龍門一番 上海·紫砂燉湯 (已結業)

上海菜飯、上海粗炒就食得多啦，黎「龍門一番」食上海菜都真係第一次，環境優雅，平時一到食飯時間一定大排長龍，今次有幸早食飯，終於可以直入啦😂😂😂首先叫左一個「花膠螺頭干貝燉雲吞雞湯」，用料十足，味道濃郁，絕對無口乾既感覺，真材實料，大家都飲得好開心，飲完再飲！普通既上海菜飯成日都食到，尼度既菜飯加左咸肉，令到味道更上一層樓，而且唔算太油，都算健康😍「杭州梅菜千層肉」，五花肉數量絕不輕手，而且下面佈滿好多梅菜，非常滿足，千層肉夠大塊，厚度係接受範圍之內，食落好有口感，味道岩岩好👍最後，叫左一個「京式烤羊腩」，外皮非常脆香，配上醬油，係一個好好既配搭，如果有埋啤酒就一流啦😂

是日係6人生日飯。7點到取籌號等位。門口好多人。會有人攞一點餸及飲料出黎派。當試菜頂下胃。幾貼心。芝麻胡椒餅表面香脆。味道普通。但餡料較少吃不到肉味前菜四味。涼伴苦瓜。甘甜辣混和幾開胃不失涼瓜甘味，唔錯。糖醋燻魚。簡單黎講係一舊唔太甜同酸嘅炸魚件。素雞伴菜絲。雞絲粉皮。正常嘢。唔多講花膠干貝螺頭燉雲吞雞湯雞脾瘦肉干貝夠多。雲吞6人份，皮彈牙係人手即日包嘅好味足料無味精。飲落濃味。 係長時間燉唔係煲嘅。值得一讚。 魚香茄子。無魚香味。似醬燒茄子多d。有香芹一齊煮多一點香味冰花元蹄碎上。適合方便多人食用。煮的時間足夠。好淋唔油膩。唔太鹹又食到肥肉的質感和香味。百幾蚊唔係到到食到。值得推介。火腿津白呢味好難食。火腿一用平貨就無香味得個死鹹。津白來貨唔靚。無咗菜嘅清甜。上海小龍包雖然層皮同餡比唔上貴價店。但皮都係彈性。唔會太薄都食到內裏湯汁清甜。餡料略少一點。35蚊4隻黎講。真係抵食。推介呢餐係生日飯切餅費60蚊。本來有得送拔絲。又會影2張即影即有相。一張送比你。一張比店舖。但廚房唔夠人手。出唔切拔絲。但免切餅費。合理都幾開心

餐廳環境舒適優雅，十分啱同朋友晚餐傾計！口水雞未食主菜前先來一客口水雞。以住出面食嘅口水雞通常骨多過肉，呢度件件雞都啖啖肉，辣度及酸度適中，最適合飯前開一開胃有機豆漿浸雜菌第一次食到咁新鮮嘅配搭，一睇個餸名就已經覺得好fresh，一食落果然非常清新，有齊多種雜菌營養價值很高，非常適合素食主義者。醬燒茄子四季豆以醬燒煮法嘅茄子四季豆醬汁香濃，但出奇地一D都唔油膩。四季豆炒得爽脆無渣，配合炒過後仍然香軟多汁嘅茄子，送飯一流。

次次經過都排晒長龍，難得今次咁早，一於就去試一試啦！店員一開始已經講係食個半鐘，不過佢地上菜都快嘅，所以都唔擔心會唔夠時間啦先來的是雲吞雞湯！湯非常足料，絕對唔係平時飲開嘅味精湯，加上湯料嘅雞都係啖啖肉嘅。有花膠、雲吞、雞肉、螺，真係好足料！而且都好正，應該都燉左一段時間了之後點了份梅菜千層肉，在視覺上來說絕對係讚不絕口嫁，竟然可以將每啖肥肉都一片一片疊住一層層，而每片肉都好薄，每片都有肥膏同肉，真係好正！相信都好考刀工嘅點了一份烤羊，有三個醬汁可以選擇，真係估唔到烤羊個皮都好脆，而且羊肉都唔會好酥味，正呀

