18樓雞煲火鍋專門店

营业中

休息中

最喜歡一班朋友一起齊大吃大喝。今晚選了這間18樓雞煲火鍋放題，召集齊老友開大餐。未夠七點就爆曬棚，好彩我們有訂位，所以不用等，門口滿晒等枱的人。熱熱鬧鬧、雞煲香味濃濃、全店爆棚，歡樂的氣氛佈滿全店。座位尚算闊闊落落，十分舒適。雞煲醬汁濃香，也十分嫩滑，大家快快吃雞，否則就老晒唔好食。除左雞煲，還有牛、豬、雞肉及丸類，海鮮也不錯，其中以蜆、蝦、脆鯇骨腩都新鮮甜美。食物質素都不錯，以178元來說，任飲任食，2.5小時，十分抵食，怪不得這麼多人。

屋企人生日🎂 甘岩紅日全部放假 一於出嚟慶祝啦 嘻嘻嘻嘻 ！！ 屋企人想食雞煲 就訂左呢間 18樓雞煲 見好多人食下 又平喎 。 8點到 好彩有訂位 大排長龍喎 。 呢到大部分都系自助式 雪糕 ，菜，醬油 ，上湯 等.... 都可以自己拎到架 雞煲揀完少辣後 就出去拎嘢食啦 岀得好快下返嚟就有得食囉 加熟後先食雞 後加上湯打邊爐 ！！ 打邊爐配料都多架 有海鮮類 魚丸類 蔬菜類 都有一大堆 ， 必點海鮮 夠新鮮又好食 。蝦肉🦐厚身又實肉 ，白膳片 熟左好鮮甜 ，仲有滋潤嘅花膠添呀 ，大大塊 食多兩塊補充多啲骨膠原先 ！！ 蔬菜🥬除咗岀面拎既 仲有好多可以點架 ！！ 臨走前 食個乳酪雪糕🍦 解解膩先 嘻嘻 ！！

今日收早同老公去左荃灣行街，想買既野買唔到，正當失落之際傳來一陣香味，即時喚醒左食慾，當時响大鴻輝樓下，抬頭一睇就見到18樓雞煲塊廣告牌，就揀你啦！我地2人6點就上去食，所以當時好少人，仲俾左4人位我地，超闊落。但食食下就好多人，走果陣8點門口勁多人等位囉！一埋位唔夠5分鐘就上左個雞煲，超爽手，之後再落單都好快到我地先叫一round試一試佢，雪花肥牛靚D，推介牛腩好香，海中蝦新鮮大隻，魚皮同自家製響鈴都好好味！飲品櫃選擇好多，試左蜂蜜柚子同烏龍茶，兩隻都未响街上試過，兩隻都好飲！除左點餐單上既，另外有蔬菜櫃自取，種類都多，我地攞左娃娃菜，生菜，白菜，全部都好新鮮喎！最最推介既係乳酪雪糕，自己斟，仲可以自己加配料，有4種味道選擇，响飽到上心口既時候仍然忍唔住食左兩大杯，結果真係飽到上頸😂真係超滿足的一餐

荃灣大鴻輝中心岀名多雞煲多邊爐，今次食到18樓啦，入面好光亮，座位寬敞，枱面亦夠大去打擺邊爐既材料。雞煲有5種辣度揀，為左就友人既食辣程度而叫左小辣，個人就再想食辣啲，鐘意食辣既朋友可以大膽啲叫中、大辣。啲雞算滑身，係香辣既味道，帶小小甜味，好入味。食到尾既時後就加入左2吋高既豬骨湯，當然份h量可以自己調整啦，就開始打邊爐啦，邊爐材料既選擇非常多，仲有成雪櫃既菜可以任拎。每樣材料既份量都可以叫一份或半份，我估係依照人數俾，例如兩個人去食，蟹柳叫半份就上一條，份量少，但就唔怕浪費啦，啲食材亦十分新鮮。令人欣賞係佢有埋火鍋配料，仲要好多選擇，走之前仲可以食埋yogurt先走。朋友聚會、情侶約會都適合。

