龍城冰室

营业中

休息中

同女友晨早流流去完旺中睇牙醫離午餐仲有段時間 決定就近食個早餐🥱樓下嘅呢間冰室就成為咗我地嘅落腳地.🍴招牌冰火菠蘿油 $13 💛9/10其實呢到仲有好多特別款式嘅麵包不過始終第一次試 都係要招牌款好啲😎個包夠熱夠鬆軟 菠蘿皮都夠脆食得出真係新鮮出爐🔥牛油夠哂厚身 必定食到牛油香之餘底層真係放咗冰粒 確保冰感嘅質地❄️外熱內冷嘅觸感 同埋喺口腔爆發嘅牛油香咁邪惡咁好味 係得冰火菠蘿油先做到😋.🍴早餐 - 沙嗲魷魚麵餐配凍飲 $44💛8.5/10沙嗲魷魚食落偏香辣多過花生味見到咁多醬料 就知夠哂重口味啱我😌仲要唔係跟普通牛油方包係芝士火腿牛角包 相對真係好食好多🥐整體黎講性價比都幾唔錯.其實入去食嘅時候先十一點鬆啲但已經差唔多坐爆 係有原因嘅😳

去開旺角諗唔到食咩就通常都會食冰室呢間龍城冰室新開冇幾耐咁啱去到有下午茶餐望一望餐牌發覺價錢都唔平但勝在選擇較多，地方夠大之前外賣試過佢個榴槤菠蘿包的確唔錯一於入去試下堂食下午茶雙拼燒味瀨粉一嚟到碗瀨粉好大碗，個湯夠熱出哂煙緊係飲一啖湯先，味精就一定有，但又幾好味，瀨粉夠滑唔會太淋叉燒腩仔望落去去靚仔，叉燒夠淋，腩仔肥咗少少，但個皮都幾脆凍檸茶正常發揮$56+3凍飲黎講水準唔錯，女仔當lunch都夠哂飽見佢常餐有個香辣魷魚好似幾正，下次試下先

朋友陪我係旺角shopping🛍 完後，朋友話好肚餓要去醫肚，但係我就仲有少少飽，唔想食太多嘢😅，係呢啲情況，港式茶餐廳就係最好嘅選擇😆。行到新之城附近，突然間被個好搶眼嘅招牌吸引住😎，龍城冰室，眼見左邊門口有好多人等外賣🚶‍♂️🚶‍♂️，右邊仲誇張，排大長龍🚶‍♂️🚶‍♂️🚶‍♂️🚶‍♂️等緊買麵包，心諗唔係好嘢點會咁多人等，一於去馬🏃。入到去坐低，發現餐廳好大，好光猛，坐位非常寬敞坐得好舒服，目測坐咗9成客。而家係5點正🕔，呢啲時間，識食嘅我地就梗係叫下午茶餐啦🤣🤣。龍城嘅下午茶餐竟然有34款選擇😳？！有飯🍚有麵🍜有包🍞有沙律🥗有西多🧇，真係任何人都揾到自己啱嘅嘢食😂。朋友叫咗龍城炒米粉，我就掙扎咗一輪😅，最後叫咗香辣脆炸雞脾伴薯條，無錯，係香辣炸脾，咁邪惡，一定要試下😋。龍城炒米粉 $55炒米粉份量都唔細，一上枱熱辣辣，煙噴噴，配料算多，叉燒份量唔少，仲要有2隻爽口彈牙🦐嘅大蝦，正。另外要讚一讚嘅係米粉炒得非常乾身🥰，有脆身嘅口感😋。香辣脆炸雞脾伴薯條 $45炸脾和薯條都係即叫即炸，雞脾炸到卜卜脆👍，塊皮脆到好似食緊薯片咁😍，卜卜聲，但係入面啲肉就好juicy，仲有肉汁流出嚟😍。另外香辣

平日放工黎左近旺角地鐵站既 龍城冰室大約6點半 門口已經有好多人喺度徘徊店鋪地方闊落，大部分都係卡位枱面放左幾張麵包、燒味餐牌 麵包全日供應，有多達18款現場烘焙既新鮮麵包晚市時間都見到廚房會出一盤二盤嘅新鮮麵包我哋坐嘅卡位遠望到燒味架寫住招牌明爐燒味 掛住燒鵝 叉燒 燒腩仔 油雞 另外有本好厚既中英文餐牌想試下呢到既炒米粉猶豫緊揀龍城炒米粉定星洲炒米最後揀左有廚師推介嘅龍城炒米粉叫嘅時候唔知會有咩配料嚟到嘅時候 有2隻蝦球 又長又厚嘅叉燒條 炒得好靚嘅蛋 少量嘅洋蔥 韭菜 芽菜 米粉同配料分量多 調味適中 仲叫左有廚師推介嘅芝士流心西多士大大片牛油放係西多士中間 蜜糖係獨立包裝即叫即炸 西多士外脆內軟不過芝士怪表示略嫌芝士唔夠多 唔夠流心 加咗六蚊 凍檸茶 味道正常

