麻辣香鍋

营业中

休息中

金湯酸菜魚朋友食唔到水煮，所以我地食酸菜魚。嘩，原來都幾大碗，2-3個人share都得，魚片細細片，一啖一件，冇骨好方便。入面仲有大量既薯粉，我覺得好好食，味道亦唔錯。香辣蝦諗左好耐要有殼定冇殼好。最後想食有殼既蝦，所以揀左香辣蝦。初初見到幅圖，我地以為係得幾隻，點知原來係一大盤，好誇張！我同朋友超驚喜，炒得好香，我地連殼一齊食，好惹味，非常推介大家叫呢個。萵荀炒牛肉呢碟好有家的味道，牛肉應該有鬆過肉，比較淋身，萵荀都唔少。另外店員姨姨服務態度幾好~

招牌香鍋是一道麻辣調料炒菜，食材很自由，只要把自己喜愛的不論海鮮、 肉類還是蔬菜等都可以加入。鍋底由香料和醬汁烹調而成，可揀麻辣、香辣或醬香口味，至於配料就更多，有 60 款，丸類蔬菜豬手牛腩海鮮，花多眼亂配料最少選五款每樣配料$22-56 我就揀咗海蝦、田雞、牛舌、豬粉腸、蓮藕仔，配埋白飯真係好滿足😁京蔥羊肉 $108配有六張麼麼紙，好似食片皮鴨咁可包住食，都幾過癮👍🏻籐香雞 $66都幾等別，雞肉好滑，麻味重，越食越開胃😂金柑檸檬茶 $28百香果檸檬茶 $36兩杯都好好飲，唔會太甜。酸可地可清味蕾 😜

自己本身都好鍾意食辣野🤤無意中發現原來旺角有間專食川菜既小店 除左乾鍋仲有酸菜魚嗰啲食添😋估唔到平日夜晚都差唔多full曬 好誇張😱💕招牌香鍋 $26牛肉片 $46五花肉片 $42沙白 $46午餐肉 $36蓮藕 $28今次就揀左佢地既招牌香鍋試下🤤個香鍋有三隻味比你揀 分別係香辣 麻辣同醬香 辣度都可以跟返個人食到既情度去揀添😚而配料方面亦都有超多選擇 建議可以揀啲比較索味既蔬菜類😋吸曬啲麻辣味好正🥰我地今次揀左麻辣味 聽講佢地既醬汁都係自己調製架 食落去辣得好過癮 送飯超一流😌揀左5個配料 份量都唔少😝啲沙白完全唔腥又冇沙 唔錯😚啲牛肉都唔會話好韌 個人就好鍾意配蓮藕💕超爽口 同麻辣都好夾☺️唔好睇佢啲配料好似好乾咁 佢地既香鍋唔同之處係會將啲配料炸左一次 再連埋啲辣椒調味一齊炒🫢都幾惹味 整體黎講都唔錯😚💕熗炒土豆絲 $68比想像中辣好多🥵但又會令人上癮既感覺🙊份量都幾多下 炒得啱啱好 唔會太淋 好爽口🤤💕涼拌黃金皮蛋 $48配上佢地自家調配既醬汁 作為前菜黎講都唔錯🤤相比起平時食既皮蛋更加有咬口 幾得意🤣

現今好流行食麻辣，小食店，餐廳內都有，今日同事聊我食辣野，這間多款式也不錯喔☺️「回鍋肉」椰菜炒肉，份量不少👍🏻「干煸四季豆」香口！送飯一流，這個是不辣的☺️「涼拌黃金皮蛋」用上黃金皮蛋，不是周圍可食到😋「口水雞-小小辣」這辣度剛好合我心意，雞肉滑身，正呀🤩「紅糖糍粑」必叫這甜品，外脆內軟，配上黑糖醬熱熱地⭐️ 好味呀（我一人食4條😂🤣）備註：🔺門口可泊走鬼車位🚙🔺有辣唔辣可揀🥰🔺下次試香鍋，可自選配料，炒炒炒😋

