龍城冰室

营业中

休息中

今日到旺角中心醫務大樓，事前醫肚吃早餐，旺角地鐵站一出，有利位置，相信這個店舖租金都不少。炎炎夏日，冷氣夠涼，一進入內，大、小卡位選擇，店員友善地帶位，一至兩位坐小卡，多人才坐大卡。看見一架架車仔推來推去，不用店員捧餐，一讚。早餐多選擇，今早很想吃炸魚柳，於是點了個歐陸早餐⋯⋯早餐供應時間由6:30am 至 12:00pm ，睇嚟旺角中心地庫，那間快餐連鎖店，必然受到影響。落單後，眼見㕑房師傅，高舉一大盤熱騰騰的蛋撻捧去收銀位置，很是吸引，可惜已點餐，肚子未能有足夠位置裝多個蛋撻，唯有留待下次再試。歐陸早餐$45~熱騰騰的魚柳，香脆嫩滑，雖然餐牌註明是徳國腸，腸仔的身形與實際有些出入，但味道相信是雞肉腸，所以還可接受，迷你牛角包，還包著一小片芝士火腿筆者喜歡炒蛋配茄汁，這裡的茄汁是獨立包裝，疫情下倍覺衛生。整體來說店舖夠大，卡位夠多，還有新鮮出爐麵包，如果能夠有即磨咖啡提供的話就更完美。

夜晚黎到旺角一出地鐵站就見到呢間茶餐廳，位置上已紅贏哂其他係旺角既茶餐廳。一入到去，佢有是日晚餐既餐牌，都係d碟頭飯飯，意粉。價錢就$70-$100到啦。但我就選擇左叫小菜，呢間茶餐廳小菜menu有50幾款。都係$60-$100，如果要套餐就要加$15，會配碗飯同埋熱飲。今次叫左鮮魷牛肉通菜 ，肉量都多，通菜都入味。仲有咕嚕肉，唔會太酸或者舊舊骨。最後有啫啫鮑魚雞煲，竟然鮑魚都有3隻分量滿分，但係反而覺得雞件就唔夠食啦，而味道都夠味既。

今日去旺角做gym之前 💪 經過呢間茶餐廳覺得好肚餓 😐於是就走咗入去食個早餐🤤睇到個Menu發現呢間餐廳嘅價錢真係比其他茶餐廳早餐平好多 🫣 連埋凍飲先42蚊😏於是即刻叫咗個早餐☀️B: 沙嗲牛肉公仔麵🐮+炒蛋 🍳+腸仔🌭+芝士牛角包🥐首先上黎係沙嗲牛肉麵 🐮 so far So Good 牛肉冇雪藏味 👍🏼 雖然沙嗲唔算好香 但都叫做合格👌之後就到炒蛋 🍳+腸仔🌭+芝士牛角包🥐芝士牛角包就最特別 🤓 因為出邊多數都係比方包一塊 🥲 而咁嘅價錢會俾牛角包就出乎意料 👍🏼算係幾鬆軟😆外面脆身😝加埋芝士就好好味🤩b

今日下午2點，同家人行街行得攰，入去食下野坐下，小朋友話要飲冰水，問個呀姐有冇冰水，個呀姐話要加錢要加3蚊，我地全家都聽佢講左2次話冰水要加3蚊，我地話ok呀，點知張單來到話要加23蚊，之後問翻個呀姐吾係話加3蚊點解23？個呀姐態度勁吾好話係呀，一早講左話加23，仲話左2次，我地我地2次都聽到加3蚊，如果要加23我地吾會要啦，邊個會23蚊飲杯甘細杯既冰水，個呀姐之後話甘冇計，真係勁嬲，又冇解決這件，態度勁吾好😡😡

