龍城冰室

营业中

休息中

We went to Dragon City Cafe for a casual dining on Wednesday night. This is a Hong Kong style cafe located in the heart of Mong Kok.Their menu is thick. They provide variety of food for breakfast, lunch, tea set, dinner and supper, there are traditional Chinese style, East Asian style, Western style and SiChuan style. For our dinner, we have ordered the sizzling beef tenderloin in black pepper sauce served with baked potato and cabbage. It comes with Borshch. The Borshch is so tasty. Their tende

今日行行下MK突然興起想食下一啲不太健康嘅嘢食😂😂所以就入咗龍城冰室坐低叫咗個菠蘿油同埋一杯凍檸茶.咁我講咗杯凍檸茶先啦個人認為杯凍檸茶其實就真係普普通通正正常常😂 唔會話差 但好老實講周圍啲凍檸茶都係差唔多味道㗎啦😗👻.至於個菠蘿油真心係鍾意🥰塊牛油係分開俾你同埋牛油係凍凍地嘅😂個菠蘿包又焗到熱一熱一凍一熱真心爽😍菠蘿包嘅溫度溶化牛油🧈喺口裡面勁香😗😗雖然一路食一路覺得超級有罪惡咁但係真係實在太好食🥺🥺雖然一個包加一杯嘢飲就$32的確唔係好抵不過間唔中一次冇乜所謂啦👻

近排好鍾意去旺角行街，無論交通同埋其他配套都係好適合我，今日同朋友喺旺角睇完戲，諗住係附近食少少嘢，見到龍城冰室即刻入去幫襯，因為平時都會幫襯佢啲分店。亞皆老街分店餐廳非常闊落，座位空間感好足夠，坐低喺度食嘢，感覺都幾舒適。餐廳旁邊有新鮮出爐嘅餐包，而入邊都有明爐燒鵝叉燒，好少茶餐廳有燒鵝提供。海鮮湯花甲湯飯，花甲本身味道好鮮甜．再配埋絲瓜，鮮味更加突出，兩樣食材味道真係好夾令到鮮味大大提升。花甲入口好鮮甜肉質爽口，一食就知道好新鮮，每粒湯飯都吸收晒啲鮮味真係好好食。炸雞髀沙律，炸雞髀真係好吸引炸到金黃色，入口非常香脆香口嘢味，入邊嘅雞肉仲係好Juice，雞肉肉質嫩滑多汁，配埋沙律可以將油膩感減淡。果皮清蒸龍躉魚頭腩，呢個簡直係必食嘅推介，龍躉蒸到啱啱好，肉質非常嫩滑，入口味道鮮甜無比，果皮完全將龍躉嘅鮮味提升，魚肉肉質好有口感，魚皮帶少少膠原蛋白比較黏口，真係食到停唔到口。最後點咗杯港式咖啡作為終結，難怪咁大間餐廳都坐滿晒客人，除咗味道迎合香港人口味之外，性價比亦都好高。

去完先達就過隔離，睇吓附近有冇餐廳。去到旺角中心見到有間幾大間嘅茶餐廳，見入邊都好多客人就入去食啦。餐牌上都有唔同嘅食物，有泡飯，有得鋸扒，有得食小菜等等，入到去，就算一個人都有得坐卡位，環境都係光猛舒服嘅。我就睇是日晚餐，見到有$100內就可以食到薑蔥豉汁豆卜蒸大鱔就試吓佢啦。我就揀咗中湯同埋一杯凍菜蜜少冰，等咗一陣之後就已經上咗飲品，佢個杯都幾好，有隻耳仔，就唔使怕拎嘢飲嘅時候，啲倒汗水整到成隻手濕晒。然後就係例湯，我就揀咗中湯，見到雖然係一個飯碗嘅大小，但係都係足料嘅，有唔同嘅蘿蔔同瓜，一碗啱啱好，唔會飲到好飽，可以專心食飯。見到蘿蔔都係煲到好冧，所以應該都煲有咁上下時間。等多陣之後小菜同埋飯就上菜啦，白飯係一大碗，所以係絕對夠飽。一嚟到已經聞到好香嘅魚味，見到大鱔都有差唔多10舊。除咗鱔之外，亦都有豆卜。一夾起就見到每舊鱔都係大大嚿，咬落去係十分之爽口嘅，有薑蔥嘅加持下，無腥味，而且整得啱啱好，冇蒸過熟嘅問題，見到佢真係好足料，連條尾都喺度。豉油唔會係死鹹，加埋鮮甜嘅魚味再撈飯食真係一流。大大嚿豆卜就吸收晒大鱔，鮮甜嘅豉油汁精華，咬落去有爆汁嘅感覺。$100有一個餐，覺得係抵食

