18樓雞煲火鍋專門店

营业中

休息中

依間雞煲味道唔係重點～重點係有得聚下舊，預先訂左位，齊人入座位計2個鐘任飲任食餐廳好大，款式都算多～特別在有我最愛果皮魚蛋好好味～加上雞煲味道算濃郁，只係隻雞唔算多肉😂飲品方面，我覺得算多款式特別在係有細版-竹蔗茅根我地第一轉已經叫左好多火鍋🍲配料😂超級豐富🙈不過都唔係好食得灑，但真心全部都新鮮ge跟住雪糕🍦方面，我同個同事都食左兩杯🙈試左乳酪（原味）同蜜瓜味，出色地方係有芝麻粉灑🤗好香同埋同事都話棉花糖配料都好味我試過加埋落雪糕🍦食都好好味

呢度地方都幾大，仲坐滿哂人，不過D位幾好坐又唔逼。.Menu入面都係任食，係得啤酒要加錢.仲有成兩個櫃既野飲任飲，細細枝好適合火鍋飲.雞煲點咗微辣，又唔算辣，雞塊份量很多，十分抵食呢😍.嗌咗成枱野食...雪花肥牛同埋特級肥牛好肥美，嗌咗幾碟，因為實在好好味！芝士豆腐入面既流心芝士好正，不過包心芝心丸就比較一般; 魚皮同響鈴脆卜卜，一浸就食得啦。仲有是日海鮮應該係d”蛤蜊”，仲郁緊嫁，勁新鮮。另外仲點咗栗米，不過就硬咗D啦>_<Anyways，兩個人食咗咁多野都唔貴，質素亦都唔錯，比起出面好多任食火鍋來得抵，一定會再去！.自助乳酪吧亦都有幾隻味道揀，我點咗蜜瓜味，都頗清新，食完咁飽既火鍋食雪糕真係剛好呢！

大鴻輝咁多間餐廳，今次就試下呢間十八樓雞煲，朋友介紹平、令、正見到佢地既點餐紙已經好興奮！豬、牛、羊、海鮮、菇菌瓜菜樣樣齊，最最估唔到既係竟然有肥鵝腸我地先叫左個小辣既招牌雞煲，唔算好辣，但夠晒惹味得黎唔會好咸！而且雞既肉質都好滑！極速食完雞煲就開始打邊爐啦我相信個個都一定會叫肥牛，真係好正！好香牛味，肉質唔會鬆軟，索埋湯底d味，好正中意食魚頭既我真係好抵食，因為去街市買一個已經好貴，系呢度任食，擺落湯底度煮，更鮮甜！海鮮仲有蝦同蜆，全部送到黎都仲郁緊，真係絕對新鮮！蝦既質感呃唔到人，爽口鮮甜！肥鵝腸呀好爽口連埋小小肥膏好香！！而且都幾大條，好有口感。之後仲叫左d蔬菜，其實打邊爐湯底好重要，d食物索晒湯底既味，令料配令湯底今次食飽，已經想快d下次再黎食

朋友知我喜歡吃火煱, 就約我同三五知己去 18 樓嘆雞煲加火煱, 可以一舉兩得, 價錢又夠便宜, 確係超值。店舖非常光猛闊落, 坐得舒適。人流都唔少, 幾乎座無虛席。剛入座, 職員已禮貌地招呼我們, 令人感覺舒服。過了ㄧ會, 雞煲便送上。香噴噴的雞煲內加有紅葱頭等多種配料, 令雞肉更加入味。吃完雞煲, 自己加上上湯, 火煱時間正式開始了。薄薄的肥牛, 肥瘦度適中, ㄧ點都不靭。響鈴, 炸魚皮係火煱必備配料, 只需把響鈴及炸魚皮放入煲内淥ㄧ淥就可以食用。響鈴炸魚皮吸了雞煲內的醬汁及上湯, 非常惹味。脘魚片夠爽口, 海中蝦大大隻又夠彈牙。除了肉類, 蔬菜當然是不可缺少的。有淋甜嘅娃娃菜, 青綠嘅菜芯及小白菜, 通菜和油麥菜。吃雞煲火煱, 又點可以無飲品。 各式汽水, 清熱飲品讓你可以下下火。真係估唔到連自助雪糕機都有, 可以給客人自己按掣轉雪糕出來。 有乳酪味, 雲尼拿味, 蜜瓜味及草莓味, 還可以灑上棉花糖, 燕麥片, 椰果, 黑芝麻等配料做裝飾, 妙絕。

