龍門一番 上海·紫砂燉湯 (已結業)

午餐叫左一碗四川擔擔麵，一碗酸辣湯麵兩碗味道都係好普通，麵有小小硬，擔擔湯底同酸辣湯底都唔夠辣，好彩只係四十八蚊唯一好處係佢有茶包揀，茶葉質素唔錯，揀左菊花菜，好香菊花味

早一晚同老婆講好想飲燉湯，於是上網搵邊間有湯飲。搵到尼間決定試下。有參考食評，話服務態度麻麻。可能係閒日，冇人等位，服務員態度都好好。我地離遠行埋去都已經打晒招呼問幾位，都覺得ok 既。座位方面，四人檯分2人坐。位置感就真係一般。特別係叫左成檯野係擺唔晒（因為太多野，攪到冇影個湯）餐牌入面D野價錢都唔太貴，普通一個炒飯70蚊多D, 咁就叫左個帶子炒飯，小籠包（黑/白），火腿津白，同松草雲吞燉雞湯。先上既係炒飯：炒飯乾身，色澤幾好。但係我食到粒帶子係凍⋯⋯應該解唔切凍就炒。個飯落左臘腸炒，基本上搶晒成個飯味。碟頭好大碟，應該有5-6碗（食唔晒要打包）。 如果可以換第二樣叫！小籠包：皮簿爆汁！但係我食唔出黑白係咩分別。肉汁甜，好食！ 尼個可以話係必食！火腿津白： 火腿好香夠味，如果切絲上效果更好，因為津白可以吸返火腿既咸白味。津白味道較淡，同埋太大條。 （可以叫其他試試）松草花雞湯：湯好清甜！雲吞另上可以再放湯加熱，冇咁易穿！ 湯料足、份量多！雞肉，雞腳，松草花，瘦肉，龍眼肉。成煲湯清晒！！ 價錢都抵$188， 平時食飯叫燉湯一盅，70-80蚊！尼到有6-7碗 ！ 雞肉嫩，有豉油隨湯送埋比

一向都好鍾意食上海菜，荃灣8咪半呢間上海嘢已經嚟過好多次，貪佢身置中心地帶但又好易搵位，而且座位都好寬敞唔限時，好適合一家大細!最欣賞佢呢度嘅茶係一人一壺， 各有各口味唔使爭， 仲有多種茶葉選擇。 每次去我都會揀人蔘烏龍， 清清地帶小小蔘味，茶錢都幾貴下，10蚊up,唔記得exactly幾多了咁樣飲茶味都濃d~叫咗一個招牌小籠包($38)皮薄餡靚湯夠熱，幾好食 另一個小食係炸素鵝($48)大大份，好香口，賣相都好好另外再叫咗一個鱔糊兩面黃($88)餡料多，個汁帶少少甜味，個面炸到脆卜卜，好香口仲有蒸銀絲卷($23)正常野，鬆軟下次人多嚟可以再試多啲嘢食

滿心歡喜叫左碟$158嘅樟茶鴨，點知原來叫左隻橡膠鴨。真係無誇張到，係硬都硬唔開，好想知道大廚要點煮先可以煮到啲鴨肉仲衰過食擦膠🧐最好笑係問侍應啲鴨點解煮到咁，佢哋仲答我蔥爆就係咁。如果你有朋友苦無脫牙良法，可以叫佢地試下叫一碟食😀😀😀仲有叫左個藍梅山藥，山藥一食成口都係渣，其實點解唔直接叫藍梅山楂好過🤔🤔🤔🤔🤔老老實實，呢間野啲人成日講到有幾好食，但我比左成八百大元就只係感受到食十八蚊擦膠嘅感覺。

媽咪節食飯周圍都係人龍～今次食家姐推薦既上海菜🤤·🐔花膠螺頭干貝燉雲吞雞湯 點完極快出菜👍🏻😯好細心地會將雲吞另上😋燉湯溫度暖和，湯料足👍🏻我好愛好愛既螺頭都有4大粒😍😍😍 鮮甜美味～·🍆自選組合4款 簡左藍莓山藥；涼拌茄子；雞絲粉皮；4季豆伴素雞🙃全部都麻麻😂·🥢魔鬼天使小籠包 差不多每枱都點🤣黑色既魔鬼係墨魚汁皮+黑蒜+豬肉+海膽🤤味道因為黑蒜帶甜味，我比較愛🤤🤤🤤；天使係帶子+魚子醬+豬肉😍·😋鍋塔豆腐 好大層炸粉🤥·🥬火腿百頁煮津白 👍🏻🤤·📍龍門一番.上海.紫砂燉湯荃灣青山公路荃灣段388號中染大廈（8咪半）1樓105

