18樓雞煲火鍋專門店

营业中

休息中

灣大鴻輝整棟大廈都好多野食，火鍋都有好幾間，今次就試下18樓雞煲啦。平日晚上8點幾，都好多人等位，好彩可以用apps 排隊，可以行住街等位。夜晚9:30前就$168，9:30後就$138。加埋一都$200有找，價錢好抵呀！地方好大，每張枱與枱之間都有好多空間，座位都坐得幾舒適。點菜紙共有三張，肉類，海鮮，丸類，菇類都應有盡有，菜類歡迎雪櫃自取，蔬菜記得係要自己去雪櫃拎架！菜都有好多選擇，唐生菜、西洋菜、白菜仔等等。飲品都係自己去雪櫃拎既，如果想飲凍檸茶，仲可以加$18 冇限添飲，不過我對檸檬茶冇太大喜好，所以都係飲雪櫃既野飲。湯底選了粟米豬骨湯，總括黎講湯底幾好，好有豬骨味，海鮮方面，蝦同魚都好新鮮。肉類豬，牛，羊，雞都有，質素都幾高。特別係呢度既豬肉分兩種，我就比較中意「梅頭豬肉」，真係有豬味架!而且比較林身。蟹籽墨魚滑好好味，好有咬口，食到停唔到口！白饍片都好特別，唔係間間都可以食架!一D雪味都無，切得夠薄，好快就熟。食飽火鍋記得要留肚食雪糕呀！雪糕係自助式，鍾意食幾多就幾多，仲有好多唔同toppings 可以加，好食又好玩。每人都唔洗$200， 食足2個半鐘。緊係要再encore

今晚約埋班朋友來到荃灣區食晚飯，發覺到這一區交通四通八達方便人流又多。見到有間叫十八樓雞煲，自然使人聯想到是惹味的麻辣雞煲及任食火鍋等。鑑於在香港有好多著名的特色火鍋店，而且食火鍋的氣氛亦好熱鬧，因此都想藉以試試此間的水準如何。首先我們來一鍋香味濃郁的麻辣雞煲，滾熱騰騰的切雞件，無論雞腿、雞翼及雞胸等都很滑身可口，配上雞件中的濃烈麻辣醬汁醃味下，當堂食慾大增。一般吃完雞煲後，慣常都會直接再加雞湯進鍋以作火鍋用。因此一煲多用，集火鍋功效，操作又快捷，並享有更濃郁的湯底下叫咗是「是日海鮮推介」。這套包括幾款海鮮佳哈，以迎合食客們不同口味需要。而相信是最多人叫，當然會的夠鮮味十足的靚鮮蝦。再者，要叫多幾碟特級切薄肥牛塊，看來肉質鮮嫩，滾燙後一咬落下多汁滋味十足，夠爽滑，我便已打定主意要食更多些肥牛。此外，遠有鮮味中帶蘇味的羊肉片，也不是輕易能在一般火鍋店食到。當然火鍋配料不少得，就是特級目頂級栗米、墨魚丸、爽猪皮、花膠及鮮腐竹等...... 各種都夠新鮮美味，乃是任何類型火鍋中不可少得的食品。

又係嚟大鴻輝覓食嘅日子，今日見涼涼地想打番個雞煲，醒起同事話過呢間抵食，168蚊任食2.5小時，九點半後嚟仲只係138添，就嚟18樓試吓。一坐低忍唔住手就攞咗個乳酪雪糕先，有朱古力，雲呢拿，草莓同埋乳酪味，自己食幾多㩒幾多，旁邊仲有好多toppings俾你發揮diy創意，揀咗乳酪味雪糕，味道酸酸甜甜，為今晚嘅雞煲揭開一個好好嘅序幕。雖然我都認同雞煲夠哂濃味，係絕對唔需要點豉油，但係餐廳都相當貼心地放置咗呢一個醬料corner，俾重口味嘅朋友多一個選擇。等咗幾分鐘雞煲就送到，辣度揀咗小辣，一放低花椒同八角嘅香味就撲鼻而來，惹人垂涎，醬汁香濃，以雞煲嚟講有令人非常滿意嘅嫩滑程度。任點任食嘅配料一共有成82款，真係一款試一舊都食唔哂，啱哂我呢啲大食積，我覺得試到一半都已經當你贏。食完雞煲，跟番官方指引加兩吋豬骨湯嚟打邊爐，美妙，豬骨湯煲咗十幾個鐘，出色。鵝腸爽口肥美無雪味，屬必點之作；花膠炆腍後，索哂雞煲嘅精華，非常入味。脆鯇片口感爽脆，明顯用上咗新鮮嘅貨色。雪花肥牛，落水拖一拖就食得，難得係肥牛都咁有牛味。滑牛肉口感嫩滑，就算淥耐咗都一啲都唔會靭。離開嘅時候已經開始見到門口長長嘅人龍，想食