雞煲加埋打邊爐，一煲滿足兩個願望，吾好走雞🐔呀！雞煲🍲受追捧，要揾食吾難。位於荃灣大鴻輝中心嘅18樓雞煲火鍋專門店值得一試。除左交通方便，店鋪面積超大，冷氣夠之外。座位濶落，有四至六人嘅舒服卡位，又有十多人嘅圓檯。適合一家幾口或者一大班老友相聚。坐落一陣，服務員就送來一鍋熱騰騰、香氣撲鼻、色澤誘人嘅雞煲，此時已令人垂涎欲滴😋。雞煲可自選辣或唔辣都得，照顧唔同嘅食客需要。我哋揀選唔辣雞煲，雞煲加入八角、薑片、蒜頭、紅蔥頭、洋蔥、香葉、芫茜及酒等配料烹煮。加熱後，已急不及待地品嘗，真的要大讚廚師時間控制得剛好，醬汁濃稠，雞肉吸收醬汁味道，嫩滑而入味，件件香口有肉質感。食完雞煲，滿足感停不了加入湯底即變火鍋食法。除咗雞煲好味外，打邊爐嘅食材都相當豐富。肉類有：雪花肥牛、特級肥牛、紐西蘭羊肉片等；魚類有：脆鯇片、白鱔片、海中蝦、滋補花膠等；還有各類雜丸、菇類、蔬菜類等等。食材吸收雞煲湯底嘅精華，味道已很鮮美。如果想要超重口味，可以自行到自助醬料區調配自家口味。值得一提的是嚮鈴脹卜卜，炸魚皮新鮮酥脆非常吸引，每檯食客都加追。😚大大隻海中蝦鮮甜爽口又彈牙，份量無上限！秋葵營養價值高，難得18樓有得

7月果時帶難得黎香港玩既台灣朋友去食等6人枱等左2個鐘都算叫號淨係叫一次我地坐係最後中間有人出𨋢入𨋢我地都係等有條路行去前面姐咁就比左後一號入左先跟住要我地企係度繼續等多10幾分鐘最後比張4人枱+2張凳我地咁我地咁辛苦等6人位為咩？A同B票都跳左好多張啦！係為等C飛等咁耐明明我地先到要遲過後到既人入唔係應該叫返後一號出返黎等咩？仲要比我地細枱個叫號既女仔態度差到爆真係比台灣d朋友見識到香港既服務態度

今次真係去到18樓48樓雞煲，個名同樓層完全啱晒，呢幾日天氣都好差，又黃又紅雨，但係估唔到都咁鬼多人食，去到都要等位呀～因為同男朋友唔係太鍾意食雞嘅關係，所以我哋直接揀咗個特色湯底，反正以前嚟食飯同其他朋友都試過食雞煲，未試過真正揀咗一款湯，今次就試吓鹹菜胡椒豬肚湯。個湯底味道都幾濃郁，幾種味道非常突出，特別香嘅係胡椒香味。火鍋配料選擇都非常充足，成版唔同種類嘅配料任君選擇。當然唔少得食慾，豬牛羊樣樣都有，啲牛都算高質，任食來講脂肪比例算係均勻。最值得推介就係即炸嘅響鈴，熱辣辣，形狀不規則，一睇就知道唔係現成。仲有啲自家製嘅粟米餃子都係好好味，外皮比較薄，裏面有好多粟米比較爽甜。魚皮餃都OK，咸香十足。有啲唔同嘅丸包括基本嘅芝心丸，仲有啲叫做章魚燒嘅嘢，都好得意架。豬紅嗰啲就普普通通啦，火鍋可以食埋生根，金菇菜等。最尾一定要留肚食雪糕或者乳酪，仲可以自己家唔同嘅配料，最特別係有蜜瓜味嘅乳酪，士多啤梨味雪糕都有，不過冇咁大胃口試勻晒咁多樣嘢。同埋飲品都係任揀，有細細支嘅竹蓆茅根就比較得意。

