麻辣風雲 (已結業)

呢度都幾骨子，裝修幾好，有啲古代嘅感覺，真係中國風呀！我地先食啲前菜，最簡單一個酸辣土豆絲，薯仔絲切得好薄，口感好好，亦都真係有辣椒同青椒，夠晒酸辣，越辣越惹味，好開胃，送飯都啱😄😄另外一個都係前菜，係豐富啲既前菜，麻辣拼盤，有齊酸辣粉皮，酸辣海蜇，毛肚牛腱，雞腎同青瓜，粉皮好煙韌，又吸晒啲酸辣味，同啲海蜇一樣，口感都係好得呀，先雞牛腱都係好爽，雞翼都幾有咬口，青瓜辣得黎都好爽甜，成盤都好正😎😎然後黃金蝦就夠晒惹味，鮮蝦隻隻都大隻，蝦肉夠晒鮮嫩彈牙，炸完香脆可口，配埋香濃鹹蛋黃，啖啖咸香，份外滋味🤗🤗我地仲叫佐個自選干鍋，入面有土豆片、特色牛肉餅、萵筍、凍豆腐、五花腩片、魚春同埋白豬仔午餐肉，呢個干鍋夠晒豐富，每樣材料都好入味，辣辣地，亦都有啲炒香嘅芝麻，成個味道都好濃，就好似啲凍豆腐咁亦都好入味，惹味嘅一個干鍋🤓🤓最後食番啲甜品，酒釀丸子同埋黑糖糍粑，酒釀丸子一碗細細地，份量啱啱好，丸子幾煙韌，亦有啲桂花香，甜甜地，都真係有啲酒味；另外黑糖糍粑就更加甜，糍粑都係好煙靭，用黑糖就更加健康，甜入心呀😊😊