荃灣大鴻輝中心真係好多野食，而且都好多人，搭𨋢上去都有一條好長的人龍😅。今次我係去18樓的18樓火鍋專門店食雞煲，我點了小辣，感覺不算太辣，呢間雞煲味道不是重慶雞煲那種，反而更似奇味雞煲那種，味道相當濃郁，二人一煲雞的份量都很多，食完雞煲可以加湯打邊爐，好多火鍋配料任食，飲品任飲，款式真係好多而且唔洗加錢😋。$178一位有咁多野食，而且食物質素都算ok，加埋一都唔洗二百，食足兩個鐘超時都冇比人趕，認真抵食👍🏻

任食雞煲，見到評價好高就去試下。有電話取票，如果去食唔想等就要拎定張飛。入到去坐好就先上雞煲，可能期望太高，真係有啲失望，雞肉唔入味，又好少肉。再食火鍋，選擇都係多，上菜都快，但質素就一般。如果係想食分量，就可以再去。不過我都係重視質素多啲。

不知道是否因為餐廳位於18樓而叫” 18樓雞煲火鍋專門店”呢?選擇這裡是比那價格吸引而來，九點半前每位$178，九點半後價格更便宜，每位只需$148，價格己包括一個雞煲 + 任點火鍋 + 任飲 + 甜品，絕對超值。幸好早一步入座，不然就要排隊了，餐廳佔全層，環境頗大，而且入座率很高，可見很受歡迎。雞煲很快便送上，點了中辣，但味道不像四川麻辣的那麼重，感覺較港式，可以迎合香港人口味，不會太重香料味及不太辣，醬汁頗濃，很惹味，吃完雞煲加上湯變火鍋。大部份火鍋配料可點半份及一份，非常貼心，不會浪費食物，還有值得讚賞是上菜速度非常快。個人推薦海中蝦，白鱔片，自家製栗米餃。火鍋來一個出前一丁作結尾，集精華所在。自助區的蔬菜擺放在雪櫃中，如一盆盆溫室植物，感覺很新鮮。任飲的飲品有不少選擇，可惜沒有酒精類，但單點也不貴，$28有3罐ASAHI啤酒，價格合理。最後還有乳酪及雪糕任食，完美!

今日同朋友都放假 諗住去遠少少 食餐好既 所以去左任食雞煲打邊爐 其實之前都食過幾次架拉 幾次我都比滿分 所以今次再食多次一去到當然叫反個雞煲先 雞煲入面d雞夠大隻 又夠嫩口 而且骨同肉既分例系1比2 佢地自家製既醬汁夠哂濃味 架埋d清湯落去打邊6簡直一流 當然叫之前我地去左自助醬汁到混醬拉 之後我地當然叫左好多打邊爐既食物拉 其中我地叫既肥牛都真系吾錯 其實淨食肥牛同雞都包你回本 佢d牛吾會好瘦 又吾會好老 岩岩好 之後我地叫左d例牌打邊6食材 包括響鈴 粟米 蟹柳 腸仔 烏冬 丸類等等 若果你系2人黎食 寫左要2份 就只系會比2條/2粒你 所以你地自己衡量反個份量拉呢到最好既就系佢包埋甜品 滿足哂你2個願望 又有yogurt 又有雪糕食 可以下啖氣 冇甘飽 哈 我最欣賞既都系佢既yogurt！整體而言 我都覺得吾錯 下次又會再黎拉 哈

18樓雞煲（荃灣大鴻輝）每位$188 一入去服務員就會問個雞煲要咩辣，我哋簡咗小辣！（唔想食雞煲嘅可以直接跳去下一part !, 打邊爐！）.雞煲上得好快，5-7分鐘左右就到，係等嘅moment, 我地可以去整下自己嘅醬料！唔知係咪因為店主對自家嘅雞煲好有信心！所以醬料嘅選擇相對好小！得：蒜泥、指天椒、炸蒜同蔥段！當然係有豉油！好！雞煲話咁快就到左！我同我老婆都係出面攞左啲菜同飲品，無錯！菜同飲品係自助營式！亦到係點餐紙點左啲食品！先講講個雞煲！我同老婆都覺得味係好好，雞都幾嫩滑！係重左小小口味！雞煲都食得7788，我就加湯入雞煲（注：湯都係自己係出面攞），有提示加2寸湯就夠！我哋就跟指示加左2寸湯！就進入hotpot mode ! 之前點左嘅都好快到左！呢度任食嘅有「脆肉鯇片、脆肉鯇腩、鱔片、仲有蝦！是日海鮮推介係蜆！」真係唔錯，都算係新鮮！肥牛無咩好講，中規中矩！打邊爐唔食肥牛好似無打過邊爐咁！所以都係會點嚟食！仲有佢自家製嘅嚮鈴！呢個真係值得推介下！唔只得個脆咁簡單！仲有因為佢比較厚（好多層）浸左落湯一陣都唔會淋晒！打到咁上下！出面有軟雪糕！我呢日係咖啡味！食落真係有驚喜！咖啡味