*服務至上*一班同事在這裏吃飯，餐廳很有特色，裝修特別，環境優美，乾淨企理。服務員 的態度太好啦！時刻充滿着陽光與笑容，對我們諸多要求的食客也特別照顧。*魔鬼天使小籠包*晚市來的人很多，吃了一直很想吃的魔鬼天使小籠包。早前在東方日報過食評，便已心思思。果然沒有失望, 加入特別食材(墨魚汁，黑蒜，海膽提鮮，帶子，黑魚子…)配合得意造型，facebook打卡必備！*水煮牛肉*好像很辣，同事平時唔食得辣都覺得只係屬於中級辣，不會感覺很油膩，味道不錯。要注意份量很大，預6個人食都可以！除了牛肉外，還有紅薯粉，好吸味，嚥嚥靭靭。*豆沙鍋餅配雪糕*都說女人有兩個胃，一個用來裝正常飲食，一個用來裝甜品。脆脆的金黃色餅皮配濃濃的雪糕，中西食材配搭新鮮。內脆外軟，豆沙蓉好軟滑。

雖然自己係荃灣人，但甚少去呢個商場行，最近見佢裝修到幾大，開始有餐廳進駐，所以放工後同男朋友去呢度食晚餐。一坐底，就有店員過黎問要飲咩茶！原來係一人一包茶葉俾你沖，因為檯面已有一個杯一個茶壺還有一大壺滾水！先上左蟲草花醉雞，酒味濃郁，但只食雞肉又唔會覺得濃，岩岩好。雞肉都幾多，唔會剩係得骨無肉果啲。再來左一碟帶子粒粒炒飯！睇顏色已經覺得好入味。飯入面有好多臘腸粒，帶子肉反而係細粒版，同臘腸粒size一樣。講返味道先，飯就炒得粒粒分明，好夠鍋氣，可能有臘腸，所以好香好快就食曬！男朋友鐘意食紅油炒手！呢個醬汁偏甜，有落辣椒油，但辣就唔會好辣，我唔食得太辣既都食到！我見親包都好鐘意食，所以揀左迷你胡椒餅，煎到好金黃色，好吸引，味道好好味，如果可以加多一啲餡就好啦！想食啲菜，叫左個奶油津白。大白菜煮得夠淋，配上啲cream，口感好滑！食到最後，萬眾期待既魔鬼天使小籠包終於出現啦！魔鬼天使各兩隻！啱啱好一人兩隻唔同味！天使入面係帶子肉餡，上面有魚子醬，建議先食天使，因為味道較淡。而魔鬼比較濃味，個人比較喜歡！因為佢入面係用咗黑蒜肉，上面放左少少嘅海膽。有黑蒜味嘅湯汁真係好好味。最後因好耐無食高力

與好友們聚在一起，找餐廳最重要就是好坐。這裡的坐位很闊偌，坐得舒服。重頭戲之一是店的招牌紫砂鍋燉湯，好大一窩，一打開香味撲鼻、望一望入面滿滿都是湯料，未喝已經知補！我們選了花膠螺頭乾貝燉雲吞雞湯，養顏又鮮甜。湯料是碟子另上，滿滿的一碟，吃了不少花膠和螺頭！我們亦點了黃金蝦球，超級邪惡！每隻蝦球都大大隻，蝦身均勻地沾滿了鹹蛋蛋黃蓉，鹹蛋蛋黃味道很搶，咬下去炸得香脆可口，蝦身又夠彈牙，忍不住多吃幾隻！餐廳亦推出了一個冬日滋補餐牌，我們選了紅燒花膠雞窩。花膠肥美爽口、雞球炆得非常入味香濃，送飯更是一流！

今日難得全家放假,當然出去行下街食下飯,享受下難得既家庭樂媽咪同老豆都好鐘意食上海菜,所以就特登去試下呢間新開既上海菜餐廳,聽朋友介紹佢既紫砂燉湯唔錯,一定要試咁話,當然叫黎試試~自家製千層水晶肉 $52:先黎個冷盤,一上黎個視覺效果就好吸引,有杯乾冰係咁噴煙霧出黎~水晶肉肉質比較腍,口感有D似午餐肉,膠質唔會太彈,不過不失既冷盤姬松茸燉雲吞雞湯 $168:份量十足,材料豐富,入口清甜滋潤,雞肉仍然保持滑嫩,雲吞配上雞湯嘅美味,真係一絕,而且姬松茸味道鮮美飽滿,真係一試停唔到口帶子粒粒炒飯 $78:飯粒炒得好乾身,配埋彈牙帶子,同鹹味十足既臘腸粒,有口感之餘味道更加豐富濃郁,鹹香的口感令人食過番尋味龍門京蔥扒鴨 $168:一上枱就聞到充滿青蔥同鴨肉既濃郁香味,係一道相當色香味俱全既菜色,鴨肉鮮嫩多汁,而且好腍身,好岩無咩牙力既老人家食用老干媽木耳爆什菌$68:諗住叫個蔬菜俾媽咪食,點知太辣,媽咪受唔住,最終食左一啖就放棄,我同哥哥都鐘意食辣野,都覺得幾辣,所以唔食得辣既人,真係唔好試,因為愈食愈辣,但什菌都幾新鮮,木耳好爽口,味道都幾惹味.魔鬼天使小籠包 $58:白色係天使小籠包,由帶

