龍門一番 上海·紫砂燉湯 (已結業)

今晚媽媽巧遇不少親友，先是兩個姨姨，後是兩位好友，聊過不停，她跟好友說不如一起吃晚飯吧，兩年沒見，很多話想談，最後齊齊去龍門一番繼續邊說邊吃。這裡喝茶有一好處，就是各人可選自己喜歡的茶包沖泡，學媽媽說每個人的體質不同，各自喝合適自己的茶是最好的，我挑了鐵觀音，媽媽喝普洱，姨姨則喝人蔘烏龍。無骨燻魚可是道地的上海涼菜，完全無骨刺，進食方便之餘，燻魚煙燻的味道一層一層滲透魚肉裡，擠上酸酸的檸檬汁提味，清爽開胃帶點脆度。上湯小籠包當然是必點，一籠有四個，難以形容它有多好吃。小籠包皮薄富彈性，內裡肉餡非常細緻，每顆夾起沉甸甸，十分扎實，咬在嘴裡鮮美燙口的肉汁大爆發，沾上醋汁吃味道一絕。黑將軍墨魚水餃不輸給上湯小籠包，飽滿極致，黑漆漆的餃皮暗藏雪白彈牙的墨魚肉，不失其鮮嫩感，伴上蔥花，蛋絲吃別具風味，若想有點味覺小刺激，不妨把它沾點辣油醋汁。看看那厚肥油亮的醬燒豬手豬皮，誘人指數已破表。豬手肥瘦一起入口是最棒的，豐厚的豬皮軟彈萬分，滿滿醬油的香味，膠質豐沛，毫不乾柴，超級好吃，又能在乾燥天氣中補充骨膠原。帶子粒粒炒飯層次感佳，柔嫩甘甜的帶子熱炒後釋放出海鮮鮮味，與鹹鹹甜甜的臘腸粒交織不一樣的味美

因為有人外帶過黄金鍋巴比我食，好好味，難以忘懷，決定親迎一試。靚茶自斟自飲~每位都可以選擇岩自已囗味的一款茶包，濃淡自已調較，座位舒適，感覺悠閑自在，一樂也。黃金鍋巴食過返尋味之香脆好味到冇朋友。 咸蛋魚皮、咸蛋薯片嗰啲嘢都要行埋一邊。古法燒烤羊腩比預期想像更好食，皮脆肉嫩，完全唔韌。 味道咸香，食到d類似攸然粉及十三香香料味，但又冇搶都羊肉的味，羊酥味有少少。 亦係回味之選。蟹粉小籠包合格以上水準，肉汁豐富。 蟹粉少左d，食唔出蟹粉味。 火腿津白晚飯冇條菜食下真係唔慣既，金華火腿咸咸香香。鍋塔豆腐d個餸同菜單幅圖差別好大，個汁獻最出事，同d脆豆腐完全唔夾。炒年糕炒年糕，就真係純潔的炒年糕總恬黎講大部份食物都比較重口味，岩我未必岩你，自已衡量。順帶一提自㩗蛋糕要收取切餠費。

爸爸生日，我地揀左荃灣依間餐廳食飯慶祝。嗰日黎到餐廳，出面都已經有好多人係度等位。好彩一早book 左位，黎到等左唔係好耐就可以入座。入到黎，我就發現餐廳裡面嘅職員好唔夠，好急咁serve 完黎就走左，落單都要叫左幾次先有人應🤷🏻‍♀️講返嘢食先，首先我地叫左「土匪牛肉」。牛肉都嫩，但係整個菜嘅味道就有啲平平無奇。另外我地都叫左「火腿津白」。津白有啲老，火腿就偏鹹，味道未有好突出。帶子炒飯都麻麻地，全碟飯得幾粒好細粒嘅帶子，無咩調味，我淨係睇到碟飯有老抽嘅顏色同埋食到咸味。揀依間餐廳食飯，最主要都係比佢嘅燉雞湯吸引。今次我地叫左「花膠螺頭干貝燉雲吞雞湯」。雞肉係嫩嘅，其他湯渣都唔錯，但係個湯就普通左啲，有少少似例湯。依碟「雪菜露筍炒蝦球」係全晚最好食嘅小菜。蝦球炒到好脆，有蝦鮮味，露筍都好清新，唔錯。食完飯後，我地都要用左好多時間先可以埋單🤦🏻‍♀️總括嚟講，我覺得今次食飯體驗都麻麻。

