18樓雞煲火鍋專門店

营业中

休息中

天氣開始轉涼，係時候打邊爐！不過齋打邊爐又dry左d，一於去食雞煲，之後再打邊爐！有朋友建議18樓雞煲試試！因為唔貴又任食！成人168，十分抵食！雞煲可以揀 大，中，小，微，不辣。我地要左微辣，因為唔係好多人食得辣。雞煲堅大煲，微辣十分香口，而佢地拎出黎時已經熟晒，可以即刻食不用等熟。雞件香口，食完又唔會好口渴，重要夠大煲，岩晒我地一班大胃王！食晒之後就出去拎上湯，直接加入煲度，真係唔需要再加醬料豉油已經好夠味。好多野食！特別推薦雪花肥牛、花膠、海鮮、墨魚滑同海蝦雪花肥牛比特級肥牛入口滑很多同枱女士見到花膠搶黎食蜆不大，但夠新鮮，有陣鹹水味墨魚滑就爽滑彈牙海蝦就好大隻又爽口響玲十分炸得十分脆，讚！未夠飽重有食diy雪糕，旁邊重有爆珠可以加！飲品都夠多，特別係佢有迷你竹庶矛根和柑桔蜜，細細支，飲完可以試其他味，十分好！下次試下早少少食，7:30前埋單減多10蚊！

踏入10月，香港都開始有少少秋意，雖然都仲未係好凍，但早晚都有涼涼地。所以為左一身完美脂肪細胞，為食家決定食！雞！煲！！其實而家好多地方都有雞煲食，所以為食家向朋友攞料後，黎到18樓雞煲試一試！一入到去，好多人已經開動中，雞煲好香噴噴！！原來飲品櫃有幾個，各個都有少少分別，所以要睇哂睇岩先拎，去一個飲品櫃睇係唔夠的！好多菜可以自取，食哂再拎，唔好浪費！！自助醬料區，其實雞煲好夠味，真係可以唔駛拎醬料！！好多款式，肉類唔少得，海鮮都有唔少，有一d係出面好少食到嘅都有，例如：萵筍，秋葵，鮮淮山，麻辣雞粒⋯正我全部都食左d, 新鮮同上菜快、無漏單，抵讚！D 冬菇浮哂上來，食得，起筷！有雪糕同乳酪食！！仲有爆爆珠，三色椰果，黑糖水晶之外～竟然仲有麥片同士多啤梨醬！！超正！！雖然個雞煲已經好大好夠份量，但為食家都再啪左兩大杯士多啤梨爆爆珠乳酪！好味～好飽好滿足！18樓雞煲幾正！下次再返黎食過！

約齊一班好朋友食飯傾計，今次揀咗荃灣大鴻輝廣場18樓食雞煲放題貪佢地點方便，至於價錢方面都算抵食$168，任飲任食兩個半小時，另收加一服務費。由於我們一行六人，所以預早訂位避免排隊等位。抵達後好快便安排入座，餐廳地方很大，環境舒適。一鍋熱騰騰的雞煲終於上枱，煲裡有洋蔥、芫茜及大量的雞件，用秘製醬汁煮成，散發出香噴噴的味道，雞肉嫩滑帶少少辣，非常惹味好食。食完雞之後加湯打邊爐，一爐兩食。火鍋材料也非常豐富有雪花肥牛、最愛的花膠、長長的大蝦、自家製響鈴、彈牙爽口蟹籽墨魚滑、多食有益的秋葵、鱔片等⋯還有雪櫃放了大量新鮮的蔬菜任君選擇。周邊放了雪櫃有不同種類的飲品任飲。大人細路最愛吃的雪糕，我口中已說好飽，但敵不過雪糕的誘惑，也吃了兩杯。

今日去荃灣搵朋友食飯，去鰂18樓食鷄煲打邊爐，任飲任食2粒鐘 $168又正又抵食！去到一開門就見到已坐長長的櫈等緊，等左一陣就安排入坐，很有效率！一去到侍應已放上鷄煲，好香的麻香味又太辣！十分惹味侍應見你用完雞煲之後，好快又换上另一個湯鍋比我們打邊爐！我們巳選定多款食物，選擇又多，又新鮮又快，是任食可重覆多次落單，但每款多數一件唔會浪費食物自助飲品櫃選擇多多，還有乳酪雪糕真係好

This restaurant serves chicken hotpot. This restaurant really suit my taste. The beaf and chicken here is very tasty. The staff here are very nice too. I really like the decoration here. It is very local. Though, The food here is not expensive. I would recommend my friends to come here.

