影片
早前实在太多食客帮衬，要预半粒钟排队呢！三顾草芦都无机会惩罚您，我系唔会死心架！福佳智障淋病，大部份食肆都关门大吉，行下远啲行下远啲，唔觉意活塞龙门！冷清清唔洗等位，不过职员们忙到走上走落，连环外卖一浪接一浪，坐低十几廿分钟完全无停过，香港人加油，香港人反抗！虽然食客只得喽啰三四件，不过外卖长出长有无限复活，香港人反抗！黄金圣鬪士的日常，守护圣域保护雅典娜，香港人加油﹗师傅有料到，日日餐单唔同款。龙门焗饭焗意、芝士咖哩、芝士黑椒、芝士茄汁味道都满意，鸡牛猪厚厚大件兼水润，那里唔好食呢？最紧要正字，捍卫繁体字！餐牌鸡髀或鸡肶，唔系脾呀！龙门都养好多姐姐婶婶㖞，眼见已经四个厨房四个楼面咯。热柠茶走甜，深啡色浓浓茶味，泛著柠檬酸涩味提神良方，长长幼幼的木条有点难用，不过非常环保。煎蛋秘制卤水鸡髀饭，探访多次终于都食得到，坚持不懈香港人加油！卖相摆盘有诚意。硬实干涸没肉甜的鸡髀，鸡皮都是干干的，预料之中合格正常唔难食，卤水汁调得平淡偏水偏淡。太阳蛋面冷底暖，微温饭太湿少少烂，唔够热唔够香，就算捞埋淡豉油都系十分平庸。鲜茄汁焗猪扒饭，即焗有诚意，热烘烘的到来，摸一摸坚烫手㖞！索一索鲜茄味突出，还有阵阵肉香芝士香添。耐心将炒饭及鲜茄汁捞得均匀完美才慢慢叹，溶岩般的鲜茄汁，高温烫亲我的樱桃小嘴啊！越热越好食。清淡的味道包著咽韧没蛋香的炒饭嘴嚼，平凡而单调。猪扒腌味温和，食得到的猪肉甜味，而且有咬口够天然，咬啖猪扒配啖饭多多汁夹杂芝士咸香，算合格可以的，真心大快活会好食多倍。芝士黑椒汁焗鸡扒饭，处女座必杀天舞宝轮黑椒汁焗鸡扒，光芒四射热力迫人，火气十足吱吱咋咋滚住登场，已被芝士黑椒香气小宇宙所笼罩，立即兜得均匀预备起动！厚厚鸡扒肥美弹滑，鸡皮凰脂，白肉鸡汁，大大旧伴饭酿入嘴仔，香香浓浓厚厚黏黏黑椒汁有点咸，捞多一点饭拼鸡扒嫩肉刚刚好！咖哩焗鱼柳饭，思前想后焗饭焗意焗饭焗意，都系觉得咖哩捞饭较为吸引！即焗需时要耐心等候，其实都不用十分钟已经热腾腾送上，香气扑鼻咖哩芬芳无比！检查一下，有无搞错呀！块鱼柳仲要大块过厚过件鸡扒，咁样我会好饱架㖞﹗切旧大大厚厚连咖哩捞饭塞入口，真的要擘到尽先酿得到呢！塞到嘴仔胀卜卜满足非常，脆脆的炸粉吸尽咖哩汁，炒饭底亦吸尽大量咖哩汁湿湿品尝，味浓辛辣又带甜，滑弹的鱼柳不过仍然食得到一丝鱼青味道！咖哩芝士非常夹，咖哩有蔬菜甜味？似甘笋的清甜，大大旧鱼大大啖饭多多的汁，烫著嘴细味，幸福美满！茄汁焗肉酱意粉，姐姐突然问焗肉酱意粉要咩汁？我呆左两秒，肉酱意粉唔系理应茄汁架咩？先入为主，我住系自己个框框里面太耐咯，仲可以拣黑椒、咖哩，芝士呢。有点稀有点水挂不起肉酱，热辣辣劲滑意粉，清淡茄汁捞芝士，啜过不停迅间消灭，最后剩低大量茄汁肉酱系底，可以一羹一羹地品尝！焗黑椒汁牛扒意粉，吱吱渣渣鬼杀咁嘈到场，芝士黑椒气味轻飘，我已被完全俘虏！厚厚巨形港式牛扒，腌得入味微𢲡不过份，滑滑带弹性，清甜牛味食得开心舒服。甜美微辣黑椒油混著咸香芝士，意粉卷作一团擘大口塞入嘴仔大满足！芝士汁焗鱼柳意粉，芝士汁真系有点淡口，比忌廉汤更淡味。炸鱼柳非常出色，鱼味浓郁，外层香甜，肉质松软。淡淡芝士汁卷著香口鱼柳大大啖塞入，添点味道可口得多，烫著嘴品尝更加美味！
