龍城冰室

营业中

休息中

週末午餐時段來到觀塘，周圍都大排長龍，見龍城冰室入座速度快，即管試試。餐廳內入座率極高，職員安排座位埋位先知要搭台，我地再三要求轉位也不受理有點無耐。餐廳環境嘈雜，冷氣不夠，愈坐愈熱，加上二人須坐單一邊卡位，疫情未穩下與其他食客對坐，心有點不安。男友選擇了午餐-焗白汁卡邦尼魚柳配飯，餐湯是周打蜆肉忌廉湯。餐湯比較濃稠有不少梘肉。焗飯份量亦不少，加上大大塊魚柳，配上滿滿的忌廉汁，味道唔錯。我點的是常餐-羅宋湯腸仔粒通粉配3.6牛乳炒蛋鮮牛油脆豬3.6牛乳炒蛋很嫩滑，配搭脆豬一齊食，增加層次感。初初以為腸仔通粉應該比較普通，但估唔到同羅宋湯很夾呢，羅宋湯味道濃郁，湯底有牛肉碎，薯仔條，椰菜，腸仔仲好貼心地切片呢。餐飲冰奶茶正正常常，另外紅豆冰亦不錯呢！

觀塘不嬲好多野食 , 呢間龍城環境 ok,有卡位坐位舒服。 而且地點算方便 ! 餐牌有小食 , 炸野。 扒餐。 飯麵等等 ! 炸脾好夠香脆 皮夠香 入要既雞肉彈牙。 應該係生炸 正！ 叫任何粉麵 鐵板餐都會有 紅白湯羅宋湯夠香入面既菜落足料 甜咸度適中 正！ 白湯都夠哂 creamy唔錯雜扒雜 落足料 上枱夠香熱辣辣 煙肉， 豬扒， 彈牙雞扒。 仲有沙律醬薯蓉 勁正！ 加埋廚師腸 牛扒 落埋蒜汁點夠惹味 椒鹽豆腐好香脆 入面夠哂嫩滑 估唔到茶記既小炒都夠出色！！仲有個回鍋肉麵 都好味 回鍋肉夠肥美 麵仲有 d竹笋撈埋夠哂爽口 仲有個金銀蒜骨帶子都好正 !蒜骨夠軟淋 近骨邊位夠彈牙 薯蓉好軟林都好好味 正

晚市:小菜孖寶套餐 ($138)小菜選擇都幾多,除左揀2個小菜之外,個套餐仲會有跟2碗白飯同西/中湯小菜1:中式牛柳一打開見到啲汁好多，以為會冇咩肉。但原來係哂個底到，牛柳份量都係適中，起碼有5,6塊!個汁酸酸甜甜，用好多洋蔥絲一齊炒，幾開胃!! 配白飯一齊食就最正!!!小菜2:西蘭花炒蝦球首先賣相唔錯,幾吸引~ 西蘭花配合外賣,煮得偏硬,所以焗住隔左一段時間先食啲西蘭花都冇話黃同焗到淋哂~蝦球冇雪味okay~是日中式例湯係節瓜章魚豬骨湯清清甜甜,都唔錯同埋餐廳都支持環保,可以自己帶食物盒買外賣! 落單時拎埋食物盒同職員講就okay總結:外賣有九折,cp值唔錯 食物唔似其他餐廳咁落太多味精,感覺健康啲! recommendation rating (out of 5):

二人遊下海旁後，肚餓了便向apm方向、亂搵下茶記，點指兵兵入了E間、也估唔到沙嗲汁牛肉很好味、啱晒我口味夠濃味牛肉肉都幾好！已經好難搵到沙嗲牛肉共存好味在茶記，好感動！好正！而且通粉算不太軟身😁魚柳口感算可以。今次重點推介沙嗲牛肉👍

