龍逸軒

营业中

休息中

周年聚餐投票，「龍逸軒」最終勝出。餐廳裝修經典，佈置略顯陳舊。𤔡怕人多意見多，因此攪手一早已預訂了餐廳以祝壽為主題的套餐，亮點之一是贈送生日蛋糕給食客。四小碟中最喜歡五香牛腱，牛腱香軟濕潤，肉味濃郁。椒鹽蟲草花對我來說是創新小食，是第一次品嚐，蟲草花非常香脆，一點也不油膩，只是油炸之物，只可淺嘗。花膠螺頭湯非常鮮甜，花膠厚且彈牙，十分滋味。因為未能吃鴨，所以不清楚食物水準，但見鴨子油光亮麗，鴨身飽滿，且友人皆吃得津津有味，相信質素甚好。對我而言，柚皮扒鵝掌是今晚最具看頭的菜式，柚皮跟鵝掌均燜得十分入味，口感軟糯，非常合胃口。厚切的石斑球魚味不錯，且不帶殘餘魚腥，石斑皮更是充滿膠質口感，與嫩綠的菜遠十分搭配。花枝片切得非常薄，顏色近乎半透明，口感雖不至於爽彈，但也不黏牙，可惜鮮度一般，XO醬的微辣和咸香正好彌補了這缺口，蜜糖豆倒是翠綠鮮甜。龍躉頭腩的骨皮多而肉少，裹粉油炸可鎖緊水份，且令龍躉皮更有口感，只是粉皮有點厚重，影響了口味。哈哈蝦炒飯以蝦肉、櫻花蝦及蝦醬炒製而成。蝦醬的份量適中，炒飯帶蝦醬香而不過咸，只是蝦肉的鮮度一般。甜品正常水準，作為飯後的一點甜，也算合適。

老友生日飯，當然要食好dd。係社交平台睇到九龍酒店的龍逸軒做推廣，出左2位起的點心套餐，啱晒我地呢d食量唔大但想坐得舒服傾下計嘅人。唯一唔好的係要先係佢的 e shop買coupon 同埋無得改日子，無左flexibility。幸好無令我地失望。食物 - 款式，份量同質素都唔錯環境 - 可惜安排唔到坐唔到窗口位，但枱與枱之間空間寬敞，坐得舒服，唔會聽到隔離枱講乜😅服務 - 主動加水收野，又唔會催你走價錢 - 全包價$238@ （2位起）， 算幾抵食整體唔錯，可以再食～

有幾間酒店中菜廳都做點心放題，朋友話可以試吓。都係一般點心，選擇唔多。先食菜，覺得健康啲😁芝士海鮮春卷幾脆，餡料被芝士包住，但唔膩；蝦多士嘅蝦膠彈牙，食落唔會成口油：椒鹽魷魚鬚細條偏硬；XO醬蘿蔔糕：冇蘿蔔嘅蘿蔔糕，又唔夠XO醬黃金豆腐粒炸到脆脆哋，加多啲椒鹽更好。前菜味道正常，黑毛豬叉燒比較失望，肉質較硬，味道一般，唔似高級叉燒！叉燒腸粉啲叉燒反而淋啲、入味啲。石榴球特別，菇菌餡料，淡淡的松露香，清新爽口。石榴球紅色頂塌晒下來，睇人哋啲相，賣相靚好多！有蝦嘅點心做得唔錯，金箔蝦餃、鮮蝦腸粉當然有大隻彈牙嘅蝦啦海皇泡飯湯底清甜，有蝦、蟹肉，想留肚食其他嘢，結果都係成碗食晒珊珊來遲的原隻南非鮑魚燒賣皇，飽魚淋但未夠入味，燒賣本身有蝦、豬肉唔太肥，好食，但我哋之前已經食咗味道相近的三文魚籽燒賣，所以唔刻意去品嘗呢款今餐最貴嘅點心甜品：芝麻卷、紅豆沙。紅豆沙冇嚟、芝麻卷一般；隔離自助餐攞過嚟嘅芒果拿破崙、提拉米蘇，真心唔好食以酒店嚟講服務就一般，可能侍應要招呼入坐客人又要上點心，比較忙，未有時常留意客人要加水、換碟等。

