龍城冰室

营业中

休息中

最近都要去觀塘返工 朝朝早都會去呢度食個早餐 沙嗲牛麵 炒滑蛋配芝士火腿牛角穌呢度個沙嗲牛麵完全係超水準 d沙嗲湯係勁足料 完全係杰撻撻 可以掛係d公仔麵上面另外個牛角酥亦十分香脆可口 而結尾果杯奶茶又香又純 完全為一天作一個完美的開始

星期六同媽媽喺觀塘閒逛 行到有d餓同攰又擔心樓上小店多人等位就諗住去茶記嘆個茶餐😛媽媽問我有邊間推介 我就諗起之前喺朋友個studio叫過龍城既外賣 佢個避風塘豆腐真係一試難忘😋所以我地就去左龍城食tea喇! 一入到去就覺得龍城比一般茶記有格調👍🏽呢度既茶餐選擇幾多 有d option都比較少見~~媽媽就叫左個自選茶餐👉🏼野菌乾燒伊麵 ($39) 配春卷4條茶餐有伊麵食 真係第一次見🤭 食緊個陣聽到幾多人都係叫伊麵食~~伊麵入面除左有雜菌 仲有紅蘿蔔絲、豆芽伊麵唔會好軟腍腍 味道鹹度岩岩好~~春卷形狀比較扁平 餡料入面有豆芽同疑似係薯蓉(?)既食材勝在即叫即炸 好脆口啊!! 我就叫左 公司三文治($55)上枱之後我第一眼就比炒蛋吸引住🤩厚到好似玉子燒咁 正啊! 仲要幾嫩滑😋夾住既餡料除左有蛋 仲有午餐肉、火腿、炒蛋、生菜、蕃茄、芝士🧀相當豐富啊!! 😆每塊麵包都烘到金黃色 食完真係好滿足啊! 🥰對呢度既避風塘豆腐念念不忘😛所以今次都叫左碟同媽媽share!避風塘豆腐($36)呢碟小食比春卷更燙口 可見真係即叫即炸外脆內嫩滑👍🏽加上海量既炸蒜粒🧄 保證豆腐既四方八面都可以痴到炸蒜粒 好正

今日同女朋友係觀塘行街又諗唔到食咩,女朋友就話不如食龍城冰室啦,甘我都無咩所謂,甘入到去見佢燈光都幾光明,都幾舒服,同埋佢地都有好好用透明板隔住,甘我又覺得幾放心,甘黎得中式既餐廳緊係要叫餸食飯架啦甘先夠地道.甘第一樣就叫左個土魷蒸肉餅,肉餅蒸得都好好,唔會太乾同太散,食落都有口感.同埋佢地肯幫我地汁另上,真係加分不少,因為好多餐廳都唔願做.再之後就叫左個黑松露蝦仁炒滑蛋,佢滑蛋炒得幾好,唔會燶同太熟,而且黑松露好夠份量,一放低都已經即時聞到D黑松露味.跟住就係一個蔥燒牛仔骨,佢無落好多汁去調味,反而真係好有火氣,食落唔會難咬,仲真係好惹味,令人食完想再食.最後就係蒜蓉田園炒雜菜,我本身就唔係好食菜既,但佢又真係吸引到我,因為菜好新鮮,蒜蓉都爆得夠香,同埋佢價錢都唔貴,都好推薦黎食

今日同男朋友係觀塘行街,諗諗下好耐無食過中菜,就去左龍城冰室打算叫D小菜食飯🤤一入到去就見到佢地做好哂防護措施,枱同枱之間都有隔好透明板,可以令人安心進食👍甘首先就叫左個土魷蒸肉餅,佢地仲好好肯幫我地汁另上,因為好多餐廳都會厭麻煩話唔得,但佢地服務好好,個肉餅就算唔落豉油都好夠味,一D都唔會太淡,同埋肉都搓得夠實唔會一夾就散👅之後就叫左個黑松露蝦仁炒滑蛋,黑松露既份量都好多,唔會只係落少少,完全為個蛋增加好多香味🤤然後就去到我最期待既蔥燒牛仔骨,不得不說一放低就已經比佢既香味同賣相吸引住,令人流哂口水,牛仔骨唔會切得太薄,好有口感而且燒都無燶,唔會有苦味👍最後就緊係要食返D蔬菜黎保持飲食均衡,所以就叫左個蒜蓉田園炒雜菜,蒜蓉都爆得好香,成碟菜都唔會好油,整體黎講成餐飯既體驗都好滿意😍😍

