龍城冰室

营业中

休息中

啲staff又串又無禮貌，以後唔會食！我喺平日下午3:15落單，朋友話5:00嚟，咁我咪邊食邊等，佢又無寫係限時！到差唔多5:00，男staff嚟想幫我收野，我望一望出邊係有一兩個客想入嚟坐，但唔係排哂隊，咁我同佢講朋友就嚟到會再落單。轉個頭有個女staff(較矮+馬尾)經過我隔離然後好串咁講：「等人都唔係等兩個鐘！」，但佢唔係對住我講，只係經過比說話我聽！我即刻著咗！就捉住另一個女staff（較高+馬尾），我問佢係咪有限時？佢：「唔係有冇限時嘅問題，但係呢度唔係休憩處，你唔可以咁樣坐兩個鐘，等人都唔得！」1/ 間餐廳從來冇標明有限時2/ 如果係有，應該有禮貌地講聲，咁都唔識？3/ 我反駁嘅時候，佢哋繼續反駁我，唔好話一句對唔住都冇，態度仲好惡劣！4/ 我阿姨明明回應到有冇限時，但後來個阿叔又話限時，咁即係其實任你講，咁你話半個鐘都得啦！成日幫襯，間唔中落錯單都算，而家態度仲要咁差，以後都唔會嚟食。

旺角愈來愈多冰室，要突圍而出真係要落返功夫，呢日經過呢間新開冰室，最吸引眼球就係門口啲麵包，揀咗個望落最普通嘅岩鹽牛油包，好少見港式包店有得賣，估唔到食落都唔錯，麵包帶微溫，入面半溶嘅牛油都唔少，牛油味出而香，拍得著日式麵包舖賣嗰啲

旺角冰室 而家都開咗唔少，仲要門口好多都有 #麵包 🥯買，今次就試咗 #旺角新之城 轉角間 #龍城冰室 ，見有幾個人排緊隊買就試吓見到QQ #軟包 ❤️仲要是芋頭當然買啦，麵包的確好軟熟，微微芋頭味，入面有芋頭餡不過偏少，麻糬原來都唔少，黃色類似奶皇感，一齊咁食的確幾好食，價錢仲要$9唔貴可回購#菠蘿包 都幾大個👌🏻食落去都脆面，麵包軟熟不錯，價錢$8都可以，佢仲有個榴連菠蘿包約$14可能下次試吓先😂諗住正常菠蘿包唔伏先再買佢我前面排的2個人各自都買咗1-2大袋好誇張😂所以吸引咗我去買，見佢哋都係專買2款QQ包同2款菠蘿包

其實都食過幾次早餐不錯佢個咖喱真係唔差 我亦都冇諗過要打上嚟但係當我食到有第四條毛出現 我就真係頂唔順成個飯有啲想作嘔。。。如果係得一兩條其實都會算數但4條有長有短 我真係覺得要反映下

亞皆老街的「龍城冰室」地點位置優勝，位於亞皆老街與西洋菜街的轉角處，鄰近地鐡站出口，又近彌敦道。另外樓面面積大， 多座位。當日我帶父母及兒子去，叫了三個午餐。龍城的午餐價位比一般茶記的午餐貴10至20%，這可能反映它的租金及人工上。食物方面是優質的，咖喱牛腩的薯仔很大粒。老爸叫了當時得令的酸菜魚，價錢比較貴，但旺角不是太容易找到酸菜魚食。總結，堂食經驗不錯，餐廳可用whatsapp聯絡，發放每天餐單。以上一籃子因素令龍城比「銀龍」等會貴一點。

自從上次老公買咗蛋撻返嚟比我食，我就心思思又想食龍城冰室嘅酥皮蛋撻，真係真係非常酥脆同有層次，我諗旺角茶記唔係幾多間做到。其實上次我老公買返嚟我都有寫食評，但係唔知點解唔比出，算啦，唔好講呢樣，講返我今次想寫嘅新嘢，我第一次食就當佢新啦，因為我唔係成日出旺角，所以唔知出咗幾耐我今次介紹「芋頭QQ軟包」睇佢個樣又唔係話好吸引，但芋頭就吸引到我嘅注意，因為我都鍾意芋頭包，但多數都係好甜，所以我通常試一次都唔會再試，想食就唯有去惠康買果隻6個裝$18.9果隻中式芋頭包食，因為佢係我暫時覺得好食嘅芋頭包，講返龍城個芋頭包，初時睇佢個名QQ軟包，心諗個樣一啲都唔Q食落口先發現Q喺邊度🤣原來中間係有麻薯，識落好煙煙銀銀口感都幾好，包身好軟熟，而且仲有淡淡的芋頭香味，芋頭蓉同麻薯係夾味嘅，重點係芋頭蓉係唔太甜，食到芋頭原本嘅味道，呢樣嘢值得讚，包面啲白色粉應該係糖霜，可以做到互補嘅效果，仲點唔會搶咗芋頭本身嘅甜味，所以鍾意食唔太甜嘅芋頭包嘅朋友我極力推介龍城冰室嘅芋頭QQ軟包

✨旺角地鐵口超大間嘅新開茶餐廳正正在十字馬路的L集角位好闊落大間, 裏面好多卡座位寬闊舒適被門口的大玻璃內嘅新鮮出爐嘅多款麵包吸引, 決定入去醫下肚先🥰餐牌內好多選擇中西式嘅都有價錢尚算合理茶餐廳居然有“全日早餐“🍽️二話不說,叫份試下乜嘢質素先新鮮出爐流沙雞尾包 $8麵包算幾大個略嫌唔夠熱, 餡料唔覺似流沙招牌冰火菠蘿油配熱飲 $26一大塊牛油放在冰上上枱鍾意落幾多可以自己調教菠蘿包皮夠脆口又夠熱, 味道都唔錯😋全日早餐$65吉列魚柳,香草腸沙律,炒蛋,煙肉,芝士火腿牛角酥跟餐茶份量十足,價錢合理👍最後嘅餐茶叫咗熱奶茶及熱鴛鴦, 一般茶記嘅味道尚算不俗😊