黃店💛雖然佢話退出咗黃色經濟圈 但係係我心目一日黃店 終身黃店！ 而且我試過佢銅鑼灣分店 覺得好好食所以今次嚟到觀塘都試下佢🥴加上嗰日我得一個人 入麻甩冰室會冇咁尷尬 🤣🤣🤣 痴線！ 佢好似間間分店都有好多菜式！ 呢一間分店重多D! 多咗大排檔小炒系列！ 搞到我最後望住個menu 諗左成15分鐘先諗到食咩！ 因為樣樣都好吸引🥺🥺🥺 但我得一個胃😭 最後我都係揀咗食意粉🤭 上次都係🤣🤣🤣 每一次見到菠菜意粉都好好好想食😂😂😂 仲要有埋蝦 真係不得了🤭-蒜香菠菜蝦球炒意粉（$75）D蝦好大隻！ 菠菜好足料！ 好健康！ 不過真係太大份😂😂😂 我食到三分一就已經飽左 但又唔想浪費 最後食到剩左一半 要打包走🤦🏻‍♀️ 所以建議細食嘅你哋 or 正常食量嘅你哋都可以嗌少意粉😂😂😂 -避風塘豆腐（$36）呀！ 好正呀！！ 我一打開Menu就已經睇中呢一個！ 一定要食佢！🤣仲要好平！ 超推介你哋食！ 好味道！ 份量啱啱好！ 1-2 人🥴🥴 好香口 外脆內軟❤️最後就緊係唔少得最愛既紅豆冰啦😍😍

<炸野 同鐵板好味既龍城冰室>而家做冰室喺 hk唔夠多元化都係聽執 所以一定要多選擇先做得耐 呢間喺觀塘既龍城冰室環境幾闊落 有卡位 食物好多選擇 常餐 炒蛋 炒麵飯 小菜等等 個人覺得炸野同鐵板最正 可以一試👍🏻🍴美式雜扒 豬牛雞腸煙肉 配燒汁 81 蚊🔥一上枱鐵板熱辣辣 豬扒薄身但夠大件🐷 煙肉夠香脆咸香 🐖 牛扒夠嫩滑 juicy仲有腸仔 同外表煎得香脆既雞扒🐤 落埋燒汁 十分 match我幾鍾意佢個薯蓉係焗薯🥔 落左 d芝麻醬好 match放喺鐵板上面熱辣辣都好正😂🍴家鄉竹笋蝦米回鍋肉麵🍜配3.6 牛乳炒蛋🥚 配奶油豬 🍞47 蚊奶油豬奶油味夠香滑 甜度適中 包夠香脆 蛋好夠滑 蛋味香炒得好👍🏻 回鍋肉比較爽口彈牙 辣汁夠惹味 撈落爽口既公仔麵度夠哂入味 仲有有咬口既蝦米同筍🦐 好味又抵食 😁🍴金銀蒜 T骨 牛扒 伴 炸帶子 薯菜 62 蚊🐂🥔炸豆子幾香脆 入面既帶子幾彈牙 t骨牛扒 近骨位既牛肉夠彈牙 而其它位既肉幾有口感 金銀蒜撈埋都幾香同有口感 配埋比較黏稠既燒汁甜咸適中 唔錯 薯菜 係成個焗薯🥔薯仔夠軟林 帶 d芝麻醬 幾 match好食🍴紅湯羅宋湯個

龍城冰室🐉今日約左一位好耐冇見既朋友，大家咁岩有緣係官塘翻工！於是約埋一齊食晚飯。平時食開日式餐廳，西餐廳。今日就想去下懷舊冰室。🤪呢間冰室呢就係日昇中心個頭既，行過去地下就見到架啦。😎一入到冰室裡面，就馬上有伙記好熱情咁招呼我地，有講有笑，呢啲人情味呢真係買少見少😝！😬一於就睇下個是日餐牌先。睇完個餐牌，中西餐都有，我就叫左份扒餐食😋😋，而我朋友叫左份茄子🍆牛肉煲🤪。等我介紹下是日餐飯先🤩🤩1.紅燒汁雜扒配薯菜+中湯章魚🐙蓮藕豬骨湯+凍檸茶首先個薯蓉焗得岩岩好啊！😋仲熱辣辣既～一入口都即溶，好香甜同幼滑！😍好味😋！之後個香腸同火腿唔錯，唔儲太鹹，又煎得岩岩好，唔會太燶😬😬！之後到塊豬扒，亦煎得有水準，肉質鮮嫩！最後就係牛扒啦，肉唔會韌，煮得岩岩好。😁😁而份中湯好有老火味！好入味！凍檸茶啲檸檬🍋好多塊，完全唔苦，飲落去好順口！靚！2.紅燒茄子🍆肥牛煲+西湯華路夫忌廉湯+凍華田首先個煲好熱辣辣，茄子🍆配肥牛好夾，茄子🍆特別多汁到入味！牛肉炆得好好，亦都非常之入味，配白飯一流！😋😋食到停唔到口啊～個西湯都煮得唔錯！😛有火腿，洋蔥，好入味！凍華田沖得好，唔會苦，又唔會太甜，帶到麥香味！😋😋整

