龍門一番 上海·紫砂燉湯 (已結業)

從網上認識到呢間餐廳，原來餐廳每星期都會免費派飯俾長者，覺得老闆好有心，立即加分，再睇一睇食物既照片，賣相不俗，結合了傳統文化及新派創意fusion上海菜。一直都好想試下，難得與友人既飯局就選定了呢間新派上海菜。。。位置、坐位與裝修餐廳位於中染大廈嘅一樓，平時真係唔覺，因為佢處於一個角落位置，門口簡潔明亮，門口的左邊亦擺放了一架單車作為裝飾，實在好有心思。第一眼望到餐廳既裝修已經有一種跳脫既感學，顏色柔和，除左四人卡位，另一邊廂仲有屋仔形既六至八人坐位，增添了一點的私密度。餐廳嘅環境確帶給食客遊樂園的感覺。座位編排不會密密麻麻，坐得舒服。。。服務方面一到埗，侍應已經立即端上一籃茶包供客人選擇，最重要係服務態度非常好，侍應姨姨仲好好笑容添。雖然漏了單，但都好快同我地跟進，值得一讚。。。。食物方面。日本溫室南瓜燴酒釀蝦球$168起初比餐牌嘅食物相片一眼吸引住，實物比想像中精緻一點，但係好飽肚。蝦肉爽口新鮮，大約有五六隻之多，每一隻都幾大隻，而日本南瓜好香甜，大廚將南瓜肉打成茸，口感creamy，配合爽口蝦仁， 賣相完味道俱佳。。。魔鬼天使小籠包$58一籠四件由魚子醬，帶子，海膽，黑蒜肉，墨

昨日幫爸爸慶生，因為佢好鍾意食上海菜，所以就諗起哩度，其實服務生幾好，尤其係帶位個男仔，有耐性有笑容有禮。味道整體都一般，重點係食物溫度全部都係暖並不是熱，我點咗個魚湯，因為凍咗所以有腥味，粗炒亦是並且無乜肉同菜，醉雞唔夠入味唔夠凍; 小籠包夠湯汁， 水煮牛都幾好味(如果夠熱更好。

荃灣八咪半呢個商場翻新後多左幾間食肆，呢間好像幾吸引咁，但吾知佢個名入面既「紫砂燉湯」系乜東東？可能因為新開冇幾耐既緣故，等候既人數都幾多，要拎籌等位，好彩都等得吾算耐。首先叫左個帶子粒粒炒飯，媽呀你系咪黎錯餸我要既系炒飯吾系糯米飯wo，算啦照食，真系有啲鹹，食完又冇飽肚既感覺，唯獨系帶子粒既份量尚算ok。第2味叫左個海鮮炒拉麵，有番啲鑊氣，海鮮有鮮魷、魚柳等等，基本上有1/3都系蔥，味道還好但完全厄秤賣相似茶記既炒麵⋯⋯又一個伏，原本對呢個真系幾大期望，因為喺上海菜當中糖醋魚塊都算系我最中意既菜式入面佔一席位，試完第1舊簡直已經想講粗口，食落去幾乎全部都系炸粉！仲要有成一半系青椒戈啲，吾比劣評你簡直對自己吾住最後一味小籠包已經系最正常，但亦吾系超卓既味道，個皮做得ok，湯既鹹度適中，但裡面吾多肉亦吾多湯。服務方面又系可以以「一絕」黎形容，叫侍應斟水，叫到第2次戈陣就話轉頭過黎，系就系轉頭，不過系轉個頭冇左回事叫左第3次先系真 • 斟水，但想讚下負責接待戈位哥哥，幾好禮貌。

