龍逸軒

营业中

休息中

整體來講：想坐到近落地玻璃窗邊位置就請當日早10分鐘左右到步，先行check-in啦我哋一行三人，用餐時段13:00-15:00大約早10分鐘到check-in拎飛，排第五號碼等入座佢大概都先安排近窗嘅位置如已滿坐，在安排到其他枱用膳必食推介：👍🏻👍🏻👍🏻蝦多士叉燒（見佢雖然唔係半肥瘦，但一點都唔「鞋」口兼肉嫩，有啖啖玫瑰露香氣）蝦餃燒賣小籠包海鮮腐皮卷XO煎蘿蔔糕椒鹽小排骨是日湯品：涼瓜排骨湯叉燒腸雪糕不推介：👎🏻👎🏻👎🏻麻辣牛鬆茄子炆伊麵 （煮到啲伊麵太霖太爛，啲麵又碎濕濕）四川擔擔麵 （其實味道唔係差，不過，因為湯頭完全無我最喜歡嘅濃郁花生醬，好失望，佢嘅湯頭只有麻辣味道，個麵都沒有半點肉碎，最多稱為麻辣湯麵🍜）不過不失款式：涼拌海蜇青瓜木耳蟹肉菜苗餃五香牛展香煎牛肉包椒鹽豆腐甜點

說起來，龍逸軒近幾個月來真的光顧了不知多少次，由$34一款點心開始，到近日推出的All You Can Eat Dim Sum Brunch，就連太太團都讚不絕口，作為點心控，當然要親身一試！「限聚令」下，一檯最多4人入坐，正好餐廳推出星期一至五4人同行$988，計落每位$250有找，已經茶芥加一全包，真心覺得抵食，如果人數不足，只要係 eshop 買 coupon ，平均都係$272左右，至於星期六、日及公眾假期就貴少少，都係$286左右。可能太受歡迎，所以任食點心都分作兩輪，而最後點餐時間為 12:15  及 14:30。點心紙有前後兩版，總共超過50款鹹甜點心，蒸、炸、湯、前菜、飯麵及甜品，應有盡有，就睇下你食得幾多！蒸點畢竟是大量即製，晶瑩鮮蝦餃的餃子摺紋比較粗糙，但餡料是吃得出的清爽彈牙，有水準。蟹子蒸燒賣吃得出蝦爽肉鮮。另一款蟹肉菜苗餃包得工整，蟹肉的鮮甜跟菜苗好匹配，已有一段日子沒吃過了。而上海小籠包內裡有肉汁，而包皮有點厚，反而啱我胃口。話就話瑤柱珍珠雞，但比起一般珍珠雞為大，餡料跟味道跟平日的相差不大。吃素的朋友都有不少選擇，松子素粉果的餃子皮柔韌有彈性，餡料包至漲卜

一年食一次奶黃月餅🥮， 一向鍾情九龍酒店， 但因朋友送贈， 終有機會試食左半島酒店嘉麟樓奶黃月餅。嘉麟樓月餅盒很漂亮， 未食已很吸引。 心形月餅很有心思，很給睛喔！ 用微波爐叮30秒， 拿出來已很有餅香， 蛋黃味一般， 月餅皮係曲奇皮， 比較乾身， 奶黃餡亦比較乾，像沒有油份，吃完一啖， 要立即飲水， 我本人不太喜愛這種質感。 聽聞炒價是成千蚊一盒， 值不值得見仁見智。 九龍酒店的奶黃月餅， 一向是我摯愛，今年新出伯爵茶奶黃月餅， 令我喜出望外。 用微波爐叮45秒, 餅皮油份剛好， 看上去有油份， 不會太油膩， 另伯爵茶奶黃茶味剛好， 不會奪去奶黃味，吃後茶味在口腔內回甘， 吃完不會有口乾的感覺， 正呀喂！奶黃餡來講，九龍酒店冇得輸， 還有他們奶黃煎堆， 超級超級好食， 試過在其他地方食， 都比不上九龍酒店喔。

