影片
更多
2018-10-18
170 浏览
近排天氣開始轉涼啦～最岩食D熱辣辣嘅野前個排係網上見到有人推薦呢間餐廳，所以我地一行三人就黎試下。我地去到嘅時候19:45, 門口都有唔少人排緊隊。好彩我地預先book左，如果唔係有排等。首先好值得讚嘅係呢度坐得好舒服，我地3個人有一張好大嘅卡位，我估張卡位6個人坐都唔係唔得，係香港呢個寸金尺土嘅地方有個咁寬敞嘅位置坐低食野都真係唔容易。一去到就叫左個雞煲，實在太肚餓。去攞左野飲頂住肚先。好彩等左唔係好耐個雞煲就上枱。色水好靚。雞肉口感ok，就算係厚肉嘅部位都唔會好"鞋"。食落唔會覺得太鹹。我地叫左小辣，以我呢個唔係好食得辣嘅人黎講都唔會覺得好辣，反而麻嘅感覺強少少。我估我可以試下挑戰中辣，始終雞煲唔辣嘅話冇咁爽～食到咁上下我地就加湯，因為實在太想食其他料。佢有個區係放湯嘅。一開始我地冇太留意，叫左侍應幫我地加湯，佢冇講D咩去提醒我地，就去攞左個湯黎比我地。後來見其他人自己去攞湯先知原來應該要自己搞掂，真係勁唔好意思。隔離仲有個櫃放左唔同嘅菜比大家自己擺，夠晒衛生同埋幫D菜保持新鮮魚皮同響鈴點可以唔叫呢～魚皮仲係脆嘅。大愛呢度嘅響鈴，真係勁有質素，口感一流，Encore左幾次呢度丸類選
前個排係網上見到有人推薦呢間餐廳，所以我地一行三人就黎試下。
我地去到嘅時候19:45, 門口都有唔少人排緊隊。好彩我地預先book左，如果唔係有排等。
首先好值得讚嘅係呢度坐得好舒服，我地3個人有一張好大嘅卡位，我估張卡位6個人坐都唔係唔得，係香港呢個寸金尺土嘅地方有個咁寬敞嘅位置坐低食野都真係唔容易。
一去到就叫左個雞煲，實在太肚餓。去攞左野飲頂住肚先。
好彩等左唔係好耐個雞煲就上枱。色水好靚。雞肉口感ok，就算係厚肉嘅部位都唔會好"鞋"。食落唔會覺得太鹹。我地叫左小辣，以我呢個唔係好食得辣嘅人黎講都唔會覺得好辣，反而麻嘅感覺強少少。我估我可以試下挑戰中辣，始終雞煲唔辣嘅話冇咁爽～
食到咁上下我地就加湯，因為實在太想食其他料。佢有個區係放湯嘅。一開始我地冇太留意，叫左侍應幫我地加湯，佢冇講D咩去提醒我地，就去攞左個湯黎比我地。後來見其他人自己去攞湯先知原來應該要自己搞掂，真係勁唔好意思。
隔離仲有個櫃放左唔同嘅菜比大家自己擺，夠晒衛生同埋幫D菜保持新鮮
魚皮同響鈴點可以唔叫呢～魚皮仲係脆嘅。大愛呢度嘅響鈴，真係勁有質素，口感一流，Encore左幾次
呢度丸類選擇唔算勁多，冇我最鐘意嘅蟹籽丸有D傷心。但佢嘅自家制水餃真係幾唔錯，皮薄餡靚，有韭菜同埋粟米，2種都係我鐘意食嘅餡，分唔到高下
有墨魚滑提供都幾有驚喜，雖然唔係我食過之中最彈牙，但都值得一試～
肥牛就梗係必叫嫁啦。但我最近都幾鐘意打邊爐食豚肉。勁晶瑩剔透，好薄切唔會"鞋"。又冇肥牛咁肥，我更加鐘意佢
打邊爐總係覺得要用個烏冬收尾先夠完整，所以即使已經好飽都要叫一個。呢度係提供稻庭烏冬勁高質，口感一流，又吸晒湯嘅味。雖然可能會覺得食任食嘅野食烏冬好似有D傻，但試過就知值得～
食飽就梗係要食埋甜品一開始見到有frozen yogurt 提供真係開心死，因為我係frozen yogurt嘅終實fans佢有勁多味可以揀，仲可以加好多款配料。我地就要個原味同密瓜味。密瓜味我一般般，Frozen yogurt就梗係原味最好食一開始我見佢配料區冇我覺得最perfect match嘅oreo 粉真係好傷心，但見到新奇有趣嘅黑芝麻粉同埋燕麥就心血來潮想試下，估唔到都幾夾。係健康同埋相對oreo粉比較清淡嘅配搭，但係口感好fresh。黑芝麻味唔算勁濃但淡淡地反而唔會蓋過燕麥同埋本來fro yo 嘅味。食完一杯再攞一杯，中間食食下覺得唔夠黑芝麻粉同燕麥又去左加極滿足～
係咪整得好靚呢
张贴
