龍門冰室 (已結業)

週末下午茶時間閒蕩到黃埔街附近, 新開的冰室外聚集數人在看餐牌。門外貼在檣身的照片, 被當中的流心奄系列吸引了。餐牌有不少選擇, 一般冰室應有的都有提供。我點了奄列餐, 而且是「精美份」, 即是份量較正常少, 適合下午茶少食多滋味享用。自選配料是芝士腸, 再配芝士汁, 實行流心芝士到底!奄列雖說小份, 亦都唔算好小, 一切開未算有好澎湃的芝士流心湧出, 但係芝士醬係唔輕手。味道亦無過咸, 蛋煎得剛熟, 唔會有生蛋漿又唔會燶。隨手一提, 另一份下午茶餐: 芝士煙肉薯蓉幾出色, 薯蓉中有點薯粒, 加上芝士煙肉調味, 有口感!而且熱辣辣焗好出爐,好暖胃!奄列餐附有一份牛油多士及飲料, $35 不需加一, 也算是街坊定位。

日日喺紅磡返學，但就甚少深入紅磡住宅嘅食街尋覓好西， 今晚理大有劇團演出小井胡同， 八點先開始， 最後一堂又早放咗， 就趁機溜出去同朋友食個痛快， 最近食得西餐多， 想食番啲地道菜， 就嚟咗龍門冰室。一坐低畀厚厚的menu嚇親， 原來呢間唔係普通嘅冰室， 佢走fusion路線✨😎港式西式無限配搭， 淨係餐肉飯同撈丁都有好多唔同款， 黑松露薯條都有， 飲品餐牌都有三頁， 傳統茶餐廳野飲嘅檸樂煲薑，去到cafe咖啡款式都有， 真係估佢唔到， 我諗一大班朋友嚟到都能各取所需， 唔使咁煩惱揀邊間餐廳好😂 不過餐廳卡位只係坐到四個人到， 一大班朋友可能困難啲啦...見到餐牌有個星級雜扒， 好似乜肉都有咁， 最神奇係煙燻三文魚都加埋入去😱😱 仲可以配唔同嘅醬汁， 竟然有龍蝦汁揀🦐🦐 不過我哋兩個芝士控最後都係揀返我哋嘅最愛...芝士汁🍶煙燻三文魚砌成🌹🌹， 大大朵好吸引， 睇見都肚餓， 食落幾香滑，有輕微煙燻味， 配搭芝士忌廉汁又幾香口喎， 由於三文魚唔係同鐵板直接接觸， 魚肉嘅質感唔會因為過份加熱已變得粗硬， 可見餐廳的細心💝🐟🐟通常去茶餐廳食嘅炸帶子都好大陣雪藏味， 所以放入口嗰一刻都冇咩期

冇唸過冰室d野食都可以如此高質（價錢當然都高質既xd），完全係一間西餐廳黎既，唔好比佢既明呃左啊xdd雖然我地兩點先去到食，但係仲係好多人啊，好彩甘晏有個卡位姐～首先介紹既係-- 黑松露蘑菇意粉（$78）會附送沙拉一碗同埋大大碗紅湯個湯既份量真心好誇張，係兩個人既份量，如果自己一個叫呢個餐 應該飲完個湯已經夠曬飽！走得！沙拉係粟米沙拉黎既，沙拉醬份量啱啱好，唔會好膩～最欣賞既都係個意粉啖啖都有好濃既黑松露味，要強調！！係每一日啖都有啊！！蘑菇有用牛油爆過，恰到好處，睇得出廚師好有心思啊：“）雖然個價錢係偏貴既 但真係值呢個價架！夜晚都係呢個價，變相好似食夜晚會抵食d xdd蜜糖雞翼（$38）上菜個陣仲有“滋滋”聲架！雖然呢個比起個意粉冇甘大驚喜，但都係唔錯既選擇：）呢個價有6隻，平均6蚊隻，差唔多啦～因為啱啱開張，韓式炸雞都只係$10咋，可惜前一晚太多人叫，所以冇貨試唔到ORZ紅豆冰（$18）umm 有點偏甜既紅豆冰，下次再黎應該會試另一款飲品luu