由於媽咪好鐘意食小龍包 今日帶媽咪去食新派嘅上海野。中染大廈內部裝修 平時都吾會留意到呢間野 經朋友介紹 一於帶埋媽咪去試下。一入門口 留意到慈善派飯嘅海報 一間好有善心嘅餐廳 我很欣嘗 抵讚環境舒服 裝修很時尚 座位寬敞一坐底 侍應姐姐都好有禮貌拎咗啲茶包被我地揀一人一個細嘅茶壺 我揀咗普洱 媽咪揀咗鐵觀音 啲茶味好清香山東一口牛肉包$42包嘅表面煎得好脆 好香口 餡料適中 淡淡黑白芝麻嘅香味帶子粒粒炒飯$78呢碟炒飯香噴噴 吾會太咸 配埋帶子 豆角 臘腸炒 非常之夾 感覺似糯米飯一樣 魔鬼天使小籠包$58黑色嘅小龍包用咗墨魚汁調色 有小小海膽點綴 點一點個醋 忍吾住要一口食咗佢 一擺落口吾會太熱 啲汁液慢慢滲入我味蕾 好香黑蒜嘅味道 好正喔

午市嚟到龍門一番食晏, 由於呢楝商廈唔多人流, 入到餐廳都仲有唔少位, 感覺唔擠擁好舒服!呢度lunch有幾多選擇, 先係麵點套餐有多款上海小食俾你揀, 再配搭6選1嘅湯麵.想飲酸辣湯醒神下嘅~ 咁就不妨諗諗呢個客飯套餐, 酸辣湯再配小菜白飯食.落咗order後, 職員就會遞上一籃茶葉包俾你任揀一款, 有鐵觀音、香片、普洱、人蔘烏龍等.  打開呢個精緻包裝倒入一人茶壺內泡數上分鐘, 喺品嚐上海菜之前呷一口醇茶香~食物到啦~ 我點咗麵點套餐, 小食就揀咗上海小籠包 (2粒), 肉汁豐富, 個皮又唔厚 😋好快趣湯麵到啦~ 呢碗排骨擔擔麵嘅排骨另上保持脆口, 而擔擔麵湯底味道夠濃郁, 以lunch $60-70 食一餐算唔錯~

位於荃灣中國染廠大廈（8咪半)1樓的龍門一番 上海·紫砂燉湯，菜式味道十分不錯，值得推介。8咪半位於愉景新城旁，位置頗方便。餐廳的坐位頗多，高峰時期有可能要在門口等位，而且繁忙時間用餐時間為1.5小時。食物份量都頗大份，很飽肚。而且賣相美觀得來又十分有實力，很滋味。魔鬼天使小籠包有黑白兩款，魔鬼款加了墨魚汁製作外皮，涵料加了黑蒜肉，所以入口有濃濃的蒜味，面頭則加了一些海膽。天使款則加了魚籽醬在面頭，涵料加了帶子肉。這菜式味道新鮮和有驚喜。在其他餐廳吃的牛肉餅都是較為乾身，一咬下去，就牛肉餅爆汁了，所以入口十分豐盈充滿肉汁。以下為用餐時所點的菜式：魔鬼天使小籠包咖哩牛肉餅雞絲粉皮麻醬腐皮卷紅燒牛肉麵蟲草花醉雞芒果酒釀丸子酒釀湯圓（黑芝麻）養生紅棗茶

我想來這間餐廳好耐，一直冇機會，今日約了幾個同事來，行左一陣沒有見到閒舖，之後見到一塊板寫住8月約定你，心想不是吧，明明是看了食評也是好近期的，打算放棄就看到間舖了……原来塊板是去年的……每人一壼茶，先揀茶，有人参烏龍，普洱等等。也算香的。。我們散叫了些:醉雞，有些蟲草花係面，雞肉幾滑，唔算肥，酒味都算香濃的花雕酒味，其實也幾多件的肴肉，有杯乾冰係度拌碟，好有心思呀，薄薄的一片，長方形的，好味喎，唔會感覺好肥，淡淡肉，又夠薄，不覺漏的。春卷好香口，入面係疏菜，炸到乾身又唔油，用個類似筲箕裝住上菜，有六件的鱔糊，好多韮黃，鱔肉絲，味道也幾好，不會好咸不會好腥，用來送飯就正鴛鴦小籠包，兩粒海膽墨魚味，兩粒黑松露帶子，好新穎，味道也可以食到少少海膽的鮮味及帶子的味道，皮薄多汁好味。墨魚雲吞，其實個皮係墨汁做，少少咸鮮味道，也幾特別的呀！帶子粒粒炒飯，大碟，足料，有臘腸粒的，帶子粒也好多，飯是深啡色，但不會好咸，也乾身，好味煎鍋貼皮脆及多汁的，肉的份量不算好多，用煎pan上菜，幾特別呀！！呢個砂鍋黃花魚雲吞煲好大煲，真的好足料，雲吞好多粒，魚成條的，個湯顏色奶白，好濃的魚味，好味道，不過怕腥的

