龍城冰室

营业中

休息中

今日原本約咗朋友仔去官塘食飯，不過臨時俾人放飛機，唯有自己周圍蕩下睇吓有咩嘢食，行到日昇中心附近，見到有間龍城冰室幾濶落又有我想食嘅奶油豬仔包，就入去食。唔知點解今日好想食常餐，特別係鮑魚火腿通，但可惜咁啱賣晒，見到個瑞士汁雞翼幾靚，就轉左要呢一款。跟餐有奶油豬仔加炒蛋，豬仔包一開二，上枱熱辣辣，奶油已經滲入麵包當中，又香又脆，呢個配搭真係無法抗拒！我最鍾意就係將炒蛋加埋上去一齊食，特別好味！瑞士汁雞翼夠香甜，雞皮入晒味，甜甜的好好味！雞肉仲好滑！配埋杯地道港式奶茶，圓滿嘅一餐。

今日觀塘行街又落雨，到了晚上想去醫肚又唔知食咩，後來諗起行過一個商業大廈樓下有好間餐廳就去睇下，本來想去紅XX室但見到呢間先就去試下。叫咗兩個小菜，個海鮮雜菜煲幾好，好足料及味道入味，另一個係椒鹽豬扒，椒鹽味係夠濃，但豬扒就比較硬，食落去唔夠爽及軟，個忌廉湯都幾好飲，總算都 ok. 下次有再去都會試下其他小菜。

這天下午來到觀塘龍城餐廳，位置頗方便，內裏裝潢較像連鎖茶餐廳，比較時尚。這次點了一個下午茶餐—冬陰功海鮮湯烏冬，再加一份扒餐—絕版招牌黑椒牛柳。冬陰功海鮮湯烏冬湯底辣味足夠，可惜奶落得略嫌少，不夠濃稠。但海鮮很足，有青口、蝦、魷魚、小帶子、魚柳和蟹柳，值得讚賞。$39的下午茶價來說，可以說是抵到爛！鐵板招牌黑椒牛柳點了五成熟，切開後驟眼一看，呈現的啡色看似有點過熟。但是其質感出乎意料之外的好，不會太韌。嚐了一口，肉質尚算可以，亦有鎖緊肉汁，但調味料多了一點，個人喜歡清淡一點。牛扒頗厚身，加上薯菜的話，吃得都頗飽滿。跟餐的羅宋湯有點少，味道正常，可以接受。整體還不錯，以此作晚餐的話，$91來說已經很好，比其他餐廳便宜一截，算是不錯。茶餐廳來說前者的性價比極高，後者還好，略嫌有點貴，但質素還可以。整體來說，頗推薦附近的上班族一試。

以前返觀塘，最鐘意就係嚟呢度食午餐呢！是日咁啱經過，就嚟咗食晚飯回味一下喇！🥢乾炒牛河（$49）份量都幾多，女生未必食得哂喔！每條河粉均勻沾上醬油，食到小小鑊氣香😋河粉稔滑煙韌，同時食到爽脆嘅芽菜、洋蔥、韭黃，口感豐富呢！牛肉夠大片，唔會太薄，食落牛味香濃👍🏻🥢紅酒燒汁雜扒（$56）可揀薯菜/飯/意粉薯菜係以原個焗薯代替炸薯條喔😱雜扒有豬扒、牛扒、腸仔&煙肉，都幾豐富！豬扒&牛扒都有手掌咁大塊，肉質鬆軟😋而紅酒燒汁超出色甜甜嘅紅酒味將食材提升另一層次呢！🍹雜果賓治（跟餐+$9）雜果佔咗差唔多半杯份量，好足料呀😍汽水原罐奉上，邊飲邊加，超冰爽呢！🥤凍檸賓（跟餐+$9）檸檬+ 利賓納酸酸甜甜，清新開胃

