龍門冰室 (已結業)

個老闆娘落錯order,張枱其他人都聽到我order咗啲乜。等咗好耐啲嘢食都未到，追單先知佢聽錯我嘅order！當然個老闆娘死唔認，拗完一輪，然後大大聲問: 咁而家想點丫！你要麵咪比碗你食囉！因為我order果樣已經賣晒，仲死撐話一早講左賣晒。一時又話自己聽錯order，一時又話自己冇聽錯所以答咗我賣晒😂最後仲發爛渣擰轉行咗去，因為啲大話都講到自己亂晒！各位，呢間咁嘅嘢......餓死都唔好入去呀

今日初三同女朋友去左黃埔個邊行商場跟住順便搵飯食醫肚。因為仲係新年假，唔多餐廳營業，但我地好好彩搵到龍門冰室食晚飯。冰室內面人頭湧湧，店員都忙過不停。我地叫左咸牛肉芝士玉子燒套餐配炸蝦和撈丁 (HKD 55)同埋牛油帶子意粉 (HKD 72) 。另外我們再加多一個時菜(HKD 12)，有西蘭花同生菜，我地就要左生菜 。先黎既係玉子燒套餐，我同女友都非常驚喜，因為賣相唔錯同分量係非常大。 玉子燒非常嫩滑，而且內涵十足 有勁多咸牛肉同埋芝士在內， 口感同味道唔錯。炸蝦有3隻，炸得幾爽口，唔油膩。 撈丁係我既至愛，同玉子燒非常配襯。另外，仲有沙律菜伴住，健康得黎，又可以點綴下個餐。至於個意粉，蒜蓉味香濃，作為蒜蓉控既我都感到滿足。帶子有好多隻，而且都唔細架。仲有沙律菜，洋蔥同埋沙律，非常健康。個生菜幾新鮮，點埋佢地既秘製醬汁，味道唔錯。至於餐飲就叫熱檸蜜同熱檸水，味道不過不失。

近排經常嚟紅磡覓食，繼早前去黃埔新天地吃過泰菜後，這晚兩口子又再次踏足紅磡，而今次嘅目標就係寶其利街呢間開業不足半年嘅「龍門冰室」。據說這間新舖係餐廳嘅第五分店，生意愈做愈大，睇嚟食物應該有番咁上下水準。踏進店，環境好新淨，門面光猛企理，不過地方就唔算闊落，而且座位擺放得有點密麻，幸好來到時，時間尚早，可以輕易搵到個卡位就坐，所以感覺亦蠻不錯。安頓後先拿起厚厚的餐簿細閱，有常餐、撈丁餐、意粉餐、鐵板餐、流心奄列餐、玉子燒餐、麻辣麵/飯餐、精選晚餐、珍珠鐵板飯晚餐，另外亦有湯、沙律、小食、飲品、窩夫、木糠布甸、提拉米蘇及班戟餐等，選擇勁豐富；而且幾十蚊就已經有交易，非常經濟。筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 6 隻，外皮烤得唔算香脆，不過入面雞肉很滑，而且完全沒有半點多餘脂肪，配上蜜糖，能提味之餘，亦減少了雞翼的油膩感。晚餐分別點了鐵板餐星級雜扒 ($95)  同肥牛炒一丁。雜扒餐非常之大堆頭，用料豐富，有西冷牛扒、雞扒、英式腸、煙三文魚和炸帶子等。扒餐可以選配飯，意粉或薯菜，而醬汁就有黑椒汁、

去茶餐廳必點嘅係咖哩牛腩飯，見餐牌話呢一款係秘製嘅咖哩牛腩飯，諗都唔使諗，即刻叫咗一碟✨✨一上枱已經聞到陣陣椰香， 眼見牛腩分量十足， 已經忍唔住立即起筷！ 牛腩切成一粒粒煮得唔單只好淋好入味💕💕仲有一絲絲牛肉的口感， 特別要讚下充滿椰香的咖哩汁， 調味適中唔太鹹， 食埋軟淋淋嘅薯仔不得了~~每次食午餐多光顧連鎖快餐店，好耐冇食過傳統味道嘅芝士咸牛脆豬！ 呢個脆豬足足有一隻半手掌咁長， 外皮脆卜卜，新鮮烘熱！打開個脆豬，估唔到裏面牛肉份量可以咁多， 我諗冇大半罐都有半罐嘅份量😂😍 鹹牛下面有一塊半融嘅芝士， 如果熱啲再多啲芝士就好啦~餐廳好細心咁已經將個脆豬切開一半，方便攞起嚟食👍👍 鹹牛嘅鹹香加上芝士嘅奶香 絕對係絕配~再嚟多杯紅豆冰！ 一上檯見佢白雪雪嘅樣以為係淡而無味嘅飲品， 點知用匙羹撈底， 即刻見到大量飽滿嘅紅豆， 成杯嘢飲嘅椰汁、紅豆同煉奶仲有冰粒嘅比例恰到好處！🤗🤗人均消費40幾蚊， 食到咁嘅質素嘅冰室嘢食，真心抵。