唔同價位嘅點心放題都試過，包括酒店中菜廳或者一般酒樓，呢間係我唯一去咗三次嘅。首先佢地點非常方便，喺正尖沙咀地鐵站旁邊。另外用餐環境都非常好，枱嘅距離好足夠，窗邊位仲有好靚嘅鬧市景添！講返食物，一坐低就會送每人一隻鮑魚燒賣皇。鮑魚好嫩燒賣嘅豬肉又好鮮甜，呢個點心非常好。另外佢嘅蝦多士都係名物，炸得鬆透酥脆，結果要嗌夠兩次先夠皮。其他點心水準都好高，另外又有湯羹小菜加埋炒飯麵可以揀。不過仲未完喎，加多20蚊就可以去旁邊嘅西式自助餐食埋佢哋嘅甜品。啲甜品種類好多水準都好高，特別係芒果拿破崙，最後仲有movenpick雪糕收尾。值得一題佢哋嘅服務都真係酒店水準，有禮貌又親切，抵讚👍每次食呢個點心放題加甜品自助餐都非常飽，因為好似一次過食兩個自助餐咁😅

每逢過年過節，身邊的親朋好友少不免會有糕點相贈，除了美味，更是送上了一份祝福，加以一杯香濃的普洱茶，更是絕配。相識超過十年的好朋友，今年送上了九龍酒店旗下的三款賀年糕點，分別是櫻花蝦瑤柱臘味蘿蔔糕（$368/折扣後$239.2起）、元貝富足臘味芋頭糕（$368/折扣後$239.2起）以及沖繩黑糖椰汁年糕（$268/折扣後$174.2起）。三款都是自家出品，與某些品牌找人代製不同，是更具個性。禮盒相賣作長條形，煎糕的時候更均勻，友儕間都知我偏好咸糕點，所以傳統口味的蘿蔔糕一定逃不過我的魔掌。至於坊間酒店比較少做的芋頭糕，正好是太太的喜好。至於黑糖年糕，正好留待春節期間同親友分享，祝大家「步步高陞」「龍馬精神」。P.S :   離開時見有人拖"喼"買年糕，可見識貨的人多的是。   

經kkday購買龍逸軒午市點心放題，寫明兩小時任食，時段由13:15-15:15pm。當日13:15準時入座，安排坐窗邊打卡位置。落單到上菜，食物質素同份量都正常。但直到14:15開始天堂落咗地獄職員頻頻過嚟收碟，更離譜到開聲叫我哋將啲吉碟放喺枱邊方便俾佢收，講緊張枱好細張佢伸隻手都拎到，重點係酒店質素冇expect會咁樣做。另外未得到我地同意下不斷將我哋未食完嘅野全部倒晒落一隻碟，都係冇expect到酒店會咁樣做，嗰刻以為去咗屋邨街坊酒樓或者茶餐廳。期間職員多次話因為夜晚呢度趕住set場？之類，當時只係食咗一個鐘頭，我哋嘅食物都未黎齊，我哋都未飽，但係就聽到呢啲說話好催促嘅壓力。為咗緩和呢個氣氛，我哋同職員講今日啲湯好好飲。結果職員嘅回覆係：「er，我都未飲過。我唔係好知。不過今日應該唔好飲，上個禮拜嗰啲好飲啲，有xx（我唔記得佢講咗咩食材）」嗰刻，簡直唔知講咩好，佢哋係咪正式錄用嘅員工？講啲說話咁倒米然後繼續喺不停收碟，last order係14:45，14:35個場已經冇晒職員，我係要行出去reception嗰邊搵職員交張order紙。我地last order主要係剔咗啲甜品，幾

好耐冇食點心，見呢間餐廳做緊任食點心，款式好似都好多，加上又係喺酒店裏面，便嚟試一試。🍄門面好細😅😅🍄窗邊位景緻靚啲🍄原隻南非鮑魚燒賣皇 (每人限點一次)🍄唔記得係乜嘢老火湯了🍄叉燒腸粉好味😋🍄春筍金箔蝦餃，幾得意🍄石榴松露粉果🍄任食最鍾意叫鳳爪、排骨🤪🤪🍄炸春卷，蝦多士🍄叫到成枱都係食物⋯⋯🍄懷舊芝麻卷🍄燕麥香芒卷餐廳呢排做緊promotion，客人食任食點心同時可親臨倚窗閣的自助餐甜品吧，品嘗芒果拿破崙、意大利芝士餅、藍苺芝士蛋糕及Mövenpick雪糕等甜品。可惜去當天是假日，未有機會試到自助餐的甜品。