📍呢間分店位於旺角東同旺角交界，係旺角嘅中心地帶。打工仔一個要搞掂夜晚，就搵咗間肆正茶餐廳坐低。位置好方便，睇到個招牌都好醒神⭐️👍🏻裏面環境光線充足，有好多卡位，但地方依然闊落，最緊要係都幾乾淨。🔻餐牌上面選擇非常多，焗飯、小菜、炒飯炒粉麵、鐵板餐，一應俱全。😍我睇咗好耐先落到決定。而今次我嗌咗呢個晚餐set🔻1. 羅宋湯唔好睇佢羅宋湯用中湯碗，湯好多料又濃郁，仲有少少牛肉粒😍🔻2. 薯仔牛柳粒（跟飯）好有鑊氣，份量更係足到爆，牛柳都係大大舊！啲薯仔嘅角位有煎過，所以特別香！但有少少偏林。🔻3. 紅豆冰（+$9）唔會好甜，咬落又軟腍。奶香味比出面出👍🏻🔻同一班打工仔，一睹香港風味，一齊「各自修行」，享受呢度嘅快、靚、正！😀

鮮茄焗豬扒飯, 呢個焗豬扒飯係即叫即刻焗出嚟嘅, 豬扒上面除咗有蕃茄, 仲會有啲芝士㗎, 所以食落會有芝士嘅香味, 豬扒係屬於厚切嘅, 大約有五塊呀, 豬扒份量都唔少呀紅豆冰, 呢個紅豆冰佢啲奶嘅份量會比較多, 所以飲落好香同埋有好重嘅奶味, 紅豆煮得夠淋, 跟住又夠甜, 呢杯紅豆冰嘅質量唔錯呢間冰室啱啱裝修完, 所以佢啲環境, 燈光係比一般嘅冰室好, 而且裏面大部分都係卡位, 坐得會比較舒服下午茶嘅選擇, 都幾多㗎, 有三十幾款可以揀

9月24日行过入去想吃個下午茶.点不知比咗張枱望到一大堆垃圾無哂胃口,朋友話唔比再望快吃完走,其實係未要衛生環境好D,人地見到都唔想吃,.,仲有D服務態度好差~下次都不再光顧恐怖反胃🤮😡

今日放假約咗朋友去旺中行街 瘋狂購物前一定要 填飽咗個肚先 旺角站d出口一上到地面就見到這家龍城冰室餐廳好大 可以容納好多人 燈光十分明亮 座位寬敞 坐得舒服 冷氣十足正好碰上下午茶時間 光是下午茶已經接近有四十種款式選擇 款式真係多羅羅 仲要未計餐牌全日供應嘅菜式 小菜/鐵板/湯飯/炒粉麵 諗得到嘅都有！咖哩牛筋腩飯$55 雖然下午茶但係份量一啲都唔少 咖哩同飯分開上 唔使浸到啲飯淋滋滋 咖哩入面有牛腩牛筋同薯仔 牛筋牛腩炆得好淋 薯仔入口即化 靈魂在於個咖哩汁 真係好香好惹味食到想碟都舔埋 實在太好味脆炸雞髀伴薯條$45 雞髀同薯條都係即叫即炸 上枱嘅時候仲係熱辣辣 薯條係我鍾意食嘅款式夠粗夠厚 外脆內軟雞脾炸到脆卜卜 好似食緊薯片咁 但係啲肉仲好有肉汁 一啲都唔嚡口 大大隻 啖啖肉 好滿足

一行入面，就聞到好香嘅麵包味，間鋪都幾大間，我哋夜晚7:00嚟食飯，估唔到今日係weekday 都咁多人入座，大概都有九成客滿嘅。估唔到咁好生意tim 。一個人叫左d小菜食下，試左蒜香🧄萵筍炒蝦🍤球。加左13蚊轉套餐，即係多一碗白飯同多一杯熱飲。今晚費事訓唔著，飲品揀熱朱古力🍫算，自己都好耐冇飲過，都幾大杯都okay 。上菜速度都好快，個蒜香🧄萵筍炒蝦🍤球落單後大概五至十分鐘之內就上到枱了。啲蝦睇落都幾大隻，咬落幾爽口，估唔到有七隻咁多，有少少意外tim 。另外仲配上萵筍同埋少量炒木耳，幾種不同口感，食起上嚟都豐富啲。食完個小菜，一碗飯同埋一杯嘢飲已經好夠飽，本身聞到麵包好香，仲諗住買個試吓，不過飽得滯都係不了，下次再試啦。