雞煲一向都係我最喜歡吃嘅菜式之一，難得今日舊同學仔早收工，一於就去食返餐勁嘅，今日我哋就鎖定左荃灣大雄輝上面嘅一間火鍋雞煲，非常易記，就係位於18樓嘅18樓雞煲。呢個雞煲就係178任食嘅，我哋行緊去到基本上200蚊內就可以埋單先講一講雞煲，我哋叫咗小辣，的確係過癮得嚟唔太辣嘅，同時間雞煲嘅花椒八角味都好出，食落都係醬汁味好濃味嘅，食完個口真係有少少麻痹嘅感覺，整體嚟講，係一個唔錯嘅雞煲。如果你哋食得辣嘅，建議叫中辣。食完雞就加水打邊爐啦，因為配料太多，我揀啲重點嚟講呢。優質肥牛。色澤都係鮮嫩，肥肉比例幾好，食落都唔錯嘅。魚皮。大大塊，亦都好鬆脆，非常推薦。豚肉。同樣都係唔算肥，肉質都幾嫩滑。丸類芥末魚丸非常過癮，甜甜辣辣噉樣。墨魚丸非常彈牙，有咬口。芝士豆腐亦都係好鬆軟。墨魚滑同鯪魚滑墨魚滑非常煙韌彈牙，非常推薦。鯪魚滑都係一樣，所以都係建議大家食的。甜品方面，有兩部乳酪機。乳酪嘅口味都幾多，起碼有四種，包括哈密瓜，雲尼拿同草莓等等。我自己淨係試咗哈密瓜啫，仲有幾種topping可以畀你加上去。乳酪都係軟滑嘅，雖然哈密瓜未必好突出，但加曬幾種配料之後都幾好食。在場嘅有好多汽水任飲。總結

我呢個雞煲粉絲，今日又去咗荃灣呢間兩小時任飲任食嘅雞煲火鍋試吓啦,，呢度地方好大好多位，座位非常闊落，坐得好舒服，好啱邊食邊傾計, 不過晚市時間都好多人, 最好先預約, 如果唔係都可能要等位呀麻辣雞煲🐔🐔呢度嘅雞煲份量係二至七位就一煲，八位以上有兩煲，唔驚話人多唔夠食, 如果客人選擇唔要雞煲, 咁就可以轉個特色嘅湯底, 我哋要咗一個微辣嘅雞煲，麻辣味非常之香，雞肉都好嫩滑，食落真係非常滋味😋😋食完個雞煲之後, 你可以自己去攞餐廳預備好嘅豬骨上湯加落去, 餐廳指示大約加2吋左右, 就可以開始火鍋啦火鍋配料😍😍有幾十款嘅配料可以選擇， 種類都好多, 必食嘅除咗肥牛之外，我特別推薦嘅就係白鱔片，非常新鮮好味, 而另一樣就係墨魚丸啦, 有啲墨魚肉粒喺裏面, 真材實料, 咬落非常彈牙, 其他配料質素都好好, 一啲都唔會話將貨就價, 整體都親鮮, 質量好👍🏼👍🏼最後仲有乳酪雪糕提供, 食埋個甜品, 更添完美🍦🍦🥳🥳

