龍城冰室

营业中

休息中

老細今日心情好~話要請大家食tea,同事提議叫龍城外賣,咁我就有大食大,叫個貴d既瑞士汁雞肶配薯皇$33+凍朱古力龍城出品果然唔錯,瑞士汁雞肶好入味,肉都係有味架,仲要超大隻,薯皇既份量就略嫌少左d,得幾舊,同埋放係保鮮盒已經焗腍左…朱古力味道都幾濃,好飲

唔好講笑,早餐三文治食得多都會悶...再加上自己如果前一晚做完運動,一朝早起身真係會渴求番到公司可以食到一份豐富嘅早餐...如果唔係真係無心工作...鬱鬱寡歡搭緊車嘅時候見到同事們喺whatsapp group度吹雞話叫龍城外賣,梗係嗱嗱聲覆機搭單啦!!!✌🏻 今日我就同上次幫襯佢哋一樣,叫咗個早餐Ｆ,自選雙拼粉麵餐$30~咁今日就叫咗碗腸仔煎蛋米粉,再加番杯龍城必叫熱咖啡提神提神 如同上次一樣,我一番到公司份早餐已經喺我枱面,米粉依然係熱辣辣,打開杯咖啡香噴噴...正呀 估唔到腸仔有兩條咁多,煎蛋亦都係打孖嚟,keep住爆蛋黃漿~yummy

向觀塘返工成日都會諗下lunch食咩好或者放工之後食咩好？ 龍城冰室就係我開飯抵食之選！ 今次晚餐點了福建炒飯 $48，咖哩牛脷飯$45， 鮑魚雞煲 $18，熱朱古力 & 熱檸茶。福建炒飯份量非常多， 餸和飯的比例剛好， 濕濕地易入口又不算太鹹！咖哩牛脷飯味道剛剛好少少辣， 還有四塊厚切牛脷， 不過薯仔略少只有一舊， 但味道算唔錯， 牛脷雖然是厚切但是易入口。鮑魚雞煲晚市可以加錢$18就叫到，可能只需十八元所以見到好多客人都有叫這一個餸， 雞煲裏面鮑魚有幾粒， 雞大大件配合薑蔥蒜， 雖然價錢平，但是做得唔錯好惹味。飲品方便熱朱古力和熱檸茶都是平時茶餐廳的 味道。龍城冰室價錢平民化，食物質素有水準，餐牌上款式多， 是我經常到來的心水冰室！

隨著觀塘由工廠區變身成商貿區，區內的人和事都出現大變化。由於多了白領進駐該區，促使多間特色餐廳在區內出現 ，以滿滿白領們日常用餐之需求。MENU這次點了避風塘排骨，將避風塘的風味 - 辣椒和香蒜結合起來 ，再配上香口的排骨，色香味俱全，最適合愛辣之人，用來送飯一流！加多18元可換購一個鮑魚雞煲，性價比極高，是晚飯必點之選，而且炆得甚入味，也是適合送飯。餐飲方面，加5元可換購特飲。這次點了菠蘿冰特飲，酸酸甜甜，與辛辣的排⻣正好成為絕配！餐廳的食物甚為可口美味，吸引了不少顧客。我們才離座結帳，馬上便有其他客戶填補餐廳的位置，提高餐廳的翻枱率；人流如唧，貨如輪轉！

星期六諗住去捐血，所以係觀塘食返個靚靚下午茶先！之前朋友話龍城冰室幾抵食，所以趁住今次機會嚟試試。餐牌上嘅下午茶選擇都幾多，例如有三文治、多士、各式豬扒牛肉包、炸雞脾、粉麪等等，價錢大約係廿零至四十蚊，唔算貴。蜜桃小丸子見佢有個流心芝士西多士好似幾吸引，就叫來試試。西多士正常厚度一吋左右，有塊大大嘅牛油係上面，加埋啲糖膠落去，唔係熱到即刻溶個隻，搽下搽下先慢慢溶。內裏有啲芝士，但無流出嚟，食落去咸咸地少少甜，都ok。至於個熱檸茶，有三四片檸檬，但都幾苦澀。整體上都唔錯，價錢公道。

