龍城冰室

营业中

休息中

上星期無意中行經，原來間冰室系依邊，所以今個星期就來左食。好多選擇，我同朋友選擇左常餐，加碟菜心，d野食好有水準，份量充足，豬仔包又脆又香，炒蛋熱烘烘好味道，個豬扒麵真系好好味，所以我系食晒架。再來菜心好香既蒜香味，食完再飲咪杯飲品，超清足地返去工作。最重要員工服務態度非常好。有禮貌！下次會再來食其他

今日同同事黍左間裝修好有格調嘅冰室食午餐，呢間冰室個裝修都幾有靚，好時尚😎，坐卡位仲可以睇埋街景。唔知係咪午飯時段，間野好多人，差不多全場坐滿。見佢D常餐都好似唔錯，$40左右，有碗麵有炒蛋、鮮油奶豬仔包，仲有埋野飲，好似都幾抵食。本身想吃瑞士汁雞翼配公仔麵，不過待應話雞翼已經賣曬，甘唯有食豬柳公仔麵。食物整體賣相都唔錯，而且份量都係大大份，個鮮油奶豬仔飽超正，熱辣辣脆卜卜，再配埋適量嘅牛油同煉奶，好味道😋。至於個豬柳公仔麵都唔錯，佢用豬柳代替豬扒，確係比起其他冰室用豬扒更肉嫩更好味👍🏻，舊豬柳都煎得幾香，淹得夠入味。整體都確實唔錯，中肯價錢，高質素食物，而且上菜快手，睇黍我下次要再黍試埋佢個瑞士汁雞翼常餐先得。

星期五同細妹來食晚餐！大家都食當晚的金銀蒜丅骨牛扒！包是日餐湯，要了菠菜忌廉湯。拿起碗湯滔一匙飲！味道同熱度可以！不過感覺隻手已經痴泣泣！再看看隻碗，見到湯沿着碗邊沾著。奇怪湯的份量只是九成滿...甚會連碗邊都是湯呢！甚至碗底都有湯，因為除了碗邊..連枱面都有湯...真有點兒那個...另外丅骨牛扒跟飯！呢碟牛扒做得唔錯！汁都好味，飯足夠之餘夠爽身！然而整份食物卻被裝到一隻無邊設計的白色長方碟內！可能是因爲裝得太滿..部分醬汁直接溢流出了抬邊...看著就令人覺得滿頭問號！............而且碟比例實在太細.整件丅骨牛扒放在配菜之上。一來賣相不佳，且件扒高高蓋在菜的上面。咁如何用刀叉切扒呢？真的食得很困難。畢竟換個正常的大少許的碟也不是很難吧！這個無邊設計又是什麽鬼呢？真的很難理解？有時候為了美觀起點是好的然而卻弄巧反拙！設計出一點都不實用的產品！反而為使用者帶來麻煩！

早前在淘寳網站買了些物品, 這晚放工後便去取件, 之後就再想想附近有什麼地方平日想去但又沒時間去的，最後就來這裡。在一個平日的晚上，這裡的人客也真不少。飲品方面, 點了藍妹啤酒, 冰凍解喝。主菜點了招牌美國西冷牛扒配蒜蓉汁, 以鐵板盛上, 一大塊西冷牛扒, 份量十足, 肉質嫩滑, 肉汁豐富,配上蒜蓉汁, 更加滋味, 再加上其他配菜, 白飯也是好吃,吃得滿意。 龍城冰室定價非常大眾化, 就這晚所見食客們應是在附近工作的上班一族。

去海濱散步經常都路過見到呢間冰室但時間唔岩 一直都冇幫襯呢日諗唔到食咩突然醒起佢就由地鐵站行過黎試下我地嗌左個常餐呢度嘅茄牛通係濃湯底，甜酸度都ok炒蛋都幾滑三樣入面，我最鐘意個豬仔包，外脆內軟，加上煉奶，十分正👍🏻另外我地又叫左個晚餐A-T骨扒睇落大塊，但肉唔多不過配薯菜有焗薯都加返啲啲分喇而佢個焗薯係配芝麻醬，第一次咁食，味道又唔錯喎

今日番工亦都係圍威喂叫龍城外賣早餐,試下唔叫豐富餐,普普通通叫份雙拼三文治,睇吓係咪一樣咁好食?! 以價格嚟講,雙拼三文治$19蚊都唔算貴,由於同事食豐富餐但又唔飲嘢所以杯嘢飲就益咗我喇,我就叫咗份餐蛋治+熱咖啡,打開非常有驚喜,竟然有king size嘅蛋量同埋厚切餐肉...無論食物同飲品都一樣夠熱,咬落去除咗有牛油嘅味道,雞蛋炒到啱啱好夠份量之餘仲有小小蛋汁,其實啖啖都係脂肪呀親~配埋杯醒神熱啡,就努力工作喇~

