龍城冰室

营业中

休息中

已光顧數次吃晚餐！覺得都滿意...星期日同女友來叫左2個晚餐餐湯，湯比較水一點..味道不淡,,夠熱,,,紐西蘭西冷牛扒滿有港式風情。牛扒啖啖肉，晚餐時間無講幾熟..應該都有八九成熟，但是肉質不韌配菜無驚喜,得幾條洋蔥絲吾知佢果個係黑椒汁定蒜蓉汁。不過吾係好辣，啱我口味啦佢個豬手煲雖說細細煲都大把肉 上到枱仲滾住架個啲汁唔算好咸 味道上好大眾化 應該人人都接受到 而個汁好好味 佢辣得黎有豬手嘅咸味，送飯一流！

收左工之後見屋企無飯食又自己一丁友，走左去附近餐廳醫下肚見到呢間龍城冰室門口裝修得好似幾好，又多選擇，決定一於試一試佢！叫左個"美式海鮮大餐配燒汁"，可以跟飯/意粉/薯菜，仲有餐湯 (忌廉/羅宋/中湯），驚唔夠飽所以揀左跟飯，仲可以加8蚊有個大既牛油豬仔包，野飲方面就叫左杯咸檸七黎清下熱氣。值得一提既係侍應服務態度幾好，今時今日茶記/冰室有d 唔黑口黑面既伙記都算係咁啦！首先上菜既係餐湯同包，味道不過不失正正常常咁啦。個牛油豬仔包都係脆既。之後就係主菜，都幾多款海鮮，有蝦，帶子，班塊，青口，仲有幾條健康既菜同惹味既燒汁。主菜整體味道都唔錯，唔會有雪藏同腥味，杯咸檸七都幾入味，呢間冰室都可以一試既。

早餐時間二人行嚟工廠區覓食～經過幾次龍城冰室都冇入去～今次點都要試吓㗎啦好彩今日唔算多人揀咗個卡位～叫咗兩個早餐套餐～早餐B+早餐D早餐B有：招牌沙嗲牛肉公仔麵、3.6牛乳炒蛋、火腿芝士牛角酥配熱奶茶～沙嗲味濃牛肉軟熟又入味～公仔麵煮得剛好唔會過淋～3.6牛乳炒蛋食唔出有咩分別～但絕對係好滑嘅炒蛋～火腿芝士牛角酥熱辣辣香噴噴早餐D有：五香肉丁公仔麵、3.6牛乳炒蛋、奶油多士唔使加錢轉火腿芝士牛角酥配熱奶茶～五香肉丁味道同其他茶餐廳一樣唔太特別火腿芝士牛角酥即叫即烘～外脆內軟～好香牛油味～趁熱食一流奶茶茶味濃、滑口～配茶餐廳熱奶茶杯特別有風味

身為觀塘人當然私藏不少平靚正嘅開餐熱選今天比較攰，收工後不想周圍去，就決定到出名大件夾抵食的<龍城冰室>享用晚餐。餐廳夠大而且光猛，有助進食時保持心境開朗。最欣賞就是餐廳有蔬菜之選，健康飲食重要一環。<蒜蓉拍薑炒西蘭花>大大棵西蘭花炒得不油膩，還保持著新鮮爽脆，所以口感很好，加上蒜蓉和拍薑既驅寒又好味。<叉燒炒滑蛋>嘩！！超多叉燒喔！！炒蛋炒得好滑，師傅好火候。叉燒亦唔係那些用淨，硬掘掘的隔夜叉燒，軟滑有肉味，正喔餐廳還有很多特色飲品，真的有點眼花繚亂。@@<冰鮮果茶>最後還是選了近期大熱的水果茶茶味非常香濃是用茶膽沖出來的，帶有淡淡的茶香。加上包括鮮橙，蘋果，火龍果及檸檬等各種水果的鮮甜，非常好喝老公則點了凍檸樂，有三大片檸檬喔凡惠顧晚市仲可以用$18加配鮑魚雞煲或蝦煲，絕對超值，下次同埋其他屋企人來可以點埋兩個人合共百多元一餐，價錢合理。絕對是觀塘人的開飯平靚正之選。

