龍門冰室 (已結業)

龍門經過紅磡，想食過早餐，就揀了呢間茶餐廳。早餐，盛為$28蚊。沙嗲牛肉公仔麵，牛肉大大塊，可惜有用梳打粉嗱過，變得唔似牛肉，味道變咗質，不過未去到難食嘅，可以接受。沙嗲汁味重，幾好。麵煮得太淋，不彈牙，普通質素。推介指數：5.5/10炒蛋，聲稱用3.6牛乳炒，可惜一點點也食不到，可能係我問題。炒蛋炒得老，不太好味。推介指數：5/10麵包不錯，有烘過，幾好。推介指數：7/10熱檸檬茶，正常，檸檬係熱水裏不苦。推介指數：7/10

放lunch時間經過紅磡，好多餐廳都排晒長龍，最快又慳時間既茶餐廳當然係首選，咁啱見到龍門冰室有位就入左去。餐牌比預期中多款式，中西日都有得選擇，最特別既係竟然有玉子燒！諗左陣最後點左黑松露蘑菇意粉，lunch set有餐湯，沙律，餐飲。餐湯係羅宋湯，點完好快已經送上枱，羅宋湯份量多，2人分都可以而且湯料好充足沙律都係大大份，傳統雜果沙律有椰果，桃，粟米，蘋果配上沙律醬夾埋味道好懷舊。主菜黑松露蘑菇意粉黑松露味都幾濃，意粉吸晒黑松露醬汁味道，加上蘑菇鮮味香，係茶餐廳都食到咁既水準值得一讚！

吃慣傳統的冰室，開始追求一些新鮮感。來到位於紅磡的餐廳，雖然叫冰室，但門面裝修沒有傳統冰室的味道，感覺也追得上潮流。餐牌上食物多不勝數，比起傳統冰室更多元化。星級雜扒配薯菜(黑椒汁) $95 (連餐湯)鐵板上有滿滿的食物，星級名單包括西冷牛扒、雞扒、英式腸、煙三文魚和炸帶子，夠晒豐富。咁多野食都係$95，其實幾抵食，兩個人份量都還可以，而且扒類夠大件。餐湯雖大碗，但不會淡而無味，而且湯中材料十足。扒餐可以選擇跟飯，意粉或薯菜吉列豬扒拼香草腸鐵板飯 (咖喱汁) $60吉列豬扒炸得出色，外脆內軟，還配上大大條香草腸。咖喱汁亦很不錯，稠度適中，少甜不辣，令人越食越開胃。麻辣肥牛麵 $40雖然湯的表面沒有預期的紅，但麻辣味道討好，十分刺激，越食越開胃。芝士肉醬焗薯條 $28即叫即焗，新鮮熱辣。薯條上面鋪滿澎湃的芝士肉醬，味道又香又濃，十分惹味。提拉米蘇 $12咖啡味唔會太重，又不會太甜，中間口感似乳酪。冰室有耳目一新的感覺，而且食物有驚喜，能夠保留傳統味道的同時又加入了新元素。

茶記係近依幾年多左好多花款，講求坐得舒服、地方乾淨光鮮、服務好同食物款式多，依間龍門冰室都唔例外叫套餐，有沙津有西湯，雜菜湯，濃郁多菜主菜叫左黑松露蘑菇意粉，黑松露味香，亦夠多蘑菇，醬汁唔會過多，味道不錯我地仲叫左個星級雜扒，除左有西冷扒、雞扒、英式腸同埋炸帶子外，最驚喜既係有煙三文魚而且三文魚仲幾大塊架另一大驚喜係，食茶記竟然有花茶飲雖然要加啲錢，但一於試試佢！就叫左日式青檸綠茶，茶味香，仲可以添熱水，不錯另一杯餐飲就叫檸檬七喜，經典既茶記飲品加少少又可以食埋甜品，我地叫左槺布甸，奶味都夠濃，配埋木槺一齊食真係永遠都咁夾另外就叫咗士多啤梨奶凍整體來講，餐廳坐得舒服、食物多元化，係值得一試既新派茶記