平時經常都會幫襯呢個集團,因為返工都會周圍去,呢間餐廳都有幾間分店,因為正宗港式茶冰室,好啱我自己口味。今日喺旺角返工,一收工特登同同事過嚟幫襯下,餐廳喺旺角中心附近,地鐵站出口,餐廳面積都好大,但係都差唔多坐滿曬客人,座位方面空間感都夠,而且好多卡位,所以坐得都幾舒適。炸雞髀沙律,$39沙律賣相好吸引,果然係港式冰室,由細到大都食開呢個味道,食落口酸酸甜甜,食完真係特別開胃。平時餐廳淨係下午茶先有雞髀沙律，而呢間餐廳係全日供應，想食乜都有，款式真係好多炸雞髀賣相好吸引,巨型size,雞皮炸到金黃色 咬落去卜卜脆非常香口,入邊雞髀肉仲係好嫩滑多汁,味道香甜,熱辣辣嘅炸雞髀真係好好食。海鮮湯花甲泡飯,68元,海鮮湯材料好豐富,有好多花甲,木耳,冬菇絲,絲瓜,整個湯味道非常鮮甜,每粒飯都吸收咗湯嘅甜味,花甲size都算大,肉質爽甜,食完曬啲餸,一定要飲曬個湯,湯底非常鮮甜飲晒成碗都唔夠食到最尾唔夠，可以出去買個麵包，門口有好多唔同種類嘅麵包供給客人選擇去到冰室梗係要飲番杯港式咖啡,咖啡味道香濃,加上幼滑嘅奶。真係好啱口味，呢間係一間性價比非常高嘅餐廳，地點有夠方便，我一定會再嚟幫襯

每次去旺角都見到依間龍城冰室好多人，難得今日放工時間早唔使排隊等候就可以食到入面既美食😋冰室環境好大，位置好寬闊，加上燈光設計令到整個環境充滿藝術感，好靚❤️當然，食物質素依都非常重要，依間冰室既食物真心好食，價錢亦都好平，好抵食👍招聘必食酸菜魚———今日依個套餐配有湯水、白飯以及熱飲，只需要$85，超級抵食👍👍👍，魚肉新鮮，而且好大塊魚片，配料依都係我鍾意食既，有好多酸菜、萵筍、蘿蔔等，蘿蔔完全吸收湯底既精華，非常入味😋，果然真係必食👍，非常推介❤️❤️❤️菠菜汁焗魚柳飯———朋友說依個係距食過最好味既菠菜汁焗魚柳飯😋，好香濃既菠菜味，魚柳亦都非常大條👍，最重要係蛋炒飯，食落去完全感受到係新鮮飯炒出黎既飯底，味道很好👍😋蜜汁薯仔牛柳粒———賣相相當吸引❤️，牛柳粒食落去好嫩，好好味😋，薯仔粒完全係整到外脆內軟，超正👍❤️整體而言，依間冰室係我暫時食過咁多間入面最鍾意既一間，感覺食物質素以及環境非常好，最重要係真心抵食😋❤️❤️❤️

餐廳位於旺角新之城地下，如果係旺角站D2出口，一出去就到見到餐廳👍位置十分方便🥰今日星期三夜晚同朋友大約7點半到餐廳，見到餐廳已經近乎滿座，望入去餐廳光線充足，有好多卡位，重好寬敞，坐得好舒服添！餐牌上面選擇十分多，有燒味、小菜、焗飯、泡飯、全日早餐、鐵板等等，我同朋友都睇左好耐menu先決定到食咩🤣最後我地order左三個餐👇1.是日晚餐F：招牌必食酸菜魚配白飯 （$85）套餐包一碗是日例湯，今日例湯係鮮荷葉冬瓜煲豬骨湯，味道不錯，酸菜魚好大碟，魚同酸菜都有好多片，入面仲有d萵筍，真係岩曬同朋友一齊share食🥰2.小菜： 蜜椒薯仔牛柳粒轉套餐 （+飲品及白飯） （$85+$13)好有鑊氣，份量都係好足，好多牛柳粒🐮同薯仔🥔，味道甜甜地，有埋黑椒調味👍味道一流🥰菠菜汁焗魚柳飯($68)呢個焗魚柳飯係即叫即焗，起碼有成三大塊魚柳，好足料，而且飯有炒底，好香蛋味👍飲品方面，我地order左兩杯凍西洋菜蜜同一杯柚子蜜🥤😍整體黎講，呢間係一間CP值高嘅港式茶餐廳，食物種類多，好適合同一班朋友一齊黎share食，夜晚小菜好有鑊氣，而且我重見到餐廳好多唔同款式嘅麵包🍞見到夜晚都有好多人排隊購買，