距離last day 還有一星期，開始受同事們的邀約食farewell dinner。今天有幸到了這間位於公司附近的上海菜。晚上七時，可能是平日的關係，不用等位方可入座。入座時店員會供四、五款茶包給各人選擇，十分貼心。*前菜四款 - 無骨燻魚、涼拌茄子塔、菊花酷木耳、雞絲粉皮當中無骨燻魚、涼拌茄子塔最為出色。燻魚十分入味、肉質獨特。茄子塔質感軟腍，加入醬汁及蒜粒，增加其層次感。*前菜肴肉及醉雞肴肉上碟時用上乾冰裝飾，甚具創意。可能肴肉厚度偏薄，口感偏散。醉雞肉質軟腍，酒味十足。*花膠螺頭干貝燉雲呑雞湯湯渣另上。雞肉肉質軟腍，花膠螺頭有數塊，並加入豬肉及圓肉，十分足料。雞湯鮮甜，加入雲呑提升鮮味，令整個燉湯加以昇華。大讚！*擔擔麵份量十足，花生醬香噴撲鼻，麵質彈牙。*甜品 - 香蕉高力豆沙配雪糕高力豆沙彈性欠缺，雪糕奶味偏重。

放工要食餐好既，擔擔面幾好食辣辣地，黎到就要立即食，如果吾係就太淋啦！條黃金魚炸得好，無咩油，不過就無咩特別調味，竟然食到鮮味，出奇！牛肉包，外面脆，但無咩汁個湯好正，有半隻雞，好好味，濃味一煲有成六碗雲吞食得出係手造炒飯咸左d,重生抽味，我吾多鐘意食總括黎講不過不失

同豬朋狗友食得多, 係時候同家人補補飛, 老一輩還是比較愛吃中菜, 所以帶佢地黎最近翻新完既中染大廈試下上海菜, 新派既裝修, 加上經典菜式, 岩晒合家歡,有老有幼既聚餐。一開始, 提供各自各的茶壺, 可以揀自己鐘意既口味茶葉, 墊餐紙都好有特色, 用類似大富翁版面, 夠晒心思!  頭盤點了千層水晶肉, 用乾冰營造冰鎮效果, 視覺一流, 肉質層次分明, 晶瑩剔透, 不油不膩, 很不錯的涼伴菜式。之後主角當然係紫砂鍋燉湯啦, 我地揀左姬松茸雲吞雞湯, 可供6位用, 材料十足, 連湯料都上碟食得, 清甜滋潤, 姬松茸甘香帶點杏仁香味, 表面乾枯, 但口感脆嫩, 雲吞吸收左湯料既精華, 份外味純鮮香, 連長輩都話夠火喉, 拇指直豎讚好!再黎試埋招牌菜 - 魔鬼天使小籠包, 加原味上湯小籠包, 新穎與經典都試一口, 天使用帶子同魚子醬, 魔鬼就海膽加墨魚汁皮, 皮薄加上鮮美細緻的肉餡,, 長輩也喜歡重口味! 嘻嘻~主食選了四川擔擔麵, 濃濃既湯底, 散發芝麻及花生醬香味, 花椒亦帶出麻香, 配上細滑上海幼麵, 麵身吸收了湯底味道,肉醬味道豐富有層次。 再加龍門京蔥扒鴨, 鴨肉嫩滑皮脂豐富, 跟

荃灣｢八咪半」商場！？ 完全無聽過呀，仲以為朋友打錯字添！ 商場入面唔係好多餐廳開張，但有一家係一定要食嘅｢龍門一番｣！ 餐廳主打浙江菜，不過黎自浙江嘅朋友話我知，無個係當地菜... 即係全部都係Fusion香港菜啦！一坐落，店員就會要求食客各自挑選茶葉，，唔怕大家口味唔同，要飲唔同茶嘅需要啦，似足廣州老茶樓Feel呀！ 我地點咗幾個重點菜，每一個都好食到爆呀，哈哈。 必食推介分別係：1. 手撕雞雖然賣相好似好老，但雞肉嫩滑，配上三款特製醬料，好味！2. 雪菜年糕年糕煙靭，滲有雪菜的香味！3. 小籠包湯汁極多，小籠包皮厚適中，不用點浙醋都好有味！Blogger: 香港愛玩生 - iplayhk.com

