18樓雞煲火鍋專門店

营业中

休息中

荃灣真係美食多羅羅😋😋淨係想打邊爐食放題已經五花八門，太多選擇既時候最後同朋友決定打開openrice睇下👀最後見到一間食雞煲打邊爐既 個名叫18樓 感覺好特別所以就決定去試一試上到去門口既招牌都幾吸引 地方又幾大 坐既位都幾舒服吾會太逼👍呢度出名係雞煲 甘我地當然就嗌左雞煲試下啦 雞既份量2個人食都算多 平時食完雞煲都係加水打邊爐 呢度就加「湯」甘雞煲個味就吾會沖到好淡👍食物方便都好多選擇，海鮮類都有，都好新鮮，連海鮮都可以任食嘅，都算好抵。 肥牛肉和油脂分佈還算平均， 滾起來可口！丸類嘅選擇都算多， 芝心丸咬落爆漿又彈牙。黃色個個表面係魚蛋皮，中間好似年糕咁，幾特別，但食得多會膩呢度既火鍋配料都多同新鮮，仲有好特別既係呢度既菜係放係雪櫃等你自己慢慢揀新鮮同合心水既😙飲品方面都有好多選擇 正！仲可以加18蚊就有一杯大大杯既凍檸茶而且係無限添飲😋基評分: *味道(基基基基基)**外貌*(基基基基)*抵食(基基基基基)**服務(基基基基)*最後基言:價錢上來說，真的很抵食，份量和 選擇都多， 好多嘢都可以自助

今日返工返得不太開心，帶埋男朋友要大擦一餐，就諗住食下雞煲+打邊爐，已經係第二次食，星期二嘅夜晚都好多人等位，冇計，因為物美價廉，等左一個鐘左右就可以入座了！一坐低當然食咗個雞煲先，好彩揀咗小辣，比我想像中辣，哈哈！不過好香同好有麻辣味，雞肉好入味！瞬間K.O.完個雞煲，就加湯底打邊爐，我哋叫咗鮮牛肉、肥牛、牛柏葉、魷魚、脆鯇片、丸類菇類、菜等等。牛肉好新鮮，烚兩烚就食得，唔老，牛肉質素不錯！餐廳嘅海鮮類都好出色，脆鯇片夠脆彈身，蟹子墨魚滑係冇得頂，食得出係手打，全部都係墨魚肉，冇溝粉，我哋兩個人食咗8碟😋😋😋！飲品種類都多選擇，有兩大個冰櫃，甜品方面，有乳酪雪糕同軟雪糕，係自己唧個種，小朋友實鍾意，配料有雜果、朱古力脆脆等等。所有食物好快就到，無漏單嘅情況，食完心情成個好晒！😊😊😊

又黎荃灣搵食，今日放早，唔駛怕排隊。大鴻輝有好多選擇，平時七八點火鍋一定爆場，早放當然要食平時要排隊等位嘅火鍋，今次揀間經濟又抵食。星期一至四9:30前$168，9:30後$138，星五至日加$10，任飲任食2.5小時👍🏻個場都幾大，相入面係其中一半，另外一半已經有人入座就廢事影。人少坐卡位，人多有圓枱同長枱。我地六點就黎到，所以無乜人，但七點半開始爆場。先食雞煲，有唔同辣度可選火鍋料點餐紙飲品任飲菜有成六七款，而且好新鮮雞煲我地揀左小辣，醬汁微微辣好惹味，雞件嫩滑是日海鮮係蜆，中間白色係花膠，回本之選👍🏻雞煲本身只係小辣，所以加湯底後就變得完全唔辣，如果鐘意食辣的話雞煲選擇中辣或以上會比較適合甜品有乳酪雪糕同軟雪糕，可惜當日乳酪雪糕機壞左軟雪糕唔錯，有啲火鍋店食過好水唔似雪糕，但呢隻唔會