我是常常幫襯買麵包的。但今次我買麵包和奶茶等了很久D啊姐態度極度惡劣、不如唔好做生意啦。麵包阿姐趕客。這不是第一次的。每次都很想投訴但今次態度實在忍無可忍。希望好好改善一下。

早幾日行街經過旺中附近，見到成櫃麵包好吸引，🤣忍唔住就買咗兩個返屋企試吓。🙈不過整體味道都係不過不失，🧐下次應該會想試返啲傳統嘅港式麵包，🍍好似菠蘿包、雞尾包嗰啲～.焙茶朱古力QQ包 $11 👅6/10😂成個麵包好似同焙茶冇乜關係，🥸麵包皮會有綠茶嘅香味但係就有少少乾同硬。至於朱古力餡就冇乜特別，略嫌朱古力有啲少。👍🏻麻薯嘅話就唔錯好軟熟。.芋頭QQ軟包 $9 👅7/10👀芋頭餡食落去同平時中式包點嗰啲差唔多，麻薯一樣係好軟熟🥰。麵包同樣係有啲乾，但係可能因為芋頭餡比較多少少，所以食落去就冇朱古力包咁乾。🤡.總括來說🫶🏻兩個麵包都冇乜特別🙈，即係買完嚟食又唔會覺得好失望亦都唔會覺得好驚喜😂。不過就勝在價錢合理，可以買嚟醫下肚仔。

同女友晨早流流去完旺中睇牙醫離午餐仲有段時間 決定就近食個早餐🥱樓下嘅呢間冰室就成為咗我地嘅落腳地.🍴招牌冰火菠蘿油 $13 💛9/10其實呢到仲有好多特別款式嘅麵包不過始終第一次試 都係要招牌款好啲😎個包夠熱夠鬆軟 菠蘿皮都夠脆食得出真係新鮮出爐🔥牛油夠哂厚身 必定食到牛油香之餘底層真係放咗冰粒 確保冰感嘅質地❄️外熱內冷嘅觸感 同埋喺口腔爆發嘅牛油香咁邪惡咁好味 係得冰火菠蘿油先做到😋.🍴早餐 - 沙嗲魷魚麵餐配凍飲 $44💛8.5/10沙嗲魷魚食落偏香辣多過花生味見到咁多醬料 就知夠哂重口味啱我😌仲要唔係跟普通牛油方包係芝士火腿牛角包 相對真係好食好多🥐整體黎講性價比都幾唔錯.其實入去食嘅時候先十一點鬆啲但已經差唔多坐爆 係有原因嘅😳

去開旺角諗唔到食咩就通常都會食冰室呢間龍城冰室新開冇幾耐咁啱去到有下午茶餐望一望餐牌發覺價錢都唔平但勝在選擇較多，地方夠大之前外賣試過佢個榴槤菠蘿包的確唔錯一於入去試下堂食下午茶雙拼燒味瀨粉一嚟到碗瀨粉好大碗，個湯夠熱出哂煙緊係飲一啖湯先，味精就一定有，但又幾好味，瀨粉夠滑唔會太淋叉燒腩仔望落去去靚仔，叉燒夠淋，腩仔肥咗少少，但個皮都幾脆凍檸茶正常發揮$56+3凍飲黎講水準唔錯，女仔當lunch都夠哂飽見佢常餐有個香辣魷魚好似幾正，下次試下先