三個同事一齊過嚟食午餐，午餐時段頗多人等位，沒辦法，觀塘就是這樣！12:50pm 到，等三張枱，以為五到10分鐘一定得，試過呢間餐廳很大的很多位，點知等左25分鐘仲未叫我地但係就不斷二人枱四人枱咁樣入不過事實講事實食物不錯的，價錢都算合理選擇也比較多，難怪咁多人等！下次都去四個人嚟食

今日又約咗朋友放工食飯 近排實在太忙好多野做搞到好夜先走所以又去公司附近到食飯因為太大雨既關係我地就是但搵咗間茶餐廳到食 見到門面裝修幾靚所以我地就入咗去食一黎我地就叫咗個老火湯同羅宋湯暖下個胃先 因為今日落大雨都幾凍老火湯好夠火喉好似飲咗呀媽煲既湯咁羅宋湯唔洗講非常足料其實飲完我已經開始有啲飽我地叫咗個皇牌鐵板套餐 北海道帆立貝雞扒配洋蔥汁 雞扒外脆內嫩入口一啲都冇冰鮮雞既味道好似滑雞咁好味 仲有個鮮炸帆立貝非常鮮甜之後我地仲叫咗個魚湯班片浸菜苗 最估唔到個魚湯咁多咁鮮甜 初初仲以為係浸少少上枱 平時出面茶餐廳都冇咁多湯 加上我本身好鍾意飲湯 真係唔好講笑我連埋成個湯飲晒 正我呢個水怪咁鍾意飲野當然要叫杯野飲啦 之後我咗個冰鮮水果茶 入口有啲酸酸甜甜既味道 有啲似桃茶加檸檬茶既感覺夜晚食飯呢個價錢真係係邊到搵到咁平又飽

係日昇中心呢面好多野食鋪頭，一到lunch就排哂隊，呢間野岩岩開果陣我都仲排到，後尾多人到排唔到了，一直想食返，難得今晚上完堂經過所以去咗食晚餐。雖然晚餐冇好似午餐咁多人排隊，但入邊都座無虛席。只係同朋友兩個人，所以叫咗兩個小菜首先係西蘭花炒帶子西蘭花吸收左菇同韭菜嘅鮮味，冇咗草青咪之餘仲有啲鮮味，爽口好食。帶子大大粒啖啖肉，雖然成個菜睇落好似冇乜顏色咁，但其實好夠味。之後再叫咗個黑松露炒蛋同蝦仁，冇影到相，但係炒蛋大大份，每一啖都有好多嘅黑松露，可以見到餐廳係落足本。晚市仲可以加錢$18叫一個鮑魚雞煲，我見好多人叫：呢個迷你鮑魚雞煲除咗有大大件雞，鮑魚（我數左有六粒），仲有啲薑蔥蒜，個醬有少少辣辣地好惹味。呢個雞煲主角固然重要，但係當中嘅洋蔥同蒜頭大家都可以一試，係甜架，好食不過因為佢係迷你雞煲，我同朋友都覺得唔夠天氣咁熱梗係要叫番一杯野飲，我揀呢間餐廳其中一個原因都係因為俾佢一杯嘢飲吸引左入嚟就係水果茶啦，睇佢嘅Menu嘅時候都覺得吸引，叫咗上嚟真係大大大杯飲落去應該係橙汁底加紅茶，水果有橙蘋果火龍果（當然仲有檸檬片）。我覺得甜度啱啱好，飲到有茶香味。而且水果細細粒咁易入口之餘又好