呢排飲咗幾次茶，不約而同食左幾間酒店嘅中餐廳，既然市場咁多唔同嘅優惠，不如就同大家簡單介紹吓。星期一至五，食肆從來都多優惠，酒店中餐廳嘅點心爭霸戰越嚟越激烈，九龍酒店剛推出星期一至五，4人同行$988, 平均每位成人$247，仲係已經包括加一服務費及茶芥，兩個時段有差唔多40幾款點心俾你任食，可以話近來最優惠package。如果你冇四個人，係eShop買coupon，平均一個人都係$272到，同樣包括加一服務費及茶芥。又或者如果你同我一樣，平日要返工，冇可能周中嚟飲茶，星期六、日及公眾假期都只係$ 285.5一位，都唔錯。由好多種唔同嘅即叫即蒸點心到炸物到湯羹到精美嘅前菜小碟再到粉麵飯，仲要有各種唔同嘅中西食甜品，如果你有返咁上下食力呢個絕對係超值嘅Offer，不如一齊睇下有乜食。先講點心蝦餃燒賣當然係首選，不過佢嘅上海小籠包都非常唔錯。腸粉有兩種，叉燒腸粉同上素腸粉都係大件夾抵食。叉燒包同珍珠雞有位都可以試吓。另外上素卷同粉粿都係非常精美，好食得來打卡又適合。如果要講最愛嘅蒸點，一定係蟹肉菜苗餃，蟹肉波濤洶湧咁飽滿，好食。煎炸野方面完全唔輸蝕 ，XO醬炒腸粉同蘿蔔糕都係水準之上。另外

中國人假日和家人飲茶共聚，夠曬温馨，九龍酒店的任食點心放题值得一試。環境寬敞舒適，即點即吃，時間又充足，加上多款精美點心，燒賣，蝦餃是必然選擇，鳳爪，排骨同樣惹味，滑溜义燒腸，鬆脆春卷等均很受歡迎，還有炒粉麵飯，兼有可口雪糕甜品，超值!

今日放假和家人到尖沙咀九龍酒店吃個點心任點任食，數十款點心任君選擇。傳統點心例如蝦餃，燒賣，牛肉，腸粉等水準唔錯，腸粉蒸得幼滑，XO醬煎蘿蔔糕最為出色，美味香口。魚蓉羹口感豐富，甜品中以芒果拿破崙和桂花糕最好食，盡興而歸。

今日係星期日下午時段。本來一早想定要去酒店下午茶。但天氣太熱根本等唔到那個時間就已經無處容身。再加上最近大家都抗疫時期。很多地方都關閉了。沒有任何娛樂的情況下。只好選擇食自助午餐。今日打去訂位。佢哋竟然話還有位置。真係驚訝😦之前很多人都話要提早訂位才可以。但最後還是要坐咖啡廳。窗口位要訂咗才可以擁有。好可惜呀咖啡廳除了窗口位就只有我們。根本都坐唔滿。可能疫情問題大家都變得小心翼翼。選擇原本都以為會好多。但其實大部分都係性價比較低的飽肚食物。還有一點係有點反感的。就係其實佢地提供的餐具整潔度都很低。最後都要清洗一下才過到自已。咖啡廳位和位之間都有段距離。在疫情下感覺都幾舒服。但桌子太細。如果食中菜根本唔夠位。剛好現在有限聚令。所以佢哋將隔離桌子放食物。才可以舒服一點。但其實我都唔係太喜歡。因為次次都要轉一轉去睇和夾食物。這裡的茶真係失望。茶錢已經額外再分開計。但茶葉質素唔高。味道唔夠香又唔夠濃。在街上買的清茶比佢更高質。大量包點和粉麵。但當中都有些值得點選的好東西。例如有些前菜都值得一試再試。有一個好驚喜的發現。就係原來叉燒都可以任食呀有半份和一份選擇。因為第一次試食的關係。所以都係點半

