龍城冰室

营业中

休息中

諗住黎食早餐 點知踏入門口個刻就話早餐時段完左 岩岩好十一點半錯過左早餐 唯有叫番個常餐去填補下心靈 但係貴成十蚊脆豬有温度 有厚厚既牛油同煉奶鋪面 咬落好脆 食到成枱都係面包碎 好邪惡但係好正炒蛋好滑好大份 不過我本身就唔係咁中意食炒蛋..招牌沙嗲牛肉麵一放上枱已經聞到一陣誘人既沙嗲味 牛肉份量十足 又夠嫩 食落有濃濃既花生香味 個麵就煮到岩岩熟 唔會太淋又唔硬 個湯底濃到好似汁咁 雖然泛油 但係無損雅興 絕對係重口味之選菠菜汁焗魚柳飯 ($45)我無試到 唔知道味道如何..

從來對茶餐廳冇特別服務要求，但你唔會想像會差都咁！首先，落單束髮的大叔一言不發，唔知佢聽唔聽到，不覆單就閃咗。然後問那位戴眼鏡高大的女侍應取水，兇神惡殺的眼神真是無法想像！講到張近門口的卡位窄到無朋友，真是好迫好迫，到有吉枱時，我們要求調枱但那四眼女侍應竟然話不可以，真是嬲到爆，那張卡位真是特別窄的。至於衞生，筷子碗筷都有殘留東西，都有點惡心。

我返工常吃的晚餐就在此，佢每晚都有個晚餐有扒食，可配飯、意粉或薯容，味道好食，送埋湯加埋野食都係$50幾蚊，扒餐可比美西餐廳，價錢卻十分便宜，兩個人去食叫兩個晚餐超過80蚊仲可以加$18有一個雞煲吃，十分抵食。另外早餐我亦有食過，每個餐既餐包可以免費轉奶油豬或火腿芝士牛角包，推介火腿芝士牛角包好好食。呢間店鋪唯一唔好處就係晚餐時間太多人4人枱不大，要搭枱的時候相當迫，坐得不舒服，想食完傾多陣計都不太想，味道就值得推介！

黎開觀塘呢邊開完會，是但搵間野醫肚，見到呢間冰室多多地人又見佢裝修幾靚，咁就入去食。下午茶時間依然係好多人，menu選擇都有唔少，我就叫左乾炒牛河，因為好耐好耐無食過炒野啦。本身我都好有期待，見餐廳keep住多人應該都唔差啦，點知落單叫左幾次先有人黎，可能人手唔係好夠🤔🤔我碟野黎到完全覺得好失望，炒河有d黑，係就係有穫氣之但係燶左d。。。仲叫左杯熱奶茶，不過不失。嗯..我覺得唔會有下次，食完先見到仲有2間冰室喺左近，莫非呢區d人好鍾意食冰室野？有機會黎再試試！

OT到10pm,嘗試行去駿業里睇有無嘢食，見有兩間好似，分別係紅xx同龍城冰室。上次試過紅xx, 今晚試龍城。入到去都6-7成滿座，地方都幾大咁。都企理乾浄，佈置黎講都唔hea. 餐牌用電視形式顯示，清晰先進。晚餐around $55-6x, 叫咗個美式什扒意粉$55。侍應落單快手。上菜都算快。發覺無牛，ok接受到，無加1。有豬/雞/煙肉/腸。意粉ok啦，d肉都ok，唔un又入味，幾好丫。$55觀塘夜晚黎講算係抵食

同朋友經過觀塘行街，經過大大間龍城冰室，感覺入間好乾淨光猛，座位夠多，而且啲食物都幾啱胃口，就係依度啦！👍🏻✨話明非一般的冰室，對我地意粉控黎講，見到意粉即刻心心眼！😍 我地點左三文魚忌廉雜菌意粉啦，同埋蒜香菠菜大蝦炒意粉，真係熱辣辣上枱，好香好濃，見到係流晒口水🤤🤤🤤，水準保證！✨ 飲品呢，我地分別揀左3.6牛乳同埋香橙青蘋果梳打，口感鮮味清新，仲可以中和一下飽肚感添🙆🏻‍♀️🙆🏻‍♀️ 小食方面，我同朋友share大大碟既避風塘豆腐啦，同埋蒜蓉田園炒雜菜，讚讚😋 小食比主食較快上枱，我地可以一邊等新鮮熱辣辣的主食，又唔會餓親個肚，非常貼心又惹味! 今晚食得好飽好滿足，三個字講晒: 平靚正!! 🤗🤗