雖然喺18樓咁高，但依然無損人流，反而仲成為鋪名一部分❗️坐低之後店員就詢問我地雞煲辣度，冇幾耐雞煲就上枱我地揀左微辣，啱晒我哋唔食得辣嘅人。雞件量足，而且肉質鮮嫩兼夾味道惹味😋食哂啲雞之後就可以去自助櫃臺攞湯底，醬料仲有得攞各款蔬菜！鍾意食肉嘅朋友就梗係要嗌晒佢咁多款嘅肉特別一讚豚肉片夠晒薄，淥幾淥就食得，一個人都容易食到幾碟識食就梗係嗌埋佢嘅自家製產品，呢個響鈴好夠脆，冇油味，好新鮮韭菜餃同粟米餃都係自家製，而我就鍾意前者多啲，貪佢韭菜夠晒香口，而且蔬菜同肉嘅比例恰到好處炸魚皮都好脆，就算唔點湯就咁食都得墨魚滑入面都有唔少墨魚粒，夠彈牙，仲有啲汁流出黎，值得一試仲有花膠嗌添，唔嗌對唔住自己🤭竟然仲有froyo唧，好感動！我覺得乳酪味最好，加埋芝麻粉同麥片呢啲特別嘅toppings一齊食口感同味道都昇華左🤤

呢個入秋嘅天氣，就係想食雞煲！因為我同友人都有個大胃王嘅心，所以目標鎖定係任食，見到餐廳評價都唔錯，就決定試一試啦。餐廳霸左成層，地方非常大，小至二人座，大至十幾個人開檯都冇問題。一入座，staff就會問你要咩辣，因為友人唔係好食得辣，所以就嗌小辣姐，對於平時食開中辣嘅我，會覺得唔夠。雞肉唔算好嫩，但勝在入味，啖啖都食到雞煲嘅醬汁。雞煲啲雞係冇得refill嘅，但食完一輪，我同友人都覺得夠喇。食完雞煲，就可以嗌打邊爐嘅配料喇。選擇都頗多，平時出面見到嘅，呢度都會有。另外，呢度嘅上菜速度好快，值得一讚！（前到後）粟米餃、萵筍、鮮腐竹同鮮冬菇自家製嘅粟米餃幾出色，啖啖甜粟米，如果係粟米嘅fans應該會好滿足。萵筍一直都係我嘅打邊爐必嗌，煮到淋一淋，入味得黎又保持到萵筍嘅鮮甜。（前到後）蟹籽墨魚滑、滑豆腐同滑牛肉墨魚滑唔錯，食到墨魚粒又唔會太粉。滑豆腐係我嘅最愛，難得放題形式下，會有滑豆腐，放落去微微煮一煮，就食得，好似食嘅豆腐花咁，不過真係好易煮爛。（前到後）特級肥牛、豬頸肉同鮮脆鯇骨腩咁嘅價錢嘅肥牛，難得地有牛味，就咁煮一煮就夠好食，不過之後我地refill嘅肥牛，就有啲唔新鮮，係要睇彩

突然好想食雞煲，就上左去18樓雞煲火煱專門店。我地六點零就去到，果陣唔使等位，直接入座。可以食到九點半，三個幾鐘真係有排食。$168就可以任食咁耐，未食就已覺得好抵😂。果度既環境好吵，啲路好窄，因為啲野食要擺喺條路度，所以好難行。由於本人唔係好食得辣既關係，所以我地揀左最少辣既雞煲來試試，啲雞都幾惹味，有少少辣少少麻，感覺好似有少少南乳味咁🤔。總體來講，任食來講呢間算抵，野食種類都算多，本人推介牛丸，呢度啲牛丸真係幾好味。我地叫左兩次，食左兩粒😂，可恨的是個肚唔夠裝🤣。食左個幾鐘，七點幾就買單走，因為實在太飽啦！

