黃枝記粥麵店 (已搬遷) 新店位置

朋友話之前食過佢d鮮蝦雲吞麵好好味，加上佢有番咁上下名氣，就放棄翠華而走入黃枝記喇。我地兩個女仔叫左一個擔擔粗麵同牛腩菜麵，再加碟菜心(朋友話佢之前同同事叫過生菜，但D菜好黃，所以冇叫)。不過菜心都唔係好食bor…好喇，先來我個擔擔粗麵，味道ok啦，不過記得前幾個月0係澳門0個間D麵好食D，又冇咁油。$24 0既價錢，周圍都食到更好味0既麵啦。唉，食物都叫ok啦，但最慘係佢地d service lor…我碗麵到左7-10分鐘，都未見朋友個牛腩菜麵上枱，咁就吹下伙計啦，因為真係等到我碗麵都凍左啦嘛，3-5分鐘後仲係未0黎…我地兩人不斷輪流吹，就連比我地入店遲order0個d0野都到晒喇，都唔見碗牛腩菜麵…好喇，卒之連我個擔擔麵同菜心都清晒，吹0個碗麵吹左3-4次都冇到，兩個人mung到要死，決定cancel order+賣單，伙計d efficiency突然好似開晒turbo咁，好快就送0左碗麵來，真係豈有此理呀! 俾伙計激成咁，我地當然堅持唔要，並叫佢賣單啦，哼! d efficiency又呯呯聲暴跌，又要我地等多幾分鐘…0個時真係好想就咁拂袖而去gar…一句講晒，唔會再有下次!!!

20040916 9.30pm做完gym, 約o左朋友飲o野. 未飲o野前自己去食個快先.食翠華食到悶, 又翻返去黃枝記, 因為我好掛住個北菇.叫o左個北菇雲吞撈麵, 好味啦一樣都係, 麵一樣地彈牙, 本來想加蝦子不過好似誇得滯, 下次先.唯一唔好係呢度"起菜"好慢下lor. 都係好事o既, 即係即叫即做啦~

以前大利清湯腩的位置，開了渡江而來的名麵店~ 黃枝記。之前在銅鑼灣經營時食過，印象還不錯，所以今朝同事話在這裡開了新店，今日就趁下午要返舊公司開會，就來食碗麵，睇下食唔食得過。一個人到來諗住易搵位，點知都係要等，單看這個連粥麵舖都要等叫名入座的，可見在香港這個「新屎坑效應」的威力，而我亦是其中一員。搭檯在樓上坐低，看看餐牌，同澳門的幾相似。叫了個有雲吞麵及油菜的午市套餐，吃撈麵的話就貴些少。可能都有唔少人食麵，所以都等左成十分鐘。麵先來，麵完全浸在湯內，雲吞在麵上面，這個賣相已知唔正宗。用筷子撥一撥麵團，發現硬硬的，不鬆散，心知不妙，明顯是預早淥定麵餅，等有客落單，之後再下湯的，是完全完全唔掂；吃一口麵，是沒有鹼水味，但麵質腍腍的，不要說豬油或麻油的味道，是一點咬口也沒有，不要說與附近的其他名家麵檔相比，就算是沾仔記及權記也比這裡好，因為人家好歹也是即叫即淥，麵質還比這裡彈牙；雲吞有五粒，體種比麥奀的大，當然比沾仔記的蝦餃雲吞小，粒粒有隻蝦，味道不過不失；湯有味精是意料中事，不足為奇。碟菜心品質還不錯，埋單32蚊，不收加一，以價錢計是物非所值。這碗雲吞麵散叫賣24蚊，以此推算應該有一定

20040906 10pm第二餐, 10pm去到, 仲有3檯客.5人食-(經理話個鑊未得, 所以無得食肉絲炒麵, 開張第二日je, 未ready 都唔出奇)*雲吞麵- 呢度既麵係我o既最愛, 至愛佢一o的鹼水味都無, 之前銅鑼灣舖摺o左勁驚響香港食唔返. 湯底也掂, 完全唔會口渴.*燒鴨肉丸粥- 粥底綿, 燒鴨香, 肉丸彈牙, 夫復何求?*油菜(芥蘭) - 這是全檯朋友一致極讚, 爽甜, 無渣, 不過quote 席間其中一個朋友話"咁呢度開張第二日je, 實新鮮o架wor~"*蜆芥鯪魚球(大, $30) - 有8粒仔, 但係好新鮮, 蜆芥味道則一般.*淨北菇- 本小姐強列推介, 菇發得靚, 勁厚肉, 菇味重得o黎唔會死鹹死實, 連掃5隻!為一要彈, o的辣椒油未ready lor, 係油還油, 辣椒還辣椒.埋單唔知幾錢, 因為唔係我比.招呼極殷勤, 我其中一個朋友附近住, 想拎張外賣紙, 經理話未有, 不過就成份餐牌比o左我朋友lor. 你話係咪好好人呢?