之前見食評好評如潮，6月果時又覺可以出番來食飯，咪上佢 網買買票喇（要一個月前預訂），俾晒錢後翌日，酒店打俾我問我有無用另一個電話留左檯先買票，佢話佢地整個7月都滿晒~~咁又唔係網講，真係O晒嘴，佢話都可以安排我們係酒吧矮檯食，佢話當日酒吧都會有其他客人食放題，都俾晒錢又想慕名試下就算喇。點知早兩日睇到有兩篇新食評話食物凍同上菜慢，個心真係涼左半截。心諗死喇，氹左我家老板去咁遠飲茶，食垃圾會俾佢炳架喎，但都無計硬住頭皮頂硬上~~~~~由於疫情突然又好差， 酒店前一日同我confirm時話可以調番入餐廳。我們食10：45，早10分鐘去到已經有客人食緊，唔錯點心紙都幾多選擇，可惜無蛋撻仔第一輪食物好快上檯，好彩，全部都係熱嘅 ，心頭大石終於落地炸野好熱添呀，全部都好好食， 好脆~~叉燒腸粉麻麻地，腸粉同叉燒都偏硬，再講多次，好彩係熱嘅反而燒味叉燒就唔錯牛肉好好食無出面酒樓D怪味XO醬蘿蔔糕好好食，好香口奶黃包就唔得喇， 外皮似婆婆，入面又唔流心仲叫左其他野食，湯好好味，感覺無味精其他點心無影晒甜品佢有Movenpick雪糕，好多人叫芒果拿破倫同芒果卷超好食，一定要留肚整體而言，無乜特別驚喜

服務一般，態度還好，只係效率奇慢，頭輪點了6樣左右既點心喇，20分鐘先來一碟滿口油膩少量蝦既蝦多士！45分鐘後陸陸續續有少量已經凍左既腸粉、排骨啊！然後50分鐘後都未有野上囉！完全唔係任食，去茶樓人均都唔洗💰260啊！完全唔抵既任點任食！而且啲食物係凍或者暖，完全唔係熱辣辣嘅，飲茶點心就係新鮮熱辣先好食，真係無誇張，普通茶樓質素同味道仲好食過佢！🤨款式非常少，而且普普通通！其實落樓下飲茶方便過晨早來尖沙咀囉

蝦餃燒賣乾炒牛河菜苗餃叉燒第一輪之後就無曬自座甜品都可以賣晒我有感呢個唔係咩任食有點欺騙消費者嘅感覺我完全唔理解任食既定義係咩？ 環境還可以，唔太過逼夾景觀就無咩特別，小小小小海景返來食物質素老實講好一般唔係十分特別味道還可以，有應有水準上個月食南海一號，人地就好食好多真係任食，我蝦餃燒賣都食咗三四次景觀亦都非常之好係望住成個維港嘅海景貨比貨之下我個人會建議大家三思如果一心來食點心就一定唔會滿足希望大家可以再做下research

疫情期間再次出動，加上朋友推介下，光顧另一間酒店的中餐廳點心放題，限聚令下，不能帶埋屋企人去品嘗，唯有兩條友自私食。餐牌點心種類多不勝數，超過40種，比起之前試的一間更吸引，別已為只有點心可以order, 粥粉麵飯湯都任君選擇，小食的種類也非同小可，好多都非一般茶樓能夠提供，以下係幾樣推介食物，晶瑩鮮蝦餃必叫，餃皮的確晶瑩通透，鮮蝦彈牙爽口，蟹子燒賣和蟹肉菜苗餃，雖然都係普通點心，但水準食物質素👍🏻👍🏻，另外招牌蝦多士香脆可口😋，美味厚切叉燒，啖啖肉好juicy, 上海小籠包熱辣辣，爆汁，香煎牛肉包係少有茶樓提供的點心。叫完一輪點心，正常應該飽左7-8成，佢未夠喉可以翻叫好味點心， 或者叫碗海鮮泡飯，炆米伊麵都有，食完保證捧住個大肚腩離開。

今日和爸爸媽媽去嘗試龍逸軒點心放題，所坐位置開揚可望街景，所有食物都有一定的水準，值得推薦是蜜汁义燒，肉質嫰滑，蝦多士鬆化，蝦餃超好味且新鮮及一人份量的乾炒牛河，河粉切到很幼身，不肥膩，份量適中，甜品的芒果卷，蛋撻，服務很好，環境舒適，而且十分貼心有信封放好口罩，值得再去光顧。開心的生日飲茶