呢間位於大鴻輝中心嘅《18樓雞煲》以抵食見青百零蚊就可以食足兩個鐘幾乎晚晚都坐滿座門口一定大排長龍等位冬天凍冰冰 最啱就係食個熱辣辣嘅雞煲啦雖然話係任食 但呢度嘅雞煲絕不馬虎鍾意食雞煲嘅朋友大多數都鍾意麻辣呢度嘅雞煲有大中小辣同唔辣可供選擇有齊花椒八角 麻味香濃 香氣十足雞嘅份量亦相當多 我最鍾意就係雞髀位啖啖肉之餘亦嫩滑食完雞煲之後 加少少豬骨濃湯再打邊爐千祈唔好加太多湯 否則就會沖淡味道呢度嘅打邊爐配料選擇亦非常豐富由於食雞煲已經食咗好多肉我哋就order咗幾款蔬菜香甜粟米大大粒 味道甜美唐生菜亦新鮮 夠翠綠仲有冰豆腐 可以吸曬雞煲醬汁精華非常惹味當然唔少得自家製響鈴響鈴新鮮 夠曬卜卜脆豆味濃 另外仲有萵筍同鮮淮山萵筍口感爽脆兼冇渣鮮淮山 夠曬粉除此之外仲有任點肥牛雖然話係任點 肥牛質素亦不過不失肥瘦平均炸魚皮亦夠香脆我覺得呢度最特別嘅就係有自制frozen yogurt平時喺街食一杯行行哋都二三十蚊呢度嘅frozen yogurt仲可以自由添加配料我就揀咗每次必點嘅oreo碎 同棉花糖打完邊爐食番一杯真係超級爽呢度食雞煲可謂大件夾抵食座位有夠寬敞舒適唔怪之得晚晚都座無虛席啦

早兩日係youtube見到某youtuber推介呢間雞煲，佢話野食唔錯而且幾平。所以就即刻book左位，同個friend黎食下🐔。上網見到個menu話九半後就$138一位，真心好平，所以捱一陣餓都等到九半都先黎食。間鋪都好大下，基本上都係卡位，所以坐得好舒服。入座之後即刻就有侍應黎問雞煲要咩辣，我地揀左小辣，都唔算好辣，可接受！佢地既雞係一早整好左，再放番啲未煮既洋蔥落去，所以一坐低就已經食得，啲雞都好嫩！😍超正，唔洗等！野飲方面有好多選擇，成間鋪有幾個野飲櫃，行兩步就拎到。門口個個櫃就最多野飲揀既，不過我無影到呢個櫃🤣，淨係影左我地座位隔離個個櫃。基本款既汽水、茶都有齊！（有冬瓜茶揀，不過唔係呢個櫃～）食完雞煲就可以加豬骨湯打邊爐，野食有勁多選擇～我地嗌左兩round，有少少漏單，整體都ok既。野食新鮮，個人推薦鱔片🤪！甜品有雪糕，有幾隻味，不過就係沙沙地既口感，唔夠creamy。加埋一之後每人$152埋單，食足兩個半鐘，正😍！

今日約咗朋友喺荃灣行街，行到攰就梗係搵嘢食㗎啦，咁我哋就行到呢一座大鴻輝中心，呢幢大廈有好多好多唔同嘅餐廳，而最令我有興趣嘅呢就係18樓雞煲啦 兩小時任飲任食 仲要坐得舒服 最岩一班人黎吹水食飯唔好以為哩到得雞煲食 打邊爐都有幾款湯底揀 食物款式都好多架 我地就叫左豬肚湯底我地叫到成枱都係野食菜好多款選擇，我地女人多當然喜歡食菜，嗌左生菜同西洋菜肥牛新鮮有牛味，肥瘦適中。豚肉片唔會太肥 肉質幾好。飲品選擇好多 每個雪櫃既飲品都有少少唔同另一個令我好驚喜嘅嘢係估唔到呢度有得飲最新嘅可樂真是食得盡興，飲得開心。最後以乳酪雪糕畫上完美既句號