叫外賣，講左好多次個阿姐都係聽唔到，都唔緊要，但佢啲對答寸寸貢。之後等餐，見冇人等緊，餐廳仲有勁多位，咁咪坐住先。點知個阿姐又疾頭疾勢，講到勁唔情願咁畀我坐。。極差嘅一次經歷。

嗌咗「中湯」同埋「羅宋湯」。「羅宋湯」正常，但「中湯」就有些許驚喜，因為佢唔係去普通茶餐廳嗰種一式一樣味嘅味精湯，係老火湯。當我嗌咗「中湯」之後，夥計即刻話中湯賣清，可見中湯幾受歡迎～嗌咗「小菜孖寶」。第一道菜揀「XO醬涼瓜斑腩飯」。因為落XO醬嘅關係，所以呢道菜會有些許微辣，鍾意食辣嘅朋友應該會覺得好惹味！另外，仲有一大驚喜嘅地方係，廚師將班腩處理得好好！！！因為就算落咗芡汁浸著，但都無影響炸好嘅斑腩嘅爽脆口感，咬落去仍然十分脆口，認真正！而且苦瓜唔苦～無論係飯、定係餸菜，份量都十足～～另一道菜嗌嘅係「燒汁茄子牛仔骨」。雖然嗌嘅係小菜，但係餐廳佢都用鐵板煲嘅形式上，嚟到嘅時候熱辣辣，就算食耐少少都唔會咁快凍，誠意十足，認真抵讚！哩味「燒汁茄子牛仔骨」，我會推介！！佢唔單止燒汁處理得好，而且當茄子同牛仔骨吸收左豐富嘅燒汁味，成道菜就去咗另一個層次重點係，要廚房嘅鑊氣十足，先可以將牛仔骨嘅鮮味同燒汁嘅味鎖住～～我哋坐喺近廚房嘅座位，係咁聽到啲鑊氣聲，火候十足紅豆冰，甜度適中

喺觀塘APM附近如果你行遠少少嘅話，呢間冰室真係又平又抵食，最有驚喜嘅就係叫咗個牛肝菌帶子意粉$69，份量好大而且個味道真係好好食，估唔到冰室水準都會煮到咁好食嘅意粉，下次一定要encore。仲有叫咗個西餐牛扒配意粉，都只係$89, 牛扒好大件好吸引肉質好林，但係個意粉對個帶子意粉就真係餐好遠啦。最後叫咗個常餐比我個女食，有茄樓通粉，炒滑蛋配奶油豬，都只係$45非常之豐富，我個女食到舔舔脷。總括嚟講呢間冰室食物水準幾好大件又抵食，侍應服務都算係可以，原來我哋手腳都好快，只係APM行過去5分鐘嘅路程，Menu上面仲有好多嘢都想試，但係我哋得兩大一細單債，下次都會一定嚟幫襯。

黃店 💛 #觀塘 #龍城冰室 #龍城🟡 Wolipay admin親自證實老闆支持抗爭而且有實際支援手足🟡 已派發飯券比手足約5000張今日去觀塘拎啲嘢，順便食個茶記冰室，揀咗呢間「龍城冰室」，位置方便，價錢合理，仲有好多菜式選擇🤗 有爬過文，有啲人話服務態度麻麻，又有啲人話幾好。我覺得係偏好，喺晚市時間都好有禮貌。🐙🔥 鐵板海鮮炒麵 （$52）首先點咗呢個海鮮炒麵，一上枱就滋滋聲，仲有好多水蒸氣，勁吸引😝 食落口，都果然好夠穫氣！呢個炒麵入面有兩隻青口同好多八爪魚、蝦、魚柳肉，算真材實料🤪 炒麵份量都好多🥰 加3蚊仲有得加熱飲咖～🐡🥦 海鮮雜菜煲 （$77）減緊肥嘅朋友叫咗海鮮雜菜煲，入面都係有兩隻青口同好多八爪魚、蝦、魚柳肉，加埋幾種菜同粉絲，朋友話佢都好夠飽，份量同味道佢都好滿意🤗 而且平時成日出街食飯，間中要食清少少，嗌呢個真係好fit🤪