鍾意飲茶吃點心；又鍾意任點任食，啱晒心多多的你？若二合為一，能無拘無束地享受種類眾多的「一盅兩件」，大家覺得怎麼樣？「龍逸軒」的任點任食點心 Brunch，由該酒店中菜部的行政總廚 楊建業師傅領軍主理，一個價錢可以挑選任吃 50款美食。來過這裏數次，都是吃晚飯大菜為主，一向深得小弟喜愛；估不到中午各項點心也同樣相當有水準。今回我們一行四人，怕點多食物會浪費，所以大部份都點了半份，寧願花款種類叫多一些，以下也只是餐牌的一部份而已 XD冷盤類「貢菜海蜇」海蜇乃滬菜常見的前菜，外面輕包著麻油，與貢伴些淅醋吃，開胃之餘也沒負擔。酸味味，用陳醋調味的「涼拌青瓜雲耳」「京式醬蹄」/「鎮江肴肉」，在粵菜廳也能品嚐到外省涼菜：香口小吃「黃金豆腐粒」，椒鹽豆腐做得表皮酥脆，內裹嫩滑，一小粒一口，易做難精：「椒鹽魷魚鬚」，我小時候飲茶必要的點心：「椒鹽小排骨」，這個似小菜「香酥排骨」的迷你版，惹味：湯品除「雞茸粟米羹」，我們挑了中式老火湯，今天是「青紅蘿蔔煲豬𦟌」湯清澈鮮甜無味精，食材精華全跑到湯頭裏，中午也可有熱湯滋潤一下。蒸點心若以點心來說，我喜歡喜蒸的，因為可以更吃到廚師功駕和食材的原汁原味。「原隻

九龍酒店的龍逸軒是個人好欣賞的一間中菜館，就連外甥的結婚酒都在龍逸軒包場。其實每次到訪，楊師傅都不會令人失望，而今次就主力食奄仔蟹套餐。前菜四款分別是百花釀秋葵、金磚豆腐、蔥油海蜇頭以及椒鹽蟲草花。當中包含了煎、炸、爽、香及綿不同的處理手法同口感，最啱同朋友慢慢消磨時間。蜜汁西班牙黑毛豬叉燒拼大紅香芒乳豬件龍逸軒的叉燒是隱藏美食，肉質鬆軟有嚼口，略帶點肥更添油香，而乳豬件的芝麻皮酥代香脆，就算不用蘸點醬汁都非常可口。清蒸東星斑在各種魚類中，以前就會偏愛蘇眉，但家陣環保意識強了，東星班亦是一個上佳的選擇，肉質細嫩而少碎骨，醬油又調較至鹹甜得宜，加碗白飯拌魚汁可說是完美契合。黃酒薑絲蒸奄仔蟹所謂不時不食，是日主角出場，足五兩以上體形，本地鹹淡水交界貨，即叫即蒸，時間夾得啱啱好，甘香肥美，正。錦繡白玉藏珍在原片冬瓜件中，放入火腿、雜菌及冬菇，吃起來清新之餘，亦有火腿的咸香，我鍾意。陳皮南非鮑魚煲粥廣東開花米粥底煲得好綿滑，陳皮絲帶來了陣陣清香，鮑魚柔韌有嚼口，貪心一點，如果可以加埋雞塊就更合我心意，簡單的下點生菜絲，令口感更佳。豉油王炒麵想知道何謂高水準炒麵，睇睇楊師傅出品就明白晒，麵條乾身