十年都不去一次荃灣，今次都是因為朋友約才來一次。晚餐選了這間中式餐廳用餐。茶芥每人$9每人都可以自選一包喜愛的茶葉，不用爭。我選了清熱明目的菊花茶，朋友選的是鐵觀音。看餐牌，食物選擇非常多，很適合家庭聚餐。麻醬腐皮卷 $52煙霧瀰漫的乾冰帶來一種莫名其妙的高級感。麻醬很香很美味，腐皮的口感也不錯，作為開胃菜挺適合的。魔鬼天使小籠包 $58白的其實就是普通的小籠包，肉汁滿多的，不錯吃。特別的是黑色的小籠包，皮加入了墨汁制成的，餡是黑蒜與豬肉，上面有點海膽作裝飾和吊味，味道很特別，挺鮮美的，值得一試。奶油津白 $72味道還可以，就菜有點涼了。回鍋肉炒年糕 $72 擁有一個中國胃，每一餐還是得來點澱粉質。除點鍋肉外還混入了火腿還是腸仔，味道不錯，微辣鹹香，刺激食欲。總括而言，食物性價比挺高的，可惜可能是人手不足吧，侍應的臉一直很臭。因為是二人枱，位置不夠，不止一次，侍應上菜時都露出超不耐煩的表情，好像在責備客人為什麼要點那麼多，讓人不舒服。

叫左幾款傳統上海點心/小菜，例如小籠包，鍋貼，擔擔麵，排骨麵，叉子燒餅等都唔錯，抵食。打左第一次電話book檯原來個 staff 冇寫底，好彩有打第二次問先再 book 過。有限時個半鐘，1：10己經叫你埋單，我同佢講我幾點坐底，個 staff話佢 mark底個時間唔係呢個 wo。大家原來唔係同一時區。想舒服食飯既朋友要諗諗。

最近要去ikea，次次都要逛好耐，決定行前喺到食左野先慢慢行，行過見呢間好似幾舒服，上海菜是我最愛的菜式之一，便去拎位。不用排隊，我喜歡外圍這些開揚的座位，兩人座好鬆動是晚座位一坐下便有幾種茶葉揀，一人一隻。我偏愛人參烏龍，入口回甘帶甜蟲草花醉雞$78醉雞份量很多，有兩層雞件，事前不知份量如此多，足夠3-4人食。酒味偏淡香，沒有過分濃的酒味，因為外面很多為求入味以致酒味太重會偏苦，而此份則沒有此問題。上湯小籠包$36小籠包湯汁好正，襯熱食很滿足火腿津白$75份量又是超多，足夠3-4人食，金華火腿咸香加上奶油配上津白一起吃，平衡得剛好土匪牛肉$82本來以為是土匪雞翼的fd子，原來是有芡汁的，但有獲氣及醬汁帶點像老抽的甘甜，很下飯肉量不少，肉質淋身入味咸肉菜飯$16兩人叫一碗咸肉菜飯share,只比白飯貴幾元，間中少許咸肉令菜飯更添咸香四川担担麵$52份量很多，兩人分完全冇問題，湯汁惹味帶有花生香推薦因為不知份量比平時餐廳多很多，所以兩人吃到肚子很撐，正常此份量足夠3人食了，埋單才不用$400，cp值很高

人參烏龍、鐵觀音、茉莉龍珠、普洱…任君選擇。鍋塔豆腐豆腐經過調味，蘸蛋液油煎，加以上湯微火煎煮，十分入味。上湯小籠包麵皮夠薄，但能兜滿湯汁而不破餡。輕輕一咬，湯汁四溢。豬肉肥瘦比例得宜、湯汁鮮味、蒸煮時間精準。迷你胡椒餅酥麵皮的口感，讓胡椒餅外酥內軟。內餡可以吃到濃厚的胡椒味。四川肥牛炒拉麵賣相普通，但食落有麻辣味道，非常惹味。奶皇高力配雪糕脹卜卜、軟綿綿。用奶皇餡代替豆沙，有創意得嚟又不失美味。整體食物相當有質素，價錢合理，值得 Encore…

中國染廠裝修咗之後今次第二次嚟，今次時間多少少，可以慢慢行吓睇吓有咩食，咦，食上海菜都好喎。好，坐低睇吓有咩好食先。有茶飲，沖過茉莉花茶。麻辣豬耳仔，豬耳仔好爽口彈牙麻辣味啱啱好，食完胃口大開。帶子粒粒炒飯，飯炒得唔錯粒粒分明幾香口。因為太肚餓一定要叫個飯，叫多兩個小菜送飯先。農家小炒肉，肉片一咬就開，味道唔太濃，微辣。糖醋魚塊，酸酸甜甜仲有菠蘿，愉快炸得外脆內軟，就算打咗芡汁依然脆口。今次小聚食飯都唔錯，價錢又適合。