觀塘工業大廈林立，越來越多商店設於觀塘工業大廈中。今日去觀塘攞嘢，經過附近茶餐廳，裝修都幾靚，走時尚工業風路線，就入去食飯。是日晚餐有三款可以選擇，價錢$55-$62，包例湯和熱飲，例湯可以選擇紅湯，白湯或中湯。不過今日晏食午餐，仲有少少飽，想食啲菜，所以今日就點左個小炒。而友人就點左個常餐（$48）。常餐其實都好吸引，唔係好似平時嗰啲咁普通， 呢度嘅常餐係瑞士雞翼撈公仔麵，加3.6牛乳炒蛋同牛油脆豬。烏黑黑嘅瑞士雞翼睇落去已經好吸引，食落甜甜地，帶有好香嘅瑞士汁滷水味，一陣陣嘅花椒八角香味，雞翼皮爽口彈牙，炆得好入味！瑞士汁一定要夠甜先好食，撈埋公仔麵加埋個凍檸茶簡直一絕！呢個牛乳炒蛋又係好好味，啲蛋非常滑，炒到七分熟，依然有少少蛋汁，但又唔會太生，吸入口已經可以滑入喉嚨。而牛油脆豬又真係脆卜卜，外脆內軟。西蘭花炒魷魚$70呢度嘅小炒估唔到吵得幾好食，茶餐廳好少咁有鑊氣，西蘭花炒得非常有鑊氣，食落好香口。加$12轉左餐配白飯同埋湯，揀咗紅湯。羅宋湯味道都唔錯，有少少辣，啲菜煲得好淋好入味。魷魚嘅份量都好多，而且大大塊，軟綿綿質感都唔錯，好容易咬。整體來講，食物質素都唔錯，下次可以試吓

友人工作上遇到不如意的事情，見她心情低落，便即慶約她吃飯吐苦水。在隨心之下，我們揀了快靚正的冰室。冰室以磚牆設計，配上歐陸式的掛燈，感覺非一般的傳統冰室設計。地方都唔少，設有多排卡座，亦有長沙發座配四人枱，也有些長枱，而全部枱都按防感染措施而設有屏板遮隔。枱上已放了三份餐牌，有是日晚餐、晚巿小菜孖寶套餐和一本厚厚的餐簿。厚厚的餐簿有很多選擇，令人眼花瞭亂，分別有冰室常餐、麵包系列、冰室粉麵、金牌焗飯、招牌秘製馬來咖喱、西式燴飯、歐陸意粉、鐵板套餐、港式炒粉麵、惹味小食、蔬菜健營精選、大排檔、冰室飲品和冰室特飲。而是日晚餐就有三款選擇，中西式都有，但卻偏偏不合我倆口味，故最後決定要「晚巿小菜孖寶套餐」。****************「晚巿小菜孖寶套餐」($138)包兩碗白飯、例湯和兩款小菜，如要飲品就另加錢。先上例湯和白飯，白飯成座山，超大碗，抵!例湯就大家都揀了中湯，是合掌瓜豬骨湯，熱度十足，湯面帶少少油，喝起來不油膩，味道鮮香，煲得夠火喉，亦用料十足，內有不少腍嫩的合掌瓜、清甜的紅蘿蔔和鮮香的豬骨。****************小菜共有23款選擇，我倆一人選一項心水，然後共享。我

觀塘飯堂二號🙆🏻‍♀️又係早午晚三餐都食過，普通茶記乜都有得食，早餐係好食到有時會專登早啲出門食，識食一定係食芝士牛角包🧀🥐😽秘製沙嗲牛／蝦米雪菜肉絲／瑤柱炸菜肉絲呢三個都出色！午市我通常食是日例牌系列，正常水準，當中指定一款會做外賣自取價$34，真係窮L恩物黎～ps 好耐以前觀塘呢間龍城，後面仲有間龍門，後來間龍門執咗，龍城就到依家都仲係度～個人覺得：因為龍城好食啲所以屹立咁耐😂-龍城冰室觀塘駿業街56號中海日升中心地下A號舖