話說今日去九龍灣面試，面試地點距離地鐵站也太遠了，走了整整15分鐘才到。在這個大太陽底下別說15，就是5分鐘也嫌多。所以面試完馬上衝上地鐵去觀塘吃個下午茶。自家製鮮魚湯勝瓜雜菌鮮蝦泡飯（$38）因為最近有點病病的，不想吃太膩，太乾的食物，泡飯就是最好的選擇了。這個簡直是午餐的份量啊，而且湯是奶白色的，好喝。蝦的個頭也很大，肉也緊實，蝦頭還撬起了，方便食用，要稱讚一下。焗咖喱牛舌飯 （$45）這個飯是朋友點的，但實在是太重口了，我也沒嚐過。不過，朋友可是一粒不剩地吃光光了，我想味道也是不錯的。避風塘炸豆腐 （$25）雖然病了，但是對炸物還是不可抗拒的。外皮很酥，放涼了還是很酥，鹹香味足，裡面的豆腐很嫩，不錯吃。紅豆冰 （跟餐$11）這個紅豆冰不是椰汁的，而是奶，我 覺得有點淡奶的味道（？）口味比較淡，但是紅豆很多，也很綿密，甜度剛好，不過甜。雖然是吃了$130，但是我午餐沒吃啊，肚子很餓呢，吃得不算多吧？

門口叫位非常有問題，三人以上優先安排入座，等了十多分鐘，直到叫完所有三位以上的才安排二位的入座，就算最遲來既三位都可以安排入先！入到去，落單加上菜大概五分鐘，速度快得驚人，因為全部都是快餐，大部分食品都是預先準備好，食物只算得普通，不過奶茶沖得幾好，沙嗲牛肉麵和奶油脆朱跟很貴的上市茶餐廳味道一樣，如果用價錢來計呢間算係抵食，不過還未食完職員已好趕收走枱上的食物，盡量避免午膳時間前來！等的時間跟用餐的時間差不多一樣

觀塘去到夜晚，好多時都得返工廈既小店同路邊既茶餐廳，近來係咁食火鍋，開始頂唔順熱氣🤦🏻‍♀️-行到去駿業街，呢間「龍城冰室」招牌超光，9點仲未食野既藍妹太肚餓啦，就拉住男朋友衝入去！-menu好厚既一份，意粉、飯、扒、小菜，一應俱全。原本諗住叫是日晚餐廢事煩，最後都係比其他野吸引左😂-金必多素翅忌廉湯首先上左白湯先，不能不說，素翅真係好多，啖啖都至少有幾條。湯係好味既，相信係濃湯寶既功勞😝因為都幾咸下-牛肝菌帶子意粉你地冇睇錯❗️佢真係咁多意粉，一放上枱，藍妹都打個突😱從來未食過一個意粉，係多到咁🤦🏻‍♀️帶子有4粒，煎得夠香😁雜菌既味道濃郁，而且種類多，超足料，又係啖啖都有咁濟😋白汁略嫌太傑身，食左1/3都冇就好滯😵藍妹覺得已經夠味，不過男朋友就覺得可以落多少少鹽吊下味🤔-美式雜扒配燒汁我地轉左做蒜蓉汁，好慶幸啦，因為佢既蒜蓉汁好正👍🏻好多蒜蓉粒，倒左一半落意粉到已經好夠味。雞扒、牛扒、豬扒、腸仔、煙肉，牛扒比較薄，但都係好大塊😲冇乜特別，相比起牛肝菌意粉，就會遜色少少。-入去果陣超級餓，出返黎超級飽🤯以茶餐廳/冰室黎講，佢既味道同份量都超哂班，兩個人埋單，都係140左右，仲要食唔哂🤦🏻‍