以前在紅磡上學，畢業後都沒怎麼來了，今天重遊舊地發覺變了好多，餐廳多了好多! 在寶石戲院對面有家餐廳的招牌相當搶眼~這是家好新潮的冰室，有好多Marvel英雄系列尤其Iron Man的模型，還有雷神的槌，好想帶回家這裡的食物選擇繁多，店員看到我們選擇困難的樣子就推介了最新的玉子燒餐和今天好新鮮的帶子~另外再加個小食就夠。帶子意粉晚餐餐湯是羅宋湯，蕃茄味特濃，較重的酸味帶丁點辣感，非常清爽醒胃粟米沙律有果粒和蛋白我也好喜歡。香蒜牛油帶子意粉的顏色看上去好像好淡，但是帶子厚肉又鮮甜，咬下去啖啖肉，又有好多粒意粉炒得好香，滿滿的牛油香配蒜蓉是最佳的組合玉子燒一上來我們都好驚訝，竟然是那麼大碟單是玉子燒已佔了半隻碟，還有飯和雞翼好豐富呢雞翼有四大隻，煎得好香，皮脆肉嫩又多汁，混了點豉油吃好滋味玉子燒超厚，無論蛋還是咸牛肉的份量都好多切下去半溶的芝士拉絲，看著好興奮蛋雖然厚層但還是好軟，沒有煮老了的感覺，一大堆鹹牛肉混合了芝士鹹香味重，好夾呀！完全是蛋牛治的提升版食法吃不完的樣子~我們覺得要點個蔬菜，不過還是抵收不到芝士的誘惑黑松露混了芝士後更加香，味道又濃郁，舖在茹上還是西蘭花上都好吃，汁要一

屯門龍門居時代女友已約我去下午茶一番很富土豪、大款風格吃飽了去屯門碼頭行海邊凡人無法抗拒的景觀及其他出了紅磡的龍門非常旺另外都幾中意其餐牌五花八門拍照好看下午茶時光絡繹不絕的人好像屯門龍門更好發為真是世上沒有絕對的以前老覺紅磡食用夠平平淡粗糙很適合食平d但看龍門生意興隆我想我是out 了裝飾了鐵甲諸俠根本不是我杯茶但因為懷念屯門也一定要到此一遊配餐送的沙拉令人大感意外沒有薯仔全部以玉米雞蛋甜什果粒是我至愛沙律配我本人醃尖討厭沙拉絕不沾薯仔不食羊曾經表演過在絲路呼喚不吃羊的團員拍照一張領隊差點沒氣死下午茶敘當然會要雞翅那知30 幾蚊一客竟奉上6 只一個日本人口味的泡茶幾好飲清清地我最近要減肥因爲主餐叫了個黑松露意粉78$最後才上害得已飽飽的本人再次超標幸好要的是清茶真的138$這一個不能說平但在尖沙咀同樣水準的吃不到就是了⋯⋯

今朝同老公，奶奶喺呢間嘢食早餐，簡直係4個字，不知所謂，D職員態度差唔在講，老公同個職員落單，竟然呼喝老公，仲要老公遲我同奶奶10分鐘到，佢食完先至到我同奶奶個餐囉，我地足足追左 4 次，先至施施然跟進，仲要份量又少，唔知真係以為我收佢錢先至有得食，佢地好明顯係新手，完全唔識營運1間餐廳，如果唔改善，唔會做到好耐，今時今日咁嘅服務態度點會夠，所以我要幫佢宣傳吓，唔想有親朋好友中伏，小心，唔好貼錢買難受

