龍門一番 上海·紫砂燉湯 (已結業)

約左fd 吹水, 今次近近地就係荃灣搵左呢間好評如潮上海菜.佈置比較young 同colorful. 其實座位都舒服, 不過枱同枱之間都幾窄. menu 選擇好多, 選擇困難既我地完全花多眼亂... 最後選左1個麵, 幾個小菜share迷你胡椒餅 $42直接用小pan 裝出來, 雖然話係mini 但其實size 都唔算細. pepper 味無想像中濃, 不過都唔錯. 如果包可以煎熱d 脆d 會更好醬豬手冷麵 $68冷麵主要用麻醬調味, 豬手唔算入味. 一邊醃過蘿蔔幾fresh.洋蔥牛肉配叉子 $52牛肉都幾惹味, 唔錯. 不過叉子可能放耐左d, 唔夠脆反而偏硬身京式烤羊腩 $138全晚highlight羊腩烤得皮香脆, 肉則煮得軟腍, 帶羊肉特有香味而又唔會太騷. 有3款醬料-芥末, 薄荷同甜醬. 個人最鍾意加上芥末醬, 芥末既辛辣同微酸, 正好化解腩肉肥膩, 令食落感覺更清爽. 薄荷醬都唔錯, 帶淡淡薄荷香同甜度. 香芋鍋餅配雪糕 $48鍋餅即整, 都算幾香脆. vailla 雪糕普通啦, 不過mix 埋都match.幾值得讚係上菜好快, 服務都幾好.

今天放工去荃灣愉景新城探朋友，從地鐵站行去經過中國染廠大廈(8咪半)，記得上次來是去食龍門一番上海紫砂燉湯，他們的燉湯真材實料，好好味，朋友說都有過來食過，食物吾錯，今晚我們就一起在龍門一番吃晚餐！餐廳地方寬敞，座位舒適！入座後，侍應送上獨立包裝的茶葉，多款選擇，每人一款，適合不同口味的顧客。茶味香濃，一盅一杯，方便衛生！花膠螺頭干貝燉雲吞雞湯：雞湯是用砂鍋燉煮，原汁原味，雲吞另上，雞半隻和花膠林滑，螺頭干貝是鮮味海產，用於燉湯能令湯底鮮甜，還加有半隻雞燉煮一段時間，湯的味道鮮上加鮮，韮黃肉絲兩面黃：麵底烘得卜卜脆，獻汁用料有：冬菇絲、肉絲、芽菜、韮黃，加個蠔油獻，有口感又惹味！醬燒豬軟骨伴麵：豬軟骨夠林又入味，拉麵滑得有口感，醬汁惹味，不錯的伴麵！

這間位於工廈嘅巜龍門一番》，門面超別緻，絕不是一般普通上海酒家。自製千層水晶肉：肉食落很爽，正！👍黑醋排骨：超大碟，很抵食！ 帶子粒粒炒飯：賣相唔錯，必食之選！火腿津白：火腿少了一些，但味道好炸銀絲卷：脆卜卜的！特色茶：咁樣飲茶都係第一次，自己沖的，夠特別！

今日同名爸阿媽試荃中染過間新店，午餐有客飯套餐，都算抵食，選擇亦多。入到去可以自己揀茶葉泡茶，每人揀一款，咁大家就可按自己既喜好去揀，這安排幾好。我揀左人蔘烏龍，好甘甜。見了幾個客飯同幾碟小菜，食物質素都算不錯。椒鹽肉排幾好味。呢個炒年糕普通d,好店客飯內既炒膳糊份量足,炒得好香、好好味！上海火腿津白d津白好清甜，幾幾好味。最好食是這個梅菜千層肉，個肉食落一d都唔肥膩，梅菜用來送飯一流呀！這一餐吃了5百幾元，午餐來說是比較貴，不過食物質素都唔錯，咁就算喇！