雖然店名叫冰室，以為好傳統，但看到裝修完全不是這回事，西式得黎好靚，像西餐廳。食物也比一般冰室更多元化，但價位不是太高，價廉物美。我和母親無飯開，平時經過都想進去試一試，今日特意來食。我叫了黑松露意粉，份量好多，黑松露味好濃，菇都有好多。意粉麵身煮得剛好，不會太軟，保留口感。母親點了牛仔骨，非常軟身，肉味很香，筋的位置有點煙韌口感，不錯。薯仔本身已好夠薯味，加了點芝麻醬就好好食，不像外面的焗薯加大量芝士，食得出薯仔本身的香味。意外一提，伴碟的白菜排得很美，拍照呃like一流。我和母親都點了咸檸七，汽水另外上，一罐可以裝兩杯，好抵呀。埋單每人都不用$100，有靚環境，又有西餐食，真係價廉物美，母親都好滿意。

星期六，約了朋友去觀塘吃午餐。環境裝修挺不錯，比一般茶餐廳靚很多。我和朋友坐了沙發卡坐，幾舒服。3.6牛乳炒蛋，鮮奶油豬仔包：常餐跟餐送的，炒滑蛋幾香幾滑，奶油豬仔包烘得夠燶，甜甜地幾好食。羅宋湯：跟餐加了3元要個紅湯，酸酸地幾好飲，也夠配料，挺不錯。熱檸檬利賓立：只需加3元就有熱特飲，都幾抵。生滾牛肉茄湯通：番茄湯酸酸地幾惹味，牛肉不會韌，份量都夠，幾好食。牛肝菌太子意粉：一放上來就已經聞到好香的蒜蓉味，好香，意外的很惹味!帶子煎得夠香，份量也夠多，食得好飽，整碟意粉有成4，5粒帶子，幾好食。埋單2個人食才$116元，價錢經濟，裝修環境唔錯，坐位也坐得舒服，食物質素也ok，值得一去，會再來。

一人到觀塘工作，3點先有時間扒個午飯，時間雖急，但覓食精神常在，唔想隨隨便便入一間餐廳，所以問下同事有咩推介龍城冰室離工作地方有點少遠，但同事講到個瑞士汁雞翼超正、超入味，我都勁想拜會佢。冰室環境好好，有風格之餘，望落好企理同乾淨脆皮蒜蓉雞扒先到，由於太餓，雖然仲叫左瑞士雞翼，但都配飯蒜蓉味超濃郁，仲可以清晰見到個醬包含左好多蒜蓉粒粒，平時西餐既蒜蓉醬根本同佢無得比，唔單只有蒜蓉味，仲有蒜蓉香同咬口雞扒都煎得好香脆，脆皮個名真係無改錯，而且一啲雪味都無，肉質一絲絲，整個配搭都好完美另一想讚既係，有勁多菜，仲要係認真煮過，唔係隔便滾一滾水，硬綁綁咁上比你瑞士汁雞翼同同事講既一樣，真係非常入味，味道甜甜的，仲可以餸埋飯，肉質滑一滑只係開頭見到雞翼咁大隻，有啲嚇親，係連埋雞翼尖，驚一個人食唔哂見呢到叫冰室，就嗌返杯懷舊紅豆冰襯一襯

觀塘最近開了多間美食鋪頭，而我最喜歡的當然是茶餐廳，茶餐廳可稱得上快靚正。經朋友介紹後決定到龍城冰室試一試，我約下午三時半到達餐廳，不用等候可以直接入座，餐廳算大，卡位空間足夠，不會感到逼夾，環境不錯，也十分乾淨。今次order了焗咖喱牛腩飯，咖喱味香濃，不會太辣，牛腩軟稔，正，飯也有炒底，份量夠。友人order了焗肉醬意粉，味道一般，不過不失。凍奶茶味道偏淡，可能太多冰已溶化溝淡了，茶味不夠濃。

第一次試，等位攞飛，到我時，入到去，個位竟然俾人座咗，😡😡😡啲侍應啲態度差到一個唔係人既地步！下次一定唔會再去，blacklisted 啲野幾好食都無用，只怪我自己太天真!