今日老公在紅磡外勤完畢所以就決定喺附近開餐，經過見到依間<龍門冰室>有好多人在排隊，應該味道不錯吧！小小的一間冰室居然店外企滿左等位同等拎外買的人等左大約15分鐘才可以進來，店內居然坐無虛設小小的一間冰室，居然有如此厚的Menu ！！最後經侍應姨姨推介後我們揀了這兩個新餐牌內的菜色。由於我和老公都是點套餐，所以我們同樣會有餐前沙律，餐湯和飲品。沙律是由新鮮爽脆的沙律菜加上粟米粒和胡麻醬，好吃好吃餐湯則是雜菜湯。可見有非常多的蔬菜，而味道比較偏酸十分開胃。老公的香辣肉醬玉子燒首先登場，索價$55居然好大份切開嫩滑的玉子後，惹味又微微香辣的肉醬有如流心般流出來而我的四色芝士意粉看似簡單。但原來彈牙順滑有咬口的意粉每一條都緊緊地沾著多重芝士，芝味無窮，香！濃！無！比！餐飲方面我們都點了咖啡，雖然只是冰室的茶餐廳咖啡，但是香濃度絕不馬虎重點當然是跟餐加配的甜品啦，這就是其中一款，Tiramisu~~而老公則點了木糠布甸兩杯甜品都是小小的而且甜度適中，可以滿足口腹之欲又不會擔心吸收太多糖份。作為飯後甜品絕對一讚

紅磡區茶餐廳林立，又見一間新開嘅，好奇心驅使一於入去試一試！餐廳四四方方光亮整潔，座位寬敞。有趣嘅事係放滿Marvels嘅擺設同掛畫盡顯摩登風格。食物方面，叫左蒜香白酒煮蜆意粉好多蜆肉冇偷工減料，牛油味濃稍稍蓋過蒜香，啖啖都有蜆，意粉軟硬適中I like it!個意粉餐可配埋湯及沙律友人就叫左玉子燒餐真係好意外！茶餐廳竟然有玉子燒食！個餐可以配公仔麵或意粉或飯，配菜我揀左炸帶子，亦可選擇配火腿、餐肉、煙肉等等。講番個玉子燒，我揀既係牛肉芝士餡料真係佢仲可以拉芝架小食叫咗韓式炸雞佢唔係傳統嘅韓式炸雞，係炸雞面上冧咗蜜糖同埋麥皮，下面墊有厚厚嘅蔬菜絲，令人食落都冇咁Guilty飲品方面，好多選擇，其中不乏特式茶類飲品，如果叫茶類，會配以精緻茶壺，無限添飲(加滾水)，好少茶餐廳會有，唔講仲以為自己去咗high tea 😌友人就叫左餐廳既signature chocolate ，以奶味為主

住得呢頭附近，突然間見到開咗呢間龍門冰室喎，之前食過觀塘嗰間都覺得好好食又好抵食，所以就打電話叫老公收工一齊過嚟呢間食個晚餐，試吓佢有冇觀塘嗰間咁好食先見到牆上面掛咗好多marvel既畫像，而且仲有好多Iron Man嘅模型，睇到男人嘩嘩聲，果然係男人嘅浪漫😂餐廳裝修以白色為主，簡潔明亮，餐枱椅都比一般餐廳大張，坐得幾舒服。咸牛肉芝士玉子燒跟撈丁雖然賣相唔係好似玉子燒，但係食落去個蛋真係超級嫩滑，而且咸牛肉同芝士嘅比例好好，有味得來又唔會搶咗個蛋香味，好食羅宋湯呢個羅宋湯係跟鐵板餐一齊嘅，真係超級大碗，一啲都唔似平時餐廳嗰啲餐湯，呢碗湯起碼有平時嘅餐廳既三碗份量，而且仲超足料，夠哂味星級雜扒餐呢個雜扒餐有西冷扒，雞扒，香草腸，炸帶子，煙三文魚，再加上白飯配上黑椒汁，真係夠晒份量。而且最難得嘅係啲扒一啲都唔硬，而且雞扒種超級juicy!而且意外地發現，半熟嘅煙三文魚撈飯原來真係咁食架，又偷到師啦，哈哈蜜糖雞翼呢個蜜糖雞翼表面煎得香脆，再搽上甜甜嘅蜜糖，超級惹味跟餐仲有野飲奶茶呢度嘅奶茶有超級香濃嘅茶味，一點都冇偷工減料另外跟餐仲可以加錢配甜品添，呢兩個甜品係全餐最估唔到嘅誠意之作，同埋甜