朋友極力推薦，所以就陪佢黎食雞煲！等左一陣就有位，我地一坐低confirm了雞煲，就即時上枱，好快手👍🏻👍🏻 我地都好同意，微辣係岩岩好的！本身見到咁大煲，心諗一定食唔哂😂，但佢d醬汁好香好滋味，加上少少辣，整體味道好match~ 不知不覺就食左80%!之後我地緊係分工合作：我點野食、佢加湯😎 轉眼間已經成枱食物，還有一煲美味火鍋😁我發覺，我地叫既野食全部到齊！特級肥牛、響鈴、各種丸、菜類應有盡有，無漏單既情況，係好值得稱讚的！🤓 飲品都有好多款！食到98%飽，食埋雪糕就岩岩好了！😬

又一排冇食雞煲又開始心郁郁想食，所以約左朋友黎試呢間十八樓雞煲。一入到去已經聞到一陣好香既香辣味，極速埋位之後點左個小辣雞煲。我地行左圈拎野飲，見到個banner強調d上湯用黎打邊爐可以唔使加鼓油，更加想試下咩料咁巴閉，等左冇耐個小辣雞煲終於到。雞煲有好多配料，令到成個煲都好香，撈均左之後就開始食。一食落口真係不得了，隻雞夠嫩滑又入味之餘，雞煲既醬料味道豐富又夠香，加埋小小辣，配合得剛剛好。而且佢d雞份量都唔少，我地2個人食完全夠食。食完雞之後就叫左d打邊爐既料，個煲加埋上湯已經好夠味唔使加鼓油，雖然都好正但始終雞煲先係主角。雞煲真係會番黎再食，個人覺得雞煲麻多少少會更正！

之前食過這間雞煲都覺得味道都唔錯，所以今日同男友心動又想食雞煲，就專登過咗嚟荃灣再食過。因為都比較夜了，大約都已經過咗十點，所以價錢都好抵食，每人都係150蚊。我哋雞煲 叫咗小辣， 大約十分鐘都不用雞煲就嚟到，仲可以即刻食。味道同之前一樣都唔錯，而且雞肉十分嫩滑， 連男朋友都話有驚喜好食。而這裡like左佢fb就可以有杯大大檸檬茶，男友見仲有其他吾同飲品選擇就飲道地。之後食完雞煲，仲可以叫唔同嘅配料，我哋叫咗牛肉 ，都十分之新鮮， 而且好薄身，所以碌一碌就可以食 ，牛味十足。響鈴係自家製，比其他店大舊，但係唔太油。 不可不講係男友十分喜歡食這裏的自家製粟米餃，粟米十分甜，我已勁飽都叫我食，之前佢最後都食咗四隻添。 海鮮我哋叫咗魚雲，白鱔片同海蝦， 都冇諗過白鱔咁好食而且十分之爽口，最後當然沒有放過吃完雪糕(不過想吃的乳酪就沒有）先走啦。

今日同學生日，我地一行4個人黎呢度食雞煲，好彩一早book定位咋！好多人排隊，但好快就攞到位啦我地我地都係食辣之人，所以叫左中辣睇落都幾足料，滾起就聞到好香 香料味！辣度岩岩好，有點刺激又唔會肚痛果隻，令人食完想再食呀。雞肉好嫩滑，煮得好入味！呢度d火鍋料都好多選擇，有兩款肥牛，個人鐘意肥少少的，比較香口。是日海鮮係蜆，冇沙，又幾鮮味喎！花膠口感不錯，女士恩物呀， 不過煮得耐會縮晒水。脆肉脘腩厚度都ok, 脆口👍🏻 入晒味最欣賞呢度d雪糕有4款，成日都轉口味，蜜瓜最好味！！toppings 任加，椰果+焦糖醬/朱古力醬 是個好配搭，哈哈整體呢間餐廳人流勁多，上菜快速，好少漏單，食物質素幾好， 價錢都幾抵食，但唔訂位真係有排等位呀！

我幾中意食辣，係朋友推介下，今日來試試呢間雞煲，果然無令我失望。餐廳好大，好多卡位，坐得舒服，冷氣好夠，裝修都幾靚。我地3個人叫左個中辣煲，好多雞呀！個汁好惹味，d花椒八角好香，仲有好多香芹同蔥，超香超足料食到咁上下，就去自助區拎豬骨湯加落去，變麻辣湯底。呢到既2 款肥牛係必食，個人中意雪花多d, 肥瘦岩岩好，一份有3-4塊。蜆都好甜，墨魚滑爽口彈牙，冰豆腐同響鈴必點！索哂d湯汁，食果彈非常過癮仲有魚呀花膠呀可以點，好多choice. 野飲全部自己拎，飲幾多都得，爽呀