「不時不吃」可說是品嚐時令海鮮的金科玉律，每年七月至九月，又是吃「奄仔蟹」的亮麗時間了！今趟吃到奄仔蟹，確令我這位「吃蟹忠粉」老饕，體驗了一趟鮮味旅程。「奄仔蟹」又叫「處女蟹」，是未經交配，約三個月大的幼年雌性泥蟹。作為一道季節性的特色美食，它是以其鮮嫩多汁的肉質，和入口即化的細膩質感而一直備受推崇。亦因為蟹未完全成熟， 蟹身會充滿金黃軟滑的蟹膏，味道甘香鮮美。與傳統硬殼蟹不同，「奄仔蟹」是在剛蛻去堅硬外殼後即被捕獲，所以靚貨更顯其獨特奢華的身價。套餐頭盤有四項，「百花釀秋葵 · 金磚豆腐 · 蔥油海蜇頭 · 椒鹽蟲草花」「百花煎釀秋葵」是易做難精的一道菜，將新鮮蝦膠釀進秋葵裏，因為兩食材烹熟所需時間不一樣，先要將蝦膠那邊煎至金黃微焦，反面再煎，再配上頭抽、蔥汁：秋葵乃健康食材，高纖低脂，含豐富蛋白質、抗氧化物及維他命C，我自己就很喜愛吃，而且用這個煮法可以去除它的青澀味，配合滿滿蝦鮮，蝦膠彈彈弓，香口且有益：「香辣脆金磚」似椒鹽豆腐，做得表皮酥脆，內裹嫩滑，一小粒一口，非常好的下酒菜：若你喜歡食飯飲酒㗳兩杯，邊吃邊談，此小碟就很 good fit：「蔥油海蜇頭」乃滬菜常見的前菜，比一

本人跟朋友在KKday買了一個仼食點心嘅package ，原本點心就無問題，但員工服務態度真的好有問題。限時兩小時，本來食得好開心，但到差不多時間時，枱上點心還未吃完，服務員就過嚟催我地交枱，理所當然嘅，但無諗過要吃都要時間咀嚼，佢竟然話俾多5分鐘我地食，我想話去個廁所都唔止5分鐘，有無搞錯，唔俾打包都算，我地唔想徙想食哂都俾多少少時間，咁樣大家都無癮。我真心想串佢5分鐘去個廁所都唔得。算，真的無下次，加上佢地對生客完全無視狀態，只係懶熟招呼啲熟客，完全當我地透明，咁樣做生意怪不得啲人返去大陸食，又平又好招呼，我只可以講任何客人去任何食店如果得不到同一待遇，好明顯係不平等對待，只會係趕客，請到這些員工啲高層真的不幸。所以奉勸大家，這家酒店嘅酒樓員工狗眼看人低，永不再幫襯。

手工菜工序繁多，那傳統的味道是不能取替的。趁住龍逸軒推出懷舊手工晚宴，就同朋友來到一次過品嚐多款經典懷舊味道，令人難忘。就像去飲宴一樣，先來大紅香芒乳豬，乳豬燒得香脆可口，與甜美芒果間著放，好搶眼，底下還有脆米呢！單件吃已經令人垂涎三尺，兩者夾著吃，既可減低油膩感，又豐富了味蕾。菜膽螺頭燉海參，這盅燉湯超足料，原條海參加上雞腳、螺頭、菜膽等，清甜又滋潤。桂花炒魚翅絕對是展示師傅功架的一道菜式，素翅、雞蛋、蟹肉、金腿絲，炒得乾身香口不油膩，放久了也不會出水出油，口感一流。砵仔焗魚腸，非常懷舊的菜式，主要材料就是魚腸及雞蛋，以及用陳皮及薑絲等辟腥，入口甘香嫩滑。頭抽香煎美國生蠔，珍寶生蠔以頭抽香煎至金黃色，外脆內嫩，滿口蠔鮮美味，口感極佳。碧綠蝦子柚皮又是一道看似簡單但工序繁複的功夫菜，厚身柚皮軟腍度適中，入口軟滑即化帶甘香。枝竹豆腐炆海星斑，海星斑先炸後炆，魚味香濃，口感嫩滑又入味。古法八寶鴨，鴨內釀滿蓮子、百合、薏米、鹹蛋黃等，蒸好後澆上玻璃芡，再加上菜膽伴碟；一刀切下，鴨香四溢，餡料同時吸收了鴨精華，鮮甜鮮美。甜品有蓮蓉西米焗布甸及懷舊芝麻卷，這份量與甜度剛好，芝麻卷更是爽甜帶濃郁芝

