龍城冰室

营业中

休息中

甫一進來，就見到很大空間和不少食客，加上裝潢新穎，留下了深刻印象，開在觀塘這旺區有較多餐廳，相信它的競爭實在不少！打開餐牌，有不少食物款式選擇，亦有下午茶供應。值得一提是晚市，竟然以低價$18賣雞煲，十分吸引，所以我們最後加點一份，另外還有牛扒，蒜蓉焗青口和海鮮炒烏冬。先介紹餐湯，看似普通忌廉湯，但亦有不少菜的，味道正常。我最喜歡海鮮！所以點了蒜蓉焗青口和海鮮炒烏冬，沒想到海鮮炒烏冬用鐵板上，很驚喜，值得一試！至於黑椒牛柳，都是第一次嘗試，點了五成熟，但上碟變了七成熟，加上肉質一般，有點兒失望了。至於飲品是冰鮮果茶和綜合果茶，一杯比較似橙汁加水果，另一杯似水果加紅茶，加$14左右就有一杯，略嫌有點貴。而其他價錢方面，他們定價同區來說都算低，抵食！

日日番工咁沉悶,間唔中叫下邪惡早餐慰勞下自己都唔算過份丫同埋最近睇過一篇營養師嘅報導,佢話如果要喺茶餐廳裡面揀一款最唔會致肥嘅早餐,精明嘅就應該好似我今日咁叫: 早餐A: 仿鮑魚火腿絲通粉 - 低卡路里少油有適量澱粉質 西煎雙蛋 - 提供蛋白質 芝士火腿牛角酥 - 呢樣較為高卡路里,怕肥可以送俾同事食 公司附近開咗好多茶餐廳,呢間算係味道唔錯而價錢合理嘅一間,每日都人流不絕,睇嚟亦都係好多番工人士嘅飯堂,所以今朝早我都係同幾位同事一齊叫外賣自取,方便快捷。而我叫呢個A set都算豐富,尤其是芝士火腿牛角酥真係好好味,一來夠熱,二來夠鬆脆,芝士微溶入口即香碗通粉就算拎到番上嚟公司都一樣仲夠熱,份量足夠,$31蚊亦會包埋一杯熱飲,為全日工作先給點力哈

今日反工太趕，只好叫定外賣羅反公司食搭車時候叫定，經過龍城門口就可以羅喇，包外賣時間都快的今日點了個雙拼，炸菜肉絲+太陽蛋米粉，飲左杯健康既熱檸檬水，佢既檸檬都有4,5塊架龍城好好，雞蛋係有2隻既，即係煎雙蛋喇，而本人好鐘意食太陽蛋，個蛋汁流水岀個下真係好正架，但好可惜當行到反公司再食既時候，已經變左2隻熟蛋，呢個真係有d失色米粉量都多，女仕們早餐一定夠飽，只係碗米粉面頭較為有d油其實我呢個餐俾多$1就係早餐c來，分別就係多一個麵包，呢度d包唔係方包甘簡單，種類有火腿芝士牛骨包，奶油豬仔包，奶油多士分別，但我真係食唔晒，所以放棄左隨炸菜肉絲附送幾粒瑤柱BB

今晚收工已經好夜啦，肚餓到極點，結果去左觀塘一間茶餐廳極速食個晚餐。去到茶餐廳愈夜愈多人，招牌好光好吸引人的目光，門口仲有長長人龍！入到去發覺餐廳比一般茶餐廳更乾淨，選擇又夠多！睇左一陣餐牌，叫左一個大澳蝦醬骨，加錢轉左套餐。即叫即煮蝦醬骨，入口充滿大澳咸香蝦醬的味道，濃香氣味極吸引，肚皮即刻打鼓咁叫！入口散發出濃濃蝦醬香，濃郁唔會腥，咸香得宜好滋味！排骨大大件，吸收哂醬汁濃郁味道，肉質鬆軟香嫩，仲有豐富的肉汁！另外加點左一個老乾媽炒椰菜，入口帶點辛辣香口，椰菜翠綠爽甜，極是香味可口！士多啤梨梳打清新甜度唔高，食到熱辣辣非常降溫解膩！下次再來試試午餐先！