商場前身為中國染廠大廈，經翻新後改名為「8咪半」並多了餐廳，看門面吸引便來試試看。定位針對年輕食客，別樹一格的上海菜，食物和服務也可以，順路途經荃灣可以一試。******************************等了大約十多分鐘，安坐後，店員拿著放滿獨立包裝茶葉的木托盤任君選擇及有茶具可自行泡茶，分別有人蔘烏龍; 普洱; 香片和鐵觀音。******************************涼拌茄子塔 (7/10)前菜點了茄子，煮得腍軟加上醬油及充滿蒜香夠入味，清清涼涼的十分醒胃。******************************椰子竹笙燉雲呑雞湯 (6/10)雲吞雞湯用紫砂鍋盛著，上檯前店員已把半隻雞另上碟及分好兩碗湯送來。燉湯相當足料的有半隻雞，兩人享用是夠飽肚，但略嫌雲呑皮偏薄。價錢相近的選擇，個人更喜歡小南國的雲呑雞湯。******************************甜品賣相精美但味道沒驚喜而且，然而價錢合理，要求不高也尚可接受。芒果酒釀丸子 (4/10)芒果偏酸再加上酒味使感覺很不和諧。香芋鍋餅配雪糕 (5/10)淺紫色的芋蓉賣相十分精美清新，

今日難得入到黎荃灣 一早已經上網搵定有咩好野食~由於媽媽好鐘意食上海菜既關係 我地就揀左呢間龍門一番!係荃灣地鐵站行過黎都好方便下~ 基本上係A3出口出黎, 沿住有蓋天橋一直行就黎到 落雨都唔使帶遮XDD一黎到 發現同想像中既上海菜館好唔同XDD 呢度d裝修好靚呀~ 感覺係走比較young同cute既路線~~好多好colorful既裝飾呢!! 環境裝修令呢度似一個遊樂埸多過中式菜館!一坐低第一件事就係比你揀茶葉, 係每人揀自己想要個款茶~我鐘意呢個服務~ 因為多數我同媽媽想飲既茶都係唔同款xdd結果證實我地果然係揀左唔同款既茶loll媽媽揀既係比較重回甘既人蔘烏龍茶 佢都幾鐘意下~而我就揀返平時飲開既茉莉花茶 <3呢兩張係麵點套餐同客飯套餐既menu~ 其實叫套餐都幾抵食~至於主menu....實在係好難upload晒上黎....因為呢度夾夾埋埋有超過一百款上海美食!!! 真係會睇到人心大心細...樣樣都想試但又食唔落咁多...>__<不過最後都係要揸定主意 ; D 食上海菜我地一定會叫既係小籠包~~而呢款係呢度獨有既魔鬼天使小籠包$58 點解叫魔鬼天使 其實係

中染大廈開了很多間新餐廳，自從他進行大裝修之後我就很久沒有來過了，之前聽朋友說過這裏有一家新式的上海菜，他的食物比較多元化，所以過來試一試果然這裏熱鬧了很多，已經是晚上八時半都仍然很多人排隊這裏樓底較高，令到噪音不會太集中，可能因為比較多顧客的關係，所以亦有一點幫助，令到環境不會太嘈吵店員很快為我送上四款不同的茶包，包括茉莉、鐵觀音、普洱和人蔘。我個人比較喜歡鐵觀音的那一種回甘朋友說，要知道一家上海餐廳的食物質素如何，就要試一試他的花雕豬手或者花雕雞。先說這道菜的花雕汁，他的酒味比較清醇，不會很苦肉質方面，由於要經過好幾次的過冷河才會變得爽口彈牙，不是每一家餐廳都可以做得很好。這裡的豬手爽口非常～而且花雕汁非常入味黑色皮的小籠包味道比較鮮甜突出，面頭上的海膽實在太邪惡旁邊傳統的小籠包面頭上亦家上魚籽醬，增加鮮味。但是我認為會比起黑色皮的淡味道，所以建議先吃白色皮的較好這家餐廳的名字是「龍門一番 上海．紫砂燉湯」。所以第一次來食的我一定要試一試他的紫砂燉湯首先一讚店員會遞上食物之前先詢問一下客人是否需要分湯很貼心和周全的服務我認為這煲湯很大碗，若果四至六人來吃，亦會啱啱好可見湯底來又多粒