夜晚諗住叫個外賣燒味飯＋杯凍咖啡其實已經一啲都唔平都要＄60幾蚊但就偏偏凍咖啡變咗做凍奶茶點解係都要包錯杯飲品？杯咖啡都要加錢架唔係唔使錢就可以有包外賣嗰位仲要係啲呀姐冇經驗唔識得分茶，啡就唔好走去包外賣啦飲食業就係俾呢啲人攪臭曬個名

呢間餐廳基本上已成為日常嘅飯堂，雖則嘢食唔算話特別出色，不過叫做不過不失，最重要係奶茶好飲今日叫左香芋豆卜排骨飯，非常大碟，食極都食唔完，陣陣蒜香，唔會太咸，送飯岩岩好，芋頭大大嚿，食完都飽曬。已經好努力都係食剩一半叫左茶走，又滑又甜，新鮮靚茶

天寒地凍，又無咩好做，咁就梗係食㗎啦附近開左間茶餐廳都一段時間，老實講真係未試過，反正今日條街都冇咩人，鋪頭都無咩生意，咁就走去買啲香港地道嘢菠蘿包同蛋撻比同事做吓下午茶，買咗返嚟啲同事就話做咩係呢間嘢買呀，OpenRice話呢間嘢唔得喎，我即刻o悶曬嘴😑，咁唔買都買咗啦，我哋咪試吓囉，點知又唔係好似啲食評咁寫得咁差喎，所以今次係我第一次寫食評。佢地啲蛋撻同菠蘿包講真係好食嘅。酥皮蛋撻個皮咬落去都見到佢一層層，勁鬆脆個菠蘿包脹卜卜又大個，咬落去個菠蘿包皮係脆卜卜㗎，個飽中間係超軟熟，好好味我地鋪頭就係銀中附近，所以成日都去附近茶餐廳買下午茶，但係我同同事都認為以後下午茶想食我菠蘿包同蛋撻一定去返龍城冰室買

Really mediocre food (think a salty "butter toast" that came with a square of butter melting on top and a filling that was too salty to swallow) and an unexpected 15% service charge that was not marked on the menu anywhere. The service certainly couldn't make up for it. Don't go!!

年廿九過年外賣叫咗個鮑魚一品雞煲餐126蚊，諗住食豪啲，價錢同食物質素會成正比。但係非常之中伏，味道係ok嘅，但係成盒外賣都係雞，蒜頭同冬菇，得一隻小鮑魚仔，痴痴地線，126蚊食個雞，跟白飯加15蚊仲要得一碗仔飯，叫外賣話等10分鐘可以拎，結果等左大半個鐘，超級唔抵食，無下次。仲要係外賣自取話打8折咗嘅價錢，總體而言唔符合經濟原則。

新餐廳入去試下佢入去要安心出行之後用手量下温度入座都好好招呼我一座底第1個伙記比咗一杯水我我放咗係枱上我叫咗野食10分鐘後有第2個伙記問我叫咗野食未佢去睇部電腦問下其他伙記約2分鐘佢話問我叫咗咩野食佢話幫我跟我食個普通野之後個伙記叫我帶返口罩但個伙記自己都冇帶好口罩冇遮住個鼻仲話客人我話有杯水飲又要等多15分鐘先有野食隔離枱仲遲過我入嚟都有嘢食啦食物都正正常常冇乜特別環境新開店一定好價錢同其他餐廳貴少少

耐無出黎呢個位，以前係周生生既大鋪，見到變左做冰室，心諗金鋪都做唔住，冰室做到咁勁，一定要幫襯下啦😂😂店面都大間闊落既，而且最吸引我既就係有大量卡位，雖然黎到已經三點，但門口都有人排隊既，排左幾分鐘已經有位坐👍🏻👍🏻見到本menu食物既種類超多，樣樣都想試，揀左勁耐先揀到食咩好$55牛扒腸仔飯黑椒汁好惹味，牛扒同腸仔正常發揮，係我鍾意食既腸仔品牌，最抵讚既係個飯超夠熱，唔知係咪因為啱啱煮起定真係幾時都保持到個飯既溫度$65酸菜魚配飯魚肉好滑，味道都唔錯，但酸菜魚唔夠熱，只係暖暖地，未到我既要求，好香既花味，酸菜都好食既，好彩啲飯夠熱補番數餐飲叫左熱奶茶多奶同熱啡多奶，都算正常可接受水平，但唔知點解佢杯野飲上面飄浮住啲乳化小點，唔知係奶定係乜嘢黎另外餐枱下面拉出嚟既餐具都幾油膩，仲有上手食淨既野食，洗碗部真係要多加留意，特別依家疫情嚴重，建議大家都睇清楚洗乾淨先好放入口

觀塘番工時間中都會食呀見旺角而家開左就黎懷念一下點左~龍城炒米粉真係好多料下仲有兩隻唔細既蝦蝦肉仲要算有彈性既唔會梅咁仲有大量火腿芽菜雞旦可能加左芝麻幾香口咁米粉份量仲要幾大下食唔晒呀~咖哩豬扒飯一讚個豬扒已經切開晒同埋個薯仔煮得好淋完全無諗過呀所以好入味咖哩算幾香濃送飯一流呀佢比個白飯又係大到一個點囉OVERALL都好滿意呀下次會再黎呀