龍城冰室

营业中

休息中

已經有一段時間冇去龍城冰室， 今日下午心血來潮就入去吃午飯， 不知道是否太耐沒有來的關係，看見有很抵吃的下午茶餐， 就揀了兩款～自家製牛肉飯配沙律＋ 茶走$38， 台式燥肉飯配牛肉球兩粒＋茶走$38。自家製牛肉飯配沙律～ 牛肉飯的份量很多， 有甜甜的燒汁送飯一流， 沙律份量也很大碟， 甜甜酸酸的味道的確唔錯。台式燥肉飯配牛肉球～ 燥肉配飯特別好味， 我竟然可以吃得完整碗， 牛肉球質感偏實， 味道一般。茶走～ 其實是煉奶奶茶， 味道更加香滑。都有大約半年沒有到龍城冰室， 今次很驚喜的下午茶餐抵食又大碟， 餐廳的衛生和服務仍然要改善。在這疫情之下， 還沒有量度體溫， 而我用餐的時候，店員更手推一大袋垃圾經過。 送上沙律的時候，我看見店員把手指頭插入碟內， 真是驚心動魄的一幕！ 當我用餐的時候店員突然走過來， 大力開枱的櫃桶， 然後再大力關下， 檯面上所有食物好像地震一樣，這方面需要改善一下。

近排愛上到龍城冰室吃午餐， 位於觀塘駿業街56號，就在公司附近非常方便。 這裏無論什麼時候也很多客人， 今次叫的下午茶餐非常抵吃，自家製牛肉飯配沙律＋ 茶走$38。 牛肉飯超多牛肉又夠肉汁， 仲可以自由配搭 小食， 我就揀咗沙律， 味道也很好。 最後嘆埋杯茶走就返工了。在觀塘區工作的朋友對龍城冰室絕對不陌生， 個人感覺餐廳食物多種類， 價錢經濟， 絕對是觀塘友的飯堂。龍城冰室地址: 觀塘駿業街56號中海日升中心地下A號舖

今日去左觀塘工廠區拎野 之後同朋友搵間餐廳食 雖然都有d肚餓 不過見到就黎到2:30 就決定忍一忍肚仔 去食下午茶見到下午茶時段都幾多人食 恰巧卡位有人走 坐得都幾舒服 叫左兩個下午茶餐 因為幾肚餓的關係 決定叫左焗豬同埋鰻魚炒飯 配兩杯熱飲 另外想健康少少加左個炒芥蘭等野食期間 望下餐廳內部都幾光猛 有少少設計裝修 焗豬份量唔少 同埋豬扒都軟身易入口 炒飯個底做得唔錯 幾好 鰻魚炒飯 如果可以多d 鰻魚會更開心 最後炒芥蘭 食落都爽口ge柑桔柚子同檸茶 暖暖胃 唔錯 以每人幾十蚊左右budget 食下午茶又可以飽肚 可以一試

行街行到攰，行到去駿業街遊樂場坐左陣，坐下坐下就8點啦😂係時候食晚餐lu~見到呢間龍城冰室啲裝修幾靚咁，就行左過去睇下有咩食~呢度都有好多唔同嘅野食，由中式小菜到西餐都有🤤🤤今日有啲想食中式小菜🤤我同男朋友一人揀左一個小菜😋😋跟餐會有兩碗餐湯，我哋揀左中湯、西湯各一😋西湯係羅宋湯，啲配料煲到出晒味，好濃嘅羅宋湯味~中湯係蓮藕煲豬骨湯，男朋友唔中意食湯渣，所以order左淨湯，雖然係淨湯，但都飲到係好濃郁，一啖湯飲到各食材嘅精華😋鳳梨咕嚕肉我最中意食咕嚕肉，呢個咕嚕肉幾好，咬落去係爽口，肉唔會柴，酸甜比例都配合到👍🏻金菇肥牛煲用煲仔上可以保溫，金菇肥牛好入味，好惹味，好啱餸飯食👍🏻最後加配左一杯熱柚子茶，呢度嘅柚子茶會有一片檸檬。如果覺得太甜可以“督”下片檸檬，酸酸甜甜，可以消滯，refresh一下😃

附近有幾個地盤商廈，餐廳絕對做到快靚正碟頭飯係不少人至愛 🕞輪後時間🕤 入座前多左點防疫措施，量體溫，不過安排麵好順暢，有左措施食得食得安心啲🥢推介食品🥢1️⃣ 夏威夷烤雞扒 $51雞扒好大塊，個汁甜甜地，好似茄汁味，幾得意，雞扒香脆皮裏重有雞油，好好送飯味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳餐廳間隔，有好多卡位坐落都舒服😌🧑🏻‍🍳侍應服務🧑🏻‍🍳：服務員態度中上🔆總結一下🔆：午餐來講價錢中中亭亭