今日同朋友喺朗豪坊睇完戲，見到一間應該係新開嘅麻辣香鍋，鍾意食麻辣嘅我當然要試吓啦。佢哋除咗麻辣香鍋之外，仲有酸菜魚水煮魚等等，選擇非常之多，我哋兩個人就揀咗一個香鍋，一個小菜同埋冷盤。我哋揀咗五個餸，魷魚、田雞、酥肉、肥牛同埋牛柏葉，叫咗微辣但係食落去都幾辣下，酥肉同埋田雞炸過之後吸晒啲汁，非常入味。另外仲叫咗黃金蝦球，食得出係用鹹蛋黃炒出嚟嘅，黃金醬起晒沙，蝦球又大粒炸得又香脆。不過兩個人真係食唔晒，佢嘅份量都幾大下。

經過間鋪頭嗰陣，聞到好香嘅辣味，就即刻忍唔住衝左入去試嚇🤣果然出色。📋首先我哋梗系叫咗一個香鍋先😂就揀咗-麻辣味-小辣成個味道好正宗，又麻又辣，入邊系放滿左辣椒同埋花椒、芫荽等陣間味道層次感。🔆$46 牛肉片 -好嫩滑🔆$36 芝士腸🔆$28 芋頭🔆$26 花菜 -推介🫶🏻好入味又爽脆🔆$28 蓮藕 -每一塊都大大塊！▫️$48 涼拌黃金皮蛋 -用咗佢地自家制秘制醬汁，有指天椒、湖南辣椒、黃金醬等幾十種材料製作已成，點落去好惹味🤤▫️$72 乾煸四季豆 -食落去好有鑊氣❗️又夠味，送飯一流。▫️$36 百香果檸檬茶 /檸檬茶中加入淡淡的果香味，鐘意食百香果嘅朋友一定要試嚇🫶🏻💁🏻‍♀️餐廳性價比很高，中午設有午市套餐更加平同抵食！經過旺角嘅朋友仔可以試嚇💘上菜速度很快，份量很足🙌🏻四個人食都食唔曬，最後外賣左🙌🏻🏘 店內環境整體乾淨，座位闊落💰382元 人均消費大約96元📍 地址：旺角砵蘭街198號地鋪（旺角E1出口，步行約5分鐘）

為食貓比較鍾意食西餐同日本嘢，所以好少食中式小炒但估唔到朗豪坊附近呢間麻辣香鍋會吸引到我為食貓食完之後，覺得可以返兜再返兜😝👍🏾食物旺角有好多唔同類型嘅餐廳，但呢d食辣嘅小炒好似就比較少，大多數都集中係油麻地附近😃當日為食貓出去旺角食晚飯，都無諗過呢邊有得叫餸食飯，而且重要係d好惹味嘅小炒招牌香鍋（醬香/微辣）（肥牛+沙白+五花肉+娃娃菜+墨魚餅）$26再加配料錢推介 （5/5）為食貓未食過呢類型嘅香鍋😂😂而且重可以揀麻辣或香辣或醬香😝好似打邊爐咁，但又唔係邊爐，係小炒嚟因為為食貓唔想食得咁熱氣，所以無揀麻辣🤭本身個鍋上嚟時，我哋有d失望💔因為d顏色唔夠麻辣吸精…點知食落去，真係好好食好有鑊氣，好惹味，個醬好重孜然味，但食完又唔會好口渴🤩我哋好快就清晒成碟嘢啦😅 最值得讚嘅係可以自己揀配料揀肉又得，海鮮又得，菜又得💓唔驚有人會唔啱食酸菜炒鯛魚片 $98（5/5） 至於呢個酸菜魚都炒得好好食，個汁酸酸哋，同埋都幾厚身，d魚有好多同好爽口，送飯一流😋酸辣木耳 $46 （5/5）餐廳除咗小炒之外，重有冷盤🐽佢d冷盤都整得好出色🥰個木耳夠晒入味，算係為食貓心目中嘅頭幾位（無落蒜都夠晒味👏🏾👏🏾

旺角區食野非常多選擇，如果你要食辣，這裏望望四圍就都有間，不過我地唔食辣，望見到哩個麻辣香鍋，就唔喺火鍋，今日嘗試下啦，原來屬於小炒類，今日一於食一食先啦，地方擺設都唔錯，出邊就這始終都係旺角區，人就多一啲，見佢外賣不停手，相信人氣指標，味道有著落。一個香鍋56炒，加海蝦56，肥牛46，五花肉片42，蓮藕28，四季豆26，一鍋炒200左右，不過好味大鍋，慢慢嘆，加杯啤酒正呀，火候鑊氣足，滿意之作。再加一碟酸菜炒鯛魚片，酸酸地，不過火淡淡酸甜好口味，爽爽魚片好合口味。不過白飯另加，凍飲檸茶，啤酒，加埋四百埋單，最主要方便，水準夠，享受一餐。