朋友家住荃灣，呢日約咗佢食飯，喺商場行住等佢嚟嗰陣，見到呢度幾得意，店名寫住紫砂燉湯，我又真係未試過，於是攞定位等朋友過嚟食飯。餐廳墊枱紙好得意，設計到好似好富翁咁，好吸睛!店員會問飲咩嘢茶，揀好咗之後，佢就會俾個茶包你加落個茶盅，呢樣嘢幾好，如果同朋友口味不同，就可以各有各揀，呢個安排唔錯! 倒完茶葉落個盅仔度，可以想飲嗰陣先加水，自己控制茶嘅濃淡，呢個設計1盅1杯，唔會倒到成枱都係，真係好方便。我哋叫咗花膠螺頭干貝燉雲吞雞湯，佢係用紫砂湯壺裝住啲材料原盅燉，原汁原味，材料有螺頭、花膠、老雞、金華火腿、干貝、瘦肉等，雲吞就分開上，燉湯顏色清澈，飲到啖啖鮮味，花膠充滿骨膠原，好有彈性，螺頭好爽口，紫砂壺有保溫作用，飲咗一陣都唔會凍晒。蟹粉炒飯炒得香口乾身，蟹粉個醬汁令個飯更香更滑，最怕食到啲蟹粉唔新鮮有腥味，呢個就完全無，唔錯! 餐廳都坐得舒服，同朋友唔覺唔覺又傾咗一個晚上。

今次去到荃灣諗住試下依間新開既上海菜，點知去到見到咁多人已經知道大事不妙，最後等左成1個半鐘先入到。好彩既係間餐廳都識做，不停搵人拎d小食同茶俾d等緊位既人食下，值得加分。一入去先知原來冇乜2人枱，所以下次2個人想黎食一見要等就可以轉餐廳。叫左醉雞、蟹粉扒豆苗、菜飯同小籠包。醉雞同小籠包都係正常水平，冇乜特別好講。菜飯比想像中大碗，最後蟹粉扒豆苗係最貴亦係最唔好食既一樣餸，d蟹粉淡色淡味到係淺黃色，唔值120蚊咁貴。整體黎講都係不過不失。評分:食物:6/10態度:7/10環境:5/10性價比:4/10總分:22/40 (合格)

好耐冇行過嚟荃灣啦朋友話呢度開咗間上海野都幾好食，所以今日就過嚟試吓啦環境唔錯，樓底比較高，空間感都幾大一坐低，侍應就比咗一盤茶葉我，入面有普洱、鐵觀音、菊花等等！一人一包茶葉，可以各自各揀自己鍾意嘅茶，都幾好另外佢仲一人一茶壺同茶杯，濃淡自己調教，呢下我幾鍾意一打開menu, 已經見到呢個魔鬼天使小籠包$58 好吸引所以就叫嚟試吓啦一籠有四件，兩件魔鬼，兩件天使！魔鬼嗰款就用咗墨魚汁、黑蒜肉、豬肉同埋海膽造成，口感豐富又多汁至於天使就係用咗帶子、豬肉、同埋魚子醬造成，食落矜貴又好味另外我哋仲叫咗個蟲草花醉雞$78 ，雞肉嫩滑，酒味又唔會太濃，味道啱啱好跟住係鍋塔豆腐$72，識落外脆內軟，配埋個味道帶甜嘅醬汁一齊食，開胃有惹味最後我哋再叫咗個山東一口牛肉包$48，一客有5粒，外層金香鬆脆，入面嘅牛肉餡就惹味多叶，加上嘅鐵板上，所以上枱時仲係熱辣辣食咁多埋單都只係$301，抵食又好味！

同朋友一行兩人有啲肚餓食個tea見愉景新城商場入面，想揾啲清啲無咁重口餐廳，於是揀咗上海菜，可以食雞絲繪麵、小籠包呀嘛。一見到個湯包就諗起上海個勁多汁超想食，仲要加左龍蝦🦞兩隻字，即刻發板！果然好多汁，同平時正宗方法食小籠包一樣，先飲哂入面嘅湯，不過湯包太大要用飲筒飲哂啲湯先(好似飲極都唔完)！然後就食包身，點上薑醋汁後，真係好好食，加上有龍蝦肉粒係入面，有足夠口感，重點$38算幾底！茶方面係自己沖泡，部長係我地一入門口就俾個一人分量嘅茶包我地揀，非常有趣。最後二人食左一個擔擔面、一籠菜肉包、再加個藍莓淮山，兩個人一人都係$100，價錢合理！