天氣咁凍, 除左打邊爈外, 如果食埋辣辣地的雞煲會更加暖身. 呢間雞煲未到7點都已經full我地2個人, 本身想擇BB辣, 但男友話之前食過, 覺得唔太辣, 就冇問我意見下擇左小辣，唔係太食得辣的我, 初頭都有少少擔心, 但嚟到, 試左, 果真不是太辣, 接受到.雞煲好香, 味道好濃,  食完配合清湯食火鍋一流. 雞件不是太多, 我地每人大約食左10件, 食完仲有位置可以試到其他火鍋配料. 當然啦, 如果你覺得雞件太少, 也可以加雞件.如果你本身唔食雞煲，也可以擇特別湯底呢自家製響鈴好味, 冇油漬味, 脆口好味, 必食.蜆, 鮮甜, 我食左4隻都冇沙花膠, 好有膠質, 雖然好飽, 但都叫2次, 好味, 但唔好煲太耐, 因為耐會好鹹.蔬菜可以自己擇其他嘢食都好味, 不過我最欣賞就係以上的食品.仲有值得一提就係飲品, 超多選擇, 總有一款啱你我自己就超愛呢款細細支, 出面都買唔到的鴻福堂竹蔗茅根. 咁就唔怕太熱氣

我朋友提議去荃灣食飯, 荃灣近年愈黎愈多食店開張, 而我好耐冇去過荃灣食飯, 於是我地就揀左18樓雞煲, 食店個名好搞笑, 因為佢係大鴻輝18樓, 我諗佢個名就係因為呢個原因而黎我地食唔到辣, 於是我地叫左一個唔辣既雞煲,佢限時2.5個鐘, 我地等雞煲時間只係5-8分鐘, 上檯就可以即食, 唔洗再煮10分8分鐘, 慳返好多時間雞煲啲醬唔錯, 食上去係有少少甜味, 唔算太咸, 醬份量十足, 雞比較滑同有雞味, 而家啲人追求健康, 啲雞都唔會好肥，抵讚食完雞煲, 餐廳會教埋你落幾多湯, 唔會因為落得太多湯而冇左雞煲啲醬汁味, 值得一讚! 加湯會加入豬骨湯,並唔係出面雞粉/味精湯, 睇得出餐廳用心呢餐廳有汽水飲之外 仲有鴻福堂飲品, 但呢度居然有竹蔗茅根, 係出面餐廳比較少有呢食完雞煲, 我地開始打邊爐喇, 我鐘意食海鮮同牛肉, 蝦食落去係非常彈牙又大隻, 我一個人都食左最少10隻蜆勝在夠甜又無沙而且又大隻牛肉唔算太肥, 好有牛味我鐘意食百福豆腐, 估唔到呢度居然有得食, 好滑, 好香豆味呢間餐廳有自家製響鈴, 食落去好鬆化我朋友讚呢度牛丸好好食, 好彈牙其他食物都好好味, 可以一試食到取尾

天氣開始轉又係要食雞煲嘅時候，近近地放工即落荃灣攞飛等食，依間18樓係我數一數二鍾意去嘅任食，因為好多時2個人去食散叫選擇唔多...任食就一個價錢可以有好多選擇。未有位我已經決定今次要試個中辣雞煲（平日都係小辣），又俾我食到喎下次可以試個大辣。講吓個雞煲先個醬汁夠野味，雞又夠滑連個紫洋蔥都係甜嘅，2個人差不多秒殺咗隻雞，之後就再落3份1嘅湯準備打邊爐，由於醬汁夠濃連豉油都唔駛再點，平日打邊爐都係食肥牛多...今次我就愛上五花腩片肥瘦度適中又香肉味，片肉仲帶爽脆，脆鯇魚跟鱔估唔到咁新鮮肉質又有魚嘅鮮甜味，而個時日海鮮係個蜆需然唔大隻但勝在夠甜又無沙，當然仲有好多蔬菜類同菇菌依間仲有新鮮 淮山食，食到尾當然要食甜品佢哋有部雪糕機有成4種味，而我就只試咗乳酪同朱古力，下次要試埋其他味。

