麻辣香鍋

营业中

休息中

有時候誤打誤撞都可以食到好嘢～跟住又有驚喜 呢啲先叫滿足嘅一餐😆😆旺角有一間食辣嘢嘅餐廳 原來都幾出名👍🏻店員知道我唔係食得好辣 所以就推薦左下面幾款「冇咁辣」嘅餸菜 俾我去試吓 我食咗啲咩？睇埋落去啦🙈⭐️泡椒田雞 (4/5)⭐️水煮牛 (4/5)⭐️京蔥牛肉+麼麼皮 (4.5/5)⭐️藤香雞 (4/5)🔥田雞爽滑 口感係我食過數一數二好食嘅 而且佢唔係好辣個隻 與其話辣 不如話佢麻 係麻再夾雜住香 所以我呢個唔食得辣嘅人都接受到🔥🔥水煮牛 已經比我想像中辣 不過我都接受到！我鍾意佢牛肉嘅質地 唔會好「鞋口」同埋佢啲牛肉係好大塊 但係好易咬開 跟住你每食一啖牛都會食到佢啲辣汁😳用嚟送飯係一流🔥🔥京蔥牛肉 配麼麼皮 呢款就係惹味嘅小菜 唔辣 純粹感受到佢嘅鑊氣同埋廚師嘅功力🥳牛肉爆到好香 果然加咗洋蔥係唔同啲！洋蔥甜爽 最重要係佢塊皮😂包住塊皮食嘅話 係一啖接一啖食唔停…🔥🔥藤香雞 呢個好香花椒味 正常唔會好辣 不過如果你咬到面頭嘅花椒就會有少少辣…😳鍾意佢嘅調味比較多樣化 感覺到香氣！唔係得個辣字 個人都幾推介呢款因為啲雞都幾大件 雞肉嘅口感唔錯！似新鮮雞唔係冰鮮雞😂🔥🔥最後 我都食到好滿足

因為疫情 好耐都冇出街食飯 跟住前排就去咗旺角食飯🤭今次食飯嘅人數唔多 所以我哋都唔敢叫太多餸 驚食唔晒 叫咗下面三款餸咋🙈最後都食到好飽 好滿足咁返屋企🥳🥳✔️京蔥牛肉配麼麼皮👍🏻👍🏻✔️蒜香拍青瓜😳😳🥒✔️辣子雞🌶️🌶️今次叫咗呢三碟餸都幾滿意🤭特別係個辣子雞 冇諗到呢度嘅辣子雞係整得咁好食🥹因為我覺得香港好難有整得好食嘅辣子雞🫣🫣好鍾意佢酥脆嘅口感！但係唔會太油膩！同埋呢個辣度係啱啱好😌👍🏻跟住個牛肉都唔錯～我勁貪心咁樣一塊皮夾咗好多牛肉😂😂搞到塊皮最後穿左窿😂😂😂不過味道唔錯架 鹹鹹地又夠鮮味！而蒜拍青瓜都唔錯 佢啲青瓜嘅大細係啱啱好！唔會拍到好扁🤣同埋唔會成碟都係水汪汪…你知啦 青瓜好易出水㗎😂蒜味都足夠🙈🙈呢三碟餸都好好味😋個人最推介食辣子雞！如果你嚟旺角呢間餐廳食飯 都一定要食佢😳我下次要帶埋屋企人嚟食！跟住要食辣子雞！