諗唔到食乜好，最好就係幫襯茶餐廳、冰室呢類，貪佢offer o既款式夠多，梗係唔多唔少會有d 中式碟頭飯，又有d 西式意粉同扒咁，無咁肚餓o既日子又可以嗌番個常餐也就係港式「all day breakfast」。呢間o係觀塘工業區o既茶餐廳，內裡design 都係偏向簡單、樸實為主。我地決定叫一個鐵板餐、一個飯麵再share 食。鐵板餐o個個會跟湯，可配中西湯都得o既，如果睇番set dinner 個餐牌會見到是日中湯係乜，似乎日日都唔同！不過配西式o野，我地都係叫番羅宋湯先。北海道帆立貝雞扒配洋蔥汁($79) 雖然只係menu 上價錢最低o既鐵板餐，但係質素仍然唔錯。塊扒ok 厚實，煎到燶燶地香香地總係令人垂涎三尺，帶子一樣咁鮮味有咬口，只係share 食之後而家一人只食到一粒，唯有當過下口癮啦。個餐我地配o左個焗薯，熱熱o既時候最好食。朋友發辦，另外o個個我地點o左班尼蛋卡邦尼意粉($68)。Egg benedict + carbonara 咁o既組合之前未見過，我食過o既egg benedict 通常係配麵包，不過都可以想像到應該會幾夾，因為carbonara 本身都係d 重蛋味

呢日打算去西灣河行下，所以黎到官塘，諗住食完嘢就搭船🛥過去～而呢排都係繼續草緊黑白淡奶☕個印仔，於是黎左🐲龍城冰室，因為呢間餐廳比較容易搵😹一入到去就問佢哋係咪有得蓋印仔(😆double confirm下)點知！！！個收銀話同事已經將個印仔掉左！！明明個活動去到年尾！！🥵激氣！咁既然我已經入左餐廳，所以就食啲嘢醫肚先繼續出發～於是叫左個常餐($48)👇🏻瑞士雞翼公仔麵🍜配鮮油脆豬同炒蛋🥚，仲有熱奶茶☕價錢算係合理、抵食嘅，而瑞士汁都幾濃，公仔麵又唔會太淋👍🏻不過炒蛋得返少少微溫～鮮油脆豬就唔脆😟唔知係我唔好彩定係平時都係咁呢？！😟

好耐冇試過去觀塘覓食，呢期最鍾意去唔同嘅區食冰室，因為冰室最能代表香港嘅餐廳，食嘅嘢又多元化，同親朋友去食都係食冰室，因為都可以食自己鍾意食嘅嘢。今次就嚟試吓觀塘嘅龍城冰室。叫咗個鰻魚炒飯，鰻魚炒飯炒得好入味，份量都唔少，其實兩個人食都夠飽，鰻魚嘅份量都幾多，食開嘅人都知鰻魚嘅價錢都唔平，所以佢呢一碟鰻魚炒飯嘅性價比都幾高。另外叫咗個雞扒配焗薯加蒜蓉汁，雞扒好嫩，外皮好脆。另外仲叫左個芝士蒜蓉焗青口，好入味好香，牛油味好重，呢個都幾抵食。

今日咁岩去開觀塘覓食，聽朋友講呢間冰室個質素唔錯，所以就約埋女朋友一齊去試吓。呢間冰室個位置距離地鐵站都一段路，不過都幾多人食，因為喺工業區入面，咁岩今日星期六，所以唔駛等好耐，如果係星期一至五肯定好多人。食物嘅選擇都幾多種類，價錢都幾抵食。叫咗個雞扒鐵板餐，雞扒好嫩滑，個焗薯配埋芝麻醬好好食，個雞扒配埋蒜蓉汁，新鮮熱辣上菜，一流。個餐配埋個餐湯。佢哋個炒通菜都好入味，腐乳炒通菜，腐乳味好重，啲菜都好新鮮。