成間野一到繁忙時間 D服務態度就勁差成日食到一半 ,  仲有成半碟都想收 , 好似趕人走咁之後Order 完無比單, 我地去埋單個收銀 竟然 話我地 無單埋乜單, 叫我地去搵番個樓面 拿單講到好似 無單 係客人既錯咁成間都不知所謂食物是一般茶記水準,  座位好逼

好耐無去觀塘喇，次次黎親都落雨既，工廠區實無好野食啦，咁都俾我又搵到好野食喎。family day又梗係想平靚正，是旦揀左茶記食。雖然門口好似好多人等，但原來唔駛等位。有牛扒套餐，晚市套餐幾抵食，50幾蚊包餐湯。做緊食夠$80加$18，可以揀蝦煲或者鮑魚雞煲。西湯菜夠多，味夠濃。海鮮雜菜煲真係好多料，清清地，唔會過鹹。鮑魚雞煲，雖然鮑魚的的骰骰，但幾鮮。最鍾意夠多蒜頭。茄子班腩煲，茶記的浪漫，走油的茄子，食完先減肥。最後先到既牛柳鐵板，個薯仔好夠林，入晒味，牛柳好厚，唔會好大陣鬆肉粉味。4個人平均$70都唔駛喎

呢日同屋企人黎到觀塘搵食, 經過呢間龍城好似都唔錯, 一於入去試一試。餐廳8成滿, 唔駛等位非常好!4個人諗住啦4餸岩岩好。第一樣黎既係茄子班腩煲, 本人最中意食茄子架喇, 魚香味茄子配班腩, 熱辣辣, 好食。第二道上既菜係做緊優惠既飽魚雞煲, 18蚊咋。抵到爛。仲有4隻飽魚仔。雞既數量亦多, 食得好滋味。再上既係海鮮雜菜煲, 68蚊非常足料, 帶子, 蝦, 青口, 魚, 魷魚, you name it~~食落好新鮮, 不錯。再上既係老姊自私嗌既牛扒鐵板, 牛排大大塊, 食落唔會好多鬆肉粉咁。ok食到好飽, 埋單唔駛300蚊。

又係討人厭既落雨天，唯有近近地係公司附近食，呢度食lunch次次都要等位，仲要係好天晒落雨淋都仲係好多人等個隻，今日算好彩只係等左10分鐘到。平時通常都係食佢既午餐，今日既午餐唔顓食，就食常餐吧，常餐都有幾款，第一次食呢個蕃茄牛肉通。蕃茄汁濃厚，酸酸甜甜真材實料，通粉索左d蕃茄汁好正，牛肉就唔算好多，亦都鞋左少少，如果牛肉滑d，成碗通粉就perfect。炒蛋滑，加落蕃茄湯度食仲正。奶油豬，唔係十分脆，不過都好，好過有d整得脆既奶油豬得個脆字乾到死。餐包熱飲都係$41，唔算貴，觀塘黎講正常。同事食既精選午餐，薑汁雞扒配焗薯:同事走雞皮黎食，好晒料呀！

官塘工廈食肆越來越多...今日我選擇了龍城記食早餐！七點入到去得我地兩個人...阿哥阿姐正忙於開檔 叫了沙爹牛肉麵,沙爹牛肉份量不多牛肉比梳打粉醃過,沒有肉味麵身爽.味道還好炒蛋麻麻地，午餐肉罐頭貨切得都厚身，本來見到是煎乾個樣但是上枱硬咗少少都可以接受奶油豬好脆口，最正呢個...早上清晨沒有太多客！大量卡位，舒舒服服享受一下...接近八點開始人多，醒目埋單！早餐$28也是超值！見餐牌價錢都偏低！這裡算是一間簡單而大眾化的平民餐廳....

