龍華酒店 (下禾輋)

营业中

休息中

喜歡吃乳鴿的人不少都覺得龍華酒店的不錯，知道朋友喜歡吃而且仲未去過當然訂桌和他一起去試試來到變化不大，還見到孔雀，入到去座位空間感十足不會覺得迫的感覺，牆上有不少之前的電視圖片，而餐牌都寫不少明星喜歡吃的菜式，最後我們3人叫了約$660都已經十分夠食，價錢都合理脆皮乳鴿有幾片蝦片，乳鴿會問切2/4份，乳鴿味道香濃帶點溫度，皮仲有點脆口好味，味道都好濃最後都不用加上醬汁黑醋生炒骨不少地方都有但往往味道都是差點，今次來到看到又試試，來到醋味好香濃而且每舊都不會太大，炸得好香脆而且份量比心目中多煎釀豆腐，有6件$148都合理價，豆腐好滑身，釀豬肉不會好實，整體一件都幾大件而且味道剛好不會太咸，醬汁濃度可以掛在豆腐上因只有3人關係就叫了細沙田雞粥$98，雞好嫩滑而且入面仲有菜絲，粥底綿身，食落仲有點甜甜菜和雞香，又不會太油手造桂花杞子糕$38真心推介勁抵食，份量有6件，甜度剛好而且底有不少桂花好香汽水樽裝必叫，而這裡的茶都可以，我們最後食了大約2小時離開，都見到不少人叫不完要打包，可想而知份量的確大份

龍華酒店喺可以近距離望到大孔雀🦚，仲有鸚鵡🦜添！歷史悠久嘅中式餐廳，好有氣氛嘅園林餐廳，令人感覺好chill 😎!石鍋鮑汁魷魚鮮蝦飯，將肥美魷魚同鮮蝦放在熱騰騰嘅石鍋裡，加入鮑汁和蔥花一起拌炒，吱吱作響、香氣四溢，飯粒沾上燒魷魚同鮮蝦嘅味道，飯好香又入味！紅燒乳鴿，一道巧手嘅粵菜，以高溫食油炸熟，滷水醃製入味後再掛起風乾。乳鴿肉質幼嫰，外皮香口又脆卜卜，脆而不油膩，食到舔脷。花膠海皇羹加入了花膠和海鮮，花膠含豐富蛋白質、膠質、鈣質等，固本補血養顏，湯味非常的濃厚和鮮甜。黑糖馬拉糕顏色呈啡色，外型挺身，內有大量氣氛孔，而且口感鬆軟，帶甘蔗香味。龍華酒店 (下禾輋村) (沙田)📌沙田下禾輋村22號

龍華酒店嘅紅燒乳鴿馳名，睇到各式動物嘅餐廳餐廳掛滿紅色嘅燈籠美不勝收，真喺好啱打卡嘅餐廳。紅燒乳鴿，外型喺BB鴿鴿，上檯時熱騰騰，油溫炸得剛好，鴿皮吃時十分香脆， 入口肉很嫩滑，加入淮鹽，伴食更惹味。肉絲炒麵喺傳統港式炒麵，上枱時聞到香噴噴，材料豐富有肉絲、韭菜、火腿、甘筍、芽菜、香葱；炒麵餅脆卜卜，口感好美味呀！菜膽雞喺廣東名菜，又喺我最鍾意嘅地道菜式之一。雞肥美肉厚，而且肉質保持嫩滑，每件切得平均又排得靚。菜脆清綠又爽脆，喺必點之選。奶皇煎堆色澤金黃而且圓碌碌，精緻小巧，外層芝麻脆香，內層香糯，奶黃餡甜而不膩。豆腐花為飯後甜品，豆味香濃且口感嫩滑，添上桂花糖水份外香甜，令晚餐劃上完美句號。龍華酒店 地址：沙田下禾輋村22號