今日同女朋友喺觀塘揼完骨，梗係喺返同區搵啲好嘢食。之前睇過食評話有間冰室有小菜有咖喱又有意粉食，咩都有得食就好想去試，今日終於有機會啦。見到佢個咖喱幾出名咁，於是就叫咗個吉列咖喱豬扒飯。由於我哋兩個都好鍾意食蕃茄，見到Menu個生滾牛肉蕃茄湯通粉賣相唔錯，咁就梗係要試吓啦。我哋仲叫咗避風塘豆腐、炒西蘭花同埋加$18就有嘅鮑魚一品雞煲。呢間冰室上菜嘅速度超快，唔使幾分鐘就全部到都齊晒。先講個咖喱吉列豬扒，真係超水準，完全做到馬來西亞風味嘅咖喱，再加上佢嘅豬扒外脆又夠瘦而不嚡，完全啱晒我哋兩個唔鍾意食肥嘢嘅人。跟住一定要講下個生滾牛肉蕃茄湯通粉，諗住冰室通常都冇乜茄味，但呢度嘅番茄湯真係喜出望外，佢完全做到番茄濃湯嘅味道，茄膏夠香之餘啲牛肉係有肉香，唔似出邊好多餐廳用鬆肉粉乸到啲牛肉冇晒味。真係食到舔舔脷。再加上避風塘豆腐外脆內軟，味道啱啱好，如果你都豆腐愛好者，可以黎試吓㗎。呢間冰室絕對可以再黎，下次等我試吓佢出名嘅牛肝菌帶子意粉先得

呢幾日連續日日夜夜都落大雨⛈,朝早急急忙忙趕住番工,都係同幾個同事一齊叫外賣自取早餐方為上策。 今日我就叫咗個早餐Ｆ,自選雙拼粉麵餐$30~一於來個火腿煎雙蛋米粉,再加番杯熱咖啡醒神一下因為同事落車比我早,所以我一番到公司份早餐已經喺我枱面,仲係熱辣辣架嗰對煎雙蛋仲要係流哂黃嘅,爆漿丫湯底好清,似雞湯味但又一啲都唔油膩,所以起碼我都會覺得呢份早餐比較健康冇咁肥,米粉煲得啱啱好,唔會散哂亦都唔會好腍,份量亦都啱啱好,我食得哂之餘又夠飽肚,唔會浪費杯咖啡夠哂香,應該朝朝早飲都唔會厭

同好耐冇見嘅朋友食飯，今日揀咗佢公司附近嘅餐廳—龍門冰室開餐！Menu都有唔少食物，但見可以加$18就有個鮑魚雞煲，難得咁平，都叫咗黎試！成鍋鮑魚雞煲大約有五六粒鮑魚左右，都好細粒，但$18嘅貨色就不能嫌棄太多啦，醬汁都幾香幾惹味，咸度適中，送飯一流， CP值好高！主菜我哋叫咗個黑松露蝦仁炒滑蛋，蝦仁份量都好多，蝦仁食落都好爽口，而且冇乜鹼水味，仲有唔少得嘅當然係黑松露獨特嘅香氣啦，同真係好夾，亦都好啱送飯呀！跟餐飲品就揀咗杯3.6牛乳，係穩陣之選，成杯大概有300 CC左右，飲得出係純正牛乳，冇加水的！仲有食到少少飽飽地，但又想食零食，見Menu有個叫做金菇包嘅嘢，就叫左黎試啦。本身以為係金菇加牛油麵包，點知上到枱就係用錫紙包住嘅牛油蒜蓉金菇，好食係好食啦，但哈哈哈真係好好笑！

同朋友係觀塘上完瑜伽堂, 諗起駿業街個邊都有啲餐廳,就行過去個邊睇睇, 去到見到龍城冰室坐滿晒人,我同朋友都未食過, 係門口見到Menu都幾吸引,就一於入去試下啦!入到門口, 侍應哥哥都好快安排座位俾我地~坐低就睇到有個餐牌上嘅晚市優惠推介,食滿$80以上就可以用$18優惠價就可以叫鮑魚一品雞煲或秘制惹味中蝦煲,望到相都已經覺得好吸引!!做完運動大家都好餓,好快就各自揀左每人一個餐1.招牌黑椒牛柳配黑椒汁($82)配薯菜加紅湯-牛柳上鋪滿黑椒, 煎至微焦, 加黑椒汁到鐵板上, 散發牛柳香味-切開牛柳, 從淡淡嘅粉紅色可見牛柳煎到剛剛好, 唔會太熟-牛柳沾上黑椒汁, 美妙配搭, 有黑椒香味又有牛柳濃濃嘅肉味-焗薯配上類似蜜糖芥末嘅醬汁, 薯仔肉軟綿綿同香香甜甜嘅醬汁好夾-紅湯有大量雜菜, 蕃茄味香濃, 係我杯茶!2.蒜香骨($68)加$6轉套餐有白飯有中湯-有6大舊, 份量不少-炸得香脆, 炸蒜發出陣陣香蒜味-唔會只有骨冇肉, 有其中2-3舊啖啖肉-送飯一流-中湯有住家風味, 正!3.鮑魚一品雞煲($18)-鮑魚同雞都炆得好入味-配菜例如紫洋蔥、薑、蒜頭, 送飯係無敵-大份夾抵食-冇辣味