朋友介紹呢間龍城茶餐廳係旺角中心樓下早餐去到12 點已經非常加分 因為常餐同早餐差唔多 但價錢差$1x 入到去都幾多位 但12點前都可以坐滿晒 應該都唔差又係朋友介紹點左辣魷魚公仔麵早餐 仲有炒滑蛋 同腸仔 再跟 芝士火腿牛角酥 餐飲 奶茶 先$39 係旺角黎講真係冇得輸了 辣魷魚同食車仔麵點既差唔多 辣辣地幾惹味 炒滑蛋 同腸仔 就正常啦 不過芝士火腿牛角酥好有誠意 真係有焗過 黎到芝士係融融地既 奶茶都正常 另外 朋友話呢到菠蘿油都好好味 叫左個黎share 眼見都幾多人叫 黎都都幾大個 試左 菠蘿皮幾脆 牛油軟滑 係唔錯既 旺角茶餐廳又一好選擇

昨晚好姊妹提議去咗呢一間餐廳食嘢😉睇到IGd人都話呢一間餐廳真係好好食，所以就一定要去放鬆下！而且成個環境都好舒服😌嗌咗鐵板肉眼扒呢個真係不得了， 一點也不靭，吃起來有肉汁，非常惹味，性價比都幾高😍

又有個閨蜜有咗BB，所以同佢食一餐豐富嘅，咁就比一齊靜靜地傾吓計😊搵咗呢間餐廳食野，就咁望落去呢間餐廳嘅裝修好正，非常之舒適可以享受下都幾爽😊個人認為雞翼沙律上到黎已經覺得好吸引，肉質嫩滑，好juicy，相當香嫩惹味，有驚喜👍🏻

龍城既常餐食過幾次，夜晚就試下佢既晚餐咖喱牛筋腩飯，一向都唔太食牛腩，因為驚太瘦食落會好乾，牛筋腩的話，應該係帶筋而肉會嫩滑點，所以試下。咖喱既賣相不錯，咖喱汁屬於比較濃稠，食落少少辣而椰汁味比較重，係我喜歡嗰款咖喱。至於牛腩的確失望，未及預期好食，牛腩好多肉偏乾身同硬，應該係未燜淋，份量係夠飽既。不過再食呢間應該唔會再叫呢款。

好耐冇喺旺角出沒今日嚟到先達附近工作先發覺呢度變化咁大波鞋店變咗間超巨型冰室就呢間啦！個餐牌都咁多頁，有排揀點咗個外邊小有嘅龍躉泡飯一上桌，哎，忘了要多湯添感覺上分量小了一點但望落個海鮮湯似乎唔錯夠哂橙色，估計是蝦湯聞落好香蝦鮮味呷一啖，果然夠香夠鮮夠濃龍躉皮同肉都夠厚夠彈牙皮下脂肪令舊魚充滿油香魚肉又夠鮮甜，正！好唔好食？睇下隻碗，梗係啦，咁細隻。。。呢個價碼，ok la！＃行到邊食到邊＃經常獨食但又肥嘅阿伯

龍城冰室有好幾間分店，旺角呢間好似係新開嘅，係旺角開工就同同事一齊試一試！我地今次嗌左酸菜魚配飯同海鮮湯鮮蝦球湯飯😋❀ 酸菜魚配飯因為係6點前嗌，係下午茶時段，會平d！酸菜魚味道正宗！唔會好辣，酸度適中，入面仲有萵筍、蘿蔔！魚好滑！湯配飯真系一流🤤❀ 海鮮湯鮮蝦球湯飯入面有五隻大蝦，不過都係冰鮮蝦，無蝦味，口感同平時食蝦餃入面嘅蝦一樣，湯頭我覺得一般般，因為入面有雜菌，所以菇味太重，導致海鮮味唔突出，有d失望！

咁岩要出旺角做野，咁就喺附近睇吓有咩早餐食，貪就腳就揀咗龍城，因為落車嗰個位就係💕冇特別睇個餐牌，見到有沙嗲牛就叫左，點知原來嚟到，係跟埋個芝士火腿牛角包🤩🤩即刻覺得有啲開心，咁多嘢食😆沙嗲牛就正正常常，反而個包有驚喜多啲，整體成個餐好抵食🤤