新開幾個月的龍門一番，正正就在我們公司附近，當然要過來試一試啦！避開Lunch嘅繁忙時間，我地12:30pm入席，不算太多人，起碼唔使等位啦！最愛這家餐廳的原因，在於每位食客都可以接照自己飲食的取向，選擇適合自己口味的茶葉。小編Foster推介大家選擇人參烏龍，茶湯甘香嫩滑，香氣四溢！1. 水煮桂花魚小編Foster最鐘意就係食魚啦，而水煮魚亦是其中一個首選呀！餐廳制作的水煮桂花魚，以辣為主，麻子則比較少啦。唔緊要，都係咁好味呀！魚片香滑可口，而且大大塊，肉質細膩軟滑，富有彈性且鮮美呀！ 至於，湯底入面的芽菜﹑薯麵都好入面，愈食愈上癮呀！2. 花雕蟲草雞小編就最喜愛這個前菜啦，雕酒份量十足，而雞件又不見得太有雪藏味呀！ 雕酒亦浸入雞件內，非常可口呀！3. 生煎包必試的上海生煎包，上碟時，非常熱辣辣呀，所以入口時要小心，不要被燙到啊！咬一口生煎包，湯料四溢，香濃湯料豐富了整個乾脆的面包，配搭非常好呀！4. 小籠包每家餐廳的師傅對小籠包的包皮厚度，都有不同的標準。這家就偏向較厚，皆因小籠包湯汁非常豐滿，每次小編品嘗都差不多被燙到呀！ 值得一試！至於餐廳佈置方面，採用年輕的設計風格，但冷氣就

位於荃灣的 龍門一番 上海·紫砂燉湯，是一間上海中菜館。最近有心事，想跟好友談談天，好友跟我吃晚餐，我便遷就她去荃灣吃晚餐魔鬼天使小籠包$58去吃上海菜，當然要吃小籠包吧。黑色魔鬼小籠包是墨魚汁皮，黑蒜，豬肉和海膽，黑蒜味道特出，海膽鮮美，是很新奇的配搭呢。白色天使小籠包是原味皮，帶子，豬肉，魚子醬，豬肉餡料軟腍，外皮煙靭，味道不錯。上海粗炒$65另一必點的上海菜，便是上海粗炒。色澤深啡的粗炒，賣相吸引。粗炒煙靭彈牙，配以白菜，冬茹炒起，鹹香充足，惹味飽足，惟有點略油。上海津白$68很喜歡吃上海津白，奶白色的醬汁濃稠綿密，津白大而爽口，若煮腍一點更好阿。糖醋魚塊$68小朋友起便喜歡吃咕嚕肉，酸酸甜甜，非常開胃呢。糖醋魚是愛咕嚕肉的懶人必點菜式，炸粉厚度適中，魚塊沒有咕嚕肉的骨，每一口都啖啖肉，很滿足哦。

朋友搬左去荃灣，唔想出尖沙咀區食野，人又難約，唯有就下佢，自己走入去荃灣搵佢食野啦😌一坐低見到有個矮矮細細的壺仔放係桌面，我同朋友就諗，唔通係用黎飲燉湯的❓搞左一陣，有個職員行埋黎，問左我地一個問題⁉️好醜怪丫🙈個壺係茶壺來的👉🏻👈🏻一人一壺，自己泡喜歡的味道➕濃度朋友選左清清地的菊花，我就喜歡試新野-人參烏龍茶。一飲落口，有種甘味，然後慢慢滲出絲絲的甜味👍🏻見隔離桌有叫，好像好靚禁，當然試啦。有別一般的醉雞，加入虫草花，多了少少甜味。雞肉很滑溜，可惜唔夠入味，啲花雕酒只留於雞皮上，未能入到內部❌里個應該係潮州remix 上海，韭黃肉絲兩面黃🍝兩面黃的重點係面餅要炸得透，炸得脆，炸得唔油膩。這個不油，可惜唔夠脆，有料放在係上面的面，咬落有少少un，即使邊邊位都係唔太夠脆❌話明上海菜，小籠包一定唔少得。店家推出三款口味，👼🏻天使版有帶子，👻魔鬼版有黑松露+黑蒜肉。我個人認為原汁原味最好食，所以選原味。叫返啲正宗上海野係唔同啲的，皮薄多汁👍🏻而且一籠四個，就算得兩個人都唔怕叫得太多野食😋😋朋友鐘意香口野，叫多個炸物俾佢啦。真心，我雖然對炸物無咩愛，但係以四十幾五十蚊的價錢黎講，真係有少少過份

