龍城冰室

营业中

休息中

旺角想搵一間大啲嘅茶餐廳其實好難，西洋菜南街終於比我搵到一間。入到去大部份都是卡位，裝修好新淨，坐得好舒服😌。冷氣亦好充足，30幾度下佢真係好重要！叫咗一個鐵板餐, $108 包湯種包嘢飲，個羅宋湯非常足料，好多牛肉，肉質鮮嫩有牛肉味，湯唔太辣有少少甜味。上菜速度好快，基本上一坐低叫咗之後3-4分鐘就上湯同埋飲品。熱奶茶茶味非常濃郁，口感亦非常滑溜。終於到主菜出場，鐵板招牌黑椒牛柳配薯菜。我叫咗五成熟，但一啲血水都冇，有兩大件牛柳，牛肉非常之滑嫩，一啲根都無，完全唔使用力就可以切開牛柳，質素同某啲中價位扒房差唔多。但$108食到呢個質素係非常超值！配菜方面，薯仔恰到好處，加上醬汁好好味，配合薯仔天衣無縫。菜還有蘿蔔、生菜，蔬菜啱啱好中和返重口味的黑椒汁。