继续阅读
同朋友在红磡行街，行到攰攰地，揾到呢间充满文宣既黄店。店外的文宣仲要好update，紧贴时事。店舖在下午两点几都算多人，有几个客在外面等外卖，门口姐姐问我地怕唔怕冻，因为得返最入边的座位，冷气较劲。我地叫左两个全日餐，分别是鸡扒荷包蛋米粉，同埋沙嗲牛肉面+北海道牛乳炒蛋及厚多士。两个人都饮热柠水。鸡扒比普通茶餐厅来得较大块，肉质同味道都唔错，荷包蛋原来有两只，基本上以茶餐而言，份量算充足。朋友叫既沙嗲牛面味道尚可，个牛乳炒蛋就好滑溜，厚多士就酱可以多少少。至于热柠水无咩特别，不过唔知系唔系冷气冻，导致觉得杯水好快凉左咁，不过，只热饮杯几靓。埋单计数总共$70，张单都有文宣字眼。
继续阅读
第二次帮衬龙门 今次食美味杂菌菇米线+黑松露杂菌菇玉子烧+花生酱多士 热奶茶米线同多士都ok 份量够多 玉子烧有惊喜 里面d馅好多😋 如果多返少少黑松露就好啦 奶茶就不过不失 多返d茶味会好d值得一提嘅系餐具系放喺白色盒里面 到我攞𠮶阵得返一只叉、几只羹同刀 唔知店员有冇fill返d餐具呢🤔
继续阅读
即使系下午茶时段龙门冰室都系有唔少人排队，不过侍应都好有耐性、好有礼貌咁逐一安排顾客入座，所以我哋等咗一阵就入去坐低咗叫嘢食喇。《常餐 - 沙嗲鲜牛肉汤面》 HK$35落足料嘅沙嗲牛肉！沙嗲汁非常香浓，上菜时已经闻到有好浓郁嘅花生酱味，牛肉亦都煮得好够淋，非常入味，美中不足系公仔面淋得济。常餐又点会冇多士呢？多士烘得外脆内软，仲好罕有咁有得拣油多、奶酱多或者奶油多等多款选择，佢落酱一啲都唔孤寒，落得够晒多酱，啱晒重口味人士！至于奶茶就茶味十足，不过就略嫌太甜，所以下次嗌番少甜就啱啱好啦！《芝士汁鸡扒牛乳炒蛋捞一丁》HK$52非常抵食嘅一个餐！有手掌咁大块嘅鸡扒 ，又滑又嫩嘅3.6牛乳炒蛋。而出前一丁就偏干身，有少少一箸箸，不过配上香浓嘅芝士汁就啱啱好啦！但食晒成个餐有少少滞，建议大家可以叫番杯冻柠茶消滞。总括而言，龙门冰室系一间大件夹抵食嘅黄色茶餐厅，大家得闲就去支持下啦！
继续阅读
龙门系黄店就唔洗讲，仲要系一间好好食既黄店！因为疫情关系，星期日晏昼两点去唔使排队，仲可以优惠价食想食好耐嘅玉子蛋常餐。平时$48，两点后入座就$40。我叫咗一个鲍鱼片火腿通，一个黑松露蘑菇玉子烧同一份奶酱多，加一杯冻柠茶！好满足的星期日！仲要赞下龙门，虽然系一间茶餐厅，佢每张枱都有消毒酒精、搓手液同纸袋俾客人放口罩：）
继续阅读