第二次來，食物也可以保持水準的，不過服務認為可以好d，仕應幫我們落單，只是要求我們說編號，但又唔係用電腦馬上入系統，是用紙寫，就算覆單也冇用，因為我唔會記得那些編號有冇錯的。上菜也是正常速度，菜式是比較特別的，冰花圓蹄是等得比較長時間，還重覆落了兩隻，明明是取消左但那落單的女仕應還說我們是叫了兩隻，其實人也不過幾個人，會否叫兩隻呢？明明點左兩個不同甜品，又說我們叫了兩份一樣的，好混亂。花膠雲吞雞湯是找唔到花膠的啊。羊肉最好味，香及唔肥，少少酥味，有三種醬，薄荷啫喱，黃芥辣好味！！ 火腿津白好奶白色，好清甜。年糕一般，仲有小籠包，多汁呀，好味，准山配南瓜蓉幾特別的。食物是好的

早前係openrice見到呢間餐廳，一路好想試甘岩男朋友話想食雲吞雞，一於過黎試下餐廳裝修係清新風格，感覺都幾乾淨舒服，不過入到黎完全唔覺得係食中菜..似係cafe多d餐牌選擇都比較多...😋😋最吸引我係有好多唔同款GE雲吞雞湯..最後我地揀左花膠雲吞干貝燉雲吞雞湯雞湯好濃，味道唔錯只係完全唔覺自己飲緊雲吞雞湯😅😅同埋雲吞係唔熱的，有點失望花雕醉豬手酒味唔會太勁，味道清甜豬手質感剛好，唔會太淋或太韌👍🏻👍🏻京式烤羊腩羊味好重，肉質好嫩👍🏻👍🏻不過就甘食有點dry，建議加d配菜配搭會更好魔鬼天使小籠包天使小籠包 - 是由帶子，豬肉同魚子醬組成味道唔錯，多汁juicy魔鬼小籠包 - 皮加左墨魚汁，不過食落好似冇乜味入面加左黑蒜，不過本人唔中意黑蒜，所以麻麻地本身想試埋甜品，但太飽了...唯有下次先試😬

8 號風下坡，沒有買菜咪出去吃，5點左右，吃過早的晚餐，不用等位，一講就是一個半小時交枱。叫左4個冷盤：花酌豬手，好夠酒味，豬手爽口薰魚，魚肉👌，但是個汁就不是傳統的薰魚汁，似是茄汁多d，也好味，只是個人喜好舊式那個。腐皮卷好味，夠料，配合胡嫲醬汁木耳個汁就不夠味，木耳爽口，失望。豬軟骨拉麵和小龍包都是一般，無驚喜，可以收貨，因為冷了，熱食可能好味d.魚頭湯只可以話ok, 魚頭大份，湯ok, 豆腐就不新鮮，酸了，但是我們也費事出聲。服務好差，你order 的以最快速度上，不理你食不食得切，枱有沒有位置放，我們要出聲叫他們不要上，比時間我們吃，他們不理，所以小龍包和麵也冷了，吃不到真的味道。價格vs 食品，再vs 服務。🤷🏼‍♀️😂杯茶也失敗，因為水不夠熱

荃灣我真系吾熟 我又系朋友中既吃貨所以都系我選擇 我唯有靠openrice 點知原來都好遠天氣又炎熱 所以決定搭的士一早訂左位但又有小小誤會搞左一陣先可以入座睇住個menu樣樣都想食 掙扎左一輪先決定到好特別每人點一個茶包再泡茶冷盤4款 黑醋黑木耳 茄子 素雞 雞絲粉皮 木耳好爽 茄子好嫩 素雞好似凍豆腐咁好咬口 雞絲粉皮好嫩滑 奶油津白 菜嫩奶油得黎吾油吾濟 清清地吾錯春卷 炸得吾油好香脆 雖然系素個涵多 正蛋白露筍炒飯 清清賣 蛋白炒得露會過左火喉雪菜豆腐 咸咸地小小辣送飯一流加上用左炸豆腐 皮煙un內嫩送飯一流蟲草花雲呑雞湯 好足料 唔覺有味精 絕對吾怕飲完口渴 雲呑on side 唔會怕系湯放得耐會發漲 雲呑皮薄又滑鮮茄海鮮窩巴 好鮮好濃既茄鮮送脆脆既窩巴一流 但海鮮好大陣雪味dislike 本身嗌左三色小籠包但落溜左所以今次試吾到 下次再試

多次致電訂位都full booking，今晚唯有walk in食頭圍6點，雖然得90分鐘時限，我哋7個人，人少少都啱啱好，多啲人聚會飯局就可能唔足夠。服務好，上菜都算快，環境新式舒服，食物色，香，味俱全!!