今日約左朋友去觀塘行街，平時真係好少會黎呢個地方，總覺得人多車多。行到大約下午，開始有d肚餓既感覺，所以就想揾個地方，食個下午茶兼休息下。黎到駿業街，見到呢間龍城冰室，裝修幾新淨，而且下午茶選擇幾多，就一於入去試試啦d位都幾闊落，而且用晒膠板圍住，可以食得放心呢個自選下午茶幾特別，一般餐廳比較少有，可以滿足到多心人士吾自選下午茶，都有普通下午茶餐可以選擇，朋友就簡左個野菌乾燒伊面我就被呢d常餐吸引左，天氣熱，想食d酸酸地既食物，所以就簡左羅宋湯腸仔粒通粉餐乾燒伊面先上，份量好多，而且材料吾少，炒得好有鑊氣，伊面好香常餐有我最愛既炒蛋加奶油豬。炒蛋嫩滑而且充滿牛油味，奶油豬夠晒卜卜脆，練奶佈滿成塊面包呢個羅宋湯腸仔通心粉，腸仔份量好足夠，個湯酸甜之餘再帶少少辣味，十分開胃我地仲叫左一個特厚花生醬西多士，一上枱係勁靚，大大舊牛油配上金黃色既西多士，令人睇到都想食切開入面滿滿既花生醬，面包鬆軟而且好有蛋香味，一啖食落好滿足天氣熱吾少得一杯解渴既凍飲。凍朱古力味道夠晒濃郁今餐食得相當飽，價錢亦合理，下次有機會會再幫襯

一早起身當然要餵飽我老公，最鍾意試新餐廳的我，來到觀塘區的入圍茶餐廳—龍城。店舖走一般茶餐廳格局，到底有什麼高招能躋身入圍之列？！看過餐牌之後，發現有令我們覺得新奇嘅地方，我們點了兩個套餐。我點了彷鮑魚火腿通粉餐、配煎雙蛋多士和熱檸茶。老公點了招牌沙嗲牛肉麵、配牛角包炒蛋和凍奶茶。我估這裏出名的就是早餐可選擇牛角包，而且不是普通的牛角包，裏面還夾有芝士火腿，以這個價錢吃到那麼豐富，性價比非常高。總結：餐牌上看到早餐可以配中式點心，又夠新奇，可惜當日服務員說已經沒有中式點心了，不知道日後還有沒有機會再吃到。以食物質素、分量確實性價比高，怪不得它能躋身入圍餐廳之列，大家可以一試

最近係觀塘學野，所以都會係附近覓食。龍城冰室呢個名我相信好多人都聽過，最近呢d時間尤其出名。我之前其實都食過，不過未有影到相寫食評，今次食完就下定決心要寫啦~通常我去食都係食常餐，方便快捷，但係今次就想試下呢度既焗飯同小菜，我今次食既都係食牌上推薦既食物焗青口（$36）：呢個青口有少少失望，冇乜特別，但價錢幾抵，鐘意食青口既其實都可以叫下😂避風塘茄子（$36）： 係我成餐飯既最愛，真心好好食！雖然佢個名叫避風塘，但其實佢係其實係偏鹹多過辣。佢出面層炸粉係似天婦羅，好脆好薄，再加上面頭既炸蒜，令成盤茄子都好香。中間茄子炸得好冧，好正！焗咖哩薯仔雞球飯 （$58）: 呢個焗飯有意外驚喜。個蝦球好大好足料，連薯仔都大大舊，仲睇到少少芝士拉絲。咖哩少辣，重點係個飯上到呢仲係熱辣辣，食到最後仲出緊煙🤩雜果賓治，菠蘿賓治：賓治入面d生果都大大件同埋個味唔甜，不錯

有天胃口不佳，亦都因為早上喝了凍咖啡有點兒肚子痛。但之後在這兒附近有點工程，還是需要先吃個午餐，於是找到來南記附近，印象中之前看到這間餐廳，每每都排長龍，這天星期六日，碰巧人流比較少，於是亦硬着頭皮內進一試。友人還是點了個焗豬扒飯，明明胃口不算很好，亦都點了個焗飯，還要是豬扒的，確實是爆冷。看到晚上，豬扒的質地亦都不太差，而且汁醬不夠，亦都可以問店員拿多一點。我就點了個常餐。那個名字好像是櫻花豬扒，不知道究竟是櫻什麼花，但是豬扒，可能由於我立即將它從湯麵之中夾起，因此豬扒醃過之後，味道夠香口，又煎得香脆炒蛋也傾向呈流質，但蛋味未算出眾；豬仔包有點煉奶還好，但豬仔包不夠厚身或香脆，也不太傑出。熱咖啡就比較普通，不算是什麼特別即磨咖啡那種味道。