今晚同朋友呢到荃灣18樓雞煲食芝味雞煲同埋各款小食， 一入到嚟，已經勁多人食緊 ，濃濃嘅雞煲香味 ，填滿咗成個店舖， 好鍾意佢呢啲卡位嘅座位， 可以同朋友慢慢傾偈慢慢食！呢個係餐牌可以任點任食 再加一個雞煲雞煲油分大辣，中辣，同埋小辣，微辣或者唔辣， 我叫咗一個小辣嘅雞煲， 話望落去係咪流曬口水呢 ！紅紅綠綠， 超惹味嘅雞煲上嚟啦 ！小辣對我嚟講已經好辣！ 但我仍然口不停蹄咁食 ！因為我覺得好滋味！！ 佢有好多嘅辣椒呀 ，花椒啦 ，各種唔同嘅調味料， 同埋配菜 釀製而成。 所以雞肉好入味， 而且好鮮嫩， 入口即溶感！ 雞煲真係好值得推介呀！ 食完呢個雞煲之後， 淨低嘅醬汁 ，可以加入上湯變成一個火鍋湯底！你個仔我加入咗上湯之後嘅湯底啦 ，可以放入自己鍾意食嘅小菜！炸雞粒好脆 好軟滑 味道岩好我叫咗好多好多唔同嘅小菜，同埋蔬菜 ，例如你見到嘅蝦啦， 黑豚肉，墨魚滑啦 ！粟米喇！各種嘅菇類呀，同埋唔同嘅魚蛋同埋海鮮。佢個櫃入面仲有好多其他嘅菜類可以自己簡嘅我拎咗呢個皇帝菜， 好新鮮呢度仲有一個自助醬料區 ，可以自己調配自己鍾意嘅醬汁。最後仲可以自己去拎呢個雪糕， 我自己就畢咗一大舊呢個嘅

荃灣係一個美食天堂💁🏼‍♂️選擇多之餘 價錢亦好便宜。今日收工同同事去荃灣行街食飯，行到好餓之制，想諗起好耐都冇食放題，終於可以俾吃貨表演下大胃王😂放題類型有好多，所以黎左放題集中型 一 大鴻輝，火鍋太多選擇，偏偏見到18樓雞煲個名幾特別，亦開系18樓😂之後就上去try try拉。行完街去到已經系7點幾，2人亦吾洗等位，一入到去就即刻有得食🤣既然出名雞煲，當然會嗌雞煲拉！如果食火鍋未免太浪費今次既機會🤔我地嗌左微辣既雞煲，食完雞煲加上湯！吾系加水！海鮮種類很多，值得推介系白鱔同脆肉鯇魚，新鮮到不得之了！好脆好爽口！本身仲諗住甘平既價錢點會有好野...點知 錯哂！簡直要瘋狂嗌黎食！一分錢未必一分貨，良心餐廳真系會俾好野你食架😍肥牛亦好新鮮 吾會話深紅色甘 最怕見到d甘既顏色，好似擺左好耐甘。自己系食肉獸，所以不停食呢幾樣野，菜又靚，青綠色既，多款簡！麻辣雞粒夠辣夠熱夠香口！仲有士多啤梨味同原味乳酪雪糕，朱古力同雲厘拿軟雪糕，另設有不同小食加落雪糕到。飲品方便好多選擇！連巿面少見既沙示都有 簡直就系回憶！亦可加18蚊任飲珍寶杯既凍檸茶凍檸水，要大讚一下！唯一就系大多數都會出現既問題，就系地方