同屋企人經過咗呢間新餐廳…跟住我哋諗都冇諗就入咗去試吓🙈見到佢係食辣嘢又好似幾吸引咁😌😌好彩最後都冇中伏 整體感覺唔錯 屋企人都話佢地幾好食㗎！ 🔻秘製拍青瓜 $46🔻蒜香小龍蝦 $188🔻藤香雞 $66🔻辣子雞 $108我哋三個人都叫咗咁多碟餸！其中蒜香小龍蝦係比較有記憶點嘅一碟！除左佢加左秘製醬料之外 仲加入大紅袍同埋鮮花椒去炆 先會咁入味…同埋佢呢個加咗蒜頭所以係更加更加入味😅😅食完個口好臭不過心靈好滿足👍🏻👍🏻👍🏻 跟住青瓜都唔錯🤣平時食開普通嘅蒜蓉青瓜所以今次就要加辣🌶️🔥🔥 果然加咗辣之後係唔同😋鍾意加咗辣之後嘅青瓜😋😋屋企人就比較鍾意食辣子雞🫣🫣利用辣椒油爆香新鮮雞肉！外脆而內裡帶煙韌感 最後加埋泡椒去炒…成個辣子雞嘅味係好正😆😆香！麻！辣！三合一😳藤香雞都唔錯架！雖然冇辣子雞咁辣🤭🤭醬汁加入豬骨湯底及鮮花椒 店員仲話係用慢火熬湯一小時精製而成…冇諗過咁細兜嘅一碟嘢都要煮咁耐😅唔怪之得煮出嚟係咁入味啦 啲雞又好嫩🫣🫣我哋全家人都好滿足！因為真心好食 同埋食咁多嘢都唔係好貴～屋企人滿足我都開心啦🙈👍🏻

同男朋友都超級鍾意食辣嘢🌶見到呢間未食過就即刻沖沖沖🥹真係夠晒麻夠晒辣🥵👍🏻香辣海鮮鍋🦞🦐🐟 $298辣同海鮮真係超級夾😍佢嘅辣味唔會蓋過海鮮嘅鮮味！入邊嘅海鮮有顯，哈，蟹，蜆🥰一鍋滿足到我幾個願望👍🏻份量都好多！蟹超級大隻好多肉🦀👍🏻魷魚彈牙，蜆都唔會有沙同埋好鮮甜😍辣子雞🌶🐔 $108平時啲辣子雞可能成日都搵唔到肉！但呢個絕對唔會！🫡👍🏻啲雞同辣椒吵到好入味！辣辣地好惹味❤️‍🔥其他配菜都好好食！又唔會辣到放唔入口🥹紅糖糍粑😋 $58喺川菜餐廳都會滿足到你甜品嘅慾望👍🏻🥹炸糍粑外脆內軟！好香口😋再加上紅糖，同糍粑非常夾😆上面嘅紅糖唔會令你覺得甜到膩！😍鍾意食辣嘅朋友可以同我一樣沖沖沖😍🫡

喺旺角朗豪坊睇完戲就在附近搵嘢食醫肚。發現這間「麻辣香鍋」有麻辣雞煲，香辣鍋，烤魚，水煮魚，酸菜魚…非常吸引，門口貼有餐牌，菜式一目了然，價錢合理，一於入去食餐辣嘢整醒醒胃先😋金湯酸菜魚$188🐟想食酸辣嘢揀酸菜魚則最適合不過。一大盤的上枱，份量很大😍 目測配菜很豐富😋有香菇片，本菇，萵筍，大量酸菜和薯粉。薯粉非常煙靭，份量又多！主角魚片僅僅熟透，雪白晶瑩，又滑又嫩，師傅刀工了得！一點細骨也沒有👍🏻次主角係金湯湯底，竟也有魚湯嘅鮮味，order 了小辣，就是啱啱好，有辣勁但不用救火那一種～整體味道唔錯，唔會太鹹，酸辣平衡👍🏻賣$188 足有二至三人份量👍🏻蒜蓉拍青瓜$38味道清爽，青瓜好脆好味！蒜蓉味道啱啱好唔會太多😋京蔥牛肉（配6塊麼麼皮）$98很有鑊氣的小炒，牛肉有嚼勁，京蔥又爽又香甜，吸滿甜甜地嘅醬汁，非常惹味！👍🏻另配薄薄的麼麼皮（但好像只有4塊，不過我們啱啱夠冇同店員反映）包着京蔥和牛肉吃亦有另一番風味！😋😍