喺紅磡區反工，今日試下新開嘅龍門冰室。店舖裝修還好。叫左常餐，送餐太久需十五分鐘，沙嗲牛麵，炒蛋，很一般，味道需改善。奶茶還可以。沙嗲牛沒有沙嗲味。炒蛋賣相很一般。

紅磡又新開左個餐廳 係寶其利街💁🏼 放學之後就同朋友一齊食個dinner😆 竟然有all the breakfast 姐係話30$ 就可以係晚餐時段食到 幾抵！ 不過我地見menu 有玉子燒😍 所以當然要試下 一個set 55$ 可以簡飯/意粉/撈丁 有黑松露味 而且蛋整到好滑夠厚 好好食😋 而隔離係炸蝦 蝦都幾大隻 蝦肉鮮甜😆我地仲叫左鐵板, 係雜排鐵板, 因為我有選擇困難, 食佢就可以咩都試下😂😂 估唔到好大份 一個人勉強食得哂 但食完好飽！ 有雞排西冷牛扒德國腸炸帶子煙三文魚😍😍😍😍真係好多野！最欣賞係個雞排 皮脆好juicy！ 同埋個德國腸 好有我之前係德國食嘅個個味🤤 炸帶子就正常好食！ 但我個牛排唔夠熟 不過係我自己冇講到要幾成熟 下次可以講翻 不過朋友唔怕 就話好食😆 我地見到跟餐可以加甜品 所以叫左芒果布丁 同埋木糠布丁試下！ 好抵食加少少錢就可以食埋下場甜品 味道仲唔錯👍 多奶我鍾意😆👍👍👍我仲叫左抹茶鮮奶 好濃抹茶！加左鮮奶好滑好香😍😍

同屋企人搵食晚飯嘅地方 ，行過呢間新開嘅龍門冰室 ，價錢唔貴，環境幾好，就入咗去試下。餐牌好多選擇，-普通常餐 （佢叫all day breakfast 😅)- 西餐沙律餐- 意粉-焗飯-鐵板餐見到隔離枱個鐵板餐都到成座山咁高，梗係叫個試下啦。首先上個羅宋湯，不過我就覺得味道偏酸一點。重頭來了~ ⭐星級雜扒鐵板餐。$90真係好似個山咁高，雜扒 有西冷🐮扒，炸帶子，英式香腸，雞扒，煙三文魚 。醬汁 除咗一般餐廳有嘅黑椒汁， 蒜蓉汁，佢仲有龍蝦汁，芝士汁，茄汁！仲有得跟飯／意粉／薯菜~我地揀咗龍蝦汁，味道幾好同啲扒都幾夾。D 扒會太硬，但又唔會畀梳打粉拿到肉質太削。星級餐真係大雜燴，咁多樣都唔錯。份量好夠，最後食唔哂~$90 抵👍👍意粉餐有餐湯，沙律，意粉，飲品 都係 $72 ~~沙律- 有雜果，雞蛋，椰果， 粟米味道唔係太甜，都幾啱口味，而且都幾大碗。牛油帶子意粉 有驚喜！意粉用橄欖油炒過好爽， 蒜香蒜味都好夠，唔會話無醬汁就無味，意粉炒得唔錯，好清新！ 帶子煎過好香， 而且都有好多粒。 整碟意粉看似簡單但係好味，個底味做得唔錯。最後仲叫咗兩個甜品，跟餐+$10芒果布甸士多啤梨奶凍價錢