細路終於考完DSE，佢之前話想食自助餐。我俾咗幾個地方佢選，估唔到佢最終選咗龍逸軒。今次用酒店網購優惠，兩小時用餐。我哋一行四人約咗11-1，去到連我哋有五枱，坐近窗口，望到對面海。先開壺龍井，茶香，起碼聞落知係龍井。我媽食素，估唔到有咁多素點心，同腸粉，佢好耐未試過飲茶可以食飽，齊舖除外。老爸有啲失望，因為當日冇豬腳仔。不過佢好鍾意蝦餃同脆豆腐，encore咗一次，其餘嘅點心，未能encore，心表遺憾。椒鹽魷魚鬚，細細條，好脆，飲啤酒一流。時蔬係菜心，好嫩。唔駛用較剪，老人家都食到。雪耳魚蓉羹好好味。可能疫情退減，甜品去對面倚窗閣攞。有movenpick雪糕，朱古力、雲喱拿同strawberry ，再加Dreyer’s雪條。另外有梳呼利、鮮奶蛋白、豆腐花、芒果拿破侖、杞子桂花糕等。最過分係兩老，一個食咗兩杯芒果布甸，一件桂花糕加一支雪條。一個食咗兩件拿破侖、一碗蛋白、一件桂花糕、一支雪條加一盒strawberry ice-cream。當日服務態度非常好、非常感謝。到12點左右，都八九成滿，可以keep到咁好服務，實屬難得。

自從點心大戰揭起戰幔以來，得益的都是喜歡一盅兩件的朋友，好彩身邊有幾位仁兄肯陪我癲，食完一間又一間，今次「點心兵團」進擊九龍酒店的「龍逸軒」。同樣地，當時「限聚令」未出籠，朋友帶埋兩位無須返學既寶貝出席，成餐飯既平均年紀即刻拉抵至少10年。就算是中午特價時段，仍可以坐到走，真係好窩心，比起「逸東軒」一夠鐘就埋單，少了趕頭趕命的感覺。由於是34 周年，所以推出「34周年精選點心」，顧名思義，每款指定點心只是$34，當中當然有驚喜位。先講幾款必食。沙律醬蝦多士除了叉燒外，另一回本位，$34碟 ? 係酒店食我諗係一件既價錢，事實上炸得啱啱好，蝦膠緊扣麵包，咬落有種酥脆的口感，蘸點埋沙律醬就更可口。蜜汁叉燒$34竟然有脢頭叉燒，仲要童叟無欺，厚切6大件，邊位烤得有點焦香，少少肥肉好啱我，加上蜜味甜美，真係好啱配碗白飯。雪耳魚蓉羹絕對要推介比大家，不單止毫無腥味，魚蓉滑溜，雪耳加強了口感，好味。晶瑩鮮蝦餃賣相飽滿，餃皮擀得平均，隱約見到蝦肉色，蝦肉爽口彈牙，而且摺紋超過十條，絕無偷工減料。食完幾款相信已半飽，其實仲有好多。蟹籽蒸燒賣其實個人不太喜歡加入蟹籽，反而正正常常仲好，不過豬肉質地鬆軟，燒

疫情放緩，出街心情開朗！今天放假想去飲茶食點心。想起尖沙咀九龍酒店的中菜廳＂龍逸軒＂做緊34週年特價點心優惠。由於反應很好打電話去訂枱時已經full booking! 唯有walk in 去睇吓有冇位啦。好彩等了15分鐘就有枱給我，這是窗口位環境非常舒適。酒店的員工服務質素也很好，態度非常友善，細心介紹多款美味手工精細點心及菜式任君選擇。這地點環境服務價錢都十分超值！又是一個飲茶嘅好地方！特別推介蜜汁叉燒，海鮮湯泡飯，蝦多士，蝦餃皇，燒賣皇…好好味！