今日打風，近近地搵左間茶記黎試。朋友話龍城冰室好近旺角地鐵站。點知一出唔洗擔遮就已經係龍城冰室果門口，唔洗淋雨，又唔洗點等位，突然覺得好幸福。 午餐都有A至E可以揀，每日唔同，仲要包埋中/西湯，同埋一杯野飲。今日我就嗌左A餐食菠蘿生炒骨，先黎既系湯，我就揀左中湯，中湯系無味精的老火湯。其後黎既係主菜，餸同飯係分開，果白飯好大份，最後我只食到一半，而生炒骨酸甜酸甜超級開胃，仲要每舊肉都好大粒，好抵食。

之前食过呢度嘅嘢觉得唔错，所以下午茶又想嚟返呢度食。點咗個炸脾薯條，下午茶餐炸比薯條都要$48，隻雞髀好細，薯條就一個匙羹咁多，睇落已經覺得唔夠飽，但係個雞髀好咸，而且係底部有啲紅色嘅肉好難切得開，唔好話食啦，切都切唔開！啲薯條又硬又少，一啲都唔脆，俾乞兒食都唔止咁少啦，以後都唔會再去呢間嘢，簡直係搵笨嘅！我睇見隔離嗰啲龍城炒米更加恐怖，好似冇炒過一樣，啲米粉仲係白色㗎！我真係好懷疑呢間舖頭係咪識煮嘢食㗎！依家香港嘅飲食文化真係好奇怪，唔識煮嘢食嘅都開餐廳😳，一個咁普通嘅炸比薯條你都做到咁難食，求其搵間茶餐廳都好食過你啦，仲要$48！

中午叫左招牌酸菜魚配白飯，咖喱吉列豬扒飯，凍奶茶走甜，凍檸茶走甜。先講最好食個樣咖喱吉列豬扒飯好唔好食就見仁見智，如果你鍾意食澳門葡汁雞扒飯，呢個咖喱就岩你，甜甜甜甜，唔辣既。凍奶茶走甜Um, 未融雪已經稀到好似融左雪甘凍檸茶走甜茶膽唔得，唔好味招牌酸菜魚配白飯伏中之伏，係近排食過嘅酸菜魚最差嘅一個，個湯唔酸唔麻唔辣（ps 我平時食三哥係食10小辣），落左兩包辣椒油，都係唔辣，餸入面除左蘿白係同個湯一齊煮 所以有dd 酸味之外，其它全部都係擺上去既，所以連酸味都冇，包括唔知咩魚，萵筍片，辣椒，黃色花瓣，同埋我地以為係酸菜既大量雪菜🤣。認真 成盆野得個蘿白食得下，d 魚有泥味🤮，加個麵底可以做雪菜麵😏。招牌酸菜魚，真係唔知點樣做招牌菜😎以上4樣，無一樣得😛早知食個茶餐好過最後講吓環境同服務，岩岩新開張，乾淨整潔，坐得ok 舒服；中午時段等左10分鐘已到，入得好快，但d 侍應全部都好似好趕時間咁，落單都要講得好快😂唔好意思 我轉數無甘快，枱個櫃桶d 餐具吉左9成，應該好好生意，搞到枱枱都問佢攞餐具，最後想走時，佢就黎添餐具，我男朋友當住佢面離開張枱，佢都重唔醒水繼續打開個櫃桶添餐具，甘我點

經過入去食個飯，唔算好多人，唔洗等位，岩岩過左18:00，食唔到下午茶，叫左兩個晚餐，叫完野食，等左幾分鐘個飯就到，都算幾有效率，個雞幾好食，辣辣地幾惹味，個芝士焗蘑菇牛柳粒飯，飯係炒底，但飯太多汁，好鹹，所以食唔哂，不過d牛柳幾好食