龍城冰室

营业中

休息中

雖然觀塘俾人嘅感覺就係剩係得APM嘅嘢食叫做高級啲其他嗰啲都主要係快餐又或者好噏耷嘅餐廳。今日經過左日昇中心樓下間龍城冰室之後就對我改觀左首先入面嘅格局比較似西式嘅餐廳再睇返餐牌原來中式西式嘅嘢食呢度都有可以叫做幾多元化就算係簡簡單單嘅一個早餐佢哋都有差唔多三版紙可以俾你選擇嗰度大約有20幾款總有一款合適你嘅咁我今次嘅早餐比較豐富少少主要係因為都想試多啲嘢食首先就有芝士流心西多士傳統我哋食開嘅西多士係中間查花生醬，而呢一間嘅西多士中間反而係一層流心嘅芝士，但係佢並唔係我哋所想嘅普通芝士撈麵嗰啲芝士佢反而係將幾塊芝士溶咗之後流心出嚟所以味道係有少少唔同。唔會太鹹反而有少少甜甜地同西多士嘅味道幾夾再加上店員會將成支糖俾你等你自己落，而嗰支糖嘅用途原來好廣泛細心一睇原來可以煮嘢食又或者落涼粉又或者龜苓膏用途廣泛入口唔太甜之後就要咗個我最鍾意嘅雞翼撈公仔麵雖然面嘅味道並唔係出前一丁但係咬落去唔會太軟林反而都有啲爽口表現唔錯再加上瑞士汁亦都唔係太鹹入面啲醬可能仲加左少少蘑菇醬所以令到口味唔會單一啲滷水雞翼睇得出係醃左好耐所以好有豉油味就並唔係話只有外皮嗰一層先有食油反而肉嗰度都見到啲豉油入咗識所

喺觀塘行完商場，又係時候搵嘢食。今次去咗一間港式冰室，性價比真係非凡！蒜蓉拍薑炒芥蘭 🍃 （$32）有鑊氣，每一條菜都抄得非常均勻，油分以及調味料，適量分布喺菜全身。芥蘭好脆口，每一啖都咬到索索聲，非常過癮。巴利熱情果梳打🍹非常甜，適合一啲鍾意飲甜野嘅寶寶時菜抄牛肉（$55）一樣非常有鑊氣，每一條菜都抄得非常均勻，牛肉都非常爽口，爆香左，咬落去索索聲，配白飯一流！秘製惹味中蝦煲（+$18）返去食夠＄80以上，就可以加$18送！蝦抄、爆得好香，好入味，爆香後的蝦㝅也變得非常香脆。煲中有超多配料，完全唔似+$18就有！三個餸，一杯嘢飲，兩個人埋單，居然每人＄70有找，抵到爆炸！

已經是第2次來到龍城冰室晚餐。第1次大概兩個月前當時點了常餐（茄牛通、奶油脆豬、炒蛋）以及 鮮茄焗豬扒飯常餐不過不失，跟餐的羅宋湯很多菜，但味道偏甜，不夠熱相反茄牛通的湯底濃厚滾熱，味道帶酸，mix番落個羅宋湯就岩岩好焗豬扒飯的茄汁不過不失 但炒飯底不夠乾身 極愛焗豬飯的男友說不會再吃今次！點了一份招牌西冷牛扒餐 （＄82）以及 中式涼瓜斑片飯（＄51）～反而有驚喜！首先是上次覺得一般既羅宋湯 今次好有進步～味道帶酸 配菜充足，加埋胡椒粉十分對味西冷扒餐配薯菜（鍚紙焗薯）肉質不太un 正正常常（當然原本也不會奢求食到靚野）但重點 係個。高質。真。黑椒汁！原本是配蒜蓉汁既，但識食梗係食黑椒汁啦身為黑椒fans 想講既係好耐無食到咁黑椒味咁夠辣既黑椒汁食涼瓜斑片飯既我，都不停偷男友d黑椒汁黎撈飯～最後我地決定下次要食黑椒牛柳鐵板餐配黑椒汁另外比較欣賞既就係呢到鐵板配菜唔係急凍三色豆同甘荀或罐頭粟米而係新鮮時菜（白菜仔）份量都有小半碟油菜咁多中西合壁完美到一個地步就係咁～我成餐就不停欣賞個扒餐而忽略左我個涼瓜斑片飯其實都ok！ 有4－5片斑片～6－7片涼瓜，有小小冬菇片但有小小同餐牌圖不符既

出開觀塘區，又到食晏時間，當然要搵食。呢條街都幾多餐廳，但趕時間要快食，一定搵唔洗排長龍既茶記。咁啱龍城有位，即入。常餐快靚正。我要左瑞士雞翼撈麵。雖然始終鐘情另一間冰室，主觀覺得個汁好味D，但呢間既其實都好食。奶油豬焗到金黃香脆，加埋煉奶甜甜地。炒蛋加左奶，唔重牛油，更滑唔油膩。奶茶唔同其他比較，都好飲，至少飲落係真茶真奶，唔係即溶奶茶。朋友要沙爹牛麵，牛肉份量好多。我貪食左兩塊沙爹牛😂 沙爹味香濃香口。趕時間快食，記住呢間。商場仲有間差唔多名，但唔好搞錯，一定係叫龍城，咪去錯踢波 😂😂😂