龍城冰室真係我的飯堂首選，之前一直在銅鑼灣開飯，今日來到觀塘和朋友都要試一試觀塘的分店。觀塘分店比銅鑼灣大，地方闊落，而且龍城冰室門口出面有射燈把招牌字射落地上，非常吸引。餐牌成本字典甘厚，咩都有得食，中式西式任君選擇，每天還有不同的是日晚餐，只是$56 ，有紅湯白湯和白飯飲品。和朋友想了很久，最後決定散叫小菜，每台只要食滿$80，就可以用$18的價錢點選鮑魚一品雞煲或者秘製惹味中蝦煲，勁抵。首先上菜的是鮑魚一品雞煲，渣渣聲，好有鑊氣，睇落不算大煲，但是食落都有10幾件雞，仲要只是$18 ，去邊度搵。鮑魚仔大概有三隻，爽，非常入味。雞件都多肉，嫩滑，真係每張台都必點。金菇肥牛粉絲煲$65 ，肥牛分量多，醬汁非常惹味，粉絲和金菇索晒個汁，真是邪惡。等你可以食多幾碗白飯。蒜蓉姜末炒芥蘭$35，這個菜好好食，本人很喜歡蒜蓉姜蓉的味道，芥蘭新鮮爽脆！兩個人埋單，超級抵食，又有水準，仲要係每次去都可以點不同的菜式，下次嚟我已經想好了食扒餐😂

晚上接近九時，第一次光顧聞名已久的龍城冰室，坐位舒適，餐具潔淨一般。舉手落單，女服務員走來執筆按簿已急不及待要快，我與友人也識趣地快速點餐及飯品，香港人一向快，大家明白。隨後不到幾分鐘，女服務員走來伸長手迅速放下一塊鐡片夾單牌，或許她也無意，但叩在玻璃枱上的聲音非常嚇人！半邊廳也有回音，當刻嚇得我友人跳了一下。我們沒有追究，或許她忙得自己也不知自己行為是否欠禮。我杯熱檸水無問題，但朋友杯什果冰，見顏色都知難飲，果然一飲後悔，叫杯檸茶好過。牛脷無心機煎，濃炭多，意粉硬不夠濕潤而且不夠茄汁。40分這個海鮮飯飯底好濕，無炒過求其混合蛋絲都算，重越食越鯹，尤魚、蝦仁，青囗無様好食，加個好希既芝士次汁焗熱就比客人食，成個飯毫無誠意。0分 難食之選冠軍其實好明白廚房，服務，也辛苦！比錢食，也苦⋯做好依份工

觀塘食肆一向都多，成日見到呢一間冰室都好多人等位，撞啱星期日經過見唔到竟然冇人排隊，就入去試下啦。餐廳外觀其實似西餐廳都過冰室， 入到入面原來都好大， 卡位又多坐得都好舒服。 餐廳食物種類好多而且價錢真係唔貴。見到餐牌上面嘅鐵板套餐賣相几好，我同朋友一人叫咗一個鐵板餐， 朋友要咗一個西冷鐵板餐，我就要咗一個雞扒配帆立貝鐵板餐。雞扒帆立貝鐵板餐 - 雞扒加上鐵板熱辣辣好香 佢哋嘅蒜蓉汁亦做得幾好味，配菜可以揀飯，意粉或者薯菜，薯菜係焗薯嚟嘅，份量都唔細成個餐食完都好飽西冷鐵板餐 - 牛扒大大分煎得亦好準確唔會過生或過熟，跟餐仲有餐湯附送。 我揀咗忌廉湯，奶味好濃我覺得好味成碗飲曬。至於餐飲，仲可以加錢改成特飲添。整體餐廳嘅質素同裝修，如果同一般冰室比簡直係超水準。