紅磡新開咗間冰室。雖然冰室呢個名好似好懷舊，但係龍門冰室就啱啱相反 ，行型格摩登路線。 鋪頭以黑白為主調再加埋marvel系列嘅裝飾 ， 座位各方面都好舒服。本來以為冰室都係食茶餐廳嘢，點知攞到個menu發現勁厚 ，入面中式，西式，泰式，鐵板餐，咩都有~~ 🙌我真係好鍾意食玉子燒 ， 平時食嘅玉子燒多數係小食細細舊 ，見到呢度竟然有個叫玉子燒嘅餐 $55 仲包野飲~~😍😍更出奇嘅係呢間以為係茶餐廳既冰室，竟然有cappuccino,latte 既 espresso drinks! 姐姐仲好好人，同我講而家優惠upgrade去呢類嘅飲品都唔使加錢❤本身想試下佢嘅咖啡，但係因為太夜啦~驚訓唔著，唯有改飲green tea latte~❤送到嚟 有番咁上下水準喎 ，抹茶味濃郁， 絕對唔求其~~我期待嘅玉子燒終於都嚟啦 ！黑松露玉子燒會炸蝦意粉 見到都好開心，因為係巨~型~玉子燒 ，入面仲要全部都係餡。✨ 你唔好以為幾十蚊，佢求其俾兩滴松露油就算數，係好濃郁嘅菇同埋黑松露丫~~我係出面都未食過，真係好好食！！！因為呢個玉子燒，我會再黎丫🙌推介 👍👍食完主菜之後可以食甜品~冰室仲有甜品- 班戟

昨天和哥哥在紅磡睇樓, 發覺這裏的樓價也不是太高 他說可以考慮租盤先~ 不過看了半天後, 我們肚子也打鼓了 唯有先去醫醫肚, 回來再睇樓~ 在蕪湖街附近走著, 看見有一間名叫龍門冰室 可能是新開張的關係吧~很多人在門外排隊 而且外面的裝潢很靚! 這令我想起在觀塘也有的龍門冰室 是一樣的格局, 不過觀塘大一些~ 龍門冰室這裏除了可以吃到一般茶餐廳的茶點早餐外 還有西冷鐵板餐、焗飯意粉、小吃西多、另外遲些還有Waffles, tiramisu呢~ 食物選擇相當豐富, 真的不怕想不到不啱食的東西! 哥哥點了個茶餐 - 是火腿米粉配厚多士炒蛋 他說炒蛋炒得又滑又香! 西多士烘得香脆又夠厚身, 充滿口感! 價錢亦一點不貴, 只是廿幾元, 比我們樓下的茶記更便宜! 而我實在太肚餓的關係, 點了一客蔥油雞扒飯 這個是充滿驚喜!!!雞扒烤得又香又脆, 皮是捨不得不吃掉!! 雞肉嫩滑, 不老又能保持肉汁! 而雞扒上面的蔥油惹味又香口, 一啖咬落去, 雞扒肉肉厚多汁 非常之好吃!!! 我們二人都各點了熱咖啡(是flat white)來的 雖然拉花怪怪的, 但是味道不錯, 有香濃的咖

睇完戲係附近搵野食，脆到新開左間冰室好似唔錯，就決定入去食啦。餐廳入面有好多marvel 既裝飾。餐湯係紅湯，味道微微辣，有好多蔬菜係入面，有半隻大蕃茄同洋蔥蘿蔔等等。叫左個黑松露薯條，黑松露混合左沙律醬，雖然黑松露既味道減弱左，但係變得同薯條更夾。炸到脆哂既薯條加上黑松露既香同沙律醬既微酸，好好食。諗唔到食咩，所以叫左個咩都有既美式雜扒，有豬扒、雞扒、煙肉、腸仔同煎蛋，滿足哂食唔到肉既慾望。叫左諗蝦汁配意粉，個味道又幾夾。豬扒超大件。雞扒份量都唔少，夠厚身，好食。懷舊一下叫左波羅冰，味道偏甜，有車里味，好多菠蘿。