龍城冰室

营业中

休息中

隔離排哂長龍，咁唯有就近過黎試下呢間龍城啦， 雖然都要等， 但佢個焗飯同茶餐都好好味，個豬仔包好脆，炒蛋好滑，沙嗲牛麵好好味，同埋最緊要杯咖啡好飲，價錢又唔貴， 選擇都多，多啲幫襯！

我係好中意食常餐嘅人，經常去到唔同嘅茶餐廳啊冰室啊都係會叫左常餐龍城嘅常餐有五款選擇，個包 default 左係奶油豬（煉奶比較少，嗜甜嘅朋友應該會覺得好唔夠喉 🤣），炒蛋好滑唔會熟得滯今次叫左一個沙嗲牛麵同一個蕃茄湯牛肉通粉，茄湯好濃，牛肉都大片而且份量都算多，啲麵同通粉都唔會煮到淋哂45蚊個餐尼講有呢個份量係幾抵食，多數女士應該都唔會食得哂 😂 有時真係諗唔到食咩，都可以選擇尼簡單食個常餐醫下肚幾好

光顧龍城冰室, 要有心理準備, 冰室環境比較擠迫, 沒想像中清潔。雖然坐下後, 內心有說不出的不安, 不過食個快飯, 食完即走。是日午餐 $51- 日式咖喱雞扒配薯菜- 紅湯: 羅宋湯- 熱檸檬茶熱檸檬茶味道中規中矩, 不過杯的清潔度令人倒胃。羅宋湯蔬菜不少, 無肉, 是典型茶餐廳羅宋湯的味道。日式咖喱雞扒配薯菜份量巨大, 雞扒大過手掌, 有厚度, 肉質鬆軟, 啖啖肉。雞扒之下有蔬菜, 稍微平衡肉感。唯咖喱味道過於濃烈, 掩蓋伴隨薯仔的麻醬。

放工搵野食 行行下就見到呢間餐廳門面幾靚又唔洗等位就入左去餐牌都係一般冰室餐牌 應有盡有突然心血來潮 想鐵一鐵佢個板 就嗌左個鐵板餐 加八蚊有奶油豬 當然要埋啦 哈哈奶油豬正正常常 十分脆口 八蚊黎講我十分滿意👍🏻呢個餐仲有餐湯同飲品 上菜十分快手 唔係幾洗等就會有湯俾你飲住先 紅湯都十分足料 凍檸賓都只係加五蚊嗌左雜扒鐵板餐 可選飯/意粉/薯菜 我揀左意粉 其實本身期望佢係用茄醬炒好既意粉 但原來唔係 但上面都有粒粒番茄醬 算佢啦😂另外意粉係我中意既幼身意粉 真係大加分👍🏻值得一提係份量都十分多 雜板竟然除左豬同雞 仲有牛！真係估佢唔到 我一個大男人都差d食唔曬。之前係其他連鎖快餐店食過鐵板 食到後面 個底既食材會因為塊板熱左太耐而燶曬 但呢到熱度啱啱好 做到炸炸聲 又唔會煮燶食材 十個讚

排長龍的《紅茶》，小弟基本上不會傻傻的等反而會去輪候旁邊的《龍城冰室》。老老實實，A餐與B餐都不吸引只有C餐和D餐可取，所以最後點了一客C餐、白湯配凍檸水 $54D餐的忌廉湯，香濃可口夠creamy，湯中加了不少火腿絲和蘿蔔絲，帶點兒時家中煲湯的味道主菜：紅酒燒汁肉眼牛扒配薯菜先講薯菜，一般餐廳的薯菜是放置一堆雜菜而《龍城》的薯菜則是一件焗薯，沾上日式麻醬，頗有新鮮感質素很實在，焗得香脆。至於菜方面，基本置在肉眼扒下方，沾了大量紅酒汁，主要是小棠菜肉眼扒則煎得軟熟，且不燶，口感非常好，加上紅酒汁助攻，$54 一大件肉眼扒，算係咁啦大佬凍檸水則似糖水多於檸水算吧，有肉眼扒搭夠，加分！

話紅酒燒汁黎到變左茄汁咁款，本來就無咩所謂，但撞正隻狐狸仔唔多食茄汁既 就話變左麻麻啦，牛扒軟熟，不過有筋，腸仔都OK，一般正常。不過我個芝士焗海鮮飯就幾正。芝士焗得幾好，料好足，仲有魚柳少少外脆內軟，尤魚彈牙，蝦就正常啦，隻青口定咩就比左狐狸仔食。碟淺底，所以飯其實唔系好多，不過有芝士配，就夠膩同飽到傻。以前系呢度成日叫午餐外賣，都系椒鹽豬扒飯熱奶茶拎走，平靚正！你話讚到距天上有地下無咁就無理由，但茶餐廳水準，快餐外賣快靚正咁款同埋焗飯！

在觀塘的一角，找到這間冰室，裝修有點心思。常餐，$45，兩片豬仔包，炒蛋，加通粉或麵。焗鮮茄豬扒飯，$51，炒飯底，豬扒切細件很細心，茄汁很多汁，整個飯唔太乾，加分。午餐，鹹魚肉餅飯，$49，正常水準。女兒問什麼是冰室，我們解釋冰室是懷舊的地方，現在大都變成茶餐廳了。落單仍是用最舊的寫草紙。