位於觀塘中海日升中心既龍城冰室，一直都聽到人講呢間餐廳話食物种類好多。今日約咗朋友喺附近就叫佢陪我去試下先。餐廳外觀裝修得好有風格， 外觀一點都不像茶餐廳。 其實餐廳供應嘅食物亦都好多元化 特別係佢哋嘅早餐好吸引下次有機會一定會試。我同朋友一人叫咗一個套餐， 朋友要咗一個茶餐我就要坐一個雞扒配帆立貝鐵板餐。鐵板餐 - 雞扒上到檯大大份，加上鐵板熱辣辣好香好好味，跟餐仲有餐湯附送。 我揀咗忌廉湯，佢唔係一般茶餐廳加水嘅味道，好濃奶味我覺得好味成碗飲曬，外加一杯嘢飲我就外加錢叫咗杯綜合果茶特飲。 呢杯水果特飲都好足料，唔錯!茶餐 - 瑞士雞翼撈公仔麵茶餐，雞翼好入味 加埋老公仔麵幾野味。不過最鐘意係佢個奶油豬仔包，好香又脆口。牛奶炒蛋亦都好香滑，睇得出係用心製作嘅食物。整體質素真係唔錯，加上裏面裝修都好有格調同一般嘅茶餐廳真係爭好遠。

今天見完客，順便約個觀塘友搵食，他介紹我去在＂龍城冰室＂，12點都開始人多，等左陣就安排入座。值得一讚：是日午餐的餐湯有3款選擇一般set lunch 都已定例湯，最多都係紅白兩湯，甚少可有中西3湯你選擇。茶記必飲奶茶，知道熱飲才嘗到真功夫，加左冰已失真。但大熱天時，轉凍飮少不免。* 茶味仍有指定的常餐：奶油豬、炒蛋、瑞士汁雞翼撈公仔麵奶豬香脆炒蛋香、滑，應該加左奶炒。。同其他出名的茶記唔同，我喜歡💕瑞士汁都唔錯，唔太咸。相比瑞xx廳，我較喜歡這個味道。一般撈麵上到枱，都乾，沒乜汁，而龍城就適中，食到尾都晤會覺乾。另一必試，當然係乾炒牛河啦⋯⋯賣相可以，上枱熱辣辣，似即炒，香味夠。連朋友出名牛河王都說可以有店長推薦標註：魚柳包正得一試魚柳都有厚度，不是薄片順帶一提：如惠顧晚餐也可加$18試下鮑魚煲。眼見炒野夠鑊氣。。應該一試無防。

是日晚餐去咗龍城冰室同朋友食飯，上網睇咗一體佢啲食評，大多數都話好抵食好大份，今晚朋友適量有非常之大，就揀咗去呢度食飯喇。估唔到佢係一間乜都有得食嘅冰室，一般茶餐不在話下，連西式嘅意粉，或者大排檔嘅小炒都有得食。我哋見到佢份鮑魚雞煲做緊優惠價，凡嗌夠$80就可以用$18去點，於是我哋就嗌咗一碟西蘭花炒帶子配白飯，就可以用$18咁抵嘅價錢要咗個鮑魚雞煲嚟食食。西蘭花炒帶子：都幾大份，西蘭花好新鮮，食落一啲都唔霉。冰室黎講，佢都炒得幾有鑊氣，帶子俾得好慷慨，隻隻原粒帶子非常之有咬口，好鮮味。等左一陣，鮑魚雞煲終於嚟啦。鮑魚有四到五隻左右， size都尚算OK，話晒$18有鮑魚食已經非常之抵，好鍾意佢手啲醬料，撈飯食非常之惹味，雞肉啖啖肉，有成八至九舊，非常之抵，而且每一件都好好食唔係一啲唔好嘅部位，全部都係雞胸或者雞亦，真係值得一讚。最後我加咗一杯柑桔蜜，佢係用自家柑桔沖，好入味呢！