我lunch 2:00去到，次次坐坐下都叫人掉位，真係食都食得唔舒服，我見有啲人都情願去過第二間，都唔明白呢間餐廳老細諗咩？請埋啲咁嘅伙記！我以後都唔會幫襯囉，食物質素算不過不失，但服務欠奉！

其實我覺得，香港人去襯茶餐廳，都不會太大要求，頂多都係杯奶茶正唔正。。。第一次幫襯龍城，先唔好講杯奶茶，就講下張枱，細到放個餐已經頂住對面食客，張凳仔又窄又迫，坐到腳頂腳。。。員工D服務又差，叫咗個常餐，食哂個麵但個奶油朱包炒蛋又未到。。。問吖姐D態度差到冇朋友😡😡😡所以，就算杯奶茶好飲到飛起，都冇下次！外傳：坐我對面係一對老夫婦，一個食咖哩海鮮飯，一個食苦瓜班腩飯；不停聽到負評，好明顯唔需要再幫襯啦～

本來我是怕煩的人, 很小寫評語, 但未見過態度禁惡劣的, 無辦法唔寫負評.昨天和朋友路過這間龍城冰室, 知道侍應忙都不會要求會提供什麼服務, 但餐牌明明寫明是燒豬脾, 來到的卻是燒雞脾, 落單的帶有小小內地口音的中年女侍應落單前無出聲之餘, 侍應仲怪我們退餐, 我們一見到來錯了已禮貌的告訴侍應, 怎料她竟說點這個餐就是雞脾, 朋友很有禮的說她實在食在不能食雞, 她還說個餐牌無這個, 餐牌已經改咗喇, 問我們食唔食, 到指明個餐牌寫到明不是這個, 都不願拿走, 要叫她拿走先拿走, 當然她還反過來黑面.我們都明白星期日中午多人在門外排隊, 但是完全不跟餐牌的上單, 我們食得較同台另一個朋友慢都不是我們想的, 她們就是換餐都拖了一陣, 食不到5分鐘, 最快的一個朋友還未食完就問她要不要, 如是者不停吹, 但要明白, 我們的是焗飯, 不可以成個倒入個肚, 急急忙忙食完後, 同一個女侍應即收餐, 我人都未行出個位已抺台, 我還要小心她的毛巾不要抺到我件衫, 侍應簡直是極品.一句講晒, 態度惡劣, 不會再幫襯

🙆🏻又行去觀塘同朋友食個晏就，今日勁凍勁大風，但係龍城門外都仍然好多人（當然格離紅茶仲多，仲排弓出龍城門口）🤣🤣等咗大概15分鐘就可以入嚟，不枉我趕係一點前嚟拎位，再遲啲都唔知要等幾耐🤦🏻‍♀️🤦🏻‍♀️好開心今日有鐘意食嘅焗意粉！唔洗諗！即刻嗌得！即餐嘅中湯好快就到咗！啲湯都夠味，不過都會想要啲湯料😢😢隔咗一陣，我嘅焗意粉都到咗啦！面頭嘅汁比較少，食到尾會有啲乾🤦🏻‍♀️🤦🏻‍♀️，海鮮就有魚、尤魚、個啲大路野，唔算特別好食，但50蚊內一餐表現都唔算太差

為咗約埋係觀塘工作嘅朋友仔，一搭正就沖出去拎位食飯🤣🤣不過都要等！因為觀塘實在係太多人太多野食，唔少人都會簡定一個地方做飯堂🤣（好似我咁 99就係我飯堂）今日嚟開發新領域🕺🏻 龍城冰室果然勁多人，一台埋單即刻又一台入中湯已經係我忍唔住飲晒，無湯楂，普普通通。但菠菜雞扒焗飯就有喜出望外！忌廉白汁岩岩好，唔會攪到個飯濕晒，雞扒煎香唔會淋晒👍🏻👍🏻絕對係無得彈👍🏻👍🏻下次嚟決定再試多啲野食🤤🤤

龍城真係好好味！ 特別係下午茶！叫左個瑞士雞翼餐配埋個蛋同包真係又飽又好味 心滿意足佢既雞翼撈丁完全係吾會咸但夠味雞翼好入味！無雪味！又大隻！價錢黎講 真係超抵！仲包埋野飲😍😍番工偷懶過去食個tea 簡直係一日動力來源