陪媽子係朗豪坊做完body check後,入咗呢間位於旺角新之城地舖新開嘅龍城冰室食下午茶餐。餐廳闊落光猛,客人都坐咗八九成。下午茶餐到6點,價錢平民化,老人家要有粉、麵或飯到肚。係門口見到新鮮麵包,大大個香噴噴,好想食,於是我哋點咗炒米粉同麵包。下午茶餐包一杯飲品,我哋再以正價嗌多同一樣嘅熱杏仁霜。杏仁霜幾香甜,若果稀返少少就更加好啦😜！一坐低,即刻叫個菠蘿包同蛋撻過下口引先😝,大大個菠蘿包焗到金黃,凹凸脆皮好香口,包身鬆軟有咬口。🍍酥皮蛋撻,嘩！皮鬆化蛋香滑食完菠蘿包同蛋撻,意猶未盡,再叫多個紅豆菠蘿包😝。重點係蛋撻同麵包仲暖暖哋,好食。米粉炒得乾身吾油膩。除咗兩隻新鮮、去腸、彈牙大蝦外,仲加咗火腿、叉燒、炒蛋、芽菜等多種配料,香口得嚟有口感,份量勁大碟,一啲都吾似下午茶餐呀😚😚便、靚、正,份量足,選擇多,下次試下扒餐先!

今日出咗旺角行街，路過呢個位置，搵到一個舖位非常之大嘅茶餐廳，好光猛再揭下出邊個餐牌，吸引咗我入嚟食嘢呢度地方相當寬敞，食物選擇特別多，各類型都有，但去茶餐廳，梗係要食下嗰度啲炒粉麵飯啦，見到佢個讚好推介，所以決定食個泡菜牛肉炒飯炒飯份量十分之多，夠兩個人每人食兩碗，裏面材料都好豐富，有蛋同翠玉瓜之外，牛肉份量非常多，好夠鑊氣之餘，亦好抵食泡菜酸酸地，食落個炒飯好香口，好開胃。食飽嘆埋杯熱咖啡，好滿足好飽

對於龍城冰室嘅第1️⃣印象就係近地鐵站近！非常之方便！地鐵站D2️⃣出口行5️⃣秒就到！餐廳裝修幾光猛同埋幾企理咁。成日行過都幾多人。今日同媽咪喺附近Thai massage 完就嚟呢邊食晚飯試一試💕。我哋都唔算好肚餓，就求其嗌咗d小菜😄食下。叫左個鮑魚一品雞煲（$9️⃣2️⃣），上菜時個煲仲好熱，唔係好大食嘅話2️⃣個人食，配上白飯都夠食。本來以為鮑魚得2️⃣舊，點知食食下仲有，最後發現係有4️⃣粒鮑魚嘅。鮑魚應該係罐頭鮑魚嚟嘅，都幾入味，食起上嚟幾林下。媽咪仲叫左個西湯飲，要加$1️⃣8️⃣，是日西湯係羅宋湯。估唔到上枱嘅羅宋湯有咁大碗，真係成個湯碗🥣黎，有少少辣幾開胃，入面都幾多菜，飲到好飽。

10：04 落單，5分鐘後上煎蛋丹麥多士，再等30分鐘上央走，再等10分鐘，先來仿鮑火腿通，我要公仔麵架，阿姐!......前後追在4次太混亂...食物好，又如何!

依間龍城新開左一段時間, 地理位置方便, 一上旺角站就直到門口, 趕時間之選。今晚黎整番個快靚正晚餐, 懶得諗多數睇佢是日晚餐menu, 都有成7款你揀。晚餐包埋湯同飲品, 依度既中湯都唔錯, 唔係例水~係有料煲出黎既湯, 味精感亦都唔重。紅燒豆腐枝竹炆薑蔥龍躉斑頭腩煲上枱聞到香味, 煲仔菜最緊要熱辣辣, 份量都好多下! 斑頭腩有5件以上, 件件都大舊, 骨肉均秤。欣賞佢調味好惹味, 加入左蒜, 芹菜等等更加香。豆腐同枝竹索哂d汁同樣惹味, 撈飯一流!!飲埋杯凍檸茶, 快靚正!

打工仔午飯當然想去一間方便快捷環境唔錯又好食價錢物美的餐廳，咁一定要食呢度嘅茶餐廳。餐牌多選擇，除咗午餐，常餐之外，佢哋特色有燒味同埋湯飯，今日突然好想食魚，佢哋嘅午餐有梅菜豆卜蒸鯇魚，一個午餐$59仲要包湯同飲品，夠晒飽。餐湯菜乾湯，煲得唔錯好濃。檸茶都有四片厚檸檬，唔孤寒😂， 飯就好大碗，魚就差啲熱度，如果再熱啲就更好。