📍龍城冰室🔎 觀塘駿業街56號中海日升中心地下A號舖咖喱班扒飯 $56見到秘製馬來西亞咖喱，咁就一定要試吓！通常見到「秘製」同「金牌」係餐牌上既菜式都應該無伏位，果然無失望！班拍有兩大塊，目測每塊同我隻手差唔多大呀！咖喱非常濃郁配埋飯可以食2碗！再加埋啖啖魚肉，好滿足！😬😬😬😬😬😬焗鮮茄豬扒飯 $51試完秘製咖喱梗係試吓金牌焗飯啦！豬扒 肉質軟腍唔會鞋口，而且炒飯濕潤度恰到好處，推介！😬😬😬

非一般吃貨之幾唔開心都要食！路經此地，肚餓到胃都痛埋，正係苦惱食乜之際，來到了龍城冰室。入到嚟有好多卡位任揀任坐，舒舒服服咁食我嘅晚餐！睇睇餐牌，今晚嘅紅白湯都唔啱飲，反而中湯好吸引～最後點了一份是日晚餐加一份鐵板餐....是日靚湯金銀菜豬骨湯，完全飲唔出有味精，食完成餐飯都唔覺得口乾，幾好！斑片滑溜又唔腥，蔥花點綴一下更加靚，蒜蓉醬非常香口夠晒惹味！粉絲香滑索晒香蒜味，實在係正到無懈可擊！再嚟多個近鏡俾大家睇吓個蒜蓉醬真係整得好出色！點份牛仔骨鐵板餐跟薯菜，老實講，呢款薯菜係傳統茶餐廳既配搭，但我一啲都唔鍾意，連款牛仔骨都好雞，好難明白點解要賣$89，唔係好值...不過，有五塊大件但唔太好味既牛仔骨，同自己講句：算啦！叫做填飽個肚囉！唔記得提，黑椒汁整得都叫唔錯！幫成份牛仔骨加番啲分數係咪吸引好多呢？最後點左杯茶走，無失望，茶記飲杯靚茶走，唔使再去搵地方抖！

放工與同事吃飯，提議去觀塘龍城冰室，門面幾好，不用等位，於是齊齊入內，食個晚飯。座位寬敞，一般茶餐廳格局，侍應服務態度快手快腳。款式很多，應有盡有，見到是日晚餐，菜式頗好，點了兩款。金銀蒜T骨牛扒   肉塊大大件，另外配上是我喜歡的幼身意大利粉，美味可口。京都一字骨白飯套餐份量適中，酸甜恰到可口，加上新鮮菠蘿，味道極皆。兩款套餐都有例湯和熱飲品奉上，價錢便宜，值得光顧。嚟茶餐廳杯奶茶稱得上最二第主角，茶味香濃金香，奶既比例適合，香滑無比

茶記既常餐對好多人黎講係日常應該都唔會錯,我當然都唔會例外.成日lunch time都唔知食咩好既時候,常餐快靚正一定係我既首選.瑞士雞翼撈公仔麵配牛乳炒蛋.鮮奶油豬仔包.公仔麵麵質夠爽彈而不糊,吸晒瑞士汁既甜味,內裏帶點麻油香.瑞士雞翼連翼尖上,望落好靚仔,雞翼外層十分有光澤之餘瑞士汁十分均匀.入口瑞士汁醃得入味,內裏雞翼肉都有瑞士汁香.雞翼醃得入味得黎又唔會醃到一咬連雞翼骨都碎埋,醃既timing啱啱好.炒蛋嫩滑,中間仲有少少蛋漿十分濃蛋香味之餘又帶淡淡牛乳味.豬仔包塗上牛油同煉奶,入口香甜,連牛乳炒蛋一齊食更香.蒜蓉煙肉焗青口,青口肉質唔會過韌帶少少鹹香,加上蒜蓉同烤得香脆既煙肉,$35有足5隻性價比咁高值得一試！

今日去觀塘做野整晏左，過咗食午餐時間！ 好肚餓呀！ 近近地係附近搵野食e肚仔、見到龍城唔駛諗就行咗入去。真係好肚餓， 睇餐牌好多食物都想叫， 見到隔離枱食常餐， 好吸引就叫咗一份，再叫咗個招牌蒜蓉西冷牛扒同牛肝菌帶子意粉。常餐-番茄牛肉通粉，番茄湯濃郁，牛肉香林；炒蛋香滑，好有蛋味；奶油豬香脆可口！招牌蒜蓉西冷牛扒-蒜蓉汁香濃，牛扒煎得啱啱好！牛肝菌帶子意粉- 白汁香滑濃郁掛住啲意粉，帶子有牛油香味煎到啱啱好，意粉煮得啱啱好有口咁！正