冰室愈開愈多，要突圍唔諗d新意思真係唔得。紅磡衣間龍門冰室，裝修幾特別，晚飯時間要等一等。食物選擇好多，有好多特色食物，其他冰室冇既！咸牛肉芝士玉子燒撈丁配炸蝦 $55玉子燒同埋炸蝦都好日式，個玉子燒仲要超大舊，好厚，裏面啲咸牛肉就係港式，好新穎嘅配搭，芝士都幾多下，唔會過咸，炸蝦正常好味，一丁煮得比較硬身，我鐘意！奄列魚柳意粉配芝士汁 $52奄列炒蛋炒得非常滑，芝士汁好濃郁，撈埋個意粉食真係一流。塊魚柳炸得啱啱好，唔會太硬，好脆皮，魚肉好淋，正！去冰室飲凍奶茶係常識啦！竟然有西式甜品。跟餐只係加$8木糠布甸，$10士多啤梨奶凍，$12提拉米蘇，簡直超值，又好食。估唔到係冰室食飯都食到咁飽。

氣溫突然下降，走在街上，秋風送爽，又是打邊爐的好季節，這天就與媽媽來到黃埔，準備買一點火鍋配料，買好了所需的食材後，已經是午飯時間，本來想帶媽媽上cafe，可是找極也找不到，左轉右轉就發現了龍門冰室。也許是周日的關係，再加上是午飯時間，所以人客超多，站在門外等了一段短時間才可以入座。 這裏的食物選擇非常多，而且價錢亦相當合理，不過由於餐廳是新開張，所以即使餐牌內有甜品選擇，但亦都是暫停供應。 雞脾飯 - 雞脾可以揀選炸、鹵水或瑞士汁，雞脾算不上很大隻，但鹵水雞脾非常入味，加上鹹度適中，入口啖啖肉。 油菜 - 油菜這天有兩款選擇，包括是西蘭花及生菜，而我們點的是生菜，蠔油豉油全走，感覺較健康，不過，份量就是少了點，加多一點會更好。 芝士焗西蘭花 - 這個西蘭花絶對是這餐的心水推介，西蘭花入口超級爽脆，而且內裏放了大量的芝士忌廉汁，以叉子將西蘭花挑起，便會出現芝士拉絲的效果，非常好吃。 雙拼三文治 - 本來點了雙拼的，可是點了咸牛肉及芝士，突然又想多加一款，最後，多花數完把煙肉點回來，三文治是烘底的，所以口感份外香脆，而咸牛肉及芝士簡真就是perfect match，每一口都充滿著

今日行開紅磡，見到開咗一間新嘅冰室，門匾幾靚有幾新淨，入面仲好多人，條街有幾間冰室依間最搶眼，所以就抱住唔執輸嘅心態入去試吓食啦正值五點放工時間，嘢食種類繁多又有下午茶又有晚飯，我同朋友就揀咗個白酒蜆肉意粉加杯LatteMacchiato牛奶；貪佢有品味之餘又可以養下顏同朋友傾左陣計，出乎意料竟然原來個餐好豐富，有埋前菜沙律同個湯鍾意小吃啲我地仲點埋韓式炸雞同埋瑞士雞翼兩份食。熱烘烘嘅炸雞同埋超級入味嘅雞翼簡直食到我哋津津有味，滿載而歸；不過有人話女人系有兩個胃，響最飽啲時候我地都叫多個芒果布丁（跟餐加$10），甜甜啲有心機之作。同好友談天説地，加上懷舊啲香港冰室風情，我地一致極力推介，一人餐醫飽兩個人肚，結帳時問老闆娘系咪得紅磡區有，原來香港各區仲有五間分店！真系有空要再約朋友去食過！

趕住去睇戲就係附近食野！望見入到有好多靚既ironman畫！就決定食而間冰室！見到撈麵都幾多人食！都忍唔住叫左撈麵食！就係你啦！秘製咖哩牛腩撈麵！ 上菜夠快真係正！個咖哩牛腩真係超香啊！聞到已經好吸引！個咖哩咖唔太辣！唔會辣到要狂飲水！係正正夠香個種辣！仲有d椰奶個種香香甜甜！睇落牛腩唔多！不過其實件件牛腩都係大大件！牛腩好正！肥瘦適中！又煮得夠軟夠入味！吸哂個咖哩味啊！另一個種點係撈丁啊！加d咖哩汁入去！超正！而且個丁唔係寫到林囇個種！係好爽口又有d彈牙個隻！口感真係好正！