今早同細妹路過此街頭，正想找個地方吃個早餐！剛好路過龍城冰室！被門口熱情的服務人員引領了我入座！平日早上十時多入座的顧客不算多！見到早餐桌上餐牌，想不到$31的早餐用料很足，感覺不錯哦。很久沒吃過沙嗲牛肉公仔麵了！所以叫了個早餐B！沙嗲牛肉公仔麵牛肉很豐富！沙爹醬汁夠濃而且好香....牛肉還留有一點咬感...有懷舊的味道！炒蛋色比較黃,只是暖暖的且碎濕濕！明顯上是炒好一兜蛋碎當有客果陣舀一堆蛋碎比人！明白到早上趕工的原因。賣相及味道沒大問題的，但口感就差點！這牛角包鬆軟，散出陣陣油酥香！半溶的芝士同火腿混合成為美味的麵包餡料！早上吃了這一個豐富早餐好飽肚！

其實每次去觀塘食晚餐都係去apm食下韓國菜，壽司，意粉，因為我唔知有咩食，今次朋友帶我尼龍城冰室，有小菜食入到去環境都唔錯，地方頗大，唔會好逼，兩個人都可以坐卡位我地叫左炒菜心，時菜班腩同鐵板豬排公仔麵，仲有一杯利賓納菜心好靚，個莖中間的白色部份佔好少，而且唔會煮到好淋，好香口時菜炒班腩都係菜心，班腩唔同平時食果d，佢唔係用魚柳，e個應該真係用魚，因為口感似平時食煎魚咁，而且好似食到少少骨。個魚炸得好香，不過如果炸皮有點厚，如果少d會比較好鐵板豬排公仔麵，唔知係咪因為鐵板關係，等得比較耐。尼到果時吱吱聲，熱辣辣，豬排份量好多好大件，好厚，略有點鹹，公仔麵炒得有點乾，不過整體都ok有點失望就係本身已經等左比較耐，同埋因為朋友受傷唔可以食豉油，落單已經叫左走豉油，不過尼到都係有豉油飲品叫左利賓納，都幾大杯，不過有少少甜

每次係觀塘行完街，只懂得係地鐵站嘅大型商場開餐，不但要大排長龍，而且價錢又貴。經朋友介紹，原來行入少少係駿業街嘅中海日升中心亦有好多選擇。今晚終於有機會轉換食場啦。由觀塘港鐵站行過去，不足十分鐘路程就到，好方便。見到地下大大隻寫住“ 龍城冰室”，望下隻錶未到7點，差不多已坐滿食客，心諗應該有番咁上下水準。再揭下門口個特大餐牌，什麼醒晨早餐、歐陸早餐、冰室常餐、金牌焗飯、皇牌鐵板套餐、港式炒粉麵、小食、飲品·····等等，應有盡有，款式特別多，而且價錢又大眾化。一於推門入去啦。吾好以為叫『冰室』就比較老土，相反呢間龍城裝修新派，以黑白色為主，座位大多數為卡位，間隔闊落坐得舒適。香煎豬扒包鬆軟微暖嘅麵包內塗上沙律醬，中間夾著一塊大大片新鮮蕃茄，而下一層係煎得金黄稔嫩嘅豬扒，再來係爽脆嘅生菜，五層高豬扒包好有口感。蒜蓉拍薑炒菜心菜心炒得青綠，加埋蒜蓉同薑非常香口，食落鮮嫩香甜完全吾油膩。鐵板海鮮炒烏冬50蚊一碟鐵板海鮮炒烏冬，份量相當大，絕對吾馬虎。海鮮炒烏冬用鐵板上，熱騰騰，多一份"鑊氣"香。烏冬混合蝦仁、魚、青口、鮮魷仲有帶子，再加上洋蔥、韮王、韮菜、芽菜同雞蛋等豐富食材炒至乾爽，香濃味

行去觀塘午餐， 一直也知道觀塘有很多美食，很想一試，每一次經過這一間龍城冰室 ，很好奇有沒有什麼特別，這一次終於有機會進去一試。 午餐的價錢還可以，白湯紅湯和中湯， 選擇也很多這次我叫了中湯， 我點了焗白汁野菌海鮮，朋友點了黑椒汁西冷牛扒意粉， 另外我們點了一個炒菜心。 中湯的味道還可以，只是我認為太甜。 但難得每碗湯也有湯渣。 焗白汁野菌海鮮意粉，味道不錯，芝士份量落得剛剛好。 最重要是材料很多， 海鮮不少， 不用加其他調味料也很有味。 黑椒汁西冷牛扒意粉， 西冷牛扒很容易切開， 黑椒汁用入了牛扒，的確不錯。 午餐整體不錯， 反而炒菜心比較油膩， 建議不要在這裏點炒菜鳥(-ι_- )。 冰室來說，可以的~~呵呵！BTW~~冰室其實是吃甚麼??

