18樓雞煲火鍋專門店

营业中

休息中

平食雞煲打邊爐質素一d都唔馬虎！呢度自稱話食雞煲打邊爐唔使點豉油食過先知又真係喎！非常夠味！雞煲嗌左微辣，辣味真係冇乜但係就有少少麻，唔食得辣都可以接受😍醬汁非常濃味，唔加湯之前係有d咸既一嚟就食下雞先，雞肉非常嫩滑未食晒啲雞，已經急不及待加湯打邊爐煲咗一輪之後，雞肉仍然好滑，仲好好味！打邊爐配料都係差不多，肥牛質素幾好！佢哋冇白魚蛋，只有陳皮魚蛋魚皮好好味 推介！飲品都好多選擇，各種可樂都有！👍🏻

無意中去左le間舖頭 聞列幾香下就入左去食餐廳空間大 唔會坐到好迫 抽風系統都唔錯 唔會好大浸油煙味雞煲既雞完全唔老 又香又好味 因為間舖係放題 可以任叫野食 超抵佢d牛肉好新鮮

大鴻輝好多野食, 不過最鍾情都係18樓雞煲, 一個任食價錢, 可以食到雞煲同打邊爐. 有一段時間無黎, 不過人仍然好多, 好彩時間尚早, 而且2個人好快入得.點解咁鍾情呢度, 因為呢個雞煲既汁好野味, 唔食得辣所以要微辣, 帶少少麻香味, 不算太搶, 啱晒口味. 而且個汁夠稔, 每件雞都沾滿濃濃既醬汁, 特別惹味.雞肉夠滑溜, 唔韌唔老, 好入味. 份量2人剛剛好, 每人食D雞, 個肚仲有空位打邊爐.清湯自助形式可以響出面拎, 倒左大約半煲慢慢滾, D邊爐配料亦到齊.雪花肥牛同特級肥牛, 雪花分怖平均, 肥美彈牙, 肉質都好嫩. 特級就脂肪較多, 油脂夠晒豐富, 特別香, 呢款牛味較濃. 兩款都厚薄適中, 一口一口食好正.白鱔片切得夠厚, 其他地方切到好薄, 鱔片淥得夠熟就唔會有味, 但淥左一輪肉質仍夠嫩滑, 唔韌, 魚味夠香, 而且無乜骨.海中蝦都幾大隻, 較粗壯, 肉質彈牙爽口, 鮮味突出.自家製響鈴卷到大大舊, 口感十足, 唔會一浸湯散晒.另外仲有其他配料, 水魷, 牛柏葉都好爽口. 栗米夠清甜.

秋風起，又係食雞煲打邊爐好時機今次就去左十八樓雞煲店嘅位置就正如其名，一去到荃灣大鴻輝中心，直接去十八樓就到，簡單直接易搵兩個人，我地叫左一個小辣嘅雞煲上菜好快，而雞煲質素真心抵讚。雞件全部都雞腿肉同雞翼肉，啖啖肉而且肉又好入味，當中有小小麻辣，同時仲保留雞味，愈食愈開胃食完雞煲，可以自己攞豬骨上湯變成打邊爐。其實湯底已經好濃，可以唔洗加豉油，但店都好貼心係醬汁區設有生蒜，炸蒜，紅椒同蔥，令我地有更多口味打邊爐配料有好多，當中既花膠同蝦都好正，花膠好淋滑而蝦都爽身新鮮而雪花牛肉，特級牛肉同特選黑豚腩肉，我地都不停追加，牛肉加豬肉都同湯好夾而菜類都好多，減少唔會不停食肉而覺得太飽最後依度仲有咸柑桔同竹庶茅根飲料同自助乳酪雪糕，十八樓雞煲任飲任食真心抵得黎又好食

近日天氣開始涼，早晚都有點凍，同朋友晚飯傾計最好食火鍋，可以慢慢食慢慢傾。今次我哋係去出名抵食嘅18樓雞煲火鍋，以為閒日冇咁多人，點知上到去全場滿座，好彩呢度夠大間多座位，好快便有檯了。我哋唔係太食辣，所以要咗個完全唔辣嘅雞煲，個雞煲份量都唔少，覆蓋著濃濃的醬汁，十分惹味。這個醬汁真的很濃，加了上湯打邊爐，食物可以唔用其他醬料都好夠味。除了雞煲，我哋仲點了很多唔同款的食物，每份食物都是按照人數配份量的，所以絕不會浪費。雪花肥牛和特級肥牛是薄切的，放鍋中灼一下即食，口感不錯。好喜歡這裏的新鮮菜櫃，裏面很整齊地擺放著多款新鮮蔬菜，供食客自助形式取用；我個 friend是食肉獸，平日不愛食菜也食了很多，因為啲菜真係好新鮮，放入雞煲內灼好好味啊！花膠雖然唔係好大塊，但食落都有啲黏口，我encore咗兩次。我數過這裏起碼有5個自助飲品櫃，分散在餐廳內不同角落，方便食客可以在附近拎飲品，真係貼心！