天氣實在太熱喇，工作交收完便約老公食晚餐，好想食啲辣嘢飲凍飲，朋友介紹旺角有間新開的"麻辣香鍋"又就我工作完地點，太好了。地方不算大，冷氣夠最正，侍應生有禮貌，望望餐牌就比香辣海鮮鍋吸引了。香辣海鮮鍋(小小辣)$298~好大鍋啊！有肉蟹/鮑魚/鮮魷/花甲/大蝦等好豐富呀，再配襯埋紅紅嘅乾辣椒/蒜/薑/蔥 好香啊！味道又不算太鹹太濃，肉蟹飽滿又大隻，鮑魚都有兩大隻，花甲都好大隻呀，簡直食到唔停得口，送飯簡直一流，當然淨番碗白飯啦。(推介)👍干煸四季豆$72~成碟菜好香又不算鹹，四季豆好爽口，再配埋肉碎啱啱好，又係配飯一流。百香果檸檬茶$36~好大杯好香百香果味，食完辣辣地嘅嘢配杯凍飲超滿足，多謝朋友好介紹。👍👍

最近天氣酷熱，經常口淡淡無胃口，所以突然之間想吃辣，在旺角朗豪坊附近發現這家麻辣香鍋，於是來試試水準。餐廳環境裝潢清新明亮，有別一般川菜館，空間寬敞座位舒適，可以慢僈邊食邊傾。餐廳主打各式川鍋、有麻辣香鍋、烤魚、雞煲等，亦有多種湘川小炒，有辣有唔辣。黃金白玉菇 $72所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，白玉菇外皮香脆，炸粉厚薄得宜，黃金蛋黃鹹香惹味，而內裡的白玉菇口味清新，爽口彈牙，一咬透發出蛋黃奇香和非凡惹味。湖南小炒肉 $88點了一客港人比較冷門的湘菜，湖南小炒肉其實就是辣椒炒肉，以切粒的青辣椒大火爆炒五花肉，最簡單的做法其實最考功夫，調味以及火候掌握俱見工夫，辣椒口感爽脆軟嫩恰到好處而鮮味不失，辣椒獨有的鮮香味道帶強力辣勁，加上五花肉的脂香，極度下飯。京蔥羊肉 $108最後來一客京蔥羊肉，京蔥清香脆嫩，羊肉軟嫩可口，鑊氣十足，油而不膩，賣相亮麗，色香味質盡皆佳妙，配以奉送的麼麼皮同食，十分滿足。

係街經過諗緊食乜，見到呢間外表企理，原來食麻辣，但亦可選唔辣任君選擇門外已有餐單供食客參考招牌香鍋我選擇五款食物（五款起）用醬香炒，唔辣的小酥肉$48雞件$42薯粉$22鴨血$32芋頭$28蓮藕$28上檯已香噴噴，用醬香、芹菜蔥條芫茜嚟炒，好入味平時薯粉多數放湯，今次食炒都係第一次，好入味好正孜然牛肉配麼麽皮$98呢個好特別，麼麼皮即包片皮鴨嘅皮，好新鮮，麼麼皮夾上洋蔥牛肉，超好味酸辣土豆絲$68酸辣度適中，醒胃之選夠爽口果然冇揀錯地方食嘢，另外，呢度啲服務態度非常好👍🏻值得一讚，下次會約埋幾個朋友過嚟試，因為佢重點係有辣有唔辣