記得細個嘅時候阿爸阿媽會帶我哋去龍華酒家度食乳鴿，幾廿年之後再去返龍華食乳鴿，雖然環境改變了，但係乳鴿嘅味道無變，都係好好味，除咗食乳鴿之外，其他嘅小菜味道都ok

知唔知喺香港最古老最有歷史嘅酒店之一，食lunch係咩滋味？？為慶祝我考試合格，朋友帶咗我去龍華酒店食lunch。呢個咁有歷史嘅地方，同時係好多套著名電影嘅拍攝場地。我哋唔止要食情懷，仲要食好西😂😂由沙田警署行過去都係幾分鐘路程，未行到上餐廳，已經先被沿路嘅燈籠照住，行到半路仲有兩隻大孔雀，同埋有個小亭流水瀑布咁，好有意境好啱打卡。兩個女人仔但都唔細食㗎，我地叫咗個2人餐再加d野食，btw店員叔叔超有禮貌好nice。二人餐有個鮑魚湯，真係食到有鮑魚，完全無掛羊頭賣狗肉😂兩味嘅乳鴿，餐廳好體貼咁準備咗手套俾每枱備用，乳鴿肉嫩味濃，炸得香口，醃製得好入味。菠蘿咕嚕肉好味有水準，連菠蘿都好甜好好食。清炒時蔬 菜心爽甜。我哋另外叫咗個薑葱炆魚雲，魚雲炸過再炆更加入味，口感更好。奶黃煎堆仔平時少見，專登叫嚟試下啦。平時食嘅煎堆又油又膩，但呢個奶黃煎堆 完全無呢個感覺，配搭咗奶黃嘅香甜，味蕾感受提升咗幾個層次呀。套餐仲有跟個甜味石磨豆腐花，冰凍嘅豆花依舊食到豆味香濃，佢哋配搭嘅唔係平時常見嘅黃糖，係桂花糖水呀。睇得出佢地嘅心思配搭，唔止加添咗桂花香氣，仲更清甜可口，平時嘅黃糖死甜完全無得同佢比呀😂

我哋嗌咗一個四人套餐，$1080，杏汁豬肺湯，兩隻乳鴿半隻雞，一碟菜，六隻蝦，一碟伊麵，精美甜品。埋單連茶錢加一共$1400首先來一個杏汁豬肺湯煲，冇杏汁，只搵到少少細細的豬肺，其餘都係雞皮湯渣；六隻大𧎚變咗炒碟蝦仔，我問點解會變成茄汁炒煆？一句話冇大蝦；叫左一碗白粥，追左四五次到最後佢話冇白粥，叫支可樂又要追，本來搵笨都算啦，到最後果碟精品係一碟碎晒嘅桂花糕。我見嗰兩個伙記做到踢晒腳，等啲餸來齊要兩個半鐘頭，埋單自己去櫃位交錢，於是就同收錢講，佢哋嘅反應係完全當聽唔到好勁，後面聽到我投訴嗰個哥哥都忍唔住出聲話係離譜，不過我諗佢哋都係慣咗冇咩反應，我只係奇怪點解仲會有咁多人幫襯，唔知係咪因為父親節真係冇地方食飯，我只係第一次去咋，千祈唔好以為佢就嚟執笠，所以去幫襯。

沙田龍華酒店應該好多人都識，但我都係第一次去！佢係香港碩果僅存的園林式酒家🏡有85年歷史，好多名人都住過！入面環境好舒服，有室內室外，裝修都有懷舊感覺👍🏻野食都一流🤤😋馳名乳鴿 $98/隻皮脆肉嫩，入味透骨，仲啖啖肉😋新鮮菠蘿咕嚕肉 $168菠蘿好新鮮好甜，咕嚕肉醬汁酸香又唔油膩😋沙田風味豉椒炒蜆 $168鮮味十足，好大碟，d湯落左白胡椒，連埋蜆一齊食好暖胃😋 黃金花膠海皇羹 $198/4-6位份量好多，餐牌寫$198可供四至六位，我地6個人，每人都飲到2碗，好足料🤩逢星期五，六，7-10pm仲會有現場音樂🎸比大家點歌，好有feel!呢度好適合同屋企人聚會/慶祝生日😆(發現枱枱都係點生日歌)📍泊車都好方便 酒店對面有個專用停車場