今日我地早左收工，成班同事一齊去打邊爐，輕鬆下，我地決定去大鴻輝18樓果間到食，因為夠方便，又可以坐得多人😎一去到我淨係留意到部自助雪糕機😂有4隻味可以簡，乳酪、草莓、雲呢拿同蜜瓜！4隻味我都好中意架，仲要有配料任加任食！上雞煲啦⋯⋯！勁大煲啊⋯⋯！講返味道先，調味調得好濃，辣道適中，仲帶有麻辣味！加洋蔥等配料，唔錯自家製響鈴🔔！好新鮮，好脆！搞到我都食左多左幾件海中蝦！隻隻都長過我d手指，蝦肉好彈牙，爽口，口感幾好包心芝士丸同櫻花蝦片！芝心丸冇咩雪味👍🏻櫻花蝦片第一次食，估唔到又幾好食wo墨魚丸同魚腐⋯冇理由唔點爽豬皮同水魷⋯好耐冇食啦，唔係打邊爐都好少食到超甜粟米～好搞笑～無段段有個小食係熟嘅，麻辣雞粒，只能說好食過街買的即炸雞粒呢間一群人黎真心唔錯，任食唔嬲啊！

中學同學聚會最正就緊係一去打邊爐啦，好懷念我地以前放假成班同學一齊去打邊爐！呢加出到黎做野，真係好難夾，我地夾左勁耐終於夾到啦！最後，我地簡左18樓雞煲火鍋！自助醬料區～我要多d蔥！一籃籃菜任拎任攞，有西洋菜、油麥菜、娃娃菜⋯火鍋配料任點都好多野食！有三張紙咁多！特級肥牛，任點好正，一盤盤咁食，極爽炸魚皮好脆，好香口蟹籽墨魚滑，上面仲有蟹籽，好正，食落口仲好彈牙滋補花膠同蜆任食唔嬲，我地點左勁多碟，d蜆都好鮮甜，花膠好有口感芋絲～打邊爐必點吧！竟然仲有秋葵同炸芋頭條，好少任食火鍋有得食架！呢間都好多野食，希望我地快d再夾到時間要黎食！

屋企人一個月一次聚會，咁多人最岩就緊去食雞煲加任食火鍋啦！最後簡左去大鴻輝18樓雞煲火鍋，因為位置方便又多選擇！地方都幾大，又乾淨，可以容納到好多人，唔怕冇位坐！飲品係任飲的，周圍都有雪櫃，可以唔洗行到咁遠拎野飲上雞煲啦！雞煲好大，份量好足，調制的湯底好濃味，d雞都入曬味，好好食，對於我黎講小辣已經好足夠！食完食雞煲就加湯打邊爐！勁多火鍋配料可以選擇！雪花肥牛，都好靚，有曬紋理唔肥自家制韮菜餃、粟米餃同魚皮餃！好好食，d皮好滑好薄，仲要勁足料！蟹爪肉棒同山根！果d蟹棒出面買都唔平，仲要唔係用蟹柳，係蟹棒，好抵我至愛的台灣腸！好少任食有得食架！呢間都多野食，下次都會再黎！

荃灣素來多美食，尤其係大鴻輝中心，超多打邊爐同雞煲餐廳，長期都大排長龍，今日心血來潮又想打邊爐，之前食過十八樓雞煲唔錯，就食過返尋味。等左陣位，裏面座冇虛席。首先先食招牌雞煲，有不同的spicy level可以揀，朋友叫左少辣，對於唔食得辣既我都覺得辣，不過幾惹味，份量亦十分充足太辣既關係要拎野飲，都幾多選擇我幾鍾意百香果蜜，甜甜地太多雞食唔晒就撈起晒開始打邊爐，當然唔少得肥牛，仲有豚肉，肥瘦均勻很喜歡吃海鮮嘅關係，所以叫了蝦，仲有當日精選既蜆，幾新鮮，d 蜆仲識郁，encore 左幾次，不過每次得幾隻打邊爐點少得花膠，要滋補下仲有我至愛既響鈴，三秒食得，用雞煲湯底打邊爐味道濃郁，豉油都唔駛點。最後不得不提的就是他們的 frozen yogurt ，健康得嚟又好味，有士多啤梨同抹茶，更有多種topping 配搭，正