龍門一番實在久仰大名。今天在荃灣探望朋友，便順道一試。餐廳陳置簡約可愛，別出心裁，小清新！特別喜歡這載滿乾花的單車。客人可選擇坐在色彩和諧的卡位。店員先讓我們選茶，可以用傳統茶具自己泡茶呢！茶的確比坊間的香醇，而且可根據個人喜好，各有各沖，或選多種不同的茶嘗試一下。品茶間，經理為我們介紹餐牌，推介我們二人可點一份湯，一個主吃和一點冷盤。原本很想吃京式烤羊腩和龍門京蔥扒鴨(很巧功夫，外面很少有的了)，但朋友肚子不適，還是吃清淡點吧。蟲草花醉雞雞肉鮮嫩，不會油膩，酒面也沒有油脂，不俗。酒甜味偏重，我是喜歡的，加到雞肉裏好滋補。蟲草花的味卻不突出，是因酒味重嗎？千層水晶肉水晶肉入口即融，不要放太久，否則易散。沾上鎮江醋即變成開胃上菜。豬肉拆成絲，由“水晶”(凝固的肉汁)hold住，豬皮只在水晶片的上方，可見廚師的心思。花膠螺頭干貝燉雲呑雞湯雲呑有六隻，皮很薄，餡料是鮮豬肉，吃下去即能分辨出來。而且餡料特多，只吃三隻和喝點湯已有點飽 。花膠燉得薄身，雞有足足半隻，而且肉都軟散了，連骨頭也軟軟的。有很多雞腳😍 已燉得可住隻放入口，然後骨頭會自動和皮分離，充滿骨膠原既感覺。干貝不見縱影，螺頭是小粒

媽媽大人愛吃上海菜，而我偏愛“試新野”！所以當晚便帶同媽媽大人到了荃灣的“龍門一番”吃頓新派上海菜~一坐下，服務生已詢問我們喝什麼茶再給予獨立茶包 HKd$8+10%媽媽大人選了“人參烏龍”；而我則選了“鐵觀音”小妹對茗茶沒有太大研究，喝下清香便覺不錯看了一輪餐牌，與大人她各自點選了自己想吃的菜式後，便看看四周，原來餐廳也蠻滿坐的。幸好地方空間夠大，故亦沒有壓迫感，坐得頗舒適首先到來的是大人她每次吃上海菜都必點的“上湯小籠包” HKd$35+10%味道不過不失，湯汁充足，合格我所點的“咖喱牛肉餅”HKd$32+10%想不到傳統的牛肉餅內餡混合咖哩能如止惹味少不了的蔬菜：“有機豆漿浸雜菌”HKd$68+10%沒有想像般清新，比較油膩“炒鱔糊配兩面黃”HKd$72+10%麵條夠脆不油膩，黃鱔肥美彈牙“京式烤羊腩”HKd$138+10%當晚我和媽媽大人最滿意的菜式羊腩烤得酥脆之餘，肉質保持嫩滑，配上三種醬料，各有特色最后的甜點“香蕉高力豆沙配雪糕”HKd$48+10% 也不錯！這兒菜式份量不算多，適合二人多選數款分吃喔今晚媽媽大人吃得蠻滿意的，小人也樂意付帳

