龍門一番 上海·紫砂燉湯 (已結業)

最喜歡上海的糟滷食品，雞、鴨舌，豬手都是好吃的不行，這家的醉豬手真的沒有失望，淡淡的花雕酒香充斥你的味蕾，好滿足，還有上海粗炒，也不太油，感覺不錯，可以多吃幾口，甜品也不要忘了叫上高麗豆沙，好吃的很！

每次去開荃灣都忍唔住要食返呢間上海野我最鐘意食嘅就係嫩雞煨麵, 雞肉嘅份量幾多  而呢間餐廳出名燉湯, 所以呢個雞湯味好濃郁, 好好飲, 係令我一再回味嘅食物! 男朋友叫左個擔擔麵, 聞落幾香花生味, 但食落花生味就唔算太出, 不過成碗麵都幾香, 辣味慢慢會滲出來, 如果唔食辣嘅人可能就唔太岩了><甜品方面叫左紅棗糕, 係鬆糕夾左紅棗碎! 仲要熱辣辣岩岩蒸完出爐, 好軟熟好食~!最後, 服務方面可能因為星期6太多人, 等位已經等左近半個鐘, 入到去個個侍應都好忙咁, 唔得閒理我地, 最後食完埋單都叫左5-6次, 等左近20分鐘先有人同我地埋單>< 如果知道係繁忙時間增加多D人手, 加強返服務質素就會更好.

上次食我哋叫咗蟹黃小籠包，最後比我批評到不似人形。今次再嚟挑戰呢一間上海店，嘗試其他食物嘗試其他食物。今次叫咗醉雞，黃鱔麵，另外叫咗一口牛肉包，同埋烤羊肉。羊肉烤完好香，但不失佢嘅羊羶味，略嫌有點乾身。夾起羊肉油一直滴滴滴，如果怕羶味千黃唔好叫。醉雞，同黃鱔麵，係最佳保證！冇失手！上次我都有叫呢兩樣，已經覺得可以在encore至於一口牛肉包，如果再熱少少應該會好食啲。整體上唔叫小籠包都還可以，可以慢慢傾計食嘢。唔錯嘅選擇。

啱啱行完宜家傢俬，見有少少肚餓，就入左去樓下的龍門一番食上海菜。地方、坐位算是寛趟，拿到一袋二袋都有位放。我好怕食圓碌碌的魚類，但每次食上海菜都必點金銀炒鱔糊，完全沒半點腥味。帶子粒粒炒飯夠乾身，飯粒粒粒分明，兜得又勻循，而且帶子份量又多，好入味好正!酸菜豬肚雞有點像潮州的胡椒豬肚，但走了胡椒，啱晒怕辣的我。這裡要收菜位錢的，茶葉是獨立密封的，茗茶每位 $18。味道香醇，又有消滯去油功效，啱晒飯後飲幾杯。

3月2號的星期日，我和女友路過荃灣的宜家傢俬，當消費過後，我們搜尋到一間叫龍門的餐廳，正正就在宜家傢俬的下面，見到門口很多人排隊等候位置，我們二人大概等了20分鐘，就正式進入啦，大約是8:15pm , 我倆抱住一個信念就係這間餐廳，出名主打，雞燉湯，因為我們非常喜歡燉湯！店員會把一包包的茶葉俾你揀我倆揀了鐵觀音和普里，之後自行沖水！正式點食物，蟲草花雞雲吞湯，肉絲炒麵，賽螃蟹，小籠包，有機黑豆漿木耳炆絲瓜！隔咗5分鐘之後，蟲草花雞燉湯，全部賣光，當時候只是8:20pm, 期六的一個晚上8:20就已經賣完招牌的燉湯，我倆非常失望，所以強烈建議大家八點前我好入座唔係雞湯會全部賣光! 肉絲炒麵不過不失, 炸面+ 林嘅位, 分得很開, 因為中間夾雜很多帶子海鮮斑腩，所以這個只是不過不失，不過係熱辣辣的！口感正常！至於賽螃蟹方面，味道不錯, 不會太油味道上非常啱送飯, 其他配料未豆蘑菇紅蘿蔔分量剛剛好! 值得一試! 小籠包一籠四隻，即叫即蒸，味道正常有機黑豆漿木耳炆勝瓜，完全沒有黑豆漿味，他的上湯完全感慨了黑豆漿的味道，木耳和勝瓜完全不入味，不要試！因為完全唔值得叫！好似三樣唔同嘅嘢突然放埋一齊