#避風塘炸豆腐#絕對唔馬虎一一一一一一一一一一一一一一觀塘工業區搵食！🌝話說上星期落大雨😋就係轉角處搵到呢間唔算太起眼嘅龍城冰室~🤪見到有小菜套餐，都係138，幾低食，就試試佢。1️⃣避風塘豆腐🧀 評分: 7.5/10講起避風塘你會諗起咩，通常都係炒蟹、茄子之類，豆腐就少d聽啦。呢到叫份小食都係30幾蚊，炸到外脆內軟，脆皮上面有d蒜粒，當你以爲好重口味個下，入面豆腐又帶到d清淡嘅口感，平衡得幾好。2️⃣西蘭花炒帶子評分: 7/10其實入邊仲有啲雜菌，算係幾足料，西蘭花用鮮雞粉調味，味道偏鹹，送飯來講啱啱好。帶子亦唔會煮到老晒，稱得上係水準之上。3️⃣黑椒茄子牛柳評分: 7/10茄子同牛柳都幾腍，而且入味，不過口感有d單調，因為真係得茄子同牛柳，如果有少少紅蔥頭或者洋蔥，口感會再rich d。總括嚟講，算得上係價錢親民，味道怡人。一一一一一一一一一一一一一一#foodprint觀塘

#觀塘地道茶餐廳一一一一一一一一一一一一一一好耐無去觀塘啦🤪今次黎到，試左間茶餐廳啦🥰🥰位置係apm附近，價錢上都相當抵架！1️⃣避風塘豆腐 $36評分: 7.5/10豆腐非常好食！外皮無相像中咁脆，但好入味，其實同避風塘唔太似，不過就幾好食，內裏都好滑。2️⃣黑椒茄子牛仔骨（$138兩送套餐）評分: 8.5/10我自己本身好中意食茄子，所以我一定係比好高分，牛柳入味而且腍，送飯一流！3️⃣西䔵花炒帶子 （$138兩送套餐）評分: 7.5/10西䔵花炒得淋，而且仲有啲雜菌，不過帶子嘅數量就有啲孤寒，略嫌少咗少少，不過都可能係因為太好食啦，食食吓就食晒。4️⃣椒鹽鮮魫🍢 評分: 7.5/10可能外賣d野凍左，稍微遜色左，不過整體都幾入味，下次比埋喼汁會更好！5️⃣蒜香骨🥔評分: 7/10我覺得叫外賣一定要叫蒜香骨，平時係街食呢d野又要顧儀態又要注意衛生，食得唔夠過癮，係屋企食，一手一啖肉，滿足曬食肉獸嘅我。

同朋友好耐無見，今日約左佢去觀塘既龍城冰室度食😆因為好耐無食過啦～～龍城中餐、西餐同馬拉野都好得食，好難選擇！最後我地叫左焗咖喱薯仔牛肉飯、避風塘豆腐同蒜蓉拍薑炒菜心，我就跟飯加$9叫左一杯特飲-我最愛既紅豆冰😋侍應落單上菜都好快！焗咖喱薯仔牛肉飯 好正！好有椰香既咖喱用黎撈飯真係一流！牛肉好嫩，好易咬，薯仔亦都好冧身！👍🏻👍🏻👍🏻避風塘豆腐都好正，外脆內嫩！😋嫩豆腐好滑😋出面炸過既面又好野味～😋蒜蓉拍薑炒菜心純粹係因為我地想食下菜～正正常常～有d 薑味都幾好😀最後有紅豆冰作為圓滿既結束😋有不少既紅豆！好冧！又甜！正！因為仲有空位，所以我地喺龍城坐左2個鐘慢慢傾計，性價比高！😆

