龍城冰室

营业中

休息中

今天到觀塘辦事，順道在這區吃飯，同事說這間餐廳不錯，但太多人，有時要等得很耐，但既然一場來到，就不妨試下，這間餐廳勝在地方大，轉枱快，所以都比預期好，等一陣有位。我個人認為在這些返工的旺區吃中午飯不要有太多的奢望，但最起碼要坐得舒服，食嘢方面保持正常標準就可以了。這間餐廳提供了幾款午餐， 我點的是午餐C西冷牛扒飯，賣相可以，味道也有驚喜，牛扒均勻質嫩， 咬落不鞋，配搭洋蔥汁甜甜地感覺不錯。羅宋渴濃郁夠味又夠熱，如果有埋餐飽仲正。套餐有飯有湯有飲品，勝在上菜快，食完仲有時間行一陣添。

今日得自己一個晚餐，正當在屋企附近盤算着該吃什麼之時，啱啱醒起朋友之前介紹過呢間「龍城冰室」平靚正，大件夾抵食！一於就做今晚嘅晚餐地點啦！冰室位於中海日升中心嘅路口，一啲都唔難搵！大約晚上8點去到，竟然還有很多人！所以要等位，幸好可以到旁邊的冷氣位等待，所以10分鐘很快便過去。入到去可見座無虛席，相信大家都是被這股平靚正勢力所吸引吧！我選了羊架鐵板餐，在主菜到來之前先上餐湯。我選了羅宋湯。羅宋湯入面有大量蔬菜，正合我胃口！而且酸酸的非常開胃飲品方面我點了鮮檸益力多綠茶，這飲品益力多味較濃，但都依然隱約飲到淡淡的綠茶茶香。但若果好像我一樣希望再酸一點的話，可以把鮮檸檬片放進去篤幾下，就變得更加酸酸甜甜接着便到主菜鐵板羊架登場想不到居然有兩塊大大厚厚的羊架！隨着另上的蒜蓉汁sa一聲倒進去之時，濃濃的羊架香味立即四溢大羊架煎得剛剛好熟，不會過老或韌，肉質厚實，一點洋膻味也沒有，而且羊架表面煎得脆脆的，與內裏稔滑的肉質相映成趣而香草腸居然是一大條切成兩半上碟。這圖只是其中的半條喔！香草腸的外衣很脆身， 咬開薄薄的腸衣後內裏是juicy肉肉！而且香草味濃，一點也不會有肉腸的飽滯感。別忘了還有一整

有時候觀塘吃飯真的令人很頭痛！打工仔的午餐天堂到底在哪？午餐正常都想預算50以下，但你知道如果不想吃頹飯，50塊以下的budget在觀塘有多難嗎？今天來到龍城冰室，點了個a餐（每天午餐選擇都不一樣，送湯和飲料，散叫其實價錢差不多，就是沒有湯和飲料送了），茶餐廳果然效率好，不到10分鐘，熱騰騰的鹹魚肉餅飯就送到我面前了。老火湯其實我不確定有沒有味精，但挺好喝的，鹹魚肉餅感覺很多肉，有個菜湯中和一下也是極好的。鹹魚肉餅也很入味，肥瘦適中，淡淡蔥香配搭得宜。飯份量有點多，我每次都忘了說半飯，永遠都 在浪費食物，地球對不起！（哭）啊，排隊真的排很久，因為～40塊的budget又好吃的觀塘美食真的不多有一個tips是如果一人入座的話，排隊只要大概5分鐘，有時候我就一個人去吃，偷聽隔壁聊天哈哈哈。。（啊，好孤獨）

港式茶餐廳下午茶，價錢便宜嘢食都有水準，但餐廳侍應態度惡劣。下午茶嘅份量都算幾多，味道偏辣，咖哩香氣噗鼻的。配料有蝦、叉燒、芽菜、韭菜等等。米粉比較炒得乾身，但每一條嘅米粉都好入味。幾開胃鮮果茶，對於茶餐廳來說我都覺得唔錯，水果味偏重反而茶味比較淡但份量略為少左啲，平日嘅水果茶都係大杯嘅，但依度嘅水果茶就係正常茶餐廳嘅嘢飲份量杯嘢飲橙味篇為主，其次帶點茶味。公司三文治整得唔錯啊，材料豐富個蛋整得好好味，係新鮮炒出嚟嘅有午餐肉、芝士整個三文治絕對唔馬虎多士香脆

今天下午放假，約咗朋友係官塘工廠區搵食，行下行下行到駿業街，見到有間龍城，店內人流不少，咁就一於湊熱鬧！平時鮮茄豬扒飯食得多，今次叫咗個鮮茄雞扒飯，汁嘅濃度恰到好處，🐔肉仲好滑招牌牛柳：牛柳嘅調味好夠，但又不會太咸。我叫七成(上到枱可能係八成)但都好淋，好滑個餐配羅宋湯！焗薯嘅沙律醬甜甜地🈶少少芝麻味道，好清新👍🏻餐飲：薄荷朱古力咖啡，三樣味都飲到出嚟👍🏻綜合果茶：少少似什果賓治，但又飲到茶味，仲有新鲜🍎🍊🍋响裡面，可以食番，好特別叫多咗個「流心芝士西多」初時諗住芝士再加糖醬會好怪，但食落味道又好夾，唔似花生醬咁漏，正