📍旺角🥘招牌香鍋配白飯(醬香）$63🍲酸菜魚飯 $62≡※≡※≡※≡※≡※≡※≡※≡※≡※≡※≡※≡※≡※≡※≡※今次去左呢間川菜餐廳食午餐😋雖然位置係迫左小小但係員工嘅服務態度都好好而且冷氣都夠勁 望落環境都算係比較乾淨👍🏻食物方面✨🥘招牌香鍋配白飯(醬香）香鍋係佢地嘅主打菜 辣方面有分香辣同麻辣🌶亦都有提供吾辣嘅醬香味 大家可以根據個人嘅口味選擇 個人認為呢個做得幾細心🥰因為我哋都唔係太食得辣 所以就叫咗醬香味 配料方面叫左牛栢葉魷魚同埋小蘇肉 本來以為佢地係主打辣鍋 醬香味可能會遜色少少 但無諗到佢醬香味都依然好好食 食落味道有啲似燒烤而且好香 牛栢葉入左味超級好味🤩 小蘇肉就稍為鹹咗少少 🤏🏻但香鍋份量就吾算多 建議兩個人share嘅話可以+$25加多個配料 但真係完全值得一試 如果中意食辣嘅朋友可以去試下佢地嘅辣鍋👍🏻 🍲酸菜魚飯 因為吾係好食得辣所以我地都係叫左吾辣 飯可以轉薯粉或者米粉 味道就算中規中矩 可能因為之前有食過辣嘅酸菜魚 所以無左陣辣味好似少左小小味道 相對黎講呢個就比較淡左小小 但係魚片算滑亦都有有菇菌🍄萵苣等做配料 令個湯底都幾鮮甜而且個底都會有薯粉 份量

今次係我第二次食呢間川菜餐廳啦🤭上次食完推薦比朋友，今日大家食完，好食到朋友話下次再食🤤餐廳裝修得好企理又坐得舒服，好適合三五知己聚會👍🏻同埋啲菜式真係好適合佐返幾杯酒啦🍻藤香雞：呢個係用滕椒煮，麻香味撲鼻，而且啲雞勁滑，食到停唔到口🤤蒜香拍青瓜：蒜粒夠哂多又重口味，青瓜夠青爽，又可以清一清味蕾🤭辣子雞：雞肉仍保持到滑嫩，唔會乾身，又香又辣，惹味非常💕自選香鍋：揀左麻辣香🌶非常多配料選擇😁揀咗五花肉片，肥牛，四季豆，腐竹同小酥肉🫣一上枱已經氛香撲鼻，仲好好鑊氣添👍🏻

久違嘅川菜，因為男朋友嘅一句想食辣嘢，我呢個24孝嘅女朋友梗係立即上網搵吓邊度有好嘢食啦，結果比我搵到呢間餐廳🤤食完連男朋友都大贊好味🙈呢間餐廳唔單止食物好味，坐枱都寬闊，坐得舒服！而且餐廳提供唔同嘅辣度，大家可以因應自己食辣嘅程度而揀，咁樣真係好好👍🏻自選香鍋，呢個香鍋夠晒正！可以自己揀材料食，我哋揀咗個小辣，對我哋呢啲程度就剛剛好啦！要咗牛柏葉、田雞、小蘇肉、豆皮同腐竹，我覺得田雞一定要叫，勁鮮嫩勁入味🤭辣子雞，雞丁有好多，如果食得辣嘅朋友同啲辣椒同花生一齊食，三倍口感，辣得來又好爽😄呢兩個餸真係好送飯💕💕

呢日同女朋友因為趕住食飯所以就求其喺附近搵咗間餐廳坐低搞掂就算 點知唔打唔撞入咗間專食辣嘢嘅餐廳 因為我哋兩個都唔係好食得辣 以為今次仲唔辣到菊花要爆😅😅點知原來仲有轉機！呢度原來仲有好多家常小炒架！我哋首先就叫咗個拍青瓜•蒜蓉拍青瓜🥒•-作為前菜青瓜嘅清新 加埋蒜蓉同麻油嘅香味 識落好爽口之餘仲好開胃添！•咕嚕肉🥩•-之後我哋就叫咗個酸酸甜甜 甜甜酸酸嘅咕嚕肉！雖然佢哋主打辣嘢 但呢啲小炒一啲都唔失色 夠鑊氣之餘仲外脆內軟！ 每一件都做到好掛汁👍🏻•口水雞•-果然係佢哋嘅拿手小菜！雞件醃得非常入味 我哋叫咗小辣啱啱好 而且雞肉仲做到好鮮嫩 令到人想一食再食！•清炒萵筍🥗•-唔好睇佢好似好清淡咁 但其實都煮得好夠味！萵筍處理得相當好 唔會有根！而且仲可以保持到爽口🥰.等我記住呢間下次想食鑊氣小炒都可以嚟搵佢😆