觀塘依間龍城冰室 以黑白格調為主設計好新穎 格局都好開闊 坐落去都好舒適同其他冰室一樣呢度都有好多香港嘅特色小品雞尾包菠蘿油等等平時黎鍾意食依度嘅炒滑蛋好出色大家黎嘅時候都可以試吓但今次黎食晚餐 所以就冇叫到炒滑蛋除咗餐單上面嘅嘢食之外佢亦都有啲是日晚餐推介大家可以睇返叫嘢食今晚我就點左牛柳牛肉牛味好濃 入口軟綿冰室來講算做得十分唔錯佢仲配左一個焗薯仔 薯仔點上沙律醬另外最特別嘅係佢仲有紫薯紫薯香甜 豬仔表示好滿意

在官塘找地方吃飯！早幾年會在同仁街或﨏民坊。今時今日官塘市區重建！餘下食肆寥寥可數！駿業街食肆越來越多！工商大廈甚至樓上也是！來到附近再決定有乜嘢好食。看到龍城門口廣告幾吸引！之前食過覺得唔錯！一於就推門而入了。有晚市套餐，當然是一人的晚餐啦！叫了黑椒牛仔骨煲套餐！送湯不錯。當晚沒有老黃瓜湯改了牛肝菌湯湯味道濃郁。牛仔骨煲來枱時的確是熱辣辣，狀甚吸引....配上大量洋蔥及青椒！還算挺多肉吃，質感煙靱！是落了很多鬆肉粉！略嫌黑椒多了一點。味道甚濃，好啱我呢個喜歡重口味的人！牛仔骨的肉更是香口可口！是送飯的佳品。奶茶普普通通。這店名叫冰室....見食品內容。就像一家茶餐廳。相信這一個結構是要迎合區內人的要求！而且這區的上班人仕不少。所以早、午市，晚市都應該以茶餐廳的經營方式。最為有利。

近排成日食觀塘附近既冰室，其實一直都留意到呢間冰室，不過一路都未試過，呢個晚上終於同朋友試左呢間龍城，距離地鐵站唔算遠，行過去其實十分鍾左右，因為間冰室其實係工業區果邊。餐牌食物選擇其實食物選擇算幾多，不過呢晚我同朋友總共叫一個扒餐(晚餐set)、一個常餐同一個推廣緊既野食。常餐 $43一份正常冰室既常餐，雞翼非常入味，配埋撈丁其實本身都好難難食，但精華絕對係份炒蛋同脆豬，脆豬可以另外叫人幫手加練奶，加左練奶既超脆豬仔包，真係好好味，一大享受，份炒蛋超級滑！鮑魚一品雞煲 $18不得不講我從來無見過咁平既鮑魚雞煲，只係$18，真係好平好抵，不過都預左呢個價錢其實唔會話比好多食材，不過雞係可以的，有肉架，鮑魚就真係唔大粒，係細細粒果種，不過呢間價錢真心係OK的。另外推廣既仲有另一個蝦煲，幾期待下次試！晚餐 - 黑椒汁T骨牛扒 $56晚餐叫左份扒餐，其實真係幾好味，d肉質好軟，醬雖然多左小小，不過整體絕對係大件夾抵食，下次再黎依然會再叫，同埋佢本身跟餐有埋餐飲同湯，價錢合理抵食！

晚上上堂前的下午茶時間又到, 又多了一位同學與我們用餐, 因為知道我們每次都嘗試找平靚正的下午茶食的; 但我今日遲到, 同學仔whatsapp餐牌給我協助我落單, 過了時改叫晚餐就不想啦! 這間冰室有其他分店, 觀塘是其中一間.干炒牛河 + 熱華田走 $32.-牛河彼大碟, 多牛肉多配料, 河粉條條分開, 味道也可以, 雖有些牛肉有點 “鞋”口, 但以這個價錢, 件頭, 加埋辣椒醬, 絶對可以再來. 熱華田都大大杯, 而且不會因大杯而沒有華田味道,前後共3人點干炒牛河, 證明沒叫錯!黑椒牛扒飯 + 熱檸水 $39.-一塊中型牛扒, 黑椒微辣, 牛扒尚算腍滑, 少少根, 低下放了7,8 條白菜仔, 尤如食午餐, 白飯軟硬合適, 米有清洗乾淨的.

已經唔知第幾次同事們召集call龍城外賣早餐喇,今次唔想用腦諗,見同事食乜就跟住食乜,呢款應該都係早餐F,自選雙拼粉麵餐$30~來個榨菜肉絲太陽蛋米,再加番杯龍城必叫熱咖啡提神提神一如既往,我一番到公司份早餐已經喺我枱面,米粉依然係熱辣辣,打開杯咖啡香噴噴... 估唔到榨菜肉絲嘅份量都幾多,啲肉絲仲要幾入味又冇肥豬肉,然後除咗榨菜肉絲之外,裡面會有幾粒瑤柱BB,太陽蛋依舊係打孖嚟,keep住爆蛋黃漿~正呀