今日臨時同朋友們決定去食雞煲，朋友話早前食過呢間係荃灣嘅【18樓雞煲】值得一試，同埋夠哂濃味。一直喜好重口味既我，當然舉手讚成。 上到去，大約等了十五分鐘便有位，座位闊落，坐得好舒服，外面有蔬菜櫃同雪糕吧，可惜最後食得太飽，食唔落雪糕。雪糕吧旁邊有得自己調配醬汁，但個人覺得雞煲個汁巳經夠哂濃味，所以只拎左少少醬油去食紅薯粉。岩岩開始先黎左一鍋雞煲，我地簡左中辣，雞件相當嫩滑，雞汁亦都十分足夠，足夠浸滿全部雞件，差唔多食哂啲雞之後，就可以加入佢地用黎打邊爐既湯水繼續下個部分。係兩個半鐘內，我地叫左四轉食物，值得一讚係黎食物既速度好快，同埋落單係幾多就比幾多，唔會漏單。當日既時令海鮮係蜆，食落唔覺有沙同幾鮮甜，值得推介既係台灣一口腸同紅薯粉，紅薯粉將湯汁吸收再加入少少醬油，簡直一流。最後本來打算食返幾杯雪糕先走，奈何太飽食唔落，只好等下次再食返夠本😆 好開心朋友無介紹錯，令我又多一個飯腳點了。

放工約左班同事一齊去食晚餐，最後決定去打邊爐，我地就簡荃灣大鴻輝18樓雞煲火鍋到食，因為方便就腳，價錢便宜！上到去都幾多人食，好彩我地有book到位！飲品汽水任飲，仲有我最愛嘅鹹柑吉👍🏻自助醬料區任添，我會拎好多蔥😂仲有好多菜嘅種類，都係任拎，睇落都好新鮮😃睇張點菜紙，火鍋配料選擇都好多！不同種類都有！火鍋湯底我地簡鹹菜胡椒豬肚湯，湯底超濃超香，d胡椒味陣陣咁溶入左火鍋配料入面，仲要好足料😬我地叫左好多野食，特級肥牛好嫩，好有口感😋仲有海蝦都好大隻，肉質爽口，我地食勁多隻😎自家制粟米餃必定要點，好足料之餘，成隻都好甜，皮又薄！櫻花蝦片都唔錯，第一次食，有d似龍蝦丸👍🏻今日嘅是日海鮮係蜆，好鮮甜，肉質鮮嫩！花膠都好正，食多佢幾份都回曬本！蟹籽墨魚滑都唔錯，好新鮮，夠曬有口感😋食完火鍋，我地個個都整返杯乳酪雪糕🍦仲有配料任食！呢間火鍋店整體都唔錯，價錢相宜，火鍋配料多選擇，我下次都會再黎😋

天氣轉涼喇，打邊爐季節又到。荃灣出名多雞煲，間間都各有特色，約埋朋友仔一齊去左依間係大鴻輝18樓嘅18樓雞煲～去到都幾多人，我地有book位都要等15分鐘左右，餐廳內卡位數目都幾多，我地4個人安排左卡位，坐得好舒服，傾計都方便啲唔會太噪。一坐抵店員就問我地雞煲要咩辣，我地揀左中辣，然後開始點菜喇～火鍋食物分左肉類、丸類同蔬菜，肉類有齊海鮮、豬牛羊雞樣樣齊，一定要食特級肥牛，好嫩同埋好重牛味。唔食牛可以食豚肉，切到薄一薄吸晒湯嘅味道。蝦都一定要食，好鮮甜彈牙，食十幾隻都唔夠喉。依度仲有花膠，岩晒女仔食養顏。丸類都係常見嘅款式，不過多同齊，當中台灣腸同午餐肉成為我地嘅大愛😍響鈴係自家制，好脆口吸晒D湯汁好好味。蟹籽墨魚滑都係必試，彈牙好有墨魚味。食到甘上下要食返D蔬菜，蔬菜係要自己去拎，有4-5種左右，我地比較鐘意食娃娃菜多啲。餃子都好有驚喜，一般係出面打邊爐嘅餃子滾兩滾就會散晒，菜單上係寫自家制，餃子皮好煙韌，滾左好耐都冇壞，而且啲餡食得出係新鮮。飲品係自助，種類超多汽水到涼茶起碼有十幾二十款，涼茶同茶類飲品都係細細枝，唔怕飲唔晒浪費。食飽飽仲有雪糕食，有雲呢拿、朱古力同乳酪三個味，仲有