對於一個藝文青來說環境是非常重要的！這間食上海菜的龍門一番就岩哂我口味😁裝修很有風格，仲用了我最愛的粉色系列，幾何圖形嘅設計真係可以令我影到好多靚相。而且坐位舒服唔逼夾！如果不說這間是吃上海菜的，我還會以為這裡是coffee shop。不過來食最好book 位因為我8:30來已經有好多人等緊位了 呢到每人都可以選擇自己喜歡的茶🍵4種不同口味，更有一款岩你😆我當天揀了人蔘烏龍選好就放入自己專屬的小茶壺再加適量的熱水即可飲用！味道帶甘香自己沖自己飲，都幾得意😁 ●藍莓山藥頭盤我就叫了個籃莓山藥剛上菜嘅時候，我還以為上錯了甜品🙈煙霧彌漫，很有仙氣睇真小小原來係山藥😆😆口感爽脆！味道清涼配合藍莓醬同南瓜蓉一齊食口感豐富，而且健康 ●魔鬼天使小籠包一黑一白好特別除了顏色唔同，內裏餡料都唔一樣！黑色：墨魚汁皮+黑蒜肉+豬肉+海膽。白色：帶子+豬肉+魚子醬皮薄多汁，味道岩岩好！同傳統小籠包味道唔一樣😁新口味😘值得一試 ●手撕雞冷麵因為夏天好熱所以我想吃點冰涼的❄️就叫了這個手撕雞冷麵夏天食冷麵真係特別開胃😋 ●帶子粒粒炒飯這個帶子粒粒炒飯看顏色已經知道好入味而且好夠鑊氣，每粒飯都炒到粒粒分明而且帶

作為荃灣人，一家大細都好鍾意行愉景新城，但發現隔離的中國染廠大廈，開左幾間不同食市。所以就決定去覓食，睇到意間龍門一番特別多人，所以就決定意間。係係上海菜的一間裝修新潮餐廳。千層水晶肉蟲草花醉雞必食推介！京式烤羊腩，一食難忘！超香脆的外層，係我第一次食到咁脆的羊皮。內層肉質肥美肉滑，美味無窮。紫砂燉湯招牌花膠螺頭干貝燉雲吞雞湯湯料豐富十足，用上紫砂燉湯煮法，飲落真係滴滴精華。味道濃郁有花膠的膠質張口，香甜易入喉。還有螺頭的鮮甜味，清甜可口，真的不能錯過。魔鬼天使小籠包黑色原來係墨汁皮，裡面係黑蒜餡，味道香濃特別。鱔糊粗炒，有驚喜啵。味道較濃味，鱔肉厚身，加上芽菜爽脆，份量算大，分享食用不錯。整體來說環境大，座位寬敞，適合家庭朋友聚餐的好地方。食物好味道，價錢大眾化。

荃灣的八咪半商場翻新之後，帶來了不少新食店，上次造訪裡面的一 間西餐廳時，已留意到一間以紫砂燉湯為主打，門庭若市的餐廳，據説經常很多人輪候，早前再跟朋友來到荃灣，遂提議去這間餐廳試一 下。濃油赤醬是上海菜的核心價值，而這店算是不一樣的新派上海菜，以健康和創新作經營理念，於健康食材注入新元素，同時保留上海菜精髓和風味，連做菜時也都減油減醬；而招牌的紫砂燉湯，超級足料，以紫砂湯盅清燉，完全不加味精，崇尚健康，清淡清甜，務求帶給顧客新鮮飲食體驗。店內裝修奉行田園風，設計像Cafe般優雅氣派，沒有上海傳統的味道，原木製的桌椅及仿戶外棚籬的獨立卡座，加上週邊的綠色植物作點綴，空間感強，討好清新，一派自然舒適的感覺。入座後，店員率先送上一盤4款真空包裝的茶葉供客人選擇，當中包括陳年普洱、人參烏龍、鐵觀音、茉莉香片幾款，每位都有一套專屬茶具，客人可以按自己喜好品茶，自斟自飲，用餐之餘還可以試一下茶道，別有氣派。泡茶之餘，這店的上菜也十分迅速，不消一刻已有菜上枱。自家製千層水晶肉，類似上海肴肉的賣相，伴隨著乾冰煙霧的擺盤，飄逸霧氣，視覺效果滿分。水晶肉分為兩層，面層為豬皮加上湯煮成的啫哩，下層是嫣紅的