今日和爸爸往荃灣龍門一番 上海.紫砂燉湯食晚餐, 我們點了姬松茸燉雲吞雞湯, 黃金蝦球和糖醋魚塊。茶我點了菊花, 茶味芳香, 飲落香濃；姬松茸燉雲吞雞湯賣相吸引用紫砂壺盛載, 姬松茸燉雲吞雞湯材料除了姬松茸,雲吞和雞湯外, 還有桂圓和瘦肉, 桂圓甜度適中, 瘦肉肉質軟腍, 姬松茸食落爽口濃香, 雲吞和燉湯分開, 很欣賞廚師的細心, 因為雲吞浸在湯內可能會浸爛, 雲吞皮薄餡靚, 肉質鮮甜味美, 雞肉質鮮甜,食落啖啖肉, 入口即熔,姬松茸燉雲吞雞湯湯底清甜, 好足料, 份量十足, 口感滿足；黃金蝦球炸得金黃, 鹹蛋黃食落惹味, 很有蛋香, 蝦球食落彈牙惹味；最後糖醋魚塊甜度適中, 魚塊肉質鮮嫩, 食落開胃, 配菜菠蘿, 青椒和洋蔥食落爽口美味, 整碟糖醋魚塊食落開胃,惹味十足。餐店座位舒適, 小菜美味有鑊氣, 燉湯足料, 份量十足, 味道鮮甜, 我和爸爸食了一頓美味晚餐。

今晚同屋企人行完某大型家私店，見屋企人鐘意食上海菜，就揀左呢度食晚餐7點半左右去到，門口好多人等緊好在等左15分鐘左右就入得。值得一提係餐廳既裝修好舒服，好溫馨，我們幾中意除左餐廳環境文青外，餐紙都別有用心，係大富翁既版面，好特別丫呢度仲有一樣特別，就係每人都有自己既茶壺沖茶。待應會拎盤茶包俾你揀，我就揀左茉莉，因為個包裝袋好快收走，用住家人既普洱影住先😆茉莉花茶幾好飲，無乜酸味，飲落好舒服，唔係低質茶葉，而家人飲既普洱都好好飲，個茶味唔會好苦澀。見門口個牌寫住紫砂燉湯，應該好好飲，我們都點左個蟲草花燉雲呑雞湯 💰$188 果然名不虛傳，個湯好入味，雞味都好香，蟲草花份量都幾多，個湯都幾大煲，有半隻雞係入面，雖然隻雞係燉湯入面但一點都唔乾，好嫩口，食落個雞味仍然好重。佢好窩心，雲呑係另上，所以食落個雲呑唔會浸到散曬，搞到一patpat。依家食落都保持到口感另外，點左龍門海鮮炒飯 💰$78d飯炒得都幾粒粒分明，幾爽身，亦好香口，會不自覺地食多碗係d海鮮有點乾身甜品方面，點左高力豆沙 配雪糕 💰$56見到都好開心因爲我最中意食高力豆沙，微微熱，蛋味都幾香，入面既紅豆都唔會好甜，配埋個雪糕味

本人第一次寫食評，湯個品質好好，海鲜唔得，黎左碟唔係我地點既食物，冇得退換，硬要落枱，仲要同我地講下次落單講清楚，冇言，仲要係經理，有小朋友係度，所以冇同佢爭議～～

约2个舊同事晚餐，但當日要返工，所以约既時断周圍都多人。揀在中國染廠大廈晚饭，原因係未去過， 估唔到多左咁多美食店铺。最终揀左呢間上海店。呢間店感覺比一般上海店高级些，食物質素都吾错，價錢所以貴少少。 去到每人可以自己揀一款茶包，亦都有自己嘅茶杯沖茶，好有特色， 每一台都有一壺水，而我覺得我啲水就唔係好夠熱。而且地方比較大，但侍應就吾多，等好耐先有人睬你。 不過時間都係得個半鐘頭，所以如果想吹水嘅就爭啲啦!