11月24號同25號南豐紗廠有個文青手作市集📚📖✒🖋🖊🖌✏📝食飽飽再行過去shopping 👛👜咁就最好不過啦💟一入到餐廳都畀佢嘅環境吸引住裝修幾新潮獨特設計摩登時尚完全擺脫上海菜係老土嘅傳統思想餐牌五顏六色 有好多吸引嘅食物相超級新奇呀!每個人都可以揀一種自己鍾意嘅茶🍵🍵🍵有 普洱 ,有人參烏龍等等一聽到"人參"兩個字雙眼發光😍最後當然選擇咗呢隻仲有一壼熱水畀你慢慢斟飲到飽為止都得茶味非常突出唔使浸泡好耐已經入口甘香 去到餘韻部分仲有甜味 好正真係要飲多幾杯見到呢個前菜嘅賣相我"嘩!"咗一聲乾冰都玩埋!?山藥本身冇咩味道。。。唔似日本嘅山藥帶有鮮甜面頭嘅藍莓醬味道有啲假。。。最出色系最底嘅南瓜🎃又香又滑又甜仲可以令山藥唔會跌低企得直一直不過食到最後嘅部分聽到乾冰發出霹霹啪啪嘅聲音🎆🎇好彩冇危險不過我都將佢放埋一二邊擔擔麵熱度不太足夠♥湯底唔會太濃郁食到淡淡花生醬味同埋少少辣味但係整體合格有餘👌👌👌如果各樣味道可以再加重啲同再加多啲花生碎🥜咁就一定好好味嘩好大隻小籠包!入面滿滿都係湯汁啲湯多到點樣呢!? 就係要用飲管飲咁多汁都冇穿底可見製作湯包嘅手工了得等我當椰青飲咗佢先一籠有三隻精緻

中國染廠裝修完都未過試食，今晚朋友想近近地食返間飯店有得每人一盅茶，我地試3種，人參烏龍麻麻地，鐵觀音頭2轉都澀口後期可以，菊花冇驚喜酸辣湯-餡偏小但切得都夠幼，隻蝦腥到一個點盡量唔好食，湯底味道好好酸辣度做得好好，其實好好味敗筆在隻蝦唔落好過厚切川汁醬蹄-皮唔爽肉梅梅地又林林，淨係依靠醬汁好彩汁教得好味，墊底青瓜爽吸汁後好食上海粗炒-炒得夠乾身但有鑊氣味道好好濃淡度捉得好，粗麵好難炒到入味但做得好，麵夠彈牙爽滑但可惜太碎要用匙羹先食到椒鹽小黃魚-炸蒜太大粒又唔夠脆好銀牙，魚炸得夠乾身魚肉滑但比較腥生煎鍋貼-皮好林唔煙韌一夾皮就爛，肉質地夠彈牙有肉汁蟹粉小籠包-皮煙韌彈牙，肉汁鮮甜爆汁，但唔識分有冇蟹但好食高力豆沙配雪糕-蛋白發得夠力炸得好夠滑，豆沙好奇怪一咬開流晒出來好稀令到味道好彩唔會好甜，但襯雪糕怪怪地唔太夾總結-大件夾抵食味道其實好好做到上海菜嘅濃油醬醋，可惜樣樣差啲

中菜當中除了北京菜，上海菜係個人嘅另一favourute，特別係小龍包同冷盤！不過香港好多上海菜館都質素參差，所以要揾到好味又經濟嘅上海菜館唔易架！朋友知我鍾情上海菜，大大力推介我嚟呢間度一試。不過位置到我而言有啲隔涉，一拖就拖咗兩個幾月，上星期終於有機會一試！果然係值得讚！｜魔鬼天使小籠包嚟menu覺得幾吸引，應該係餐廳嘅招牌菜之一吧！「魔鬼小籠包」係由黑蒜肉、豬肉及海膽製成，味道比較濃。相反「天使小籠包」就係有帶子、豬肉同魚子醬，味道較清新，個人偏愛重口味嘅「魔鬼小籠包」，入口留香，有餘韻！｜帶子粒粒炒飯呢款炒飯喺正menu首頁嘅厨師推介之上，咁當然又要一試啦！帶子算幾新鮮，炒飯炒得乾濕恰到好處，粒粒分明，十分香口惹味。｜古法燒烤羊腩同樣係厨師推介，羊其實我個人嘛嘛，但朋友想食就叫嚟試試。點知有驚喜！外層好酥脆，內層羊又唔太騷，我都接受到，甚至覺得愈食愈香！三款醬汁個人鍾意薄荷醬，好清新，同平時食燒鵝嘅醬有啲似，但又多咗份清新感！