教學生黎紅磡黃埔個頭咁多次，偶而機會下我黎到紅磡黃埔既「龍門冰室」，見到鋪頭入面坐滿晒人，好奇之下我就入咗去食。龍門冰室嘅格局好懷舊，令我諗起以前嘅黑白照。呢個時候熱情嘅侍應姐姐走過來向我推薦佢哋冰室嘅招牌菜——星級集扒餐，跟住我打開餐牌一睇，其實除咗有鐵板餐之外仲有好多野㗎連all day breakfast 都有叫咗個餐就有羅宋湯蕃茄味都幾重同埋都好多唔同嘅種類嘅雜菜味道就唔會太酸亦唔會太甜個集扒飯真係好大份有腸仔啦西冷扒煙三文魚炸帶子可以話應有盡有講真我都係第一次食有煙三文魚同炸帶子呢個配搭有幾特別所有食物都煮得剛剛好唔會話有太乾嘅問題出現而且用鐵板上就梗係熱啦分量真係一個女仔食唔晒個雞排亦都煎得唔會好油但同時保留到佢嘅香脆最後仲有個甜品個布甸都幾好味唯獨美中不足就係會有少少偏甜不過我係女仔就接受到始終女仔都鍾意食甜野

聽人講朝早時間好多人排隊，但因為住得唔近又要番工，所以約埋 friend 一齊去依道食餐晚飯當試下。簡單叫左個芝士汁豬頸肉撈丁同菜蜜，黎個陣只系暖暖地，d 汁都幾稠，豬頸肉無咩味，個丁做唔到爽口既效果。菜蜜還可以。整體麻麻，當平平地食餐就尚可。

今次黎左依間冰室，同友人兩個人黎食，其實都好抵食！點解？先講我自己叫左一個卡邦尼意粉，有野飲有湯有沙律，但係都只係70蚊有找，真係好抵食！加8蚊又有埋木槺布丁，甜品都解決埋。等我逐一介紹下食物既樣貌其實都平凡既，畢竟要乎合冰室既風格，所以我覺得個樣正正常常就好好，個餐湯係紅湯，入面啲餸都幾多野飲方面，我貪得意加多啲錢叫左日式青檸綠茶，飲落好清新，飲完感覺好似會清到腸胃咁卡邦尼意粉佢個隻蛋就咁打左上意粉面，一黎到要即刻撈下佢，一開始我對依個形式上有啲卻步因為我唔太鐘意啲粉好多汁（啲蛋撈完實有汁），但味道唔錯，雖然最後都係好多蛋汁係底，但係個卡邦尼唔會太漏！木槺布丁唔會好cream，我自己好憎cream所以好怕佢好漏，不過依個唔會，如果木槺再多啲就好啦因為同人地去食，仲叫左啲小食，叫左蜜糖雞翼同芝士肉醬焗薯條，兩個對起黎我鐘意雞翼多啲，真係好好食好juicy!個薯條同出面整開既有啲唔同，味道都ok不過我唔太好薯條所以推雞翼多啲！朋友就叫左扒餐，同樣都係包湯、餐飲同沙律，我就冇試但係睇落好正聞落都好香，佢都話好食！而且對起其他餐廳平，又係一樣抵食既item!最後想講既係職員態度不錯，不時過黎

茶餐廳可謂男人既浪漫依間龍門冰室印象中有幾間分店，咁岩今日黎開紅磡依頭搵朋友，話間嘢係新開無耐，咁就一於試下一丁就相信好多人由細食到大架啦，其實出到黎食飯食一丁好似唔多抵咁，但就硬係成日口癢想食，所以就叫左個撈一丁食佢有多種醬汁同餸俾人揀（好似吉列豬扒、魚扒等），我就揀配黑椒汁同煎雞扒樣子同想像中差不多，醬汁好多，多到蓋過塊雞扒，味道方面，啲麵韌度適中的一丁麵，入口送埋香濃黑椒汁所配的大塊香煎雞扒，可謂嫩滑，可口，惹味，開胃共冶一爐個餐跟杯餐飲，我揀左檸檬茶檸檬茶最重要是檸檬與茶味混和溶合，餐廳的檸檬茶達標啦其實碟麵都唔細既，不過又心思思想叫多樣小食就揀左蜜糖雞翼 雞翼外皮香脆，肉質嫩滑多汁，蜜味適中，可謂味美小吃，推薦

其實紅磡不嬲出名多野食，冰室都成幾間，又紅冰，又龍冰，今次就試下龍門冰室。一入去個裝修幾新，環境乾淨，再睇menu，食物幾多元化。但唔同時段分唔同食物，今次食lunch好多野都未有。我地叫左個奄列餐，等左大約15分鐘，蛋算滑，雞扒唔會太老，係幾特別有得揀龍蝦汁。野飲叫左紅豆冰，椰奶味重，但紅豆唔算太多，再淋d應該仲好飲。最後膽粗粗叫左個甜品，士多啤梨奶凍，以普通冰室水準算係ok，唔會太甜。總結黎講，ok，算係做到幾多元化既冰室。