今日FIF同朋友去完荃灣行街，秋風起又想食下雞煲 OPENRICE下搵到呢間18樓雞煲！見呢間評分都幾高～所以就試試佢啦～ 呢間係任食雞煲～計返加一後每人185蚊！ 呢到張菜單係可以任叫～基本上都有齊哂我同友人想食既野！ 首先就揀左雞煲先, 因為友人唔食得辣,所以我地叫左唔辣 如果你唔食雞煲,仲可以叫其他湯底嫁 雖然係唔辣既雞煲,但都好惹味!而D雞仲好滑!! 啖啖都係肉,完全唔係雞頭雞尾 當你食哂D雞之後,就可以開始打邊爐啦! 呢到叫野非常好,你係幾多人就比返幾多粒你,完全唔會浪費野. 每樣野都好新鮮!特別係雪花肥牛,非常有牛味又彈牙. 另外響鈴都好有驚喜,仲要係自家制. 另外自家制餃子都好正啊~ 野飲都係任飲任拎,咩都基本上有齊,仲有涼茶啊! 最後,當然要食返個YOGURT啦,好清新! 一句總結:大滿足!

轉眼間，又踏入秋季🍂 天氣剛開始轉涼，心底已蠢蠢欲動，想搵三五知己圍爐食雞煲~小妹聽聞這間18樓雞煲的評價不錯，於是決定與友人到餐廳一試真假🧐餐廳環境比想像中寬敞，每桌之間有足夠空間，不會椅背靠椅背。除了雞煲外，其他火鍋配料都是任食的，而且食材選擇都不少~個人認為，食雞煲通常要是辣的才好食。但朋友都不能食辣，今次只好點了不辣的。原以為味道會稍遜一籌，但竟然也非常惹味😳醬汁味道濃厚，咸咸甜甜的。雞件很嫩滑，稍嫌不夠入味。縱使朋友認為偏重口味，但這就是雞煲的特色~其他火鍋配料的質素不錯，但是海蜆就不推介。送上桌時，不少生蜆已經開口，不太新鮮😬話雖如此，小妹喜歡這裡的蔬菜選擇多👍🏻上至鮮淮山和秋葵，下至生菜和薯仔片都齊備！另外，餐廳還有小食和雪糕供應。總括而言，18樓雞煲是抵食的！平日(星期1至4)以$168加一這個價錢，可以有這個質素的食材，性價比相當高👍🏻

¥ 任食雞煲 ¥168hkd. 任食點都唔超budget， 飲品任飲，菜，任食海鮮，任叫肉，同丸， 榴槤雪糕都係任叫. 店員都係快手快腳唔會拖你. 最正嘅地方係有我最鍾意食嘅大蝦¥ 食緊第三次啦 ¥呢間餐廳好容易去，話咁快已經食過兩次。¥ 同其他間食雞煲最大唔同嘅地方係 ¥一個人去食又係呢個價錢，兩個人去食平均又係呢個價錢。¥ 次次都係人頭湧湧 ¥呢個場其實都 ，好大過萬呎但係次次上嚟都有好多人多數人都係一大班一齊嚟食， 真係好好生意下次一定會再嚟食