上星期天氣凍凍地，同家姐去咗大鴻輝18樓食雞煲。好彩我地早去，不用排隊等位。我地吾食得辣，所以雞煲選了不辣，但非常惹味，好好食。食完雞煲，就開始加湯底打邊爐，任食火鍋配料非常多。點咗海蝦、脆鯇片、蘿蔔、花膠、響鈴，每樣都很新鮮，而且上菜非常快。海蝦同脆鯮片食咗幾round, 新鮮又爽口。肥牛同羊肉片點可以吾叫呢食到飽飽地，就食返d鮮淮山、蓮藕片、炸枝竹，清清地很新鮮。呢到d蔬菜非常多款，而且很新鮮。飲品選擇也很多，有我至愛的烏龍茶。

荃灣大鴻輝中心可以話係區內火鍋集中地, 今晚想烚下烚下🤪🤪揀左18樓雞煲火鍋專門店, 好多人呀!! 我地最後等左一個鐘🙈 不過黎得呢棟野度食, 就預左等, 好彩門口有位坐雞煲好好味, 雞肉好滑, 而且份量唔少, 我地叫左小辣, 我覺得唔夠辣, 下次可以試中辣!食物紙上都係任點任食, 食物款式都算多, 而份量都係跟人頭比, 咁樣可以避免浪費, 客人又可以食多幾款 👍🏻 而且食物全部都好新鮮, 頂級墨魚丸好好味呢度嘅裝修都很有特色, 有好多懷舊設計😄😄

約咗朋友去荃灣食雞煲，呢間雞煲都開咗有一段時間但係價錢好抵好吸引！入咗之後即刻揀個小辣嘅雞煲，裏面有好多雞，而且非常入味。配料方面仲有唔少芫荽，提升好多香味。同埋裏面啲雞啖啖肉，好有肉地。由於朋友唔食牛，所以全部牛嘅嘢都唔可以揀，就揀得比較多其他類型嘅食物。比較特別嘅係韭菜餃子同埋粟米餃子，裏面啲材料都幾多，每一隻唔大但係味道都好香，個外皮幾有彈性。羊肉同埋豬肉都幾OK架，豬肉肥瘦都算適中；羊肉就比較有So味比較瘦。朋友比較鍾意食豬大腸，已經經過調味所以個味道都幾香而且口感比較林。仲有各式各樣例如金針菇就比較汲取到本身嘅香辣味道。花膠就比較健康，吸左香辣嘅味道所以唔會太普通。墨魚丸都好有彈性，非常之推薦。其實樣樣野都食食吓好快就會飽，出面仲有乳酪或者雪糕機，竟然有西瓜味，超特別！我就選擇左兩溝，再加多啲配料，Perfect～

大鴻輝多野食係人都知架啦。今日涼涼地,禁就黎左18樓試下"18樓雞煲啦"。成棟樓平日真係超多人排隊,但18樓雞煲都算係較易排,但唔代表唔好食wo.去到個場算幾大,幾乾淨。野飲,蔬菜全部出去自己自取。首先黎個雞煲先,辣度自選,唔食得既可試下叫微辣,因為真係幾惹味。menu大路,不過好多選擇。食完雞煲,自己加湯即可打邊爐。當中推介櫻花蝦片(右面圓形個塊)同墨魚滑。好好味蔬菜都好多選擇,仲有小妹最鍾意既皇帝菜。一個字,正。打邊爐都有成2個鐘15分鐘,承惠每人158元加一。真係好抵食同場仲有雪糕架,不過因為真無好飽,已投降

話說難得星期日同到男朋友一齊放假 行完街去左佢之前同朋友食過幾次話質素唔錯嘰18樓雞煲星期日嘰7點幾8點去到見到都唔係好多人等位 我地兩個等左大概15-20分鐘就安排都坐位。入到鋪頭離唔開聞到好大陣嘰雞煲味😂😂二人坐位都坐得好舒服，而且都好快就上左雞煲。份量都幾ok 兩個人都食左好多舊，但我自己覺得偏咸左啲。食完雞有任叫嘰火窩 配料都同其他火窩店差唔多我個人黎講其實就對食完雞煲再加湯打邊爐麻麻地 覺得好油同好雜好多雞碎，洋蔥絲，辣椒甘樣。總而言之食物整體而言還好，但係火焗料嘰豬頸肉，滑牛全部都用梳打“嗱”得好西利，咬一啖我已經唔鬼食😂😂😂😂😂仲有個地下真係油左少少，可能係我對鞋防滑唔夠好啦😂