龍門冰室 (已結業)

冰室愈開愈多，要突圍唔諗d新意思真係唔得。紅磡衣間龍門冰室，裝修幾特別，晚飯時間要等一等。食物選擇好多，有好多特色食物，其他冰室冇既！咸牛肉芝士玉子燒撈丁配炸蝦 $55玉子燒同埋炸蝦都好日式，個玉子燒仲要超大舊，好厚，裏面啲咸牛肉就係港式，好新穎嘅配搭，芝士都幾多下，唔會過咸，炸蝦正常好味，一丁煮得比較硬身，我鐘意！奄列魚柳意粉配芝士汁 $52奄列炒蛋炒得非常滑，芝士汁好濃郁，撈埋個意粉食真係一流。塊魚柳炸得啱啱好，唔會太硬，好脆皮，魚肉好淋，正！去冰室飲凍奶茶係常識啦！竟然有西式甜品。跟餐只係加$8木糠布甸，$10士多啤梨奶凍，$12提拉米蘇，簡直超值，又好食。估唔到係冰室食飯都食到咁飽。