I have been to many Cantonese restaurants lately, and this one was definitely a hidden gem located on the second floor of the Kowloon Hotel. First impression, the elegant style was reminiscent of those I went to when I was a teen: high cushioned chairs, appropriate lighting, spaciousness among tables and with a high ceiling.Their tall windows gave additional daylight and a nice partial view of Nathan Road overlooking the old Kowloon Sogo. Across the street was The colonial style The Peninsula.We

[ 龍逸軒 ]九龍酒店中菜廳位於尖沙咀港鐵站上蓋，供應各式點心及經典中菜，由總廚楊建業師傅及其團隊主理。楊師傅有超過三十年入廚經驗，曾經連續兩年帶領食府奪得米芝蓮二星級榮譽👏。✿ 雙重滋味「黃金片皮鴨 ‧ 招牌玻璃蝦球」晚市套餐 (兩位起) $650/位百花釀秋葵🍤前菜以蝦滑釀秋葵再煎至金黃色，入口香脆，蝦味鮮甜。滋味片皮鴨 (2-3位半隻、4-6位原隻) 🔥🦆烤鴨以自家廚房炭火爐烤製，製造一鴨兩食菜色。第一食係京式片皮鴨。店員係席前片鴨，烤鴨外皮超香脆，肉質軟腍唔韌。鴨餅皮夠薄身，配搭多種配料及醬料，做出不同口味組合。烤鴨偏大隻，片鴨後剩餘好多鴨肉，第二食可選擇煮鴨肉湯或轉做生菜包。生滾香葱鴨肉湯🦆🍲有鴨肉、白菜、豆腐等湯料，相當足料，味道清澈。玻璃明蝦球🍤呢道手工粵菜選用體型超大嘅四頭大蝦。師傅將蝦去皮挑筋挑腸，煮好後以金華火腿片伴碟。蝦肉爽脆鮮甜，啖啖肉無渣。荷香籠仔蒸金銀蒜龍躉球🐟師傅將龍躉肉、粉絲、蒜蓉等材料放係蒸籠荷葉上，龍躉肉蒸熟後依然嫩滑，粉絲吸收荷葉及食材香氣。櫻花蝦帶子粒炒絲苗🔥🍚師傅用帶子粒、櫻花蝦、蔥花、雞蛋等材料炒飯，飯粒乾爽粒粒分明，蛋味香濃。陳皮紅豆沙🥣熱

呢日同一班老友走咗去九龍酒店龍逸軒食懷舊菜，真係食返到細個嘅味道個個都食得好滿意。呢個懷舊宴有10個菜大食如我都捧住個肚嗌飽走！第一味係大紅香芒乳豬好有去飲嘅感覺，香脆嘅乳豬油分好夠配酸酸甜甜嘅芒果食落去冇咁油膩感覺都幾得意。燉湯係菜膽螺頭燉海參，入面有成條海參真係好鬼慷慨！加埋菜膽、螺頭同埋雞腳呢啖湯係好鬼香甜呀。桂花炒魚翅整得好乾身唔會油淋淋！入面仲有新鮮嘅蟹肉口感同味道都好得。跟住呢個砵仔焗魚腸係我老婆大人嘅飛佛！蛋焗得好甘香加埋魚腸整得乾淨冇腥味，呢個焗魚腸味道係唔錯嘅。香煎美國生蠔夠晒肥大厚肉，炸到香香脆脆咁加埋鮮味點都好食嘅。呢碟枝竹豆腐炆海星斑我哋咁多人都一致讚好！炆得好入味魚肉又香滑，側邊嘅枝竹同埋豆腐都係正嘢嚟㗎手快有手慢無。呢個碧綠蝦子柚皮真係勁懷舊嘅手工菜！淨係揸柚皮都要用幾日時間，呢個柚皮整得好鬆化又冇澀味，加埋啲鹹香蝦籽同埋個芡汁真係好高質。古法八寶鴨又係巧手菜之一！去咗骨嘅鴨入面釀咗啲鹹蛋黃、蓮子、薏米同埋糯米，跟住炆到好酥香配埋個濃郁嘅醬汁真係好味道。最後仲有兩個甜品！一個係蓮蓉西米焗布甸另一個就係懷舊芝麻卷，食到太飽嘅關係甜品就意思意思食少少算！不過兩個