成日經過呢間舖頭都好想試吓香鍋味道到底係點樣🤣今日就專誠過嚟試一次亦都係第一次食香鍋😂有啲緊張.💎招牌香鍋（醬香-配雞件/豬頸肉/油麥菜/雜菇/薯粉)嚟到呢間麻辣香鍋當然要試試佢嘅招牌香鍋🤣因為我哋都唔係太食得辣所以就叫咗醬香味十分之香口😍我哋自選嘅五樣配料每個配料都有好大醬香嘅味道每一啖都好滿足特別想讚一讚嘅係薯粉😆彈牙薯粉配埋醬香味😍真係食唔停口第一次體驗十分唔錯.💎$108 孜然羊肉（配6張麼麼皮）第一次食麼麼皮配羊肉估唔到有幾好喎🥳好新鮮嘅配搭麼麼皮中和左羊肉嘅嘅味道配搭得啱啱好仲有好多洋蔥做配料每一啖都好香🤣.💎$66 清炒土豆絲喺香港好少搵到好味嘅土豆絲但呢個土豆絲真係冇得頂😎份量好多每一條都係香脆有少少炒香咗嘅味道😂.下次口痕想食香鍋都要再黎

終於齊腳可以一家人出去食飯，順便慶祝媽咪生日🥰媽咪生日話晒事講到明想食川菜，我呢個孝順女一定要滿足媽咪嘅要求啦😊大家放工約咗喺旺角呢一間勁就腳嘅餐廳食飯👍🏻餐廳新淨光猛，服務員有講有笑，成餐飯食得好開心🥳蕃茄炒蛋，揀咗個家常小菜，因為之後道道都係辣嘢，所以揀番個蕃茄炒蛋清下味蕾都好😳但千祈唔好睇小碟蕃茄炒蛋，又真係幾好味，酸酸甜甜😆麻婆豆腐，麻婆豆腐勁大碟，嗰陣花椒油真係勁香，而且啲肉碎嘅鹹鮮味又好味😋辣子雞，雞丁依然都係咁嫩，而且一啲都唔油😊香辣海鮮鍋，兩個字，鮮味🤤入邊啲海鮮仲好啱我哋口味，又有鮑魚又有蟹肉又有蝦👅而且啲泡椒好香，麻辣滋味！泡椒田雞，其實我係第一次食田雞，原來係比雞肉更加鮮甜，個辣度又好味！自此愛上咗食田雞😆

媽媽個frd知我同婆婆都好中意食酸菜魚，介紹左我地去旺角一間小店食佢既酸菜魚🤩呢到舖仔細細，都幾full，我地黎果日都見有人等位😳呢到係旺角朗豪坊附近，好方便，難怪多人😅我地叫左三個餸，都已經飽晒，份量幾多👍🏻金湯酸菜魚大大一盤，好多魚，亦都好多配菜，入面有埋薯粉，唔可以唔洗額外再叫優都夠食，呢個酸菜魚唔會好辣，好岩新手❤️清炒萵筍絲火喉剛剛好，每條都保持到爽脆鮮綠🥰好好食，好refreshing 涼拌黄金皮蛋皮蛋本身質素幾好，黃金色晶瑩剔透，而且仲係糖心既🥰加小小辣汁提味，已經好正👍🏻呢到好多人都會叫啤酒，配辣野真係好夾，但係我地就叫左凍檸茶，都幾好飲😛