紅磡一帶， 真係愈來愈多食肆，可以話係五花八門各式其色。上個禮拜六， 試了龍門冰室， 感覺不錯想同大家分享一下我朋友點了，而我就點了。首先，上枱賣相一流，鐵板熱辣辣上， 我的至愛而且份量十分驚人，成座山咁， 唔怪得知其他食客都點鐵板餐雜扒好足料，有一塊西冷，一塊雞，兩條芝士腸，吞拿魚及 帶子兩隻 白飯仲要好大保證你可以食得飽飽我朋友果份西冷拼香草腸都唔弱，配意粉， 睇見都好正！意外驚喜 加十蚊竟然有五隻瑞士雞翼，抵抵抵！兩條麻甩佬，仲點埋甜品， 提拉米蘇+ 木糠布甸跟餐都只係加12蚊，老闆娘話數量有限， 我哋真好彩

晚上七點幾係寶石戲院睇完戲，同老公去附近搵食，周圍食店林立、花多眼亂，最後揀咗新開而且人流不絕既龍門冰室!近年冰室選擇各式其色，除咗常餐、小食、炒粉麵 ，仲有鐵板扒餐、流心奄列、玉子燒、甜品，選擇花多眼亂之下，好彩有選擇困難症既病患都冇被催促All day breakfast（$68）包埋飲品，老闆娘話冇大啡菇，補多兩塊煙三文魚俾我，先嚟粟米碎蛋雜果沙律做頭盤，嫩滑炒蛋配脆厚多士最佳配搭，仲有焗豆、德國腸、煙肉同薯餅，多到唔似一人份量星級雜扒配飯、意粉、薯菜（$95）跟湯同餐飲，西冷扒、雞扒、英式腸、煙三文魚、炸帶子多到迫爆隻碟，連汁既選擇都多過人，黑椒、蒜蓉、鮮茄、咖哩，連龍蝦同芝士汁都有，食肆細心程度俾客人多元化選擇!點菜時老闆娘已經提醒加$20就可以有木糠布甸同terimisu，講既時候已經得返幾杯，甜咗少少但都好夠滑!加$10蚊有5隻瑞士雞翼真係去邊度搵呀？咁抵既事點可以唔叫呀?瑞士雞翼浸到入晒味，入口即刻骨肉分離，連軟骨都可以食埋!

今天的黃埔食肆林立，之前都來過食過幾間都吾錯，喜歡試新店的我又怎麼會錯過黃埔的美食，每間試一次也要一段時間才完成，今晚就來到了這龍門冰室，冰室二字感覺好有懷舊feel，像回到了小時候，媽媽帶我到冰室食野，一於同老公入去懷舊一番！餐廳地方整潔，座位舒適。香濃凍鴛鴦和甜度適中的紅豆冰瑞士雞翼：雞翼好滑又入味，真的食不停口！餐湯：雜菜湯，湯味濃郁又足料，酸酸甜甜好開胃。美式雜扒：份量都好多，有豬扒、雞扒、腸仔、姻肉、煎蛋。豬扒和雞扒都好入味又夠嫩滑，可配飯或意粉或薯菜，我選了薯菜，因為喜歡薯條香脆，配埋香濃的黑椒汁甚惹味！芝士焗豬扒意粉：大大碟好底食，豬扒都好大塊又林滑，芝士夠多夠香濃，意粉軟硬適中，十分美味！右邊是木糠布甸，左邊是提拉米蘇。味道吾錯，甜度適中，口感香滑！西多士：小時候最喜歡食的西多士，叫返份懷舊一下，西多夠厚度，中間還有花生醬，金黃色的外層加上糖漿和牛油，味道甜甜的，口感外脆內軟，美味！

貓貓無曬錢但好想食好多野，決定去茶餐廳食個痛快。好多marvel既英雄，好似去左marvel餐廳食飯咁，勁開心囉。貓貓order左個芝士汁雞扒撈丁。芝士汁同撈丁呢個組合真係無敵，好香既芝士味，口感彈牙既出前一丁加埋一齊，貓貓覺得簡單但都係濕左個嘴。雞扒煎得香，外層整得好脆，好香，好耐冇食過咁脆既雞扒，入邊味道夠，唔會乾身。貓貓實在太肚餓，於是決定再order個瑞士雞翼。好夠味既雞翼，啖啖都係瑞士汁既味道，但唔會太鹹。好快就吞曬啲雞翼。食呢啲一定唔可以少左個健康人生熱檸水，清一清走脂肪，正呀！