300蚊兩個人任食雞煲邊爐今日同老竇兩個人去食雞煲， 同老人家食雞煲最既熱辣辣又冇冷氣， 呢一間雞煲就啱曬我哋而且有夠出名。特別提一提呢度基本上全部嘢食都係自助， 嘢飲同埋醬料都係自助 ， 首先叫左一個雞煲底， 我同我老豆揀咗個 胡椒 豬肚雞煲湯底， 然後好似平時打邊爐咁叫乜嘢餸菜你就填紙仔。我老豆有便秘嘅問題，所以我都唔夠膽叫啲太重口味，太辣嘅雞煲，唯有焗住揀個胡椒豬肚雞煲，真係陰公豬喇。 正如大家所見到，我哋兩個所簡嘅餸菜都係非常之新鮮， 有肥牛，黑毛豬腩片，脆肉鯇，粟米餃，魷魚， 同埋薯粉 ， 其實都夠曬多肉㗎啦我同兩佢兩個老嘢都唔係好食得多嘢 。 特別一提嘅係呢度嗰啲菜唔係喺張紙上面，係一個個 碗 放咗喺雪櫃入面任拎， 我同我老豆見到都話話今次發達囉於是我哋就攞咗生菜西洋菜白菜， 嘩真係好味， 啲菜新鮮嘅程度好似係即刻扎就即刻碌咁樣， 極之鮮甜同開胃，我同佢兩個人一共攞咗成六碟 嚟食， 掂過碌蔗 。 可能你會話去食打邊爐唔食肉咁咪真係嘥曬囉，但係食完之後便秘嘅痛苦，真係正常人都唔會理解。 食完熱嘢之後再食凍嘅雪糕佢哋嘅雪糕口味非常之好， 唔會話食落去好多兵嘅感覺，亦都唔會過牛奶

一有秋意就特別想熱辣辣嘅野 由夏天等到秋天終於可以去食雞煲今次仲可以食完雞煲再打邊爐 一次過滿足晒兩個願望雞煲我揀原味一啲都唔比辣味輸蝕個汁惹味香濃 帶少少甜味花椒 八角 紅蔥頭 香茜 樣樣足 當然唔少得嫩口雞件 其實食完雞煲已經有五成飽 即刻加兩吋上湯打邊爐 火鍋配料係任點任食形式 基本上有齊肉類 內臟類 丸類 麵食 蔬菜 同大豆製成品想食嘅都會有 飲品都係任揀任飲 除咗一般汽水 罐裝飲品 仲有細細枝竹蔗茅根同埋咸柑桔可以中和打邊爐嘅燥熱而我最鍾意嘅部分係自助式雪糕 有四款口味同任加topping不過餐廳有提各位「食唔晒 唔好嗌」真係咪做大嘥鬼😂雖然只有兩個半鐘任食 但其實食到一半已經到頂所以絕對有足夠時間享用食物 呢餐飯食得舒服又抵食***由於我實在太認真食 所以淨係影咗雞煲***

呢間18樓雞煲真係係18樓位置都幾方便，係一棟好多野食既大廈入面，可能比較舊式，上去既時候要排隊搭lift，條隊都幾長下，分jor 單數同雙數，唔好排錯，如果唔係要落返來再搭返另一部lift上去都幾tired我個friend就係咁啦。講返d野食，呢間雞煲火鍋野食都幾多，裡面都唔細，我地10個人一張台都夠坐，所以都幾舒適。雞煲好食，鍾意食雞煲既可以試下。火鍋d牛都好正。d野食都來得幾快，叫完d野都唔會漏單。

今晚約左好耐無見既師妹見面🤭同佢講想食雞煲之後佢就推薦左呢間18樓之前成日食大窩口都有上去睇過實在太多人排隊就無去到因為又無卜枱🤭🤭🤭.首先，一入到果陣店員會先問你要咩辣度，因為我驚好辣所以先叫小辣但其實原來吾算辣😂😂😂下次可以叫中辣雞好滑份量又夠兩人吃好惹味好好味🤤🤤🤤.食完雞煲就會叫人黎加高湯就開始我地打邊爐之旅了一定要講佢既牛好好味所以我地都叫左兩轉🤪但記得睇住佢因為薄切都易搵吾返塊牛😂同埋煮耐左就無甘好食！第二就係佢既黑豚豬都係好味道😍😍😍都係果句睇住佢吾係又煮過龍又好硬嫁啦！墨魚滑都係無得輸彈牙爽口但建議吾好整到甘細粒大粒大粒整落去先好食🤭基本上打邊爐有佢都好完美但佢家既墨魚丸先叫好食所以我地都叫左兩次😍😍🤤芝士丸芝士腸都叫左都係正正常常的味道佢既餃都係自家制所以比起包裝食既係吾同d 嫁！愛吃響鈴既我緊係必點啦但原來佢都係自家制所以好脆口好正自己食左兩個😂果隻蝦比起我係出面食的確好肥美🤭🤭🤭好大隻😍而金菇冬菇都係正正常常金菇落係雞煲打邊爐到索曬雞煲精華在金菇都好好味啊！！菜吾係點既直接出面拎嫁！野飲選擇都算多食雞煲一定好口渴所以不斷飲野要多選擇先好最後出面有個自助雪糕的地方乳