第一次嘗試果然有驚喜最近天氣開始轉涼，又到左打邊爐既時節了。有朋友推介我去左荃灣大鴻輝大廈18樓呢間雞煲加打邊爐任食。我朋友話呢間雞煲放題味道唔錯之餘仲要非常抵食，係堅！任！食！一黎到已經見到大大個招牌，個logo只雞都幾搞笑～呢到係雞煲比較出名，不過我最近都食左好多中菜，全部都有雞，所以今餐同朋友就正係打邊爐。電子羅飛，都有d地方比人坐低等。醬油既質素係反映一間火鍋店係咪有誠意既重要指標，畢竟好既醬油會令食物錦上添花。呢度既豉油唔會太咸蓋過食物既鮮味。另外，醬油香料只有炸蒜，蒜蓉，蔥同辣椒選擇唔太多，但勝在非常新鮮，尤其d蔥粒好翠綠，唔似擺左響度好耐咁。另外值得一讚係醬油吧清潔企理，唔會成枱豉油跡。環境唔錯，座位以卡位為主，闊落得黎幾好坐。估唔到呢度都幾大wor!我平日夜晚6點半入座相當多空位，不過食到大約7點就見到差唔多滿座。雖然無食，不過聽講呢度既雞煲係根據人數比分量的，食完就加湯。主角到啦！我地點左胡椒豬肚加雞既湯底，清得黎唔會太滋補。不得不說火鍋既湯料非常多，湯亦都好新鮮，胡椒味好出不過唔會太“kok”喉。呢度既火鍋料係落單點，不過蔬菜就自己羅。我見到一盤盤唔同蔬菜放左響雪櫃

這棟大廈平日晚上時間都會大排長龍，今次跟朋友約了8:00來到這棟大廈試一下18樓雞煲，一打開門，門口已堆滿等入座的人，令我更加期待雞煲味道。一進去，店面都頗大和寬敞，4位的我們被安排卡位就座。還沒點完打邊爐配料，雞煲已經很快到我們面前，我朋友之前來過吃，如果你們是可以吃少辣，覺得中辣才會剛剛好。首先，雞煲一放上台已經很香了，放入口非常入味，很香口，雞塊也很嫩滑，還帶點麻麻的味道，正!! 吃到差不多，便可以在外面自助吧台取湯，變成打邊爐形式，繼續吃剛剛點的食物，我們點了牛肉類包括雪花肥牛、特級肥牛、滑牛肉，3款牛類也不錯，也好嫩。而我也試了海中蝦，比想像中大隻，也頗新鮮。當然少不了要試一下自家制響鈴卷，口感不錯。另外，朋友推介台灣一口腸，他覺得很好吃，口感很特別，我也見黃金麻吉燒名字特別，所以也叫了一份，原來是丸夾年糕，我朋友喜歡吃。墨魚滑也是必點，非常彈牙爽口。而這裡菜類是自助取的，點的也有鮮淮山、秋葵、香菇、薯仔、蘿白等等，選擇也頗多的，蘿白是必點!會很入味。另外，他們也提供飲料，選擇都頗多，細支裝的竹庶茅根也有。當然少不了雪糕也有自助放題任食!! 有乳酪味道!!其實還有醬料區，但其

天氣凍凍地，又係時候食雞煲打邊爐啦。。打邊爐最緊要係咩？緊係睇價錢啦🤣🤣每人$200 樓下，食足2個半鐘！抵呀！今次總共4個人一齊拾下拾下。全部食物就係哂一張紙上面，簡單又易睇。連花膠都有，咁抵食！一定要試下個花膠啦！飲品都係自己到雪櫃拎，都有好多選擇，綠茶、烏龍茶、可樂、檸檬茶、竹蔗馬蹄汁。任君選擇。雪櫃都好夠凍，打邊爐再加凍冰冰飲品先至夠正！自助醬料區，有鼓油，辣椒粒，蔥粒，生蒜蓉同炸蒜蓉，自己選擇自己選份量。DIY 醬油實岩自己口味啦。有冇留意到張點餐紙冇蔬菜呢？打邊爐冇菜食？！原來蔬菜擺左係雪櫃，自己出去拎架！有清楚標示菜名，想食品手菜就拎咩菜，西洋菜，生菜，油麥菜，白菜仔，好多選擇。而且都新鮮嫩口，唔會老。平日晚上8點幾，都人山人海，坐無虛席，座位都好闊，坐得舒服既。個人推介特選黑豚腩片，花膠，同埋西洋菜！花膠每一份份量都唔少，而且補充骨膠原，正湯底選擇左栗米豬骨湯，個豬骨原來係燒豬骨，所以湯底好濃味食飽飽仲可以去食埋個雪糕甜品，自助雪糕機，想食咩口味，添加咩配料都係自己選。每人都係$200 樓下，食到攬住個肚，正！