首先佢地點非常方便，喺正尖沙咀地鐵站旁邊。另外用餐環境都非常好，枱嘅距離好足夠，窗邊位仲有好靚嘅鬧市景添！
講返食物，一坐低就會送每人一隻鮑魚燒賣皇。鮑魚好嫩燒賣嘅豬肉又好鮮甜，呢個點心非常好。另外佢嘅蝦多士都係名物，炸得鬆透酥脆，結果要嗌夠兩次先夠皮。其他點心水準都好高，另外又有湯羹小菜加埋炒飯麵可以揀。
不過仲未完喎，加多20蚊就可以去旁邊嘅西式自助餐食埋佢哋嘅甜品。啲甜品種類好多水準都好高，特別係芒果拿破崙，最後仲有movenpick雪糕收尾。
值得一題佢哋嘅服務都真係酒店水準，有禮貌又親切，抵讚👍
每次食呢個點心放題加甜品自助餐都非常飽，因為好似一次過食兩個自助餐咁😅
2
2
2
1