讀書果陣最常去嘅除咗老麥，就係茶記，皆因平靚正之餘，仲夠快～晏晝快手食飽又可以去睇人打波或者睇漫畫而家出咗嚟做嘢約朋友聚餐好少會去茶記，只係平日放假食下午茶或者上堂前會食個quick early dinner今日就去咗呢間喺觀塘嘅茶記，之前試過豬扒飽好味，今次試最愛嘅炸雞翼同常餐～呢個鮑魚火腿絲通粉真係個湯底好好味，唔會一味死咸或食完口乾跟餐仲有份炒滑蛋加奶油豬～堅滑蛋，奶油豬亦夠脆！$41連飲品都合理主菜係炸雞翼雜果沙律，即叫即炸夠新鮮，肉嫩多汁$29連飲品好抵食！沙律醬份量剛好茶記嚟講水準都不俗。隔離檯嘅避風塘炸豆腐似乎都好正～下次再試

無錯 佢只係一間茶餐廳 絕對唔會對佢有期望但係 你唔係咩牛x公司就唔好學人擺款同你四目交投 叫你落單唔應比少少反應都得哇抹枱絕對亦冇希望你抹到令立立但都唔希望你抺完 條布 大力一fing 就fing粒上一手唔知有冇入過口既飯粒去我塊面唔出聲 你唔會講 對唔著好野！ 冇野講！唔係趕時間係個度食 都會即走食食下有空枱 有新客你都叫人搭我張枱你真係覺得自己生意咁好？！咁都要留番d枱叫人搭枱絕對唔會再幫襯！亦叫人唔好幫襯！

今日去到觀塘做運動經過見到十幾人排隊食野，見餓餓地就去試下…因為一個人不用太耐就有得入去食野。羅宋湯$12…見人飲我又飲，所以要正價，但值得喎，份量吾叫好大碗，但湯好飲，吾會係蕃茄醬較出黎咁，而且竟然仲有檸檬皮，材料淋身又入味，增加不少味道。星洲炒米粉$45…黎到份量勁多，而且十分足料，一夾出黎米粉係比普通茶餐廳偏幼身，口感好好味（似新竹米粉），辣度吾太辣但保持到香口，一個人講真會食吾晒，抵食。綜合果茶$14 …入面都吾少生果喎，味道正常吾會太甜，茶底和橙的味道剛剛好，茶餐黎講少見有這質素。

This is my first time trying it out and I went for the curry menu. I ordered the fish cutlet (spelt Gillette on the menu 😄) with rice. Curry had a nice flavour and fish was cooked just right. Waiting was not too long considering it was rush hour during lunch time and how popular it is. looking forward to try out the rest of the menu because looking around the tables. All the dishes look well prepared. They have a daily budget menu displayed on screens. Dining area ok with comfy seats.

服務態度極差 莫部分工作人員向客人黑面 就來放工時間就黑面 令我們無曬胃口 絕對係一間令我極度失望既事情😔💰😔💰😔🈚️❤👍😔🈚️😔💰😔🐂❤💰😔👍😔

話說嗰日喺觀塘工廠區拎完淘寶都接近九點，好多餐廳都就快閂門，就咁啱我哋行過呢間，佢話開到11點，所以入咗嚟食，順便可以同朋友傾耐小小計。我哋兩個都叫咗是日晚餐:大蝦豬扒，朋友叫咗薯菜，有驚喜，因為我哋本身以為係薯角或者薯條，點知黎到原來係焗薯，賣相好正，食落都好好食，因為有醬汁，加上焗薯好冧，兩個加埋好夾。我就食意粉，但係番茄汁比較少，意粉份量都比較少，適合女仔食多啲，豬扒份量比都係比較細，但係都係好冧，好似唔係食緊豬扒咁。大蝦size正常，有炸過，但係應該係雪蝦，因為比較梅。但係總括而言，都幾抵食，有餐湯有嘢飲都係＄52。但係如果分量多少少會比較好