話說住葵青區既我自從葵芳某某茶樓換左手之後好耐都無食過高質小籠包上網周圍search下該茶樓另一分店入到去天水圍所以只好係附近周圍試下上海餐廳睇下有無好食既小籠包唔搵都唔知 原來荃灣呢個商場裝修後開左咁多食店而呢一間更加係 排晒長龍好在我同朋友今日早食飯 6點去到 得一兩枱客食晚飯限時個半鐘新年期間有特別菜式不過一心諗住飲湯食小籠包既我地實在無考慮過呢啲新年菜茶係一人一壺 自己揀返鐘意既茶黎飲咁就唔怕各人喜好濃茶淡茶叫左個雲吞竹笙椰子雞湯雲吞係凍的 皮已經硬硬地就算浸返湯都係硬皮椰子都係硬既 雞就煲淋左啦個湯好清甜足足有半隻雞黃金鍋巴咸咸地 夠鬆脆 好食既生煎牛肉包個餡有啲似台灣牛肉餅陣味包就真係包 無乜特別期待已久原味水籠包睇樣就知多汁湯汁熱辣辣又不至於燙口不過今次塊皮真係好簿 好易穿4個之中 有2個夾夾下穿左湯汁先係精華最後7:15埋單走人 外面已好多人等位

我們已提前訂位22日晚8點鐘用餐，當我們一行3人準時到達該餐廳時，前台服務人員告知訂左位也要等，等幾耐唔知。等候期間，有客人離開，服務員叫了walk in 的兩台203，204客人（與我們人數相近）進去。我問：我們還要等多久，仍未有明確答覆。之後，我看到薄仔紙上在我們後面訂位的4人（訂位時間與我們相同，同樣為8點）被叫進去，再次詢問此餐廳是根據什麽原則確定前後次序？服務員解釋不清，我去詢問當值主任，她們竟然説，在我們後面訂位的那位先生7:30就來等位。當面詢問4位客人時，其中一位小姐回答：我們是8點。訂左位的客人沒有號碼，無法證明他們幾點鐘到達。況且合理推測，明明訂8點鐘的位，怎會7：30就到達？第二：如果他們真是7：30到達，為何之前有位的時候，沒有安排他們入座，而要到8：10才安排入座？種種情況她們無法自圓其說！再詢問為何有位時不先給訂位的客人，而要給203、204號客人，服務員回答他們6：30就到達等位（當時已經8：10），22日是禮拜二，合理推測，你會不會等位近兩個鐘？該餐廳服務人員及主任不僅沒有合理解釋安撫客人，而且態度極其惡劣。希望集團可以加強培訓，并嚴格執行訂位客人安排進

上網見到食評都幾好，於是把心一橫就去呢度試吓。畢竟荃灣好少一間能夠傾到計，舒舒服服嘅上海店。侍應話原來要限時嘅，只可以食90分鐘，於是就點左幾個餸，同埋我最期待嘅高力豆沙。蟹粉小籠包：真係第一次食蟹粉小籠包可以多油到爆出嚟。入面湯多之餘，蟹粉只係小籠包上面一個小點點，原先本來好期待裏面滿滿嘅蟹粉味，原來係冇的。個人覺得唔係好值$20。因為基本上同普通嘅小籠包冇分別。高力豆沙：本來最期待已久嘅高力豆沙，原來係最令我失望嘅。當我用之叉吉落去個高力豆沙嗰度，入面竟然流出一啲水嘅物體，水帶有少少豆沙蓉，我已經覺得有少少中伏。點知完全冇豆沙味，失敗！最令我失望就係呢兩樣野囉。而其他都不過不失。侍應嘅態度都算良好。