今日去觀塘搞d銀行野，搞掂又可以行去食龍城冰室啦，雖然話疫情嚴重，但人都要食，平時小心d就得啦，去左龍城食，6點前仲係下午茶！見坐位都好闊落，地方衛生整潔！我食左下午茶餐，炸雞脾配通心粉，先$35，加杯大大杯紅豆冰加$5！我朋友就食menu 鐵板雜扒餐$81，之後先見原來下午茶都有鐵板，平一半價$40，不過係牛扒only，吾緊要啦，食得開心就好！我隻雞脾好大隻，即炸熱辣辣上碟，勁香，皮又脆，肉又嫩，加左孜然粉，更加惹味！通粉不過不失，份量都多，當dinner都得丫，好抵食！鐵板雜扒餐勁大份，上碟同樣熱辣辣，有牛扒豬扒同雞扒，又有煙肉同腸仔，揀左薯菜，薯仔上面加左d醬汁，好食丫！食到好飽好滿足！呢餐食得好開心，真係好耐冇食好野啦！間中都要抖下氣嘅！

午餐選擇了龍城冰室, 其中午餐有我一直都好欣賞的招牌咖喱焗牛肉飯咖喱汁香濃, 牛肉嫩滑, 炒飯底粒粒分明, 可以話係我心目中的首選. 另外烤雞扒亦皮脆肉嫩, 薯菜係真的焗薯而並非炸薯條, 味道不錯, 茶餐就一般例牌.

今日要去觀塘見客，近晚餐時間順便走去工業區找舊同事一齊食飯。佢公司附近的中海日升中心，有間港式懷舊的龍城冰室。好啱我食！冰室地方都幾大，卡座位濶落舒適，菜式中西合壁，價錢大眾化，今晚就讓我試試吧！瑤柱福建炒飯，炒飯有穫氣香噴噴，粒粒分明有咬口，材料有瑤柱、蝦、雞肉、菇菌、魷魚、青口仔和蛋絲非常豐富，加埋獻汁淋在炒飯上，味道帶甜，好味！焗芝士蝦球飯，濃郁的醬汁連埋蝦球放在飯面上，焗至有蕉黃色，蝦球大大隻，份量頗多，非常爽口，醬汁口感creamy，惹味非常！咸檸七冰凍解喝。懷舊紅豆冰奶味香甜，紅豆起沙夠林甜。

已經有一段時間冇去龍城冰室， 今日下午心血來潮就入去吃午飯， 不知道是否太耐沒有來的關係，看見有很抵吃的下午茶餐， 就揀了兩款～自家製牛肉飯配沙律＋ 茶走$38， 台式燥肉飯配牛肉球兩粒＋茶走$38。自家製牛肉飯配沙律～ 牛肉飯的份量很多， 有甜甜的燒汁送飯一流， 沙律份量也很大碟， 甜甜酸酸的味道的確唔錯。台式燥肉飯配牛肉球～ 燥肉配飯特別好味， 我竟然可以吃得完整碗， 牛肉球質感偏實， 味道一般。茶走～ 其實是煉奶奶茶， 味道更加香滑。都有大約半年沒有到龍城冰室， 今次很驚喜的下午茶餐抵食又大碟， 餐廳的衛生和服務仍然要改善。在這疫情之下， 還沒有量度體溫， 而我用餐的時候，店員更手推一大袋垃圾經過。 送上沙律的時候，我看見店員把手指頭插入碟內， 真是驚心動魄的一幕！ 當我用餐的時候店員突然走過來， 大力開枱的櫃桶， 然後再大力關下， 檯面上所有食物好像地震一樣，這方面需要改善一下。