在觀塘工廠區買了不少戰利品，所以好肚餓，但又沒剩好多錢吃晚餐，所以我們選一家茶記應該較便宜吧？！這家冰室超大，同時也好多人裡面的環境有舊香港的感覺，雖是茶記，座位也不會太逼~他們的餐牌比雜誌還要厚，種類超爆多，中西港星馬菜都有，這裡就只拍下我會點的好了。跟餐要綜合果茶加14元就可，大大杯，有火龍果，蘋果，檸檬和橙，茶不澀又沒加好多糖水，感覺健康清新，消暑解渴想吃奶油豬和瑞士雞翼，點常餐就能滿足幾個願望。可能煉奶較多，包沒非常脆，但是仍滋味。炒蛋頗滑，不錯吃。瑞士雞翼撈丁有兩隻超深色的全翼，味道滲到底，非常香甜，肉質又軟。碗底的汁全是瑞士汁，撈麵吃味道超濃郁~~在茶記怎能不喝奶茶，未算超滑但茶味不澀，不錯啊。原想著牛脷是一碟小菜，原來可跟飯意粉薯菜。它的薯菜是蒸焗原個薯仔配芝麻醬及沙律醬，味道層次十足。牛脷有四大片，肉質嫩滑好易咬開，本身味道也濃厚，配上如羅宋湯的醬汁酸酸甜甜好開胃。最後是鐵板美式海鮮大餐，上菜時還是吱吱作響，有大大隻蝦，青口，魚塊和帶子等，組合豐富。海鮮都用蒜煎香，又惹味又香口蝦和帶子最突出，都是啖啖肉又爽甜跟配的燒汁主要用來撈意粉吃，份量好多狂風掃落葉後發現我倆原來吃

紅雨過後的晚上☔️☔️⛈⛈，男朋友來接放工食飯，喺觀塘想簡簡單單食一餐又好食又平靚正嘅💪🏼⋯⋯暫時只係搵到呢一間龍城冰室！呢間餐廳長期客滿要等位🔥，原因只得一個，嘢食抵食夾大件😋，環境又座得舒適👍🏻，係觀塘舊區好少茶餐廳可以咁，呢間唔止茶餐廳咁簡單！佢哋食嘅種類新穎，一打開個Menu，即刻有選擇困難症😹，有西餐，常餐，大排檔炒小菜，特色飲品，鐵板餐，馬來咖喱，歐陸意粉，焗飯等等⋯⋯講都講唔晒！説真的，每一次我都要選擇10分鐘以上先可以諗到食物🤣今次同男朋友分別就叫咗：「黑松露雜菌白汁意粉 」超級重嘅黑松露味，落足料，味道唔濃，幾啱女仔食，但份量就過多，自己一個肯定食唔晒，好彩有男朋友幫手食🤣「鐵板黑椒牛仔骨套餐」🐮🐮呢個鐵板超抵食，有四大塊牛仔骨，加薯仔沙律同菜，啱晒食肉獸！跟餐餸要送埋餐湯，是日餐湯係黑松露白菌湯，又估唔到個餐湯好濃郁又係勁多黑松露，我至愛😻😻，有質素，好好飲！我見好多白領男士都叫鐵板扒餐嚟食，幾個大男人每人一個鐵板餐咁就食飽仲要係幾十蚊落樓，唔怪得呢間餐廳成日咁多人！🚶🏼‍♀️🚶🏼🚶🏼🚶🏼‍♀️🚶🏼「蒜蓉炒雜菜」☘️🍀🌱🍃呢個蒜蓉炒雜菜我超鍾意食，d 菜非常爽口鮮甜，又唔太油

朋友得知我係觀塘拎嘢, 就提議我嚟呢間抵食又好味的餐廳試下, 餐廳係大馬路旁, 仲有好大的laser燈投射在地上 , 保證唔會去錯啦!裏面有好多唔同種類食物, 好似有小菜, 意粉, 咖哩, 据扒等等.見到好多人据扒就決定左試下我至愛的黑椒牛柳配薯菜加一個牛油豬配紅湯.紅湯正常, 飲完唔覺口喝. 牛油豬不得了, 牛油一d都唔少, 豬仔包好脆口, 好味過翠x.水果茶都只係加14蚊, 慳抵! 平時係茶x一杯都要40蚊, 味道同茶x好似, 唔太甜, 夏日飲一流!主角牛柳到場, 牛柳不是太大塊, 但超厚, 而且好淋身, 鐵板上有好多娃娃菜加一大個焗薯, 包你一定夠飽! 質素同西餐廳差唔多，但質量就係佢地的double, 而價錢卻係佢地的一半，超抵，正!

觀塘多野食就係人都知，呢日去完拎野又肚餓，見附近好多人等位，就盲鐘鐘入左去。見到menu，d鐵板好似幾吸引，又同小菜差唔多，就試左個鰻魚豬扒，72蚊有埋餐湯，我要左白湯正常貨仔，粟米，有d肉咁叫埋個龍凰檸樂，加10蚊其實唔貴，出面可能要加成20蚊嫁之後主菜黎啦有2塊豬+1塊鰻魚d豬扒唔太簿，但唔韌。十分唔錯！鰻魚口感亦同日本餐廳一樣只係鐵板配燒汁我第一次試😂😂鰻魚配燒汁ok既，但豬扒配就好似淡味左少少我要左薯菜，成棵菜車埋黎真少見，夠晒中和鐵板既肥膩，而且重大大塊薯仔，夠晒飽啦！是次82蚊，重唔洗加一添！抵食如果配飯要諗清楚！因為我望到個飯成座山咁高嫁下次黎就試下小菜先！