很少餐廳的 set dinner 只有兩個選擇，而且是一個中式，另一個是西式，覺得很特別！當天的西式是日晚餐是「照燒鰻魚拼豬扒」賣相造型、份量及味道也不錯，以晚餐價包餐飲及湯已經好👌另一中式晚餐是 蒜香豉汁蒸倉魚，份量比想像中細條了少少，味道👌再已優惠價$18 叫了一個「迷你」鮑魚一品雞煲！就算沒有鮑魚，以$18食雞煲都好超值！美中不足的是坐位比較擠迫，二人枱放了三碟食物、兩個杯已經沒有多餘室間，幸好隔離坐位尚未有人，可以把餐牌放過去，增加空間感！

在香港比茶餐廳更出名更久遠的就是冰室，顧名思義是出售雪糕、沙冰等好吃冷飲的地方，通常門臉普通, 甚至地方擁擠，可以算作屬於“草根階層”的，但卻是相當有愛的，當然咯，它可不僅是孩童的最愛。國內的朋友也知道冰室，大概就是因為源於港片港劇, 甘今早就帶他去試試了超赞這個牛角包, 最怕是冷冰冰的放上枱, 這個夠熱,夠脆! 夾着火腿, 还有芝士味呢, 味蕾認真滿足! 落單話牛扒要7成熟, 呵呵, 竟然照 order 做, 服務周到!極濃的沙爹香, 牛肉和麵都很到位，難怪每隔一枱，便有一碗呢！

平日係觀塘番工，日昇果度愈開愈多餐廳，其他餐廳就食得多，龍城冰室開左咁耐，日日都排住長龍，都無機會試！星期六去左apm睇戲，睇完戲當然要食飯啦！Apm 啲餐廳，太多人排隊，唯有行遠啲食啦！星期六晚餐時間，都差唔多坐滿晒人，好彩啱啱好有一枱卡位吉咗，我哋就唔洗等位啦！睇咗一陣餐牌，發現都幾多菜式揀呀！中西式都有，又有小食，飲品都有啲特式啲嘅，而且價錢都合理。我同朋友叫左幾樣野。綜合水果茶，應該用左新鮮橙汁加Lipton紅茶，茶味唔算濃，味道偏酸，都幾開胃解渴，個人唔鍾意太甜嘅飲品，所以都幾岩我！仲有啲水果粒食下，有橙，火龍果，蘋果！！仲有兩片檸檬添！！牛肝菌帶子意粉真係好有驚喜呀！本身望落帶子同菇嘅份量都算多，帶子有成4-5粒已經覺得好唔錯，食落原來個醬汁調得好香濃惹味又唔會太鹹，而且每條麵都掛滿醬汁，超好食呀！黑松露蝦仁炒蛋松露香相當配合炒蛋，而且蛋好滑，一啲都唔會過老，煮得剛剛好，蝦仁夠大粒又爽口，份量好足夠，送飯一流。小菜配有中湯及飯，都好抵食。

黎左龍城冰室食過好多次，每次都係愉快嘅飲食經歷。由一開始入門口已經有人招呼，好快就安排到座位，而且招呼周到，每次侍應見有人黎都會好客氣咁幫客人帶位、攞餐牌比客人。而且一舉手就第一時間行埋黎，服務態度一流。另外下午茶餐價錢唔貴，$40樓下，平常我都係鍾意叫佢個下午茶32號餐，送一杯熱飲。食物黎到之後，就緊係慢慢嘆啦！奶茶就不過不失，略嫌唔夠絲滑，但茶味算濃，可以的！至於個烏冬，係我最愛！首先蕃茄湯底濃郁，茄重料，肥牛唔算係好好食，但都可以，仲要有木耳（？）呢啲，簡直冇得頂！好值得係任何時間黎食嘅餐廳！

小人在觀塘公事完畢，友人踫巧在附近，相約晚餐，奈何一個想吃西餐，一個要吃中菜，相方爭持不下，喜幸上完Openrice找到一家茶餐廳，同時實現了兩個願望。友人堅持的西扒餐，確實啖啖肉，鐵板上時還是嗞嗞的響，到底他吃了甚麼扒，小人沒多大弄清楚，只見他吃得津津有味，狀甚滿意。小人覺得最有誠意的是焗薯，夠粉糯有深度，比起薯粉壓成的條高出幾皮。鮑魚雞煲乃必搶之物，遲了叫沒得吃。鮑魚不少，鮑香夠濃，因為鐵板存熱，雞有鮑味，嫩滑非凡！兩個粉菜都是小人柯打的，鮮香得來而又不乾，小人不讓，吃了八十巴仙！以茶室常客而言，這兒是超不俗的一間。