The last day of 2017晚上去黃埔睇戲，睇戲前隨便搵間餐廳食晚飯原來哩度都有龍門冰室分店咸牛肉玉子燒撈丁 $55非常大份吸引的玉子燒😍 唔係日本玉子燒的口感都係似厚身港式奄列，但身為蛋迷仍然覺得好好味撈丁應該要更多汁跟餐可叫5隻瑞士雞翼 $10岩哂喇 瑞士汁撈丁勁正！雞翼都好好味 抵食！牛油帶子意粉 $72帶子size適中，滑嘟嘟好味！最後當然要有dessert作結。哩杯tiramisu比較軟身，偏甜。

當日平安夜，我和朋友打算在紅磡找一間餐廳吃晚飯，然後便看演唱會。可是由於當晚是平安夜，很多餐廳都要預先訂座，我們左找右找，終於找到這間龍門冰室。這間冰室的食物選擇非常多，而且價錢合理，我們選了很久，最後選了忌廉粟米汁煎龍利柳意粉、黑椒汁鐵板雜扒飯、以及Latte 鮮奶咖啡、熱柚子蜜。忌廉粟米汁煎龍利柳意粉 — 龍利柳意粉口感煙韌，還有濃烈的粟米忌廉味道，整個配搭不錯！黑椒汁鐵板雜扒飯 — 鐵扒飯一向是冰室的主打食物，怎能不試呢? 雞扒十分足料，我和友人也差點食不完，雞扒配黑椒汁是我的大愛！飯內更有一塊西冷、兩條芝士腸、吞拿魚、帶子兩隻，所以$95絕對抵食！Latte 鮮奶咖啡 — 味道香濃，奶味及咖啡味道平均，入口即溶，值得一讚！熱柚子蜜 — 味道清新，入口淡淡柚子香味，令人停不了口。

今日約左fd打ball，時間有d趕，所以揀左呢間茶記食個快餐。雖然係趕趕地，但我fd要求多多，所以叫得幾豐富。黑松露意粉估吾到冰室都有黑松露意粉食，而且份量十足。啖啖都有黑松露味，絕不遜色於西餐廳。醬爆辣魷魚肥牛炒一丁豆瓣醬吊起左成碟一丁既味，我fd好鐘意食豆瓣醬 所以被佢清左成4分3碟一。跟餐粟米沙律我既賣飛佛，感覺新鮮，幾開胃。跟餐羅宋湯材料正足，有蕃茄、蘿蔔、洋蔥……蕃茄味濃，但味道吾會過酸，好好味茶記既價錢，樓上cafe既食物，值得一試

今日同fd係紅磡睇完戲，於是順便係附近覓食。本身諗住掃街，但我fd見呢間冰室個裝潢咁新潮,，而且有佢最鐘意既Marvel擺設，就扯左我入去同佢話要試試。我叫左壺格雷伯爵紅茶同fd share個壺好靚，茶味香，幾提醒侍應仲主動問我地洗吾洗加d熱水，好細心我地個雜扒鐵板揀左黑椒汁同薯菜，份量好多，啖啖肉，一個大男人都未必食得哂。味道方面亦吾錯，我最鐘意個炸帶子，配埋薯條同粟米，加少少黑椒汁，好惹味。呢個玉子燒 黑松露雜菌 炸帶子 撈丁 份量同材料都好豐富。 最欣賞佢個玉子燒真係流心既，好creamy，而且有啖啖黑松露味。淨係茶都有咁多選擇仲有甜品揀

去看演唱會之前，決定去吃餐好的慶祝平安夜，之前曾經食過龍門，感覺非常平靚正，剛好經過，決定再次幫襯，質素還是一樣高呢！黑松露雜菌炸帶子玉子燒撈丁 （$55）玉子燒口感入口即化，配上有嚼口的撈丁，香脆可口的炸帶子，和鮮美的黑松露汁十分配呢！鐵板星級雜扒飯（$95）來到龍門，一定要吃鐵板餐，因為真的非常足料，肉質鮮嫩的雞扒、西冷扒，配上新鮮的三文魚，真的是十分正呀！蜜糖雞翼（$38）雞翼十分香脆可口，蜜糖味十足，非常正宗！整體而言，龍門不同分店的質素原來一樣高，店員非常友善，店鋪裝潢十分舒服別緻，下次來附近必然會再幫襯！

I went to this restaurant around 10pm. There were still many people who enjoyed their late dinner. I order this chicken fillet and rice. The chicken fillet was okay but steam rice was not good. The coffee was not bad. I think it's good place for someone who enjoy late dinner. I will try the other food next time.