遲咗放工超級肚餓就去近近地嘅冰室到食晚飯，冰室食物平靚正快，啱晒我呢啲肚餓到打晒鼓嘅人~第一次食佢哋嘅晚飯，估唔到選擇又幾多，仲要價錢幾抵食喎🤔日式鰻魚炒飯~一上枱見到炒飯好有光澤，賣相好靚，食落好有鑊氣，富油香，感覺不太油膩，估唔到鰻魚份量好多，啖啖都食到有半隻手指咁大嘅鰻魚塊，而且粒粒飯都吸收晒醬油精華，飽滿而且味道濃郁，呢個價錢好抵食~鹹魚雞粒豆腐煲~豆腐煲是必叫之一，調味雖然因為鹹魚偏鹹少少，雞肉粒夠結實，豆腐夠嫩滑，配飯食不知不覺食多咗飯~南乳雜菜煲~雜菜煲啱晒我呢啲想食晒咁多款菜嘅人，每款菜煮熟程度啱啱好，不會過老，而且煲仔能夠保持熱度，雖然南乳重手左啲，不過配飯食都不錯~

食晏時間去咗呢間龍城冰室，之前行過見到呢間嘅焗飯好似唔錯，就入咗去食叫咗個芝士白汁焗魚柳飯$51，因為唔係set lunch 熱飲凍飲都要加錢先有。見唔係好口渴，都冇加到嘢飲。等咗大概十分鐘左右就有面頭有一大pat融咗嘅芝士，下面有兩大塊手掌長（大概8-10cm）嘅炸魚柳，飯底係炒飯。份量好多，大概食到一半已經好飽。服務方面，都係一般茶記，枱底有櫃桶裝餐具。lunch時間都幾多人，好大機會係要搭枱嘅。

鮮茄焗豬扒飯，$51，是廚師推介，熱飲加$3，凍飲加$6， 即叫即焗，放在枱面時番茄汁和芝士仍然在沸騰，新鮮蕃茄有誠意。 豬扒一般，飯量偏少。冰室常餐，11點後供應，羅宋湯腸仔粒通粉，配3.6牛乳炒蛋，鮮奶油豬仔包，送熱飲或凍飲加$3。通粉3樣東西都適合小朋友口味，通心粉、腸仔粒和軟腍腍的菜。西多士，$21，好大份好抵食，不過味道就一般。營業時間由07:00到23;00，有3間舖，總店在觀塘，第1分店在銅鑼灣，第2分店在九龍灣。今日專程行過來支持一下。

小弟呢日同屋企人去開觀塘，見餓餓地就入左間茶餐廳食番個下午茶西多士一上枱個陣我直頭呆左平時貪方便去開連鎖快餐店既我，從來無見到咁大塊西多，同埋上面有咁大塊牛油！而且餐廳係用韓國既糖漿，成支比埋你，你中意落幾多就落幾多。不過小弟quota有限，只係食左大半就收手，始終西多都唔係健康既食物。而乾炒牛河都真係好大碟！我相信食完晚餐都可以唔使食而且佢牛肉份量都幾多，抵食

話說呢排成日係觀塘做野，昨日又試左第二間茶記😆呢間「龍城冰室」門面好大，好易就會見到😎茶餐廳黎講，入面環境都算唔錯！乾淨企理👍🏻我係下午3點半左右去到，人唔算好多，大把位坐😆睇左佢幾份menu，見到下午茶真係超抵食‼️有個幾吸引到我，「鰻魚炒飯」😍茶記竟然都有？！就算有，相信好多人都唔會係茶記食鰻魚炒飯🤣但我為求試伏，決定挑戰😂🔹鰻魚炒飯：都算大碟，送到上枱果陣，啲鰻魚汁嘅味道好鬼香🤩本身佢個炒飯都落左好多鰻魚汁，所以食落係帶少少甜味🤤鰻魚份量都算多👍🏻好正！不經不覺就會成碟飯清晒🤣同埋以呢個價錢黎講，真係物超所值👍🏻總括嚟講，真係快、靚、正同價錢合理😎評分味道：4.5/5環境：4/5服務：3.5/5性價比：4.5/5回頭率：4.5/5