眾所週知，大鴻輝中心一向是荃灣的美食天堂，集合了不同類型的放題，今日我們預約了18樓雞煲火鍋專門店，顧名思義，它就是位於18樓😂價錢收費合理且抵食，平日成人$178一位，可以任食兩個半小時。收費已包括所有醬汁、飲品、雪糕等～入座後，店員會先問你雞煲的辣度，可以選大、中、小和bb辣。我和朋友都喜歡吃辣，所以我們叫了中辣。趁著等雞煲的時間，可以先出去拿醬汁和飲品，並點食物。食物選擇大路，火鍋應該有的都有～5分鐘後雞煲上桌，香氣十足，但雞重鹼不辣，建議大家點大辣都可以......食物質素正常，份量偏迷你，⚠️如果點半份，就只有一件最後食飽飽，當然要食杯乳酪雪糕，有四款味道選擇，旁邊還有不少配料可以任加～

大鴻輝多野食就出哂名，火鍋、雞煲、放題集中，所以一到晚飯時間，電梯口就特別熱鬧。朋友說來食過好抵食，今晚終於可以早點下班來吃。門口好多人等位，要取籌號，最好早些來等位，就不用排隊了。端上來的走辣，醬汁加上料頭，香味濃郁，雞肉嫩滑。滿足過後，加入兩吋豬骨上湯，開始下半場的了。食得岀食材都幾新鮮、肉質都幾嫰滑架 飲料品種亦有好夠 基本諗得出有咩汽水嘅牌子都會有！好抵讚嘅係佢平均地用料新鮮,基本上毫無破綻,當中佢嘅牛肉同埋羊肉好靚 肥肉分佈均勻,顏色紅噹噹。

雞, 全部都係雞~~今次GATHERING約食雞煲放題~~朋友一聽到係食雞煲超與奮喎!!揀左間係荃灣既雞煲放題, 食完雞煲仲可以打邊爐添~7點半前埋單可以減$10, 一於去盡D早D開餐先!!餐廳環境好大, 好多座位~食客客似雲來~唔想等位既話都係預約好D!!飲品櫃入面有唔少種類既飲品~清熱飲品同汽水都有自助醬料區...蔬菜可自行係出面拎~最期待既雞煲出場~~~熱辣辣香噴噴急不及待起筷點左微辣, 醬汁好惹味喔~雞肉嫩滑, 啖啖肉好滋味食完惹味雞煲就開始打邊爐喇~~一整張點菜紙, 好多配料選擇!!仲可以根據人數點半份或一份, 好彈性~大大個邊爐鍋~鍋底好多材料餚製而成, 好足料好濃郁!配料份量好理想, 想食幾多點幾多~包保唔會浪費!!肥牛薄薄軟腍的好正喔~其實材料都好新鮮!!自助乳酪雪糕區~足足有4款乳酪同雪糕口味仲有好多TOPPING任選~大大杯乳酪同雪糕, 好滿足丫!!!!!任食雞煲打邊爐放題比起出面淨食雞煲經濟化算好多~仲有乳酪同雪糕任食, 超值!!!

想食雞煲,大鴻輝嘅18樓雞煲都相當出名一來任飲任食,食物種類都多選擇,飲品亦照顧到不同需要嘅食客. 6點鐘襯D人未收工,隊都唔洗排就入場, 到左7點已坐爆, 出面已有人龍排隊拎飛。先由雞煲講起, 我揀左微辣, 辣道對我黎講岩岩好, 雞肉嫩口, 醬汁濃郁入味. 食完半隻雞煲,可立即加豬骨湯底打邊爐. 食物種類包括有牛肉,豬肉,魚,丸都非常齊全. 當中要講一講點心紙有得剔半份定一份, 由於我2個食, 主要都剔半份, 份量比較迷你, 但正因為咁,我可以食多D唔同食物, 最重要係唔會浪費食物鋪頭另一賣點係煲左十幾個鐘嘅豬骨湯,打邊爐連鼓油都唔洗點, 但其實店內都設置左自助醬料區.食雞煲同打邊爐,最怕就係熱氣,最好飲下咸柑桔,蜂蜜柚子等解渴同下火之用,淨係飲野都值回票價.食左咁多肉,其實雪櫃有多款蔬菜,有唐生菜,通菜,娃娃菜任君選擇. 如果早到,18樓另一賣點係可以望到荃灣入夜後嘅部份景色, 雖然都比密密麻麻嘅樓遮晒無乜野睇