行完Ikea就喺附近搵野食醫肚, 男人想食上海野, 就揀咗"龍門一番", 餐廳裝修都比較新式, 門口有座位係半開放式都幾舒服。打開餐牌都好多選擇, 一坐低就會有店員拎一盤多款茶葉俾你揀, 揀好就會用類似功夫茶杯沖, 茶味可以自己調較濃淡度。🔸上海酸辣湯🔸⭐⭐⭐⭐酸辣剛好, 不會互相搶了味道, 而且都好足料。🔸上海小籠包🔸⭐⭐⭐⭐⭐真正皮薄餡靚, 夾既時候一不小心就會漏湯汁, 湯汁仲好香濃。🔸自選四拼🔸⭐⭐⭐⭐⭐上枱時有乾冰座陣非常吸睛, 我地好貪心叫咗四拼, 茄子醬油調味、 熏魚酸酸甜甜夠開胃、 麻辣豬耳夠哂辣、 四季豆清爽開胃。🔸醬燒豬手🔸⭐⭐⭐⭐⭐濃渵既醬油汁, 豬手好淋仲有好多骨膠原, 豬手皮仲好彈牙膠質。🔸洋蔥牛肉絲(叉子)🔸⭐⭐⭐⭐叉子就係用空心叉子燒餅夾餡, 自己夾滿牛肉絲餡料, 外酥內香。

舊同事轉咗工去荃灣返工，大家好耐冇見，約咗去荃灣食晚飯，大家都喜歡食上海菜，所以同事介紹去中國染廠大廈龍門一番上海菜，嚟個地方全部改變好多，我最喜愛麻醬腐皮卷好特別，下次會再來😊

即興walk in等左成個鐘,原本想放棄,點知朋友話想食,好彩最後都有食到幾鐘意佢每人可以揀唔同口味既茶自己沖自己果杯,不過飲多幾杯好快無味，仲坐係好似個屋仔入面咁,自成一角,不過服務員態度真係麻麻講番d野食, 叫到成枱都係,醉雞,蔥餅,椰子竹笙湯同炒飯都好味,至於小籠包,都係傳統好食,魔鬼天使都麻麻,而最差既一定係豬手啊,因為有毛,搞到大家都唔想食,食咁多野,埋單都係17x一個,都幾抵食，不過要等咁耐就唔太值

本身荃灣唔係我既地頭，但黎到咁遠都覺得好值得!1) 我同老公喺度等位時都已經好full house, 但又冇得坐，但等侯過程有waiter 送紅棗茶出黎俾我地，感覺好窩心。2) 入到去，waiter 問我地飲咩茶，最特別係每人獨立一包原片茶包，自己沖水，好有特式! 我同老公揀既水仙飲落好夠香甘茶味，仲好撲鼻，沖到第三壺茶都仲聞到!3) 同老公share 既擔擔麵好好食... 唔算辣，好想將個湯底飲到底!唯一遺憾就係飽到叫唔到肴肉，所以一定會再返去試! 希望下次去都係有一樣或更好既水準。

食物質素是可以的, 所以再帶父母, 阿姨, 姨丈來吃, 為免要老人家等位, 我們專誠提前吃晚飯,  5:45 PM 入座, 入座時巳說明用餐時間1小時15分鐘, 食到差不多7點, 打算叫甜品吃, 竟然給我們埋單, 我說; 「用餐時間不是說好個半小時嗎? 還有18+分鐘, 想點甜品吃, 』 身穿經理服的職員回一句: ‧『 只剩6分鐘, 你們不夠時間吃』無言.........

好少食上海菜，因為次次食都係陪長輩食飯，因為都係較貴同精緻，用黎慶祝活動先食。因為近母親節唔想被人迫，今年決定提早過，係番荃灣食晚飯。菜味芬芳幾解滯。藍莓山藥。上枱哇咗聲因爲有用乾冰，有煙出黎，好岩影相。山藥係爽口，配酸酸甜甜既藍梅醬幾開胃，作為前菜幾合適。上海燻魚，食落偏甜較乾就身，魚味欠奉差一點，不中我口味。乾貝花膠雞湯。雞湯味道香濃，入面有人隻雞燉煮，仲有乾貝、花膠、螺頭、鮮味十足。而且好大煲$198,分到四、五大碗，有質素有抵飲。雙色小龍包:同一般小籠湯包味道差異不大，比較普通。雪菜粉皮炒得幾香，但調味不足，味道普通難令人記住。上海炒飯，飯量大有獲氣香口乾身，飯粒分明有層次上海炒年糕，年糕有彈身唔會炒到糊咗，如果配料多d就好。鎮江骨食落酸味怡人，唔會太油，肉質新鮮唔會柴，咬落絲絲肉唔錯。總括而言有質素同抵食既。