呢排個個都要stayhome,雖然晚市已經開放返堂食，限聚令又放寬咗，不過安全起見我哋都係決定買外賣返屋企食之前試過嚟呢間龍城冰室到食夜晚，記得佢哋呢度有好多款式嘅嘢食，中式嘅小菜又有，西式嘅扒餐或者意粉都有，所以就決定嚟呢度買外賣！揭一揭餐牌，覺得呢度嘅是日晚餐同埋惹味小食都好抵食，所以就嗌左呢兩樣，價錢絕對合理親民！落單冇幾耐我嘅外賣已經預備好～首先就叫咗椒鹽豬扒，平時食飯已經係我嘅至愛，今次呢度嘅份量只係需要$35，絕對抵到爛，我哋仲食淨咗少少擺喺雪櫃夜啲再做宵夜。味道方面，佢嘅調味十分豐富，除咗本身expect到嘅椒鹽味之外，佢嘅蔥蒜份量都控制得好好，而且豬扒嘅厚薄適中，切到細細塊咁食真係好滋味跟住就到避風塘豆腐，份量一樣係好足夠，而且每粒都有均勻適當嘅調味粉，唔會話有一舊特別鹹有一舊特別淡咁樣。咬落去入面嘅豆腐亦都好嫩滑，炸皮亦都唔厚。不過唯一美中不足嘅就係因為外賣嘅關係，佢嘅外皮冇堂食咁香脆，雖然味道都依然好味，但係都係建議大家堂食最後當然唔少得食肉獸必叫嘅雜扒餐，比較驚喜嘅係我叫咗薯菜，但係冇諗過真係有一夠原個既薯仔🥔

是晚同男友去APM行街，疫情稍為緩和下，接近晚餐時間，商場食肆都人山人海。於是我地OpenRice附近餐廳，發現咗呢間有很多笑面好評嘅冰室。我地七點左右去到，裡面唔算太多人，我地可以坐到卡位。卡位空間有啲狹窄，要縮起個肚腩先坐到入去我地見到枱面貼左晚市優惠二人套餐廣告，有兩個小菜、白飯，中湯或紅湯選擇，感覺很實惠。咁我地點咗時菜炒斑片，斑片好厚身，肉質滑嫰唔霉又冇雪味，好正！豉椒蒸倉魚，大大條，蒸到啱啱好，唔會過咗火候，非常有水準！以後去觀塘又多個開飯好選擇啦！

今晚要去觀塘做嘢， 喺附近見到一間冰室， 啱啱好五點九，仍然供應下午茶，就買埋外賣返屋企食啦！室內環境都唔錯，以卡位為主，坐得幾舒服，就乖乖地坐喺度等外賣！下午茶超多選擇， 既有輕食亦有飯、麵類！！乾炒牛河(HKD44)河粉唔會太濕，裏面嘅料好多，牛肉唔會韌又唔會太乾身，炒得好鑊氣唔會太油膩，整體都OKXO醬揚州炒飯(HKD44)揚州炒飯就食得多， 宜家加埋xo醬炒香口惹味， 不得不提，雖然佢係下午茶 ，但份量非常多，真係可以食到好飽。瑞士雞肶伴薯皇(HKD38)雖然香脆嘅薯條用膠盒焗住會影響佢嘅脆度，但因為係粗條嘅關係，薯味非常之重，相信堂食會更滋味。雞髀非常之厚肉， 而且夠曬入味，香甜嘅瑞士汁係我嘅最愛！！

週末午餐時段來到觀塘，周圍都大排長龍，見龍城冰室入座速度快，即管試試。餐廳內入座率極高，職員安排座位埋位先知要搭台，我地再三要求轉位也不受理有點無耐。餐廳環境嘈雜，冷氣不夠，愈坐愈熱，加上二人須坐單一邊卡位，疫情未穩下與其他食客對坐，心有點不安。男友選擇了午餐-焗白汁卡邦尼魚柳配飯，餐湯是周打蜆肉忌廉湯。餐湯比較濃稠有不少梘肉。焗飯份量亦不少，加上大大塊魚柳，配上滿滿的忌廉汁，味道唔錯。我點的是常餐-羅宋湯腸仔粒通粉配3.6牛乳炒蛋鮮牛油脆豬3.6牛乳炒蛋很嫩滑，配搭脆豬一齊食，增加層次感。初初以為腸仔通粉應該比較普通，但估唔到同羅宋湯很夾呢，羅宋湯味道濃郁，湯底有牛肉碎，薯仔條，椰菜，腸仔仲好貼心地切片呢。餐飲冰奶茶正正常常，另外紅豆冰亦不錯呢！