識飲識食的他在荃灣返工，在8月中的飯局，由他發辦去什麼餐廳食飯，他提議走到位於荃灣中國染廠大廈的 <龍門一番 上海·紫砂燉湯>！由於，餐廳要求入座後，用餐時間1小時30分； 我們先在餐廳門口等齊人才入座！ 地方比預期闊落又舒適！平日，他跟同事經常到這裡食午餐，由他點菜！他還建議我，食上海菜，先食冷盤後食熱蕈！為配合時間交枱，上食物很有效率！卻是他曾經聽到店員在店內忙到爆粗！茶芥 $9/位店方用上膠茶盅，他教我以三隻手指頂住斟茶！食客可各自選擇茶包，我選擇了菊花茶，清然淡雅！平時他會選擇香片，而在這裡，他則選擇人蔘烏龍，感覺保氣溫和！另外，我行過這個商場好幾次，卻找不到洗手間，原來隱身在餐廳裡！依上菜次序！自製千層水晶肉 $58以乾冰伴碟，煙霧彌漫！單是賣相已引人入勝！店方出品的水晶肴肉比坊間大件，水準不錯！花雕醉豬手 $72豬手皮爽肉嫩，而且夠哂入味；完全合他心意呀！最好笑聽他分享， 他有位朋友食完醉雞後揸車，怎料被驗出酒後駕駛，明明無飲酒！才想到醉雞以花雕酒醃製才出事！上海粗炒 $68不會重口味，鹹度恰到好處！粗麵均勻上色又入味，適當的油份不會過份油膩，沒有炒燶又夠鑊

你們又不是超爆需要等位，點解要同客人說食個半鐘就要還枱及不會留位，過左時間就會無枱，有此需要嗎？但因為你一個人的態度，令到食客不來，是否又好呢？為了就小朋友唔想趕心態及抱住想試一下，是否真是咁旺場，最後都去此（龍門）食，但實情半成客都沒有，其實是否想餘下客人都不到呢？某店員，服務態度真是差，碟上還有食物，一般都會問客，食物是否仲要才收走，二話不說就拿走，連個小朋友👧都感到你有幾咁沒禮貌，是否要檢討一下．＜好彩是全店只有你是這樣，其他人是沒有問題．特別是一個後生仔🧑🏻，相形之下是最有禮貌的，每次都會問我們仲有無其他需要．＞食物方面，基本上全部都好好食：＃松子黃魚🐟＃（超好食，涼左之後個魚仲係脆）＃🌶️四川雞柳🐤炒年糕、🌶️麻辣🐷豬耳＃（食辣就好鍾意，辣度剛好）還有上湯小籠包🥟、小龍蝦湯包、迷你胡椒餅等都好好味**花膠螺頭干貝燉雲呑雞湯**（個燉湯如果熱Ｄ就好，因為只係暖和）**魔鬼天使小籠包**（沒有相像中好食，豬肉餡料同帶子不配合）

同屋企人黎到荃灣食晚飯，因為屋企人想食中菜，所以揀左食呢間上海菜。 一坐低，店員就遞上一盤茶葉比我地揀，有鐵觀音，普洱，菊花茶，香片等等。原來每人有個茶壺仔可以自己揀自己鍾意既味道沖，幾得意。我地點左金銀炒鱔糊，帶子粒粒炒飯，奶油津白，小籠包，酸菜桂花魚同埋賽螃蟹。上海菜黎講我最鍾意食炒鱔糊，呢間味道ok，不過嫌穫氣唔夠同埋啲汁有啲漿住。炒飯驚喜地好好食好乾身，而且份量好多，食唔哂。其他食物質素都幾唔錯，值得再黎。