相信唔少朋友都試過約人食飯，而雞煲，更加係大家都唔會抗拒選擇。坊間有唔同嘅雞煲餐廳，除左最出名嘅兩間雞煲之外，更加要試下以下我所講嘅「十八樓雞煲」。顧名思義，「十八樓雞煲」位於荃灣好出名大鴻輝中心18樓，黎開荃灣嘅朋友一定知係邊度，就算未黎過嘅，都唔洗怕黎唔到，因為地鐵站行幾步就會到，地理位置非常方便。一入到去見到呢間雞煲十分寬敞，無論卡位或二人座位都非常充足，即使是繁忙時段等位都唔需要好耐，最多十五分鐘已經入得，值得一讚。食雞煲，最緊要係咩？當然係啲雞啦。我地點左小辣雞煲，唔洗兩分鐘店員已經為我地準備好，我地當然唔客氣即刻試試佢個雞好唔好味。意想不到的是，雞嘅份量非常多，而且很嫩滑。與其他雞煲比較，呢個雞係我食過最好味嘅，因為佢個醬汁係經過特別調製，令人食指大動，我俾9分！我同友人好快就清左啲雞，開始食第二輪。打，邊，爐！呢度火鍋嘅配料都可以話好齊全，除左必點嘅肥牛之外，呢度嘅炸響鈴都係必食嘅，因為係自製而且即炸架！而時令海鮮都非常新鮮，有鮮蝦同蜆，都食得我們津津有味。最後，當然唔少得甜品啦。呢度有部雪糕機俾大家自行去整雪糕，而味道有多種選擇，筆者就揀左最多人揀嘅朱古力，食肥膩嘅火鍋

話就荃灣有個地方，最出名就係火鍋同放題，每逢假日都有好多人慕名而來，就係傳說中嘅大鴻輝啦！今次就揀左去呢間雞煲放題，果然名不虛傳。餐廳環境舒適，非常寬敞，而且真係好多人排隊，想食就一定要預訂啦！餐廳有自助調味區、自助甜品區及自助蔬菜區，仲可以自助埋加湯底添，咁就唔洗擔心叫極都無人嚟加湯啦！雞煲來了。雞煲嘅湯底汁都非常濃味，就如餐廳嘅口號「食雞煲係唔洗落其他醬嘅」一樣。見到每件雞嘅大細都差不多，可以一口一雞，真係啖啖肉。食完雞就可以試下火鍋配料，店員教我地可以每次加少少水，保留住雞煲汁嘅味道，務求令到最後一刻都係好入味的。打頭陣要試一定係即炸響鈴，響鈴新鮮炸起，可以直接食，亦可以浸落火鍋食亦得，連響鈴都可以二食，不得了！而即炸響鈴當然會油少少啦，但勝在好香脆，而浸落雞煲湯底又可以好吸味，真心一流！最後不得不食的是甜品雪糕，乳酪雪糕既健康又好味，配埋麥皮碎真係一流呀！

想早d食飯，6點就上左呢間雞煲火鍋專門店，有成2個半鐘食，唔會趕頭趕命咁，可以慢慢嘆~ 餐廳內多以卡位為主。6點時還沒有很多人，上餐速度很快，待應基本上一有空碟就會收走，態度nice! 冷氣都幾夠，唔會話食食下，好熱咁！雞煲我們點了無辣的，味道略甜，雞有少少肥，不過可以接受。飲品選擇都幾多！第一round點的食物有d多，有放小桌來擺放太多的食物，很好，食桌唔會太逼！墨魚滑很不錯，頗新鮮的！Encore叫了多次！正！蝦encore左幾次！新鮮！甜！脆骨腩同鱔片都幾好！脆骨腩好似少d火鍋店有得食！總結，近排真係成日打邊爐，呢間鋪頭性價比高，星期六晚食2個半鐘，埋單先$178/人，幾抵！海鮮料唔錯！仲有得任食乳酪雪糕，有原味、乳酪、草莓同蜜瓜！我最like乳酪味！可以再來啊！

今日 ot 完畢，於是和同事一起去咗18樓雞煲食雞, 因為抵食。入面非常寬敞，人流多, 有飲品櫃，雪櫃，調味區等。首先系必食嘅雞煲，我地選咗走辣雞煲, D雞煮到好入味，配上香葱就更加香口。食完雞就開始打邊爐。首先將上湯加入雞煲内，然後再自選食物。我地點咗牛柏葉，響鈴，娃娃菜，魚皮同肥牛。原本無味，擺咗入豬骨湯煮之後就有D味，D豬骨湯果然入味。響鈴：將脆既響鈴放入爐幾秒，半脆軟特別好食。娃娃菜：幾新鮮，幾好食，又健康，食菜果然好。魚皮：打邊爐食魚皮有風味肥牛：打邊爐梗係要食肥牛啦。半肥瘦的肉果然比較好食，而且好意咬斷。最後梗係要食雪糕啦！有四款味嘅雪糕：朱古力，蜜瓜，雲利拿同乳酪。我覺得乳酪味最好食,仲可以加上棉花糖粒, 燕麥, 椰菓等唔同嘅配料, 令雪糕更好味！我地食完走時, 仲有好多人在門口等叫入座。