好多餐廳依家都會提供all day breakfast，等人幾時都可以食到一個靚「早餐」！今日夜晚冇咩胃口，所以就揀咗一個黑松露炒蛋多士餐。同普通餐廳唔同，呢度嘅黑松露炒蛋唔只係將少少嘅黑松露蓉放係炒蛋上面，而係將黑松露直接加入蛋漿，再炒，黑松露份量都幾多；多士微微烘底，卜卜脆，同樣卜卜脆嘅仲有三角形小薯餅！朋友驚我唔夠食，仲叫多咗啲小食。燒雞翼~我鐘意食~朋友就叫咗小食中出場率超高嘅蜜糖雞翼，三十八蚊有六大隻，都幾抵食，有淡淡嘅蜜糖味，但又唔會太甜。另外，仲叫埋黑松露芝士焗雜菌西蘭花。沒錯，又係黑松露，因為朋友真係超鐘意黑松露😂不過，今次呢碟黑松露味就冇炒蛋咁濃烈，反而真係多咗陣芝士味，仲做到拉絲嘅效果，西蘭花煮到啱啱好，唔會淋身。幾時都話甜品係有另一個胃消化，跟餐加8蚊，就可以追加一個木槺布甸，相當抵食，而布甸嘅cream 仲打得幾幼細，性價比高！

早兩日約左朋友們睇演唱會 紅磡咁多野食 我同朋友就揀左一間新開既冰室 快快食完就可以去睇演唱會我地叫左幾款食物 share食鐵板餐魚柳配黑椒汁 & 意粉 炸魚柳有兩塊大大塊 好厚 外面好脆 炸得好乾身 入面好嫩 冇炸到好硬 重有水份意粉既份量都好足 本身我好怕茶餐廳既意粉煮得太淋 但佢煮得岩岩好 撈埋黑椒汁一齊食好好食 黑椒汁有少少辣 有洋蔥係入面 好香 又唔咸 都唔錯雖然係配意粉 但佢都有西蘭花 粟米 同埋蕃茄 感覺又健康D 除左飲品 鐵板餐重會跟個餐湯 夠哂飽撈丁餐 - 豬頸肉配黑椒汁呢個價錢既撈丁餐 都算幾抵 餸同汁都可以自選 選擇都幾多豬頸肉有炒過 微辣 就算唔食得辣既人都可以接受到 炒得幾香 但略為剪/切得較細粒 比較零碎 大片少少口感可能會更好 整個餐既份量亦唔少小食加左個檸蜜脆豬 入面既餡都夠多 檸檬味好突出好香 反而甜味可以加多少少 個包外脆內軟 真係幾好食好少茶餐廳會有西式既茶飲 見到有得叫 我同朋友們都想飲下茶清一清和茗一倒出黎就聞到好香而又甜甜地既味 好特別 飲落唔甜 但有綠茶既甘香 真係幾好飲頂級格雷伯爵紅茶本身好喜歡伯爵茶既香味 所以叫左呢個茶 飲落好濃既伯

<嘩 好大個鐵板餐呀😍>#fafafoodblog紅磡黃埔土瓜灣 龍門冰室 喺紅磡區一間比較新開既冰室 而家mtr方便 其實佢就係喺 黃埔站b出口直行一陣就係 入面燈火通明 有長枱有卡位 😄 食物menu有常餐 扒餐 意粉炒飯 甜品 仲有窩夫 都幾多選擇😋 今日自己一個人黎 好鬼肚餓 但又食唔到兩個餐 於是就點左個大鐵板餐加兩個小食 😍🍴鐵板餐 星級雜扒 95 蚊喺超大冧到超高既鐵板餐😍有大大件西冷扒 🐮長身肉質煙靭，雞扒 🐤厚肉嫩滑 , 白色夠哂爽脆既英式腸🐷 卷成花形既煙三文魚 大大件 魚味濃🐟 兩粒炸帶子外脆內煙靭😄 選黑椒汁 配薯菜🥔薯菜係有勁多薯條😍 成30 , 40 條粗薯條 勁誇張 點茄汁好正 😀連餐湯🍲餐湯 雜菜湯 夠大碗 蕃茄味香濃 仲有好多椰菜 都幾足料🌿🍸凍咸檸七🍋 16 蚊 (跟餐加4 蚊) 加4 蚊都幾抵飲😄🥗和風沙律 加10 蚊跟餐加10 蚊既沙律 有生菜 🌿新鮮蕃茄🍅 甜粟米粒🌽 同芝麻醬 幾清新開胃🍴瑞士雞翼加10 蚊🐤優惠價做緊跟餐加10 蚊有五隻雞翼 抵食😄 雖平但味道幾好 瑞士汁入味 雞翼好林 好明顯煲左好耐 😄 都幾正Sco