位於旺角既麻辣香鍋主打川菜，呢到既大廚擁有超過廿年既川菜經驗，鐘意食麻辣既朋友不妨黎呢到試下佢地既四川菜式！☺️🌟招牌香鍋 香鍋最少要叫五個餸，叫左羊卷肉片、肥牛、牛百葉、墨魚餅、蝦球， 口味可選香辣、麻辣同醬香，我地就叫左麻辣口味😋辣度都有唔辣到大辣可選！見到會咁多辣椒會以為好辣啦，但因為只係叫左微辣，又唔會話太辣，反而好惹味，有麻香既辣味超正！墨魚餅估唔到咁爽口彈牙，而且吸晒D醬汁，配飯食真係一流🤤🌟川香鮑魚雞煲半隻雞都超大煲，仲有4隻大鮑魚😍鮑魚煮到好入味同軟腍，雞肉就好嫰滑同惹味，仲有三色椒同洋蔥調味，口感好豐富😜🌟京蔥牛肉配有6張麼麼皮，好鐘意用麼麼皮包住牛肉食😋牛肉好軟腍，京蔥爆香，味道好突出，係一道惹味小炒🤩🌟酸辣木耳有木耳、青瓜絲、紅蘿蔔絲，口感爽脆，味道酸酸辣辣，係好開胃既涼拌小食🤤🌟金桔檸檬茶酸甜好飲，解辣一流🌟百香果檸檬茶百香果味香濃，夠凍好飲👍🏻

夏天雖然熱辣辣, 但所謂以毒攻毒, 食辣是必須的!😝發現朗豪坊附近開左間新野「麻辣香鍋」, 呢4個大字完完全全地吸引住我由於是日唔係太肚餓, 所以選擇叫個小菜秘制拍青瓜同炒個香鍋, 加碗白飯2份些牙, 剛剛好!☺️秘制拍青瓜好爽脆🥒, 有少少醋撈埋酸中帶小辣, 又fresh 又開胃香鍋呢度係5個餸起炒既, 我地叫左8個餸🤪🤪餸既選擇非常多, 無論肉類定菜類都係好吸引, 而且有D仲係好少有添例如小酥肉﹑蒜芯﹑粉腸等, 可惜是日無晒粉腸, 唯有叫住前面2樣先😂小酥肉雖然話「小」, 但實際好大件, 輕輕炸過有酥脆感豬大腸炸得好脆, 入味!🐷蝦球非常大隻, 而且好爽又彈牙不過中意食辣既朋友記得叫加辣, 一定會更加惹味🌶🌶

#惹味麻辣香鍋呢排天氣反覆 一係落大雨 一係勁猛太陽 翳焗悶熱 要食重口味嘢醒神 今晚相約閨蜜 食麻辣乾鍋-🥚涼拌黃金皮蛋 $48黃金皮蛋嘅外圍似食果凍 蛋心香而不膩-🌶辣子雞丁 $108食辣quota 留俾呢個小炒 雞肉細細粒 炸香之後更加酥香惹味 紅噹噹辣椒粒 搶眼而有辣勁 最令我食唔停口嘅 仲有裏面嗰啲香炒花生🥜-🥘麻辣香鍋 $26🍤海蝦 $56🥔蓮藕仔 $42🥠豬皮 $36🥓肥牛 $46🫑苦瓜 $26香鍋有三種醬汁 嗜辣食香辣/麻辣最過癮 我哋揀醬香汁 由舖頭自家製 一鍋五餸 為起二百零蚊 有海蝦有肥牛有大量蔬菜 吸收晒啲汁液 香濃惹味 好啱餸飯🍚-🍹凍柑桔檸檬茶 $28甜甜酸酸 解渴又解辣 -📍麻辣香鍋旺角砵蘭街198號地舖