個人對小籠包真的特別喜愛，今次來到愉景新城旁的中國染廠大廈。意間龍門一番上海菜。地方大，新派環境裝修，有圓檯四人檯同卡位，有空間感，不算太擠迫。無骨燻魚，細心去骨，啖啖肉，醬汁酸甜適中，令人開胃。魔鬼天使小籠包，黑色墨汁皮味道特別，原來是黑蒜餡料，十分香口。紫砂鍋湯，叫左花膠螺頭干貝雲吞雞湯。味道清甜可口，湯料十足，份量適合四人飲用。每人有1-2碗。京式烤羊腩，配上三種醬汁。口質都好特別外層香脆，但能保持肉質嫩滑。羊肉夠香濃，再沾醬汁，感覺中西合璧的感覺。鱔糊粗炒，鱔肉份量多，肉質夠厚身。醬汁香濃加上芽菜等配料，口感豐富。原本上海甜點都好好味我叫左芒果酒釀小丸子，味道清新不太甜，加上少許芒果增添左生果的果甜。不錯的飯後甜品。奶皇高力配雪糕，口感好像沙翁，質感十分鬆軟。配上雪糕食更豐富。整體來說食物質素好好，價錢不貴，值得再去。

因為每次經過都見好多人排隊, 所以搵日約埋朋友一齊來試下好唔好食先!多人等緊位個陣, 店員就派紅棗茶俾客人飲, 好貼心!!一入到餐廳就覺得D裝潢好別緻! 一間間屋仔咁好得意! 坐低店員就俾左4款茶(陳年普洱、鐵觀音、人參烏龍、茉莉香片)我地揀,  然後每位一包茶葉+一套茶具沖茶飲我地叫左涼拌茄子! 蒜香好味! 腐皮卷~隔離有杯乾冰唔知有乜意義呢? 定係純粹係擺設? 味道唔錯, 不過略縑凍左少少! 可能因為杯乾冰? 生煎包, 幾好味! 夠香脆!小籠包~ 味道都唔錯, 不過唔算好有驚喜...榛子小饅頭, 期望太高。食落是普遍的饅頭甜點, 不過不失啦~素麵....味道好啖....而且麵質超腍!!! 雞絲炒年糕, 微辣! 年糕唔硬又夠煙韌! 雞柳都唔鞋口, 不過味道偏咸。總結: 上菜快! 環境、服務都唔錯,  食物OK, 不過價錢唔算平。三五知己朋友聚餐係唔錯既選擇!

都幾多人去食 二人枱都要等 等咗大概20分鐘坐低佢會問你要咩茶有人蔘烏龍茉莉花普洱 一人一包人蔘烏龍都幾好飲 茶葉會越發越多 味道夠 $8抵俾叫咗牛肉咖喱包 餡唔係太多 不過都幾juicy個包比較厚 其實唔係太吸引一場黎到 唔理其他人嘅食評 小籠包都係叫返天使魔鬼小籠包 $58 見到佢嘅時候 覺得個皮好厚 食落又唔係喎海膽有海膽味 帶子有帶子味 白色嗰個係有帶子 比較鮮甜啲 帶子都幾大隻海膽味道都濃 但味道唔算太夾 叫咗東坡肉拉麵 唔係想像中嘅東坡肉 肉比較少 亦都比較薄拉麵係幼既 量唔多 $58 係可以接受嘅最出色應該係京式烤羊腩味道好好 香脆而不油膩 有三隻醬俾你點要$138 但真係幾好味最後叫咗香芋鍋餅 配曲奇雪糕$48香芋鍋餅個粉比較厚 都算脆不過味道比較淡 配返雪糕嘅甜 都可以停車場優惠＄100/1個鐘 最多300$好過泊愉景新城 超多車排緊隊