平時去龍城買早餐都未試過有咁嘅待遇真係比錢買難受今日朝早去買早餐就比個疑似經理嘅灰衫女人串（因為其他staff)係著黑衫制服嘅👎🏽👎🏽👎🏽👎🏽又唔係日日幫襯你🙄唔識嗌 或者嗌慢慢少少姐🤥🤥個樣又西態度又差串串貢咁態度咁唔好就唔好學人做服務業啦😡$35蚊一個早餐你估平架？🤕🤕🤕🤕係咪應該包埋service ah?仲要最後比少咗個豬仔包 咁樣呃秤都有 咪洗旨意再幫襯！😤😤😤

今日經過觀塘，見到呢間餐廳外觀幾唔錯，就入去試一試。一見到餐牌，有我最鍾意食既常餐，我就拿拿聲叫左瑞士雞翼撈公仔麵同我最愛既奶油豬仔包同炒蛋。個雞翼撈公仔麵唔錯，感覺唔係用晒全包公仔麵既味粉，唔會太鹹，份量都多。最值得讚係呢個奶油豬，真係好好食，好脆卜卜又超重牛油味，我勁快就食晒，我覺得我可以再食多個都仲得，下次一定要再叫，而炒蛋真係勁滑，感覺係用左好多奶去炒，好香好好味！而我朋友就叫左個紅豆西多，牛油一切就融化，入面既紅豆好粉，料又多，我朋友都好快食晒！我地仲叫多左呢度既招牌避風溏豆腐，細細粒，炸粉薄又夠味，下次我都會想再叫，好值得推介。最後仲叫左杯飲品，菠蘿特飲，間餐廳係俾成枝雪碧我，都有唔少菠蘿，好抵飲！

食晏時間，周圍都迫滿人，呢間等陣已有位。叫左兩個常餐，番茄牛通及鮑片火腿絲通。我個茄牛通個湯杰身濃味，每啖通粉都連埋湯食，清鬼晒，正。牛片薄身但有D UN, 最正係脆卜卜嘅脆豬包，香口，就算飽都要KO埋。

之前經過發現此餐廳，見勁多人等位所以無幫襯。星期日終於去左食，兩點去都仲咁多人，等左5分鐘攞到位，餐廳唔算大環境幾光鮮，餐牌上有好多選擇。我們點左兩個午餐又扒又焗野，都只係$108價錢相當實惠。章魚蓮藕煲豬骨湯湯底清面層無油，章魚令湯更鮮味，熱飲好有暖胃降火感覺，味道唔錯。焗巴黎牛油汁海鮮飯意粉汁甜甜地意粉焗得比較乾身，意粉份量多仲好多料，魚塊魷魚蝦都食到，抵食。紐約式肉眼牛扒配薯菜牛扒大塊軟身，味道不過不失，牛扒底有好多小棠菜又中又西感覺怪怪，菜無咩油烚得剛好，薯菜係原隻焗薯，落了好多芝麻醬食落好美味。

今天早了返工，未吃早餐便入了龍城冰室叫了個早餐B。我喜歡這裡的早餐原因是有牛角包，一般都是配方包或多士，不單這樣，牛角包還切開，放了火腿和芝士，多了份心機。沙爹牛肉麵湯好多沙爹汁所以夠澴味，夠牛肉，麵的份量都好夠。加埋杯凍㗎啡，真是醒晨又飽足的早餐。

觀塘工業區餐廳好多，平時成日去東廣場，觀塘廣場果邊醫肚，今日行遠小小去食龍城冰室門面光猛，裡面都好整潔，都幾多卡位喎，坐落都幾舒服晚市都係有小菜，常餐揀，正常茶餐廳野，同T小姐2個人，緊係叫小菜食啦，睇左陣menu，今晚決定多肉小菜叫左避風塘茄子，黑椒牛仔骨煲，川味辣雞煲，凍咖啡同咸檸七最先黎避風塘茄子，28蚊好大碟下，茄子本身無調味，味道最主要係炸蒜度黎，茄子外脆內軟，加埋炸蒜都好味，不過炸蒜再多d仲好之後到川味辣雞煲，雞件份量多，叫左小辣，唔太辣，調味都岩岩好最後就黑椒牛仔骨煲，牛肉都有7-8件，份量好多，個汁夠惹味，又唔會煮得過熟，我同T小姐都最鐘意食呢個餸飲品係正常茶記出品2個人食左$189，d肉既份量徧多，食到好飽好滿足

同friend黎食tea，就近見個名幾型就即管試吓。室內環境唔錯，人都唔少。睇Menu有非常多嘢揀，真係好多，價錢都平民。唔錯！我地揀個蕃茄海鮮意粉跟涷柚子密，同埋鰻魚抄飯跟檸樂。個意粉先到。第一印像係足料，然後係份量好多，有啲誇張添！個意粉裏面有大蝦一隻，帶子幾粒，青口三件，魷魚好似兩塊同埋1塊魚。所以都幾滿足嘅味道來講蕃茄味都幾濃，個汁亦都夠意粉唔會太乾身。我覺得唯一可以改善嘅地方就係青口呢佢嘅殼有少少列咗係會跌咗入啲意粉度嘅所以呢就冇得大膽大膽咁樣食但係都係小問題嚟嘅。聽朋友講番個飯，首先份量夠啦，算香口唔會太淰太油，算好食嘅。相對來講，啲料就冇咁容易睇得清楚不過呢個係炒飯嘅特色嚟嘅，所以都唔係一個問題。總結來講，快靚正同合理價錢，茶餐廳就係要咁。

同一條街兩間冰室響隔離中午時間兩間都會排長龍，不過食常餐始終都係揀番呢一間，有生滾蕃茄牛，不過最吸引還是沙嗲牛肉，夠入味，個麵軟硬適中，喜歡比較濃味的話可以試試