一入座就有提供幾款茶給我們選擇，阿爸喜歡香片，阿媽同妹喜歡人參烏龍茶，我同阿哥就喜歡鐵觀音，可以滿足各人口味，因為每人一套茶具。真係有得玩，有得睇，仲幾好飲。自己沖泡茶別具風格。自家製千層水晶肉 $52，嘩，阿爸阿媽都眼定定望好耐，除左因爲乾冰效果夠突出，我地幾個仲又影相又拍片，過左一陣大家先起筷。水晶肉較腍身，肉易散開，雖有彈性的膠質，但由於千層效果，肉的分佈較散，質感似午餐肉，味道尚可。姬松茸燉雲吞雞湯 $168，但個湯就一絕，價錢吸引好抵飲，而且味道仲好好。原盅燉湯上，內有半隻雞、姬松茸及雲吞等材料，甚為豐富。大約分到六碗湯左右，味道濃郁，湯水清潤鮮味而不油膩，加上菇菌的清香更吸引，仲有雲吞滑溜啖啖肉。半隻雞雖燉完湯，但雞肉仍留有味道，肉質特別軟腍嫩，配清淡醬油食最岩。阿爸食左大半隻就知好味。魔鬼天使小籠包 $58，有兩款新口味的小籠包。黑色的是魔鬼小籠包，用墨魚汁做成皮，內餡是黑蒜肉、豬肉及海膽，肉香味鮮，湯汁也頗多。白色是天使小籠包，由帶子、豬肉及魚子醬做成，味道較清淡鮮甜。山東一口牛肉包$42，用鑊仔上有如剛煎煮熟，但原來膠鑊仔，厄like影相一流。牛肉餡較少，包也不算有彈

Happy Firday就緊係要準時收工，因為約左班舊同事聚舊，所以特登過左去荃灣個邊搵嘢食。原先諗住去D。PARK睇下有咩食，但係喺行去途中見到有間裝修幾靚嘅上海菜餐廳，就入去試下啦!餐廳係內部設計上都幾有心思，四周用上大量光管，燈光位置同亮度都恰到好處，現場微暗昏黃，令人放鬆；而座位都算寬闊舒適。坐低後侍應拎左四種茶比我地楝，咁我就楝左潽洱，茶葉係獨立包裝，枱面上每人都有一個小茶盅泡茶用，我覺得呢個概念幾好，因為如果用茶樓個種大茶壺，永遠都會因為泡得太耐而超級濃，而家我可以控制每一杯泡幾耐，一次一杯啱啱好。另外提提大家小茶盅個蓋好易掉的，大家倒茶時要小心Ｄ。師傅好貼心咁係每一個小籠包底放紅蘿蔔薄片防黏；魔鬼小籠包用墨魚汁整皮，頂頂有塊小海膽，入口有蒜香，豬肉彈牙；而天使小籠包入面包左帶子同豬肉，帶子唔痴牙，豬肉味鮮，如果再多Ｄ湯汁就仲正！迷你胡椒餅炸到表面金黃，咬落帶有陣陣胡椒香，可惜餡料略小，整體不過不失。京式烤羊腩極力推薦！外皮鬆脆，肉質嫩滑，騷味好輕，就算怕騷味嘅人都可以一試！醬燒豬手非常淋身，味道濃郁，配埋表面嘅京蔥一齊食，又係另一種滋味！但記得要趁熱食，凍左味道就差一個層

今日同朋友黎到荃灣，佢介紹我黎到宜間餐廳食上海菜~~很喜歡餐廳門前的單車擺設! 感覺很文青一坐落，店舖員工很快為我們遞上不同的茶包俾我地選擇! 茶包係真空包裝，我揀左香片~~ 茶葉份量很多! 茶葉是捲著的, 感覺很高貴 上海菜當然唔少得雞絲粉皮，- 價錢比其他上海菜餐廳平，份量亦很多!  粉皮質感很爽軟!! 抵食火腿奶油津白- 3大片的金華火腿配上鮮甜的津白，平時比較少食菜既我都食左好多~~!! 京式烤羊腩入口酥脆，皮脆肉嫩亦不會油膩，仲有3種唔同醬料， 推介!!!! 千層水晶肉再配上乾冰! 很夢幻的感覺~~~ (總是喜歡乾冰的夢幻的感覺) 甜品我點了芒果酒釀丸子~~ 鮮甜芒果配上清甜糖水，丸子質感軟身~ 為今日晚餐畫上了完美句號~~!!!