朋友話想去打邊爐, 我就提議去食雞煲, 食完雞煲之後就可以打邊爐, 真係ㄧ舉兩得。選擇了18 樓雞煲, 因為之前都食過, 覺得好抵食。入座後, 大家都忙住揀自己鐘意食嘅火鍋配料, 真係花多眼亂, 樣樣都好想食。個雞煲嚟啦, 雞雞雞, 成煲都係雞, 啖啖都係肉, 加埋 d 香蔥蒜頭, 非常之惹味,我都食咗唔少雞。經過ㄧ輪努力, 終於食完 d 雞, 可以打邊爐啦。蟹籽墨魚滑, 肥牛, 魚皮餃, 蝦, 響鈴, 鮮淮山, 金菇菜 , 鮮冬菇, 通菜。肥牛脂肪比例均勻, 唔靭。響鈴吸了雞煲內的醬汁, 好好味吖! 墨魚滑夠爽口彈牙。d 蝦大大隻又鮮甜, 通菜夠嫩綠。墨魚丸, 貢丸肉汁多又夠新鮮。食咗咁多嘢, 係時候飲返 d 飲料解下渴先。 各式汽水, 果汁, 樽裝罐裝, 任君選擇。自助雪糕機必定要試下, 唔係咁多地方有。雪糕有朱古力, 蜜瓜, 乳酪及雲尼拿 4 款口味, 自己𨍭出雪糕後可以加上棉花糖粒, 黑芝麻, 三色果, 椰果等配料就更加吸引。我地八點半食完離開, 餐廳門口仲有好多人等入座, 場面虚冚。

Chicken pot has always been one of the tradition of Hong Kongers to have during gatherings if you did not know! Came here on a Wednesday to eat with my colleagues. Just to make sure we would not have to wait in line, we made an advanced booking. This is definitely a smart decision because when we arrived (ie 6:50pm) there was already a line waiting! By looking at the menu, I guess we all can tell this restaurant has a long queue during happy Fridays and the weekends! If you go during these days

黎到眾安街大鴻輝中心呢到覓食，發現成棟樓都係食火鍋/雞煲，果然係個“煲/寶地”。朋友推介呢間18樓雞煲幾抵食，一於就試下！7點去到已經好多人排緊隊，好彩朋友有book位，有得即刻入去。入面好寬敞，座位都幾多。呢到都有得揀打邊爐定雞煲，不過既然佢叫得18樓雞煲，當然試試個雞煲佢。雞煲有得揀辣度，朋友唔多食辣，所以揀左微辣。配料可以食完雞煲之後加湯變邊爐。點完就去行下場內有咩自助吧先。有得唧雪糕！有我最愛既乳酪味！ 隔離仲有得自己加配料，例如爆爆珠、焦糖醬之類。青菜除左係點心紙落單，都可以直接出去拎，賣相非常吸引。雪櫃內都係時令蔬菜，娃娃菜、通菜等都十分新鮮乾淨。場內有多個飲品櫃，可以自己拎。雞煲好快就上黎，十分有效率，侍應會幫客人先翻炒攪勻個煲入面d料。因為點微辣既關係，所以雞煲食唔到太多麻辣既味道，而係偏甜，同雞肉既味道幾夾。另外雞肉煮得幾入味得黎，肉質又幾滑。食到差唔多，我地就叫侍應加湯，同埋點想食既配料。雖然係任食，但我地每樣都先點少少，唔好浪費食物。一點完，唔洗五分鐘，侍應就無聲無息咁將所有食材都放曬係身後既小檯仔，一擰轉身嚇親lol每一樣食材都洗得好乾淨同新鮮，尤其推介鵝腸同牛

今日又係同朋友聚舊的好時間！ 今次去左荃灣食雞煲～ 岩哂我鍾意食雞既人四個人任飲任食兩小時，抵食👍 一到埗，我地四個人就安排坐在卡位，位置很寬敞，坐得舒適。其後，我地就開始任飲任食兩小時，除左食雞煲外，我地仲叫左響鈴卷、墨魚丸、蟹爪肉棒、炸魚皮等食物。坐左一陣，終於呈上雞煲來，味道香濃，賣相也很好看！ 雞煲非常夠味，大家都食到停唔到口，正！之後，再送上唔同的食物，特別要稱讚佢個響鈴卷，炸得好靚！另外，這裡的蔬菜是自助形式，由客人自己去挑選，各類蔬菜擺放整齊，十分衛生！除了食物，飲料都是自助形式，方便我們自行選擇！整體來說，食物質素高，雞煲味道夠濃，好食！店內也很衛生，而且兩小時任飲任食，價錢也不昂貴，值得推介！