👍🏻招牌麻辣香鍋 $26招牌香鍋可揀香辣/麻辣/醬香，我地嗌咗麻辣大辣麻香惹味好有鑊氣，但唔算好熗辣，辣度只係大約譚仔三小至小辣麻度溫和，係間唔時咬到花椒粒先有一陣麻痺感比較重口味，食到落底偏油，但食川菜乾鍋都係避免唔到架啦$26鍋底唔包配料，最少揀五餸起炒，我地試咗以下五款😛每樣配料份量唔算多，但至少唔會淨得大量辣椒咁整體比較細塊，唔少餸都沾滿醬汁同味粉，送飯一流，不過食完真係要飲返多啲水😗-🔸牛柏葉 +$42五款餸之中最推薦牛柏葉！乾淨冇異味，爽口完全唔韌，大大嚿掛哂汁好入味，極重口味！-🔸肥牛 +$46雖然唔係啲咩高級肥牛，但冇雪/騷味，都係比較掛汁嘅一款，面頭沾滿晒麻辣醬同花椒粒，夠哂濃味-🔸小酥肉 +$48係酥炸過嘅豬肉條，肉質偏肥軟腍唔乾身，味道有啲似上海菜個種酥炸排骨咁充滿油脂香，不過就咁食偏鹹-🔸牛肉片 +$46即係滑牛肉，肉質有彈性，唔會拿到霉晒，味道正常發揮，但就冇肥牛咁入味-🔸魷魚鬚 +$38最唔推薦呢款，唔韌不過比較幼細實肉，相比其他配料唔太入味，份量亦唔多-味道：8/10性價比：6/10-👍🏻藤椒雞 $66有驚喜！睇相睇菜名以為只係普通冷盤蒸雞，估唔到咁好食喎

点了3个菜。首先是魚香茄子，難吃，全是醋味，不知廚師是不是手震。帶著口罩都能聞到那個醋味，真心接受不了，配著飯吃都吃不下….第二個麻辣香鍋，一般。第二個麻婆豆腐中規中矩。飲品百香果巨難喝..$38，喝糖漿➕水的感覺沒有第二次…

好耐冇食辣野，果日經過旺角見倒依間麻辣香鍋就入左去試下啦。不過我都朋友本身都唔係好食得辣但又想食辣，所以全部野食都揀左微辣。餐廳唔算大，不過都坐得好舒服，座位唔會好迫。我地叫左三個野食，最好食係口水雞！份量都幾多，d雞肉質好嫩滑而且好厚肉！辣度係微辣對我地黎講就啱啱好啦。加上有花生粹同芝麻添加左香味正呀！第二碟上係冋鍋肉，我同朋友本身都鐘意食腩肉依碟回鍋肉就啱晒我地啦！雖然係腩肉但食落唔會成口油，加左唐芹同椰菜炒野味得黎又唔會好油膩！食辣野緊係唔少得麻辣香鍋啦？我地叫左個微辣麻辣味，揀左肥牛，海蝦，沙白，蓮藕 ，薯仔。海蝦同沙白都炒到好入味，加上海鮮本身ge咸鮮味，好正！肥牛就略有少少過老啦，但係味道都係非常野味！蓮藕就好爽脆加上本身帶有甜味又可以解下辣。薯仔片就比較乾身。整體黎講個香辣整得較乾身，味道方面都十分野味，我地揀左微辣都好夠辣！

今日黎左間位於旺角鬧市既川菜餐廳同朋友食晚飯~我地6點鐘到入座都有幾多位選擇, 但到左差唔多7點餐廳就開始滿座喇.....餐廳環境四正, 燈光非常光猛呢道既川菜款式豐富, 有炒鍋, 烤魚, 雞煲, 酸菜魚等....另外仲有多款小炒, 好多都好吸引, 人多食就更好, 可以試多D菜式金湯酸菜魚 $188我地2個人食, 份量都算好多呀, 食到超飽呢~~酸菜魚要左少辣, 唔好辣既我覺得辣辣地, 建議唔係好食得辣既朋友要點唔辣喇....魚片冇骨且嫩滑, 份量都幾多, 好似食極都有咁~配菜方面有大量雜菌, 薯粉等....金黃色大大盤既酸菜魚非常吸睛川香鮑魚雞煲 $168半隻鮑魚雞煲好足料呀~~ 有4隻原殼新鮮飽魚!!! 每隻仲係好大隻添呢~~雞煲烹調得非常惹味, 濃濃既醬汁配塔嫩滑既雞肉簡直啖啖滋味呢煲叫左小辣, 個辣覺度都適合食唔到辣既朋友