很久沒來，應該說是廿多年沒來，記得小時候爸爸媽媽帶我來龍華酒店，印象最深刻就是那長長的通道、記得那隻會開屏的孔雀，今次再來，孔雀仍在（不過唔知係唔係以前我細個見那隻了）！一場來到就必定要吃著名的乳鴿吧，$98一隻不算便宜，不過都算大大隻，而且燒得好香脆，還有蝦片伴碟，Yummy!另外還叫了炒鮮奶，好少酒樓有得食，所以今次見到二話不說點了來吃，鹹鹹地的，味道特別！場內還有一隻會講話的鸚鵡，很可愛！心情好時話還會和你互動呢！

考完試終於有時間探朋友，我和朋友都好想再食乳鴿，所以再去這間食店，店內如舊式電影院，掛有不少五六十年代的懷舊相片，舊式情懷，古色古香。避風塘鮮魷魷魚以酥炸方式，炸得外脆內軟，伴上避風塘口味，又辣又香，勁惹味。紅燒頂鴿最鍾意紅燒口味，燒到皮脆，鴿肉有咬口，肉汁豐富，肉嫩好滋味。石窩鴿崧炒飯炒得有鑊氣，炒飯粒粒分明，包含好多鴿肉粒，口感豐富，爽口又油潤。加上支裝汽水，特別解渴。中式菜始終有一種情義結，好滿足！

自從嫲嫲過身之後我哋就無嚟過，都有差唔多十年，今次帶埋2歲嘅Carlo三代同堂一齊重溫龍華酒店，回憶過去。Carlo 聽住婆婆講佢50年前，當年仲係做囡就同朋友嚟食乳鴿。仲有好多想當年故事😂 我哋叫返以前次次嚟都會叫嘅幾道菜，包括乳鴿、紅燒豆腐、薑蔥魚雲同沙田必食嘅沙田雞粥。乳鴿$98係貴啲，但絕對值呢個價，肉質鮮嫩多汁，皮脆味美，烤得恰到好處。紅燒豆腐亦非常美味，豆腐口感柔軟滑嫩，醬汁香濃。薑蔥魚雲，啲薑切得好薄，薑同蔥都可以食埋，好味。但對我黎講，沙田雞粥係有少少驚喜，粥濃稠滑，雞肉鮮嫩多汁，仲帶有微微嘅薑香味道。今次係Baby Carlo第一次食乳鴿，食得津津有味，仲有現場駐唱，Carlo 一邊食一邊跟住歌聲搖曳。唯一美中不足係個洗手間比較多蚊，同埋有少少味。如果可以改進埋就好啦！

最近天氣熱，胃口都變差，要醒胃一定要食得香口椒鹽豆腐片豆腐炸得非常酥香，內裡豆腐都嫩，沾上醬汁，酸酸辣辣，加上大量香蒜，好邪惡新鮮菠蘿咕嚕肉咕嚕肉入口香酥脆，肥肉不多，啖啖肉，醬汁酸甜，有點拉絲，加新鮮菠蘿食，酸味更開胃消膩。紅燒頂鴿必食，紅燒口味特別香，皮脆肉香，啖啖肉都有肉汁，肉質彈牙細嫩。鄉村風味炸大腸十級邪惡，但又十分惹味，滿口油脂香。甜蜜桂花糕清甜又清爽，清新桂花香。汽水是舊式支裝，店外紅燈籠，滿滿的中國特色。