前日去左觀塘海濱睇日蝕，睇之前就食左d野，之前聽講呢間餐廳都幾多野食，同埋老豆又鍾意食中式野，岩曬。佢有下午茶餐，但我地味食野，所以正係叫左1個下午茶餐其餘都叫主餐牌野食。呢個咖喱牛肉飯（下午茶餐）d咖喱都幾辣幾好食，撈飯一流，同埋份量都幾多，薯仔同牛肉都好淋！配凍奶茶無敵！家姐想食意粉，所以我地叫左個蒜香波菜蝦球炒意粉。佢波菜都幾多，蝦都幾多而且幾大隻，其實佢個粉都幾creamy，不過佢都用左好多蒜黎平衡返個味道，所以我覺得幾好食！我地叫左個鐵板蒜蓉羊架拼香草腸。d羊架好香，不過肥肉多左少少，要讚係佢個薯菜，佢真係成舊焗薯比你而唔係薯條！仲有小唐菜，唔錯。個紅豆冰好好飲！最怕d紅豆冰淡牟牟，但呢杯d紅豆好甜好香，上面d奶好濃味。

適逢父親節，帶父親去了觀塘一間冰室。雖然外表望落去如港式冰室，諗住得d茶餐廳野食。但原來都幾多選擇下。我地係下午茶時段食，所以除左d正餐仲有好多野揀~~我地叫左3個主食，首先黎既係咖喱牛肉飯，佢個咖喱都認真幾香，係屋企好難整到，牛肉都夠淋。仲有d薯仔同d咖喱汁好夾，勁好食。佢d飯唔會好濕，加埋d汁個texture真係好好味。呢個意粉得係極級推介，如果你鍾意食碳水化合物，佢真係好好食，佢白汁得黎有用蒜蓉炒，聞起黎已經好香，食落去仲正，唔會太溜，意粉硬度啱啱好。同埋份量係勁多，我自己覺得2個人細食既話都夠。最後係羊架鐵板，佢個汁同d配料都幾好食！不過羊就有d肥。佢有豬，牛，雞等，我諗會比較啱大眾口味多d呢。餐湯~野飲我叫左鹹檸七，感覺依家唔係咁多地方有得飲，有點可惜個檸唔夠鹹，但都滿足到我扮下懷舊。埋單200幾，3個人真係好夠食，(4個人都得) 。😂

由於疫情關係，同將軍澳嘅好友已經有半年冇見！今日收工大家約咗喺觀塘食飯！友人無所謂於是我揀左嚟到龍城冰室！其實日升中心附近都幾多野食！研究完一輪！好友揀左焗飯！點知佢個焗飯到左，我個常餐都未到，跟住等多陣就黎個公仔面，但睇圖你都知有幾林啦瑞士汁又有d苦澀奶油豬 炒蛋都ok整體黎講，一般般啦配埋凍飲+$3 埋單$51

放假出咗觀塘去閏蜜間舖度探班，佢話忙咗成朝連早餐都未食咁啱下午無客人預約，趁下午茶時間我哋就去附近嘅龍城冰室醫下肚😋黑椒牛扒腸仔配薯菜(下午茶/$44):雖然係下午茶但份量絕對唔少，牛扒都有2塊而且肉質軟腍唔會韌！薯菜有烚菜同成個焗薯，保證食得飽😋焗咖哩薯仔海鮮飯($56):閏蜜叫咗焗飯，見到有好多海鮮，青口、蝦仁、魷魚，仲有大大塊炸魚，我試咗1件薯仔軟腍入味，咖哩香辣又惹味！🌶️特脆奶油豬($16):豬仔包烘到好脆，上面有滿滿嘅煉奶同牛油，外層香脆內裡鬆軟❤️懷舊紅豆冰(+$9):紅豆好足料，啖啖紅豆加上順滑淡奶香，甜度剛剛好，充滿兒時嘅回憶☺️凍奶茶(+$3)