今日約咗兩個朋友仔喺荃灣食飯，就黎荃灣最多人嘅大鴻輝搵食啦。之前喺下面都食過一間打邊爐幾好食，所以今次就試吓喺18樓嘅呢一個18樓雞煲啦。本身就約咗七點嘅但早咗到，好彩佢哋都俾我哋入。一坐低，我哋二話不說就去咗拎野飲飲，呢間雞煲比起其他鋪頭多好多野飲嘅選擇，例如我呢啲怕熱氣嘅呢當然就係飲竹庶茅根，細細支好得意。怕辣嘅我呢就嗌左微辣，喊得來又有少少麻辣，個汁超得啊。食完一輪雞煲，就點定打邊爐嘅嘢食啦，同嘢飲一樣都係超多選擇啊，我個人就推介黃金麻吉燒，佢係好似芝士丸咁嘅，但食落有陣燒過外層嘅味道，超香口！另外當然一定要食佢哋鋪頭自家製嘅響鈴啦大大嚿有脆卜卜咁打邊爐必食呀！作為一個甜品控，當然要食埋雪糕先走啦，雪糕方面都有朱古力乳酪同蜜瓜味揀，三隻味都幾好食㗎。埋單都係168超抵呀！

今日難得準時收工~決定同同事一齊食番餐好~黎到荃灣嘅十八樓雞煲~見到張菜單嘅選擇真係非常之豐富啊~有選擇困難症既我真係有D花多眼亂~可以任點任食~起碼有成七十種食物喺度呀~出面仲可以喺個雪櫃度自取菜㖭~個招牌18雞煲仲可以揀大、中、小、微、同不辣~照顧到唔食得辣嘅人嘅需要~因為有同事唔食得辣~所以我哋叫咗微辣~我覺得都非常惹味呀~雞煲上枱都見到用料非常之多~仲要放左好多我鍾意食嘅洋蔥係上面呀~餐廳內部環境舒適~走廊座位都非常寬闊~大聲少少講嘢都唔使驚嘈到人哋~飲品種類都幾多呀~我好鍾意佢啲鴻福堂有250ml包裝細細支~好可愛呀~鍾意嘅仲可以試唔同味添~個雪櫃嘅菜嘅種類都非常多~D菜顏色好翠綠~FEEL到勁新鮮~隔離仲有自助嘅乳酪雪糕~有蜜瓜雲呢拿朱古力同乳酪味~我簡左乳酪味~我覺得好好食呀!!野食方面~估唔到連秋葵都有喎!!你知啦出面買秋葵都好貴㗎!肉嘅份量都唔少~~ 好鍾意佢嘅特級肥牛同特選黑豚腩片~薄薄一塊都好有肉味~好推介佢嘅自家製響鈴!!我同同事都叫咗幾次黎食!任飲任食都只係每位168呀~七點半前結帳仲每位減十蚊添呀!!我哋走嗰陣時見到門口已經非常多人喺度排隊啦~想食嘅人真係預

近排天氣開始轉涼啦～最岩食D熱辣辣嘅野前個排係網上見到有人推薦呢間餐廳，所以我地一行三人就黎試下。我地去到嘅時候19:45, 門口都有唔少人排緊隊。好彩我地預先book左，如果唔係有排等。首先好值得讚嘅係呢度坐得好舒服，我地3個人有一張好大嘅卡位，我估張卡位6個人坐都唔係唔得，係香港呢個寸金尺土嘅地方有個咁寬敞嘅位置坐低食野都真係唔容易。一去到就叫左個雞煲，實在太肚餓。去攞左野飲頂住肚先。好彩等左唔係好耐個雞煲就上枱。色水好靚。雞肉口感ok，就算係厚肉嘅部位都唔會好"鞋"。食落唔會覺得太鹹。我地叫左小辣，以我呢個唔係好食得辣嘅人黎講都唔會覺得好辣，反而麻嘅感覺強少少。我估我可以試下挑戰中辣，始終雞煲唔辣嘅話冇咁爽～食到咁上下我地就加湯，因為實在太想食其他料。佢有個區係放湯嘅。一開始我地冇太留意，叫左侍應幫我地加湯，佢冇講D咩去提醒我地，就去攞左個湯黎比我地。後來見其他人自己去攞湯先知原來應該要自己搞掂，真係勁唔好意思。隔離仲有個櫃放左唔同嘅菜比大家自己擺，夠晒衛生同埋幫D菜保持新鮮魚皮同響鈴點可以唔叫呢～魚皮仲係脆嘅。大愛呢度嘅響鈴，真係勁有質素，口感一流，Encore左幾次呢度丸類選