口麻味十足，但辣味略微不夠。但整體味道都幾好，雞肉入味彈牙。食晒D雞後即加湯轉做打邊爐，清湯需自己去水吧拎。所有邊爐料新鮮，份量剛好，食晒先再填紙，方便衛生。打邊爐一定要食響鈴，因為夠吸味，入口麻辣味更突出。最後食返杯自由斟雪糕乳酪作結尾。正!

大鴻輝中心真係好多好野食， 近排天氣凍，一於食個雞煲暖下身因為朋友唔係好食得辣，就簡左微辣，但佢用料一d都唔馬夫，食得出個sauce有好多花椒八角，好惹味！同埋好多雞呀菜同飲品都可以自己拎。配料都可以自己係出面拎食完雞煲就可以叫餸打邊爐啦，好多選擇，花多眼亂肥牛片叫左兩碟，肥瘦適中，唔會好so. 好食！呢個墨魚滑都好正！ 一舊可以分到3 細舊，人多既要叫多幾客啦。熟左。 好彈牙佢個冰豆腐都好正，索哂d麻辣汁，好過癮！不得不提呢到既響鈴，係自己整嫁！好新鮮打邊爐點少得佢！

上星期約左班姊妹出街, 同佢地出街有樣野好, 就係唔洗諗食咩好!因為有一位係食家, 即係有咩好既餐廳佢都會去食.我地今次跟佢黎食雞煲, 真係18樓有既雞煲.原來一出LIFT就到, 成層都呢間餐廳,  我地坐窗旁卡位, 仲望到出面既景色.大家都係鍾意火辣辣麻辣既雞煲, 我地認為咁先至過穩.所以黎呢度食, 揀左大辣, 望見個熱辣辣既雞煲, 真係流哂口水架!雞煲沙嗲味濃，入面嘅花椒落得勁重，食落好香花椒味遠處都聞到陣陣麻香味.另外, 場內有飲品櫃，蔬菜區，醬料區自助區, 醬料款式選擇亦都好齊全, 你可以自己調配合適自己既醬料!食完雞煲可以加湯打邊爐,  配料都有好多選擇, 由於大家都係吃貨, 可以點多D款式品嘗.海蝦: 新鮮, 肉質彈牙, 唔會有急凍味.花膠: 可以美顏, 女任必試, 入口軟滑，有豐富膠質!響鈴: 大大件，炸得好香脆脆，值得推介！肥牛: 脂肪同肉既分佈均勻。新鮮好味, 絕對可以encore啦!有乳酪雪糕: 有唔同口味同配料, 仲可以任食, 我地都好唔客氣, 食左好多。

最近食友搬左去荃灣，開始發展至荃灣區搵食，大鴻輝大廈一向多選擇，今次去18樓食雞煲，任食每位$158+1。一入場，卡座遍佈，坐得舒服，唔洗同隔離枱撞黎撞去，又保有少少私密度，每枱走廊位置都有張細枱仔放食物，枱面唔會太迫。雞煲有唔辣小辣中辣大辣，職員介紹食得辣嘅最好中辣以上，順應民意，order中辣雞煲。中辣可以接受，出去醬料區拎一大碟新鮮辣椒配搭下（這裡嘅辣椒品種幾辣下，間中都要停一停，灌一灌飲品）。雞煲味道香辣，雞肉滑嫩，洋蔥趁剛上煲就好，爽脆好食。食雞食到差唔多，可以去醬料水吧區自取湯水，加幾多睇個人喜好，我們比較喜歡每轉加大約1/4至1/3，啱啱夠湯滾食物又保留雞煲味道。下鍋食物最推介菜類、秋葵、響鈴 - 夠新鮮爽脆麻辣雞粒 - 即食香脆黑豚腩片、梅頭豬肉 - 肉食唔解釋脆鯇骨腩、豬肺 - 口感一流魚腐 - 外靭內軟特別要提一下，這裡嘅飲品櫃有別其他舖一排過嘅擺法，周圍都有一兩個，唔理坐邊個位，總有一個在附近，唔洗行太遠就拎到，幾貼心嘅設計。不過食火鍋點都唔少得要啤一啤，雖然這裡啤酒要加錢，最後都同朋友點左杯1664，1杯有500ml，同湯壼差唔多高。最後食埋甜品雪糕，大滿足