與同事一行六人到沙田龍華酒店吃乳鴿，酒店氛圍懷舊，往洗手間的途中還有一隻鸚鵡望着我們，牠只會叫“Hello hello"，非常可愛。🦜由於當天只想點自己喜愛的菜式，故放棄了性價比較高的套餐。我們分別點了以下菜式：■ 龍華燒乳鴿 $98 每人一隻，以蝦片伴碟，大堆頭，最適合打卡。■ 沙田雞粥 沒有想像中美味。粥還粥，雞還雞。粥沒有雞味，雞亦略嫌欠缺鮮味，稍為失色。■ 椒鹽脆豆腐 比較硬身，不夠香口脆口，如是炸成一粒粒，相信口感會更理想。■ 豉油王炒麵 麵炒得夠乾身，味道適中，不會過鹹。■ 大良炒鮮奶 口味比較清淡，普通之作。■ 雜菜煲 成功中和這餐多肉的感覺。■ 三款點心：蝦餃，燒賣，蒸排骨 中規中矩之作，但因平日下午茶時段有半價優惠，性價比高。■ 豆腐花 不是用黄糖，而是用桂花糖伴豆腐花吃，感覺頗特別。

沙田龍華酒店是一家歷史悠久的酒店，是沙田區的標誌性建築之一。餐廳提供粵菜，有懷舊味道。餐廳著名的有乳鴿及雞粥。今次是第二次到訪，我們點了別的菜式試試。▶️沙田風味豉椒炒蜆$168以豉椒炒製而成，有鑊氣、味道微辣，份量多。▶️龍華煎釀手造豆腐$148是很傳統的菜式。豆腐大件口感細軟，搭配上煎釀的醬汁，面上有魚肉、豬肉。▶️特式乾炒牛河$138是我個人覺得必要的其中一道菜品，牛肉鮮嫩，炒勻的河粉口感彈牙，當中有芽菜爽口，可添加辣椒醬更惹味。▶️豆腐花$68最後來一桶豆腐花，二至四人份量。豆腐花有豆香配桂花糖。

想食乳鴿就會諗到去龍華酒店，皆因乳鴿係龍華酒店最出名，李小龍都有去幫襯啊！依度係環境好有特色，掛上滿滿紅色燈籠，影相打卡無論日頭夜晚都咁靚！今次選擇夜晚黎同屋企人食個晚飯慶祝父親節，食物好好味，食得好開心呢！叫左兩隻乳鴿一開4，皮脆卜卜，入面肉好入味又有肉汁！龍華特色豉油皇老虎蝦係金庸必點之選，一定要試試，肉質好靚好彈牙，而且好大隻！特色干炒牛河就係李小龍最愛菜式，我地都叫番碟試下，好夠鑊氣，炒得好靚！金銀蒜蒸扇貝每隻都有滿滿蒜蓉加上粉絲舖係扇貝底，粉絲吸收左扇貝蒸出黎既精華好好味，扇貝肉好鮮味！姜蔥焗廣島蠔成鍋都係飽滿大大隻既蠔，一咬爆汁超美味！最後叫左兩道甜品，第一道係手造椰汁糕，好重椰汁味又好香滑！第二道係手造桂花杞子糕，清甜好適合夏天食！

帶屋企人黎龍華酒店食乳鴿🦆龍華酒店歷史悠久，由門口入去既路充滿古色古香既style，一排燈籠係影相打卡位呢！龍華脆皮燒乳鴿 $98/隻燒得好香脆皮脆肉嫩又有肉汁！龍華特色豉油皇老虎蝦 $268老虎蝦好大隻，蝦肉夠彈性又厚肉，蝦味好香濃！金銀蒜蒸扇貝 $168扇貝蒸出精華加埋蒜蓉同粉絲係底，好入味！姜蔥焗廣島蠔 $198廣島蠔隻隻肥美大隻，爆汁一流！特色干炒牛河 $138牛河炒得好有鑊氣！手造椰汁糕 $38 椰汁糕椰汁味香濃，食落好香滑！手造桂花杞子糕 $38杞子糕清甜又好味！