相約朋友在晚上吃飯，剛好她在觀塘下班，便決定到附近的餐廳吃晚餐我們決定來這間龍城冰室我們從apm撘電梯到一田的那層，再往南洋商業銀行行，在第一個路口拐進去直行一分鐘便到達門面的招牌十分光亮，從窗口望進去，餐廳裝修得具香港冰室特色，也十分乾淨我們大概6:30到達餐廳，已經近九成滿座桌子的旁邊安置了抽屜，擺放著餐具和紙巾，十分乾淨衛生首先，我們叫了第一道菜魚香茄子煲剛上菜時熱鍋的熱力十足，裏面的茄子也香氣撲鼻茄子的大小切得剛好，入口即化，不會很油，十分有獲氣鹹魚和肉碎非常入味，拿來送飯一流，必定能吃多幾碗跟餐還有一個例湯湯煲得十分清甜，鹹度剛好。紅蘿蔔十分香甜，解渴另外，我們還點了一個叉燒炒滑蛋份量非常多，叉燒和蛋的比例剛好大概有7至8塊叉燒叉燒也是十分新鮮，不會太硬，也保留了叉燒獨有的焦香味我們分別跟餐叫了兩碗飯還有一杯凍檸賓在這個炎熱天氣用來解暑一流埋單二人只需113元，非常抵吃總括而言，龍城冰室的性價比高，附近的上班一族無論在午餐或晚餐都能應付到

果次放工和朋友到龍城冰室吃晚飯，六點几人流都算多，鋪內都算企理干淨我地點左兩個小炒和兩個白飯。第一個是魚香茄子煲，味道算不錯，濃濃的鹹蝦醬混合小許豬肉粒，茄子🍆煮得恰好，都算嘢味，送白飯一流第二點的是叉燒炒滑蛋，分量十足，但蛋炒得过老，至於叉燒肥度適中，但都系炒得過硬过乾，比推介的都差幾遠最后點左一杯檸賓，賣相几靚，但飲下去，淡淡的，沒有檸檬味，几失望架，跟餐的青紅羅白湯，都系一般般的。除左魚香茄子好味，其他都是一般般。

喺觀塘搵地方食下午茶，經過呢間港式茶餐廳睇落乾淨企理，所以入去是旦食，見到餐牌上有成35種下午茶套餐，由$21至到$45都有，每個餐包一杯熱飲，加多$3就有凍飲。其中見到有芝士煎蛋菠蘿油($28)同埋芝士煎蛋菠蘿包($27)，咁就梗係要菠蘿油啦，啲嘢食好快上枱，隻煎荷包蛋熱辣辣，夾埋凍冰冰嘅牛油丶芝士响個脆皮菠蘿包中間，又凍又熱丶又脆又有牛油同芝士香味，口感好複雜，但又好味道，好快就已經食哂。另外仲叫左炸雞脾餐($33)，可以揀配沙律或者炸薯角，喜歡香口嘢嘅我揀左炸薯角，等左大概十分鐘左右先上枱，咁耐時間應該喺即叫即炸嗰隻，果然上枱時炸雞脾同薯角唔單止熱辣辣，仲睇得出兩樣嘢都喺脆卜卜，入口満足感十足，正呀！