距離荃灣地鐵站5分鐘腳程既中染新城，有間新派fusion 上海菜，😍下午一點去到，仲有午市客飯套餐，價錢$62至$98一份，配酸辣湯或老火湯，一個小菜同白飯，如果鍾意食菜飯的話，可以加$8 轉菜飯，唔夠的話仲可以加酒釀丸子或香蕉豆沙鍋餅配雪糕作為甜品茶底有四款比我簡，人蔘烏龍、手工茶、普洱、鐵觀音，茶壺亦係一人一個，好特別。但因為主餐牌嘅嘢食好豐富，所以我哋只叫一個客飯套餐。套餐既金銀炒鱔糊好香口，亦比想像中大碟，個汁餸飯一流，平時少食飯既我，一碗飯唔夠喉添酸辣湯唔算好辣，但好足料，下次再食都會叫。唔知大家有冇見過黑色嘅小籠包呢，呢度就可以食到啦。魔鬼黑色皮係墨魚汁皮，加黑蒜、豬肉、包面上有海膽呀天使白色皮唔好以為係普通小籠包，內面大有來頭帶子、豬肉、包面上仲有魚子醬😍😍呢個小籠包個皮可以做到皮薄而唔容易一夾就穿🥰🥰 一啜落個包好多汁好juicy👍🏻👍🏻冷盤可選四款，分別有藍莓山藥、雞絲水晶粉皮、無骨熏魚、涼拌茄子塔，會平過逐碟叫藍莓山藥 山藥的確少見，一條條厚切好爽脆，山藥本身都有鮮味，不過再加上濃郁的南瓜醬和甜甜的藍莓醬，👍🏻更加美味。雞絲水晶粉皮粉皮上淋上滿滿的麻醬，好重要👍🏻🤭

在荃灣這個美食天堂裏終於試了開了有一段時間的龍門一番上海菜，店員安排我們坐好位之後就有好幾隻味道的茶包給我們客人選擇！首先就是來店裏招牌的小籠包每隻味也有兩粒，入口啲汁係爆出黎咁樣真係好正，不愧係招牌菜之一🤤然後燒烤羊腩自己個人覺得份量太多因為由於我哋只係兩個人食所以覺得太過熱氣食到一半都冇食得晒，不過炸出黎既感覺都好特別！如果四個人食就啱啱好另外我自己個人覺得水蓮都係一個好好嘅選擇，出嚟個口感都好新鮮！去到中間當然要返一個招牌擔擔麵，免曾係非常之好做得而且味道適中！最後來一個甜品來修理這裏的甜品選擇對應也非常多下一次再來的時候可以試試其他甜品🍮

今日去中染大廈試新派上海菜，這間餐廳外觀望落去就已經覺得好舒服，座位有外面和裏面可選，外面設計是用金屬支架做成房屋嘅形狀來劃出每一圍枱嘅私人空間，可以坐在寬大嘅座位空間遠眺商場人來人往的人流， 環境優雅舒適，樓底高，空間大。若選擇裡面座位的，座位一樣寬闊，光線比較柔和，牆身有鏡子令空間感大增，整個環境讓人感覺好舒服，很適合三五知己談心聊天。平時去酒樓或者一般食肆，茗茶好少會有菊花的選擇，見到這裡有便選了菊花，明目又清熱氣，清香撲鼻很好喝。今日點了幾款小食都是味道一流的，水準很高，首先來一碟麻醬腐皮卷，腐皮卷好像層層疊那樣有條不繫地堆起來，底下三件上面再鋪兩件，頂層鋪一件，外型造成一個山型咁，上面鋪上麻醬，醬汁做得非常出色，一入口酸酸甜甜的味道讓味蕾立刻有反應，讓人精神一振，味道很好，裡面的素菜有紅蘿蔔絲、木耳、芽菜，都是對身體有益健康的素食，整體組合起來口感豐富。鑊仔生煎包一碟有四個，上枱時熱辣辣的，煎包上面舖上黑芝麻和白芝麻作點綴，餡料用豬肉碎，最特別是包皮咬落口時脆卜卜，食落美味又飽肚。上海酸辣湯酸辣度適中，不會太酸也不會太辣，味道剛剛好，材料有豆腐、芽菜、冬菇、蛋絲，仲有鮮蝦，湯

一向喜歡上海菜，這日朋友真知我們心，約了我們去上海菜食飯一聚，於是我們一行六人，三對情侶就去了這間餐廳了環境不錯，店內樓底也很高，空間感充足。最特別的是侍應就給了一盤茶葉我們，有多種茶葉可供選擇，包括普洱、鐵觀音等。每人可分別選茶葉，各自各揀自己喜愛的茶，一人一茶壺及茶杯魚肉高質又鮮美其中一道菜是蟲草花醉雞$78 ，雞肉好嫩滑，酒味適中不太濃，相當合我們口味肉質不錯另外還叫了個擔擔面，好香的花生醬味，麵質爽滑可口