想不到要試這裏的沙嗲牛肉，我第三次來才能如願。前兩次都是下午茶時間，沙嗲牛肉在午市已售罄，故特別在復活節假期第一日的早上，專程來試試。這裏與隔鄰的紅茶冰室，均屬長龍店，兩間各有捧場客，亦同樣以沙嗲牛肉為招牌貨。這篇食評，我主要以個人的口味，來比較兩間店的水平。總括來說，暫時覺得是龍城稍勝。首先以環境來說，龍城的面積約只有「紅茶」的四分一，但也坐得舒服。價錢方面，比「紅茶」平一點。我今次點的早餐B，售價是$31，有招牌沙嗲牛肉公仔麵、3.6牛乳炒蛋、芝士火腿牛角包和熱飲，比紅茶平$1。至於味道如何，分述如下：1.    招牌沙嗲牛肉公仔麵：我改要米粉，但不知何故，兩間店的湯粉都不夠熱，龍城算好一點。這裏的沙嗲牛肉，不及「紅茶」的腍滑，但有嚼勁和肉味。至於重點的沙嗲汁，就比「紅茶」的稠杰得多，沙嗲味雖不算濃厚，卻帶有肉汁的香味。我覺得配搭淡味的米粉通粉或意粉來吃，較為合宜。2.  炒蛋：明顯地不及「紅茶」了。這裏標示是3.6牛乳炒蛋，「紅茶」則只是「香滑炒蛋」，問題可能就在那個3.6牛乳了。坊間茶記已掌握到，炒滑蛋加點淡奶才夠香滑，但究竟要加多少？則全靠廚房大哥如何去拿捏了。龍城這個炒蛋，

菜式普通，但是侍應服務態度極差，坐的位置又逼又窄，有個束髪大叔侍應在叫餐時黑口黑面，見你慢少少就走咗去，當問他洗手間在哪裡？好唔耐煩的答到商場，就唔再理人，從未見如此態度的服務，真是貼錢買難受。

星期日瞓到自然醒，成十點幾先落街食早餐，同埋屋企人一齊去到工廠區的茶餐廳，好彩仲有早餐，龍城早餐都有幾多選擇，我自己就揀左個D餐－五香肉丁公仔麵，配炒蛋多士，而屋企人就要個B餐－沙嗲牛肉麵，另外一份就係歐陸早餐。五香肉丁都有幾多，同埋個麵煮得幾爽，最怕茶餐廳煮得過淋，另外炒蛋夠滑，多士有烘過，加埋有煉奶，甜甜地仲好味。沙嗲牛肉麵，見到牛肉都係好多，份量都一樣多歐陸早餐賣相吸引，可以揀要雞扒或豬扒，妹妹揀豬扒，豬扒有煎香過，淋上蒜蓉汁，跟餐係牛角包，包中間夾了火腿同埋芝士，個包有烘過，所以見到芝士開始溶，唔想食麵這個餐確係好選擇三個早餐都唔駛一百，比起連鎖快餐都平，又多又好味，性價比高👍

OT 完行出來搵野食，去到中海日昇，基本上成幢大廈都係食。有茶餐有台式有日式，但近糧尾，所以都係食平DD。門口見到呢個餐牌，似乎在召喚我。鐵板雞扒餐或者蒸魚餐，包湯包嘢飲都係＄55咋！其實午餐都未必做到呢個價，何況晚市。睇來真的要益街坊。於是我就叫左佢嘅蒜蓉蒸倉魚餐，一啲都唔失禮喎！雖然條倉魚似急凍的，但加左蒜蓉唔覺有雪味，而且肉質結實，size 也不少，飯很大碗，湯也有誠意，收貨！原來食滿＄80仲可以加＄18要一個鮑魚雞煲或者蝦煲，可惜我唔夠數。下次都係約埋同事一齊去試。我見隔離枱食津津有味，又邊食邊話好抵，似乎好得。窮人恩物。

有時星期六 / 日會黎呢到食早餐佢初初開業冇耐，我勁中意食佢地既雪菜肉絲米<3後來有次再食，個口感唔同哂就改食通粉而今日同事既邀請就試下佢地既lunch喇講下個飯，濕既....我覺得可以"干"身返D一入口好一PAT野咁...好失望咖哩汁係香口，好味既不過得一細個薯仔......再講下佢地既位，講真，係迫既(卡位)你可以同你既朋友，身貼身咁食飯(如果大家都唔係細細粒既話)我地一行5人，坐卡位就真係有D迫既不過冇辦法，lunch呀嗎到到都好多人整體黎講我覺得一般

講到話係觀塘牛頭角番工～lunch排晒長龍一定非龍城同紅茶冰室莫屬😆上次試完紅茶，今次再戰龍城！睇落條隊長，但都排得好快👉🏿✨常餐1 Hkd 43 💸📌佢既炒滑蛋係非常可以🤤勁嫩滑仲有小小半熟feel~而豬仔包都烘到好脆，係好食架👍🏿個雞翼就腌到勁入味，好重瑞士汁，骨肉好易分離，好食呀！😳但個麵就差啲啦，質感偏硬左小小，如果可以煮番淋身啲就正✨佢啲奶茶都好滑架，識嗌一定係熱奶茶茶走👉🏿✨另外同事就叫左咖哩雞扒飯，佢話大家千其唔好叫飯😂因爲啲飯係勁水，好似粥咁好難食，都唔好嗌凍飲🤣