天氣開始凍啦🌀又係食雞煲嘅時候🐔 拿拿臨約個friend出嚟食雞煲嗱喂💃食雞煲梗係要嚟呢間食完雞煲加兩吋豬骨湯底就可以打邊爐，連豉油都唔使點嘅18樓喇~野食任點~野飲任飲~野食仲會預返個份量~好似我哋兩個人， 叫水餃會俾兩隻你食住先~ 唔會叫一款食物就已經塞飽你👍呢個韮菜餃~推薦~好味~不過叫牛🐂放心~都係會俾成盆你😀蟹子墨魚滑~打完邊爐又有可以任食雪糕或者乳酪雪糕🍦🍧Topping任加😁食完呢餐，鋪雞煲癮好d嗱😌

星期五嘅夜晚九點半後，我哋突然好想食雞煲，於是就上網搵吓荃灣區邊度有雞煲好食啦，就搵到呢一間18樓雞煲，仲有宵夜時段，於是一於黎試一試先！呢間餐廳同佢地名稱一樣都係位於18樓，非常易記，上到嚟嘅時候拎咗飛只係需要等一張飛，然後好快就有得入座啦，如果本身download左food gulu 嘅Apps仲可以遙距拎飛添！我哋獲分配去到二人嘅卡位，環境都幾舒適，侍應首先為我地送上二人份量嘅雞煲，味道真係好惹味，令人不斷不斷係咁食。食完雞煲就可以自己拎火鍋嘅湯底加落去雞煲度，臨食完雞煲之前我哋已經入咗好多火鍋嘅配料，佢哋上菜嘅速度都好快，火鍋嘅配料同一般嘅火鍋放題差唔多，呢度仲會有是日海鮮添，而今日我哋試到嘅海鮮呢就係蜆，仲有海生蝦，海鮮都好新鮮㗎！呢度飲品亦都係可以無限添飲，選擇都好多，例如各款汽水，仲有鴻福堂嘅樽裝飲品，我今日就試咗百香果蜜！最後呢度嘅甜品仲有乳酪同埋雪糕，都係可以無限添加㗎！

今次黎到荃灣地段，諗住想去食打邊爐，但又想食雞煲終於比我地揾到間可以滿足兩個願望既地方啦！就係18樓雞煲火鍋專門店啦！好多人都話值得一試 ，所以就黎到18樓一嘗美味！我地7點就入到去，見到好多人聚餐聚會都黎到呢道食，大家圍喂畏一齊打邊爐幾開心。相反我同朋友兩個人，一坐底之後就叫左個微辣既雞煲，因為我同朋友都吾係好食得辣。雞煲等左幾分鐘之後就黎左，服務員幫我地攪拌左之後就食得了，濃郁香甜味撲鼻，令到人非常之有食慾！雞煲加入八角、薑片、蒜頭、紅蔥頭、洋蔥、香葉、芫茜及酒等配料烹煮，令到雞肉非常之入味，而且醬汁濃稠，急不及待已經要夾一舊雞黎試下！雞肉鮮嫩，個醬汁味道岩岩好，而且微辣我地都可以接受到既辣！打邊爐既食物選擇好多，我同朋友都吾係食太多野既人，所以就無點好多野，浪費食物就唔好啦~值得一讚d蝦好新鮮，肉質爽口鮮甜！牛肉質都可以，牛肉味香，而且肥瘦岩岩好。仲有佢地既粟米餃子，好多粟米，食得出係新包。另外會有醬料提供，鐘意重口味可以落好多蒜，但個人覺得雞煲既味道已經足夠，可以唔流點醬都好好味。店內唔同位置都有飲品櫃，好多吾同種類既飲品提供，個人比人鐘意佢細細支既竹庶矛根，解渴又解辣！總括而