平時去觀塘工廠區以為冇乜嘢食，點知喺駿業街呢度俾我搵到一間冰室，所有傳統嘅美食同埋基本嘅下午茶粉面，都會喺呢度搵到。一見到朋友我哋揀咗卡位坐，由於太肚餓嘅關係我哋叫咗四樣嘢食。分別有鹹牛肉炒蛋潛艇、芝士流心西多士、板燒黑椒牛仔骨、生滾牛肉茄湯通粉等。其實成個餐牌都睇到花多眼亂，真係太多選擇了。冇幾耐，第一樣到嘅係我嘅餐湯，冇諗到我點嘅餐竟然會附送餐湯，而呢個湯係中湯，係用菜乾煲成。湯嘅份量都算多，而且裏面嘅湯渣亦都好足料，好多菜乾，飲咗一碗之後都飽左一半。之後出場嘅係黑椒牛仔骨！真係好耐冇食過牛仔骨啦，其實喺其他食扒嘅地方，都比較難搵到好食嘅牛仔骨。伴隨着呢個牛仔骨嘅係黑椒汁，黑椒汁好濃郁，好似黑椒醬咁。一到啲汁落去嘅時候，由於個鐵板好熱，啲汁倒落去嘅時候會有「吱吱渣渣」嘅效果。仲有啲汁彈出嚟添，黑椒伴隨牛肉嘅味道芬芳四散。一共有五件嘅牛仔骨，平時最多只有3塊，今次真係食到你飽。呢個黑椒牛仔骨真係好大塊，而且佢嘅肉唔會好硬咬不爛，所以我一口氣已經食咗3大件。唔記得咗講佢嘅鐵板上面，仲有個用錫紙包住嘅焗薯！焗薯好大隻而且真係太惹味啦，薯仔嘅核心都好熱好軟好諗，食落去好似薯蓉，慢慢慢慢咁食

龍城一間冰室，但不是位於九龍城，而是在觀塘工業區。門面幾好，裝修不錯，成九點鐘都仲有好多人係度食晚飯。餐廳自我賣點有：鮑魚雞煲或者秘製惹味中蝦煲各種各樣的扒餐今次叫咗$18 鮑魚雞煲，嚟度鮑魚好細粒，跟相不相符，不過都有成5-6粒小鮑魚，味道幾好，$18算係咁啦。推介指數：7/10$78 鐵板牛柳扒餐，有兩大舊牛柳，包餐湯及飲品。推介指數：8/10紅湯，羅宋湯，嚟到不熱，唔係咁好飲。推介指數：5/10扒餐可跟薯條，飯或意粉。牛柳幾好食，肉幾嫩。特飲或啤酒半價。鮮果紅茶$14，好甜，實在太甜。推介指數：5/10$32蒜蓉拍薑芥蘭，好油，蔬菜太油不是好處。推介指數：6/10店舖服務不太好，落order冇乜人理你，又冇問你要紅或白湯，又冇問你飯或意粉，就落咗單！加上，要問才會比杯水你。

放左工後約左朋友去左觀塘買野, 咁岩見到龍城冰室, 餐廳前面見到啲餐牌都幾岩我地胃口就去左食......入到去, 睇MENU見到食物選擇夠哂多! 冰室估唔到連意粉都有, 我就搵左個蒜香菠菜大蝦炒意粉, 有蒜蓉既野都係“我的最愛”, 再點左杯香橙青蘋果梳打, 未試過, 睇下好唔好飲先!我同朋友就開心share左一份避風塘豆腐, 價錢都唔係好貴, 只係$23, 我之前出去食起碼$50, 呢度平好多!先黎既係飲品-香橙青蘋果梳打, 好有夏日感覺, 香橙味比較香濃, 之後就有少少青蘋果既味道, 兩者都幾夾, 成杯梳打都好清新!避風塘豆腐黎到都幾大碟, 我地都忍唔住食左先, 外脆內軟, 雖然係避風塘風味, 但就一d都唔辣, 岩哂我d唔食得辣既人! 豆味好香, 而且好軟滑, 味道好正好惹味! $23又平又正又抵。重頭戲蒜香菠菜大蝦炒意粉, 好大碟, 好足料! 大蝦有兩大隻, 蝦肉爽口結實, 蒜粒、菠菜同洋蔥粒已經均勻咁同意粉撈埋一齊, 口感幾豐富, 而意粉都幾彈牙, 蒜味同菠菜味都幾香, 冰室都可以做到呢個質量真係唔錯!我地兩個都食到飽飽, 價錢唔貴又好味, 下次帶屋企人黎先~