朋友陪我係旺角shopping🛍 完後，朋友話好肚餓要去醫肚，但係我就仲有少少飽，唔想食太多嘢😅，係呢啲情況，港式茶餐廳就係最好嘅選擇😆。行到新之城附近，突然間被個好搶眼嘅招牌吸引住😎，龍城冰室，眼見左邊門口有好多人等外賣🚶‍♂️🚶‍♂️，右邊仲誇張，排大長龍🚶‍♂️🚶‍♂️🚶‍♂️🚶‍♂️等緊買麵包，心諗唔係好嘢點會咁多人等，一於去馬🏃。入到去坐低，發現餐廳好大，好光猛，坐位非常寬敞坐得好舒服，目測坐咗9成客。而家係5點正🕔，呢啲時間，識食嘅我地就梗係叫下午茶餐啦🤣🤣。龍城嘅下午茶餐竟然有34款選擇😳？！有飯🍚有麵🍜有包🍞有沙律🥗有西多🧇，真係任何人都揾到自己啱嘅嘢食😂。朋友叫咗龍城炒米粉，我就掙扎咗一輪😅，最後叫咗香辣脆炸雞脾伴薯條，無錯，係香辣炸脾，咁邪惡，一定要試下😋。龍城炒米粉 $55炒米粉份量都唔細，一上枱熱辣辣，煙噴噴，配料算多，叉燒份量唔少，仲要有2隻爽口彈牙🦐嘅大蝦，正。另外要讚一讚嘅係米粉炒得非常乾身🥰，有脆身嘅口感😋。香辣脆炸雞脾伴薯條 $45炸脾和薯條都係即叫即炸，雞脾炸到卜卜脆👍，塊皮脆到好似食緊薯片咁😍，卜卜聲，但係入面啲肉就好juicy，仲有肉汁流出嚟😍。另外香辣

平日放工黎左近旺角地鐵站既 龍城冰室大約6點半 門口已經有好多人喺度徘徊店鋪地方闊落，大部分都係卡位枱面放左幾張麵包、燒味餐牌 麵包全日供應，有多達18款現場烘焙既新鮮麵包晚市時間都見到廚房會出一盤二盤嘅新鮮麵包我哋坐嘅卡位遠望到燒味架寫住招牌明爐燒味 掛住燒鵝 叉燒 燒腩仔 油雞 另外有本好厚既中英文餐牌想試下呢到既炒米粉猶豫緊揀龍城炒米粉定星洲炒米最後揀左有廚師推介嘅龍城炒米粉叫嘅時候唔知會有咩配料嚟到嘅時候 有2隻蝦球 又長又厚嘅叉燒條 炒得好靚嘅蛋 少量嘅洋蔥 韭菜 芽菜 米粉同配料分量多 調味適中 仲叫左有廚師推介嘅芝士流心西多士大大片牛油放係西多士中間 蜜糖係獨立包裝即叫即炸 西多士外脆內軟不過芝士怪表示略嫌芝士唔夠多 唔夠流心 加咗六蚊 凍檸茶 味道正常

📍呢間分店位於旺角東同旺角交界，係旺角嘅中心地帶。打工仔一個要搞掂夜晚，就搵咗間肆正茶餐廳坐低。位置好方便，睇到個招牌都好醒神⭐️👍🏻裏面環境光線充足，有好多卡位，但地方依然闊落，最緊要係都幾乾淨。🔻餐牌上面選擇非常多，焗飯、小菜、炒飯炒粉麵、鐵板餐，一應俱全。😍我睇咗好耐先落到決定。而今次我嗌咗呢個晚餐set🔻1. 羅宋湯唔好睇佢羅宋湯用中湯碗，湯好多料又濃郁，仲有少少牛肉粒😍🔻2. 薯仔牛柳粒（跟飯）好有鑊氣，份量更係足到爆，牛柳都係大大舊！啲薯仔嘅角位有煎過，所以特別香！但有少少偏林。🔻3. 紅豆冰（+$9）唔會好甜，咬落又軟腍。奶香味比出面出👍🏻🔻同一班打工仔，一睹香港風味，一齊「各自修行」，享受呢度嘅快、靚、正！😀

鮮茄焗豬扒飯, 呢個焗豬扒飯係即叫即刻焗出嚟嘅, 豬扒上面除咗有蕃茄, 仲會有啲芝士㗎, 所以食落會有芝士嘅香味, 豬扒係屬於厚切嘅, 大約有五塊呀, 豬扒份量都唔少呀紅豆冰, 呢個紅豆冰佢啲奶嘅份量會比較多, 所以飲落好香同埋有好重嘅奶味, 紅豆煮得夠淋, 跟住又夠甜, 呢杯紅豆冰嘅質量唔錯呢間冰室啱啱裝修完, 所以佢啲環境, 燈光係比一般嘅冰室好, 而且裏面大部分都係卡位, 坐得會比較舒服下午茶嘅選擇, 都幾多㗎, 有三十幾款可以揀