今日去開官塘, 好想搵D有鑊氣既小菜食下, 但係又唔想去大排檔熱,第一時間諗起去龍城度食~ 兩個人叫咗幾個小菜蒜蓉拍薑炒芥蘭避風塘茄子蔥燒牛仔骨叫滿80蚊仲可以加18蚊叫個迷你鮑魚雞煲添~鑊氣既野, 最易試到個間餐廳個廚好唔好手勢~ 碟蒜蓉拍薑炒芥蘭, 一上枱個陣香味已經好似不停叫你: 食我啦食我啦~入口不得了~ 鑊氣十足~ 芥蘭仲好脆身, 哩D咪叫功格囉~避風塘茄子21蚊, 哩個價錢係出面只係食到煎鑲三寶咋~ 茄子蒜香好濃,蔥燒牛仔骨42蚊, 有5-6件, 份量都幾多, 好嫩既牛仔肉, 非常惹味~至於18蚊既迷你鮑魚雞煲係有少少搞笑~ 鮑魚係非常之細~ 不過可以理解~ 18蚊係咁上下SIZE啦~ 但係個雞煲D雞無行你~ 係好食既~ 值得加既哩18蚊

平日的工廠區總是人山人海，而假日就會變得水靜河飛。不過都有啲地方係例外嘅，就係喺觀塘工廠區嘅龍城冰室。假日晚市都係keep住full house，真係估佢唔到！去冰室當然係order常餐，兩個人order咗兩份常餐，一份要瑞士雞翼，一份要沙嗲牛肉，兩個餐嘅價錢啱啱好可以order多一份特價嘅小菜，我哋揀咗鮑魚一品雞煲。熱辣辣當然係order凍檸樂同啤酒先夠消暑，跟餐加少少錢就有喇！先上菜嘅係鮑魚一品雞煲。熱辣辣香噴噴之餘，仲ja ja聲添！鮑魚有三粒仔，而雞件有成十幾舊咁多，18蚊黎講，單計份量已經超晒值！雞煲味道似啫啫雞，都幾惹味同開胃。之後到3.6牛乳炒蛋配油奶豬仔飽，賣相都唔錯，仲要勁多煉奶添！放咗一陣，等個豬仔包索晒啲煉奶，就可以開餐喇！個炒蛋真係好滑好嫩，而且蛋味濃郁，正！豬仔包微微烘過，加埋煉奶直頭可以話係呢一餐嘅精髓所在！沙嗲牛肉麵，冰室必備！牛肉都幾嫩，沙嗲醬香而不辣，幾好。瑞士雞翼賣相好靚，香甜惹味，肉質亦夠滑，做得唔錯！不過個撈麵淡咗少少。兩個人埋單先至100頭，真係抵到爛！

觀塘其實有好多好好食嘅茶餐廳，呢間就係其中一間啦，話說平日食晏時間日日排長龍，完全唔敢行入去！！今日係星期日，朋友話去觀塘搵嘢食喎，為左避開APM既人潮，即刻諗起呢間茶餐廳，雖然係下午茶時間但係成間茶餐廳都爆曬人㗎，究竟係咪真係咁好食架？朋友帶咗黑松露炒蛋多士，同埋黑松露炒蛋潛艇，至於我就叫咗個常餐，番茄鮮牛米粉，配太陽蛋奶油豬🤩🤩🤩朋友個黑松露炒蛋賣相不錯，即刻咬左啖黎試吓先，好滑好creamy好有蛋味，配上石油氣嘅黑松露，一嗰字，夾！我覺得配潛艇好味啲！至於我個蕃茄鮮牛米就一般，侍應一開頭拎咗碟蕃茄鮮牛米粉，嗰湯底完全超級結！！好似加